لا أدري من أطيع أمي التي تعبت او قاست من أجلي أو زوجتي التي سأعيش معها بقية حياتي

[D aucun]

السلام عليكم وصحة فطوركم

مختار هذه قصة مؤثرة حقا لمن للأسف منتشرة بكثرة ولولا مثل هذه القصص لما كانت ديار العجزة ممتلئة بالشيوخ والعجائز الذين لهم أبناء وبنات عاقين.
أخي إن غياب الوزاع الديني والأخلاقي هو السبب الرئيسي فيما يحدث وإن كنت لا أعفي الوالدين من المسؤولية لأنهم لو أدوا واجبهم وربوا أولادهم التربية الصحيحة لما كنا نشاهد ونعايش مثل هذه الظواهر.
أما بخصوص سؤالك حول أيهما تطيع :
فأقول لكل منهما مكانتها وإن كانت الأفضلية للأم لكن على الانسان أن يحاول فمثلما للأم علينا حقوق فللزوجة حقوق والشرع واضح في كيفية معاملة كل منهما.
وكما قال المثل كما تدين تدان، رايح يجي اليوم ويتعامل هذا الشخص بمثل ما عامل به أمه​

اهلا بالاخ حمة السوفي اولا اعتذر على التاخر في الرد لك ولجميع من رد على موضوعي
اولا اخي الكريم لو عدنا الى الجانب الديني فيكفي انو المولى عز وجل اقرن طاعة الوالدين بعبادته وايات كثيرة تدل على ذلك وديننا الاسلامي لم ينكر حق الزوجة ايضا وهذا في ايات واحاديث للنبي صلى الله عليه وسلم ايضا فلكل حقها .
هنا اخي حمة تطرقت الى التربيه خليني نقولك حاجة التربية تنتهي عند البلوغ ياك وهنا يكون الشخص كابر بالعقلية لي والفها مع والديه صح لكن ما تنساش انو تأتر فيه ايضا تربية الشارع وهنا نشوفو انو التربية هي لي تكون شخصية الشخص وانطلاقا من شخصيتو تبدا نظرتو للمجتمع ومشاكلو الور التربية تاتر صح مع اني نظن اني تناقضت مع كلام قلتو في رد سابق
ونرجعو للزوجة والام هاك خويا الواحد يحكم عقلو والمنطق في مشاكلو لانو الدين يقول لكل حقوقها وانا نقولك انو الواحد لازملو يكون عقلاني في اتخاذ القرارات وصح كيما الام عندها قلب وتكون حنينة عليك مام زوجتك عندها قلب وتحس كيفك ودير في بالك انو ماعندهاش وين تروح ماغير عندك هدا ان ةكانت صح باغية تعيش وتشوف مستقبلها اما اذا كانت من بنات الدلل فنظن انو هادو انا مانخدمهمش باسكو يجيو هوما كبار سي مي عقل صغير بزاف بزاف ونخاف نعود نربيها تاني مع البيبي لي نجيبوه وراني نقولك هاكا بسكو شفت وشفت وما تليق غير وحدة متفهمة ومتقفة ماشي قارية مي متقفة بسكو كاين القراية ربي يبارك والتقافة 0000 علاديك كي تجيبها متقفة تعرف كيفانش تسير الامور معاك وفي الاخير كلش مكاتيب وربي يديرنا نشالله في باب الربح ودمت اخي وبارك الله فيك

 

[D aucun]

كلام جميل مشكور اخي اعضائنا مشكورين مجهود اشكركم جميعا عنه تقبلو مني اجمل واحر تحيات

اخاكم حسام

برك الله فيكم​

وفيك بارك الله اخي شكرا شكرا شكرا بالنيابة ونورت الموضوع بردك دمت اخي وصح فطورك وتقبل الله صيامك وقيامك وكافة المسلمين ان شاء الله
ربي ينورك

 

[D aucun]

سلام
وشكرا على الموضوع في قمة الروعة حقا ويستاهل النقاش
على كل حال هذا الانسان مو انسان على زوجة اليوم ينسى أم سنين و هي تربي واجب عليه يحترم ويصون و......................و زوجة ولكن مشي على حساب أم تاعوا المرأة خيرها في غيرها اما أمي فهي تاج راسي و موموا عيني .تعرف أخي الكريم والله نرفزتني هذه القصة وهذا الابن الله يهديه على كل حال .
الي مافيهش الخير في أهلوا ما فيه خير في الناس
أما البنات فلا اضن أنوا ولا واحد منا ترضى لأمها هذا الشيء إذا أنا طعت أم زوجي و حترمتها وووو راح ترجع هذ المعاملة عليا و على أمي
نتمنى كل واحد يدير في بالوا أنوا مافي أغلى من الوالدين مهما صار (حقهم حق و باطلهم حق)
سلام و مشكور أخي على موضوعك ربي يحفضك

بارك الله فيك اختي كلام في المستوى
اتعلمين عجبتني بزاف واش قلت الوالدين حقهم حق وباطلهم حق ايه مي عند البعض والعياذ بالله حقهم باطل ولو كان يبنيولو قصر في هاد الدنيا واذا غلطو ومانقولوش دارو الباطل اذا غلطو يسموهم في دار العجزة ايه اختي هدا واش رانا نشوفو الناس ماعادتش في قلوبها رحمة ويجيب شيرة يتخلع وتحكمو الرعشة ويبقى غير يشوفها يفيبري يتفكر امو برك وشحال رفداتو من شهر والزوجة لي تجيبها من ورا امي نشالله بربي مانتلاقاها حتى في الطريق علاخطاك سير كلش ماغير الوالدة واذا ما لقاتني امي هنا وين تلقاني نردلها غير ذرة من الخير تاعها ؟؟
ولي يبغي يعيش تعيس في الدنيا والاخرة يلحق لامو تدعي عليه ونقولك انو دعوة الوالدين على العاق تلحق في الدنيا قبل الاخرة
مرسي اختي وربي يخليك ويعزك ودمت منورة نشالله

 

[D aucun]

سلام، نحكيلك وحد القصة صرات في عهد الرسول صلّى اللّه عليه وسلم... وهذا بإختصار شديد
رجل أتته الموت، لقّنوه الشهادة فلم يستطع إخراجها وفعلوا وأعادوا فعل ذلك لكن لا فائدة...
ذهبوا إلى الرسول صلّى الله عليه وسلّم فسأل أله أم قالوا نعم فذهبوا وسألوها أأنت راضية على ولدك؟ أجابت لا إنه يفضل زوجته عليّ، فطلبوا منها أن تسامحه وترضى عنه حتّى يستطيع نطق الشهادة، فرفضت فترجّوها فهي إن لم تفعل سيكون مصيره جهنّم والنار، فرضت عنه، وأخيرًا تمكن من نطق الشهادة...
وهذه قصة أخرى أين أسر الأعداء أب وزوج وولد إمرأة، وأتوا بها وطلبوا منها أن تختار أيّ واحد منهم كي يبقى على قيد الحياة، فكرت قليلًا وقالت الزوج موجود والولد مولود أما الأب فمن حيث بذهب لا يعود...
يا أخي زوجتك هاته لا تحب لك الخير إن كانت كذلك، كيف لا وهي تحرمك من دعوة الخير تاع يمّاك, هاذي الدعوة الّلي تعود بالخير عليك وعلى ولادك...
أمّك لا خسرتها، ولّا فقدتها ماتزيدش تلقاها، أمّا مرتك وما أكثر النساء ما نزيدش نفكرك بنسبة العنوسة اللّي تعاني منها بلادنا.
أنا صراحة الرّاجل الّي يفضّل زوجته على والديه عندي ماهوش راجل، ونحتقرو...
اللّهم إحفظ لنا والدينا، ولا تحرمنا من خدمتهم وطاعتهم وكذا دعاءهم لنا لا علينا آناء الليل وأطراف النهار. آآآآآمييين

وعليك السلام اختي
بارك الله فيك وشكرا جزيلا
تعرفي بزاف قصص وبزاف نصائح مي ماكانش وعي يا اختي سي بون ناس ما بقاتش تقبل حتى النصيحة وماتقبلش حتى انها تتعظ لروحها من هاد القصص زنزيدك أختي انك لو تنصحيه وتقوليلو تهلافي يماك يجيب من موراك ثورة وصرات وين قال واحد لواحد لتهلا في يماك وراك خدام سمعو كلام يفوق لي كان يتوقعو ونزيدك هو يحكي فيها وقلبو يتحرق وقالي الحمد لله كنا وحدنا وتخيل كنا في جماعة كان غادي يقتلني مي تعرفي تعصي والديك تشوفها في الدنيا قبل لاخرة والراجل لي يفضل زوجتو على امو دنيئ وما يستهلش حتى النظر في وجهو لانو كيف كيف زوجتو غير ماعلاباليش كيفانش جا دكر نورمالمو يجوه الخطابة لدارو يزوجو باباه ويقول انو صح عندي بنتي لانو كيما هاك يعيب كامل الرجال معاه
اشكرك جزيل الشكر اختي دمت وبارك الله فيك

 

[D aucun]

السلام عليكم

اخواني كيف ترى هدا الولد ؟ اترى هو محق فيما يفعل ؟ وهل تفضل انت زوجتك على امك او العكس؟

شوف خويا انا عن نفسي مجرد السؤال هو اجحاف في حق الوالدة الكريمة
ويسمى ايلا جاوبتك مجرد الاجابة فهذا اعتبره اهانة للوالدة
نورمالموا لحقك ميساج
سلام

وعليكم السلام
لحقني الميساج وفهمتو غايا
كلامك سطر مي فور بزاف ونقلك حاجة مانعقبش عليه لانو عجبني بزاف بزاف ونعاود نحطو كيما راهو مجرد السؤال هو اجحاف في حق الوالدة الكريمة
ويسمى ايلا جاوبتك مجرد الاجابة فهذا اعتبره اهانة للوالدة

 

[ماري حاج]

سلام
وشكرا لك اخي انت على كلامك الرائع واذا دل دل على انك ابن صالح ربي يدومها عليك ويحفضك لوالديك ويحفضهملك
انت لي منور
سلام وربي يحفضك

 

[caracala12]

السلام عليكم
اخي الفاضل هذي المشكلة الناس كامل يقاسو منها
نصيحتي لك هي
الام هي مفتاح الدنيا و الاخرة

و الزوجة هي الدنيا

اذا لا تكن عاقا لامك لان امتحان عقوق الوالدين عند كبرهما
حاول التوفيق بينهما و ان شاء الله
تجد التوفيق من الخالق عز و جل
و اسمحلي لا قلت حاجة مشي مليحة​

 

[abidou 20081]

صباح الخير خويا عبيدو
عبيدو تعرف كاين ناس تشوف بعينيها وما تأمن فمابلك كي تسمع مني ولا منك وخليني نقولك وديجا انت قلتها عبيدو تلعبهالك تقتلها وما تهلك مي غير تلحق للصح وتكفر معاها تشوف الوجه الصحيح لحبيبتك تعرف صرات عند لافامي والمشاكل شاك جور مي نقولك لي راجل توجور يبقى راجل ونزيد نقلك انو هاد لبنات عقلهم صغير بزاف بزاف وماتجي تقنعها بحاجة حنى تخرج من رحمة ربي نعرف واحد انا تزوج وحدة ايا تعرف يديرلها لي تحب مام متهلي في يماه وقاع مي يمات زوجتو واعرة جهنم تخيل نهار لي غادي تولد فيه راح داي امو ورايحين عند مرته لي في لوبيطال مي في الطريق قاتلو يماه لالا ايل فو نديو يمات زوجتك معانا كيما نت ولدي هي بنتها ماعليهش دور لوطوتاه ايا وجابها سي بون زاد البيبي وتفراو الامور وخلاصت تعرف هنا مازال للسيد غير يمات قلال ويدخل يخدم ايا ومتشوق على بال يشوف وليدو وفرحان اول مرة يترزق بولد وجايب لي كادو تاع صحابه لي يستناو فيه ويستنى يديرو صواري صغيرة ومنا ولكن ام الزوجة اصبحت رجلا وتحكم بأحكامها اتعلم قالت له الابن ابن ابنتي ويجب بل حلفت ان تستضيفه بدعوى انه حفيدي بالغ الزوج في افهامها يا امي وانا ذاهب للعمل واهلي و و و و و و لكنها اصرت هنا يدخل الشيطان وترى النيران التهبت بين الامين تخيل اخي عبيدو ماذا يفعل الزوج هنا لتجعل نفسك مكانه تم اول ما تخاطب ولدها وهي في اوج غضبها انت تفضل نسيبتك علي انا امك وهنا ترد النسيبة البنت بنتي وانا امها مالحل اتعلمون ركن سيارته في الباركينغ ترجل الشاب من سيارته واخذ المفاتيح معه و قال لهم لاهلي ولا انت والله تبقون هنا ونبيت هنا الى يوم ذهابي الى العمل يسكت الجميع يزيد غضب الولد يخاطب زوجته من تخيرين اهلك ام انا ؟؟؟؟؟انظر اين اوصلت بنتها الى مفترق الطرق ؟؟؟؟؟ اهذه ام ؟؟؟البنت تخاطب زوجها الذي لم يغضبها يوما تبتسم يعاود لها السؤال احست انه جاد بكت ؟؟؟؟ تلتفت ام الزوجة تنادي لزوجها ياتي بسيارته يحكي له الزوج مايجري ؟؟؟؟؟ يغضب الرجل اوليس بيتي ببيتكم ام انتم من شجرة وانا من اخرى ؟؟؟؟الزوج في اوج الغضب خاطبه قائلا اتعلم با ابي ها انت ها زوجتك ها ابنتكما ها ولدكما وزوجيها من تشاءون ؟؟؟ يهم لينزل زوجته التي هي في مشاكل ما بعد الولادة هنا تتشبت الزوجة بزوجها وتقول يا ابي زوجي زوجي حتى ولو امرني ان لا اراكما مجددا والله لن اراكما ؟؟؟تضم الام كنتها و تعود الام لابنتها ويبتسم الزوج والاب و هنا يأخذ الولد اى بيت جدته من الام
هنا عبيدو لاحظ الفرق الشاسع بين البنت واهلها ولاحظ حب الزوجة لزوجها ولاحظايضا كيف ربحت كنتها وكيف ربح الزوج اهل زوجته
ولكن قليلات من هم امتالها هذه قصة احد أصدقائي وهو يحكيها وغير مصدق بما فعلت زوجة اخيه وهو لازال يقول لي ان شاؤ الله ربي يعطيني امراة متلها ومن باب الضحك والفكاهة يقول انني احسدهما على ما هما فيه
اطلت اخي عبيدو لكن موجز الكلام انه الخير مراة والشر مراة وبارك الله فيك عبيدو وربي يلاقيك ببنت لحلال ودمت اخي

صحا فطورك خويا مختار وكامل لي تقولو كطاين منو درك ولا مول النصيحة يشوفو فيه فيلسوف وراه غير يتفلسف ومنين يخبطوه لحيوط ينظم هو تاني لجماعة التفلسيف ياخو يا النصيحة ولات ثقيلة بزاف يعني روح تحدث مع واحد فالجياحة يسمعلك ويزهى وروح تحدث مع واحد فالنصيحة يستنى فيك غير ويقتاش تعفو وتخليه في حالو وهذي هي مشكلتنا إذا كان واحد شاف هذيك الطريق وماخرجتش نبغو كامل نجربو مانستفادوش من واحد فات عليها هو ومخرجاتوش لالا لازم حنا تاني نجربو ومنين تقولو هذيك الطريق ماتخرجش يقولك وعلاش راك تشوف فيا غير أنا أيا معليش باش مانخرجوش على الموضوع و القصة لي راك تحكي فيها خويا مختار تصرى وتصرى وكاين ماننكروش بنات الله يبارك عليهم وماشاء الله وتعرف حق مولانا وواجبه إتجاه زوجها وماتنساش الأحاديث تاع الرسول صل الله عليه وسلم واش تقول منها ((عن ابن عباس أن رسول الله صلى الله عليه وسلم قال لو أمرت أحدا أن يسجد لأحد لأمرت المرأة أن تسجد لزوجها )) ومنها كذلك من مات زوجها غاضب عليها غضب الله عليها بشرط أن لا يكون مجحف و ظالم في حقها هي كذلك يعني الأمر ماراهو ش ساهل كيما راها الأغلبية تتصور وماكانش قد التفاهم ياخويا هو لي يبني الدار خبزة وكاس ماء وتعيش مهني ولا وجع الراس وكيما يقولو الخير مرى والشر مرى زوجة صالحة متفهمة الدنيا ومافيها زوجة متسلطة وناقمة ربي يبعدها علينا وباش نبقى دائما فالموضوع ولو حنا ماخرجناش ولن رانا نجبدو في الجوانب والأسباب بصح نقول ماكانش قد لي يعيش مع مرتو راسو راسها يتهلا في ميمتو وتتهلا هي في ميمتها ويبقاو دايما عزاز على خاطرش المشكل بين الأم وزوجة إبنها يوقع يوقع وأي تصرف يتحسب على مولاه والأم مليحة ولا قبيحة تبقى أم مهما حاولت الزوجة ومهما فعلت ونحكيلك قصة تاع واحد عندو شوية فالراس واش دار لمرتو منين قالتلو يماك مايما ومانشوفها وما تشوفني قالها ماشي مشكل واحد مايزيد يشوف لاخر بصح أنساي من اليوم باش تشوفي أنت تاني يماك هههههههههه منا على وقت ولات تقولي راجلي لعزيز وعلاش مانروحوش نطلو على يماك وهي تقول هكذا غير باش تشوف هي تاني يماها ومن تم عرفت طريقها وفهمت بلي الأم تبقى أم بغات أمو ولا أمها

ربي يحفظك خويا وربي يعطيك ماتتمنى ودعائي ليك ربي يرزقك بزوجة صالحة تصونك وتعرف قيمتك
تقبل الله منا ومنك الصيام والقيام وصالح الأعمال ​

 

[mizora]

كيما هي كيما ماما لا يوجد فرق

 

[D aucun]

لي عودة مرسي

 

[D aucun]

كيما هي كيما ماما لا يوجد فرق

واه مي لكل حدود مرسي تعيش

 

[عطر الندى]

والله يا خويا غير عندك الحق الام اولى من الزوجة والزوجة لازمها تعتبر ام زوجها امها بصح ساعات تكون الام متسلطة وتفتعل المشاكل لاتفه الاسباب يمكن لانها تظن انو الزوجة اخذت ابنها منها على هاذي لازم يحاول الزوج كيفاش يفصل بيناتهم باش مايصرا لا خلاف والا والو​

 

[marouane19]

السلام عليكم ورحمة الله وبركاته
امك تم امك تم امك .. الرسول عليه الصلاة والسلام اكد عليها 3 مرات وفي القران الكريم قال الله عز وجل ' الجنة تحت اقدام الامهات ' .. يعني ان الام هي مفتاح الجنة ادا احسنت اليها وارضيتها وارجعت جزءا ولو قليلا من خيرها بادن الله ستكون من اهل الجنة .. فكيف تسمي رجلاا من يفضل زوجته على امه لا والله مارجل بل دكر كبير في الجسم لا العقل .. اكيد نفضل امي وان شاء الله ربي يعيشها والزوجة لي تادي ام زوجها ماهي زوجة .. لدلك نسال الله الهداية للجميع وربي يزوجنا ببنات حلال ان شاء الله ربي يعيش الامهات وان شاء الله يرضاو علينا

 

[waffa]

اخي امك هي الاولى ممبعد تجي الزوجة والزوجة الي ما تحترمش ام الزوج متصلح تكون ام وزوجة وانا في راي الي مايحبش اموا ويهملها ميحبنيش ويجي انهار الي يهملني

 

[iman13]

قال رسول الله صلى الله عليه وسلم
"يامعشر المهاجرين والأنصار من فضَّل زوجتـه على أمُّه

فعليه لعنـة الله والملا ئكة والناس أجمعين، لايقبل الله منه صرفاً ولا عدلاً

إلا أن يتوب إلى الله عز وجل ويحسن إليها ويطلب رضاها .

فرضى الله في رضاها وسخط الله في سخطها"
مافي بعد حديث الرسول كلام .

فضل الأم عظيم لا يضاهيه فضل الا فضل الله .

 

[merieme hassi]

السلام عليكم
شكرا يا اخي علي هدا الطرح الهادف
القصة الي طرحتها تدل بالتاكيد علي ظلم الابن لامه
قضية الام و الابن و زوجته قضية المجتمع كل
ادا كانت الام هي ام حقيقية
و ادا كان الابن و زوجته يخافو من الله
المشكل ينحل
و كاين حاجة اخري انا ندكرها هو ظلم الام
نعم
ظلم الام لانو
هناك ام بتحب اولادها اكثر من نفسها و هده ام حقيقية
و هناك للاسف ام تحب نفسها اكثر من اولادها وتنتظر من الابناء رد تعبها و هدا النوع من الامهات لا تستطيع ارضاءها ابدا لانها تريد المزيد دائما
فالواحد منا لا يستطيع معرفة نوع امه الا بعد زواجه سواء كان دكر او انثي
فانا اقول هدا الكلام لكوني زوجة و لدي حماة
ولكوني ام و لدي ابناء
شكراااااااااااااااااااا​

 

[D aucun]

والله يا خويا غير عندك الحق الام اولى من الزوجة والزوجة لازمها تعتبر ام زوجها امها بصح ساعات تكون الام متسلطة وتفتعل المشاكل لاتفه الاسباب يمكن لانها تظن انو الزوجة اخذت ابنها منها على هاذي لازم يحاول الزوج كيفاش يفصل بيناتهم باش مايصرا لا خلاف والا والو​

ههههههه صح أختي
مي نظنك من دروك راكي تخطي كيفانش تديه ياك هههههه
راني نضحك برك خليني نقولك أنت راكي تقولي كلام وفي الواقع رانا رايحين نشوف كلام وحدخر باسكو راني شقتهم جاو ملائكة غير جابو البيبي الاول ولاو سي بون اروح نت وحكي معاهم وكأنما ضمنو الراجل يا أختي والله انا حتى ولو انك تجيبي معايا 10 علايما والله مانسمع بيك
مرسي أختي ربي يخليك

 

[D aucun]

السلام عليكم ورحمة الله وبركاته
امك تم امك تم امك .. الرسول عليه الصلاة والسلام اكد عليها 3 مرات وفي القران الكريم قال الله عز وجل ' الجنة تحت اقدام الامهات ' .. يعني ان الام هي مفتاح الجنة ادا احسنت اليها وارضيتها وارجعت جزءا ولو قليلا من خيرها بادن الله ستكون من اهل الجنة .. فكيف تسمي رجلاا من يفضل زوجته على امه لا والله مارجل بل دكر كبير في الجسم لا العقل .. اكيد نفضل امي وان شاء الله ربي يعيشها والزوجة لي تادي ام زوجها ماهي زوجة .. لدلك نسال الله الهداية للجميع وربي يزوجنا ببنات حلال ان شاء الله ربي يعيش الامهات وان شاء الله يرضاو علينا

وعليكم السلام مرسي اخي وخليني اولا نصلح الخطأ لانو ( الجنة تحت اقدام الامهات ' )حديث شرف وليس اية كريمة ومنه يتبين انو الجنة لها مفاتيح لابوابها من بينو الام
ومن يفضل لزوجة على الام هو اصلا لا يستحق الزواج لانو نورمالمو يجيبوله الخطابة للدار خطابة للدار ونشالله يلاقينا ببنات لحلال مرسي مروان ربي يخليك

 

[D aucun]

اخي امك هي الاولى ممبعد تجي الزوجة والزوجة الي ما تحترمش ام الزوج متصلح تكون ام وزوجة وانا في راي الي مايحبش اموا ويهملها ميحبنيش ويجي انهار الي يهملني

بارك الله فيك أختي لانك أكفيت بكلامك ربي يلاقيك بولد لحلال ياربي نشالله

 

[D aucun]

قال رسول الله صلى الله عليه وسلم
"يامعشر المهاجرين والأنصار من فضَّل زوجتـه على أمُّه

فعليه لعنـة الله والملا ئكة والناس أجمعين، لايقبل الله منه صرفاً ولا عدلاً

إلا أن يتوب إلى الله عز وجل ويحسن إليها ويطلب رضاها .

فرضى الله في رضاها وسخط الله في سخطها"
مافي بعد حديث الرسول كلام .

فضل الأم عظيم لا يضاهيه فضل الا فضل الله .

لا كلام فوق كلام النبي بارك الله فيك امونة