منتدى واش راك تهدر.نتكلمو بلهجتنا الجزائرية ..عاجل

[نجاة40]

لوكان اي واحد فينا يقرا موضوع ماش باللهجة نتاعنا مايردش عليه يضهرلي تنقص شويا​

 

[*amina*]

السلام عليكم
نقولك الصح انا بديت نكره المنتدى من هاد الحوايج
حاكمينها غير كوبي كولي و لازمك توصلي للصفحة 5 و لا 6 باه تلقاي موضوع مليح و ممكن تستفادي منو
و الله كانوا عندي افكار باه نديرهم مواضيع ماقدرتش علابالي يروحوا بلا مايشوفوهم الاعضاء اللي حابين النقاش و لا الاستفادة
و الله كرهونا
ميرسي على الموضوع و صحا فطورك

والله لا عندك الحق ختي و زيد تاني كي تكتبي موضوع تنقدي فيه الاعضاء لي يديرو كيما هاك والله غير يشاهدوه برك متلقاي حتى واحد يرد عليك الا من رحم ربك
شكرا ختي كلي امال على المرور

هاذو صحاب كوبي كولي فنيانين مايشتيوش يكتبو بالكلافي​

لازملهم برنامج يترجم من أي لهجة عربية إلى اللهجة تاعنا​

يا صحاب كوبي كولي ضك نخدملكم هذا البروقرام و نهنيكم​

و مرسي على النصيحة ​

و صح فطوركم

لام خويا ايوب انا شكيت مشراوهش قاع الكلافي نساوه و مجابوهش
كون غير جا هدا البروقرام ينقص شوية من ابي و شلونكم

هاديك هيا نينا يعطيك صحة حبيبتي

مزيا الي هدرتي ​

و الله هاد اليامات راني نشوف بلي مشي غير اللهجة الخليجية ​

موضوع يكون في قسم كذا يجيبوه في قسم واش راك تهدر ​

و الله غير حاجة تحير
تقول الاقسام الاخرى راهي غير مرئية ​

و سي فري هادي نتع لهجات لخرين كان غير يعاودو يكتبوه باللهجة نتاعنا​

صحيتي حبيبتي و صحا فطوورك ​

فووووور كالعادة​

انت لي فور بردك حنونتي اما على الخلاط اسكتي برك بلا منهدر وكان وحد الاعضاء لا داعي لذكر اسمائهم يحطو صور في الاقسام الاساسية نتاع المنتدى كيما المنتدى العام و افرغ واش كاين في قلبك تبهديلة هدو باين حياتهم مخلطة على حساب مراهم يخلطو

سللام

ايه صح عندك الحق لازم الدارجة ديالنا و خاصة في هادا القسم
بارك الله فيك​

وفيك بركة الله يكثر من مثال لي يحبو لهجتنا

بربي نتصداولهم وشما لقيتو نبهوني

لأني ماعنديش غير المنتدى برك
نبهوني شما تلقاو ​

​

بلا متوصي خويا عبدو رانا هنا نتعاونو

والله يعطيك الصحة خويا ايوب ...لازم traducteur كيما systran ولا babylon و يكون يترجم اللهجات سعودي دزيري ... مصري دزيري ... وراك تعرف

التفنيين وزيدها المشكل انها باللهجة الخليجية حتى ما بالعربية الفصحى

كاين مثل بالعربية الفصحى يقول :


أحشفا وسوء كيلة .... يعني التمر العيان و وزيد مش موزون مليح ..

يتقال اللي يجمل زوج خصلات ماشي ملاح كيما نقل المواضيع وزيدها بالخليجية


مرسي ليك و لنينا ..

ميرسي عليك خويا محمد والله وفيت و كفيت في الرد
بارك الله فيك

السلام عليكم امال


اذا نتي ماطرحتيش ونزيد انا منطرحش ويزيد اي واحد عندو فكرة تاع نقاش مليحة ما يطرحش وكاينن بزاف كيما كمال ولا عبيدو ولا الباتروس ولا مخطار ..والجماعة لخرين ... واش معناها ؟

يسمى هكذاك راح نخليو القسم مليان غير ب اشلونش و فينكم يا صبايا ...


بالعكس اطرحي مواضيعك وراح تلقاي ان شاء الله الناس لي تناقش واللي يخرج على الموضوع كاين خونا عبدو يحبسو عند حدو ...

ولا راني غالط ؟

ملازمش نخليو المنتدى لاعضاء كيما هذو يلعبو بيه كيما يحبو و راهم كاين لي قال عليهم خويا محمد حطو مواضيعكم و بربي ان شاء الله راح تلقاو لي يشارك فيهم كيما لقيتكم انا شاركتو في موضوعي

عندك الحق ختيتو حتى انا نتخلع نحس روحى رحلونى للمنتدى خليجى و لا انا رانى فى خليج ههههه

و تانى هاديك اللغة جينى شوية صعيبة و كيما علابالك مترجميين دوكا غلاو مع الخضرة رانى نعانى هههههه

بالاك رحتي للخليج وين تحصي ههههههه
ايه ختى كي ولات شلونكم و شلونج و ابي منتاشرة علاش متحسبيش روحك راكي في الخليج
شكرا ليك ختي

​

 

[*amina*]

لوكان اي واحد فينا يقرا موضوع ماش باللهجة نتاعنا مايردش عليه يضهرلي تنقص شويا​

ممكن عندك الحق ختي نجاة لكن واش من فايدة كي تحطي موضوع و وتخليه هكك يعوم في المنتدى يكثرو المواضيع باطل

 

[sisila]

صح أختي والله غير عدك الحق
يعطيك الصحة

 

[*amina*]

بلا مزية ختي رانا هنا باش نفيدو و نستفادو

 

[rania 3asla]

يعطيك الصحة ونا نقلك حاجة جني وجن نلقى كلمة :ابي اشوف ولا تسلمو ولا عايزة ولا فيني ...

حاطين روحهم وصلو يجيبولنا في تاوع الشرقي .. ديجا منكملش حتى الموضوع و نعتبر اللي دارتو مخلوعة و لاعبتها وهي زيرووات


مرسي على موضوعك .. كنت حاب نهدر كثر بصح رمضان رمضان نسكت خير

عندك الحق في ردك مي وعلاش ما تحولش كلامك الى الغائب المذكر خير نعتبر اللي دارتو(دارو) مخلوعة(مخلوع) و لاعبتها(ولاعبها) وهي (هو)زيرووات شكرا لكاتب الموضوع و كاين منها هادي صح ومازال يكون ان شاءالله كل واحد فينا دارها ما يعاودهاش لانو يعتبر موضوعو مش موضوع كلش منقلو على الاقل يتعب فيه غير بترجمتو الى لهجتنا

 

[zinnoo walido]

... . مارسي

 

[*amina*]

عندك الحق في ردك مي وعلاش ما تحولش كلامك الى الغائب المذكر خير نعتبر اللي دارتو(دارو) مخلوعة(مخلوع) و لاعبتها(ولاعبها) وهي (هو)زيرووات شكرا لكاتب الموضوع و كاين منها هادي صح ومازال يكون ان شاءالله كل واحد فينا دارها ما يعاودهاش لانو يعتبر موضوعو مش موضوع كلش منقلو على الاقل يتعب فيه غير بترجمتو الى لهجتنا

اكيد يا رانيا يا ختي محمد تاركان راه يقصد كي الاعضاء كي العضوات او بمعنى اصح اي واحد راه يجيب موضوع و يحطو كيما لقاه ونتمناو تزول هذي الظاهرة
شكرا ليك على المرور صحا فطورك

... . مارسي

دوغيان........................................................................................................................... الا حاب النقاط مكاش مشكل و زيد هدا موضوع للنقاش

 

[ألوان الربيع]

أنا معاك مية فالمية الشعوب العربية كامل معتزة بلهجتها غير احنا
و المنتدى اسموا واضح واش راك تهدر
شكرا عالموضوع

 

[zahra09]

بارك الله فيك​

 

[*amina*]

أنا معاك مية فالمية الشعوب العربية كامل معتزة بلهجتها غير احنا
و المنتدى اسموا واضح واش راك تهدر
شكرا عالموضوع

نتمنى انو الاعضاء يحطو لهجتنا بعين الاعتبار خاصة في هذا القسم
شكرا على المرور

بارك الله فيك​

وفيكي بركة اخت زهرة

 

[D aucun]

وانت عايزة ايه يا بنت الخير انت بتأولي علينااحنا نعمل كوبيي كولي بس انت الغلطانة يا حبيبتي وانا ليش بتعب عمري في الكتابة والمودوع دا gاهز ونgيبو لاعزاء اللمة لمعزمهم تاع استهلاك وفقط وما يحبوش ناس بتنا أش ويحبو موازيع تافهة زي تفاهتهم وانا هنا بكلم الاناس التافهين الزين ينقولو ن الموازيع حرفيا مش الاعزاء المحترمين
كدا انا حاولت نتكلم لهجgة مصرية نشالله بربي يفوأني زي الرأاصة لي عاوزت ترأص فدعت ربنا انو يوفأها

 

[*amina*]

وانت عايزة ايه يا بنت الخير انت بتأولي علينااحنا نعمل كوبيي كولي بس انت الغلطانة يا حبيبتي وانا ليش بتعب عمري في الكتابة والمودوع دا gاهز ونgيبو لاعزاء اللمة لمعزمهم تاع استهلاك وفقط وما يحبوش ناس بتنا أش ويحبو موازيع تافهة زي تفاهتهم وانا هنا بكلم الاناس التافهين الزين ينقولو ن الموازيع حرفيا مش الاعزاء المحترمين
كدا انا حاولت نتكلم لهجgة مصرية نشالله بربي يفوأني زي الرأاصة لي عاوزت ترأص فدعت ربنا انو يوفأها

واش نقلك يا خويا مختار والله فاجأني ردك بزاف وقيلة نصنعلك فيزا تروح لمصر بلاصتك ماشي هنا
عندك الحق كاين ناس تحسب بلي الاعضاء هكدا و ميتعبوش نفسهم حتى باش يترجموه للهجة نتاعنا
شكرا على مرورك دا انت نورت الموضوع اوي اوي

 

[D aucun]

واش نقلك يا خويا مختار والله فاجأني ردك بزاف وقيلة نصنعلك فيزا تروح لمصر بلاصتك ماشي هنا
عندك الحق كاين ناس تحسب بلي الاعضاء هكدا و ميتعبوش نفسهم حتى باش يترجموه للهجة نتاعنا
شكرا على مرورك دا انت نورت الموضوع اوي اوي

ريحي بالج عزيزتي
هههههه هاكي مانعرفش الخليجي غايا المهم بغيت نقولك انو ما نحكوش على البز علاخطاك مرفوع عليهم القلم و لي رانا نشوفوهم ناس كبار مي مواضيع صغار كيف عقلهم وكيف تفكيرهم
مرسي اختي وربي يخليك

 

[*amina*]

ريحي بالج عزيزتي
هههههه هاكي مانعرفش الخليجي غايا المهم بغيت نقولك انو ما نحكوش على البز علاخطاك مرفوع عليهم القلم و لي رانا نشوفوهم ناس كبار مي مواضيع صغار كيف عقلهم وكيف تفكيرهم
مرسي اختي وربي يخليك

انا والله يا خويا المختار واعوذ بالله من كلمة انا غير قتلني الخلاط كثر من اللهجة لكن الخلاط سبق وهدرت عليه و ضربو كلامي عرض الحائط واحد قتلو متزيدش تحط في القسم نتاعي اكثر من موضوعين دخلت لقيتو كاتب 19 موضوع هدا في ميزك واش ندير معاه؟؟
ربي يصلح الاحوال
ومشكور وايد على المرور

 

[D aucun]

انا والله يا خويا المختار واعوذ بالله من كلمة انا غير قتلني الخلاط كثر من اللهجة لكن الخلاط سبق وهدرت عليه و ضربو كلامي عرض الحائط واحد قتلو متزيدش تحط في القسم نتاعي اكثر من موضوعين دخلت لقيتو كاتب 19 موضوع هدا في ميزك واش ندير معاه؟؟
ربي يصلح الاحوال
ومشكور وايد على المرور

هههههههه هادي فور راكي تعرفينا حنا كيفانش دايرين ايا غير ما تشقايش تخمي تقوليلو ما ديرش يزكر فيك وراكي تعرفي خنا لينار 100في الساعة مي ماغليهش ساعفي وخلاص

 

[اشرااق]

كاين منتديات فيها جدية في النقاش كيما السياسي و الديني أنا نفضل العربية الفصحى
و كاين منتديات أخرى بروح جزائرية ماتصحش الا باللهجة الجزائرية كيما "واش راك تهدر" , " دزيري شوتايم" " فرغ قبك" و نحييك أختي على غيرتك على اللهجة الجزائرية و نتمنى من الاخوة وخاصة الاخوات تجنب اللهجات المشرقية في اللمة اذا كانو هم معتزين لهجاتهم فما يمنعنا نحن من الاعتزاز بلهجاتنا الجزائرية المختلفة ​

 

[*amina*]

هههههههه هادي فور راكي تعرفينا حنا كيفانش دايرين ايا غير ما تشقايش تخمي تقوليلو ما ديرش يزكر فيك وراكي تعرفي خنا لينار 100في الساعة مي ماغليهش ساعفي وخلاص

راني مساعفة خويا المختار ما عندي ما ندير

كاين منتديات فيها جدية في النقاش كيما السياسي و الديني أنا نفضل العربية الفصحى


و كاين منتديات أخرى بروح جزائرية ماتصحش الا باللهجة الجزائرية كيما "واش راك تهدر" , " دزيري شوتايم" " فرغ قبك" و نحييك أختي على غيرتك على اللهجة الجزائرية و نتمنى من الاخوة وخاصة الاخوات تجنب اللهجات المشرقية في اللمة اذا كانو هم معتزين لهجاتهم فما يمنعنا نحن من الاعتزاز بلهجاتنا الجزائرية المختلفة ​

صحيح فيه اقسام تصح فيها اللغة العربية الفصحة لكن كيما الاقسام لخرى لي راكي ذاكرتها راهم كاتبين بلي هنا نتكلمو بلهجتنا الجزائرية واش دانا للهجات لخرين و ابي و عايز و شلونك والله غير خلاط في خلاط واختي هذا واجب عليا اني نغير على لهجتي ولازم كامل نكونو هاكدا
صحيتي اختي على المرور

 

[شيخة اللمة]

ولله غير عندك الحق
لن شاء الله يفهموك

 

[*amina*]

ميرسي يا شيخة اللمة على المرور