يا ناس اللمة علاش ما تقيموش المواضيع ؟؟

[salah.f]

شكرا لك اخي على التنبيه بارك الله فيك

 

[Moha le sage]

ماشي غير المواضيع تتقيم كاين ردود جميلة تتقيم
ربي يهدينا للخير ربي يخليك محمد
موضوعك في القمة مشكوووور
حسام​

كيم قلت خويا حسام ... كي يعجبنا رد ايضا نقيموه ..وهاذا ثاني يخلينا نديرو ردود في مستوى المواضيع اللي طرحت

ربي يخليك خويا حسام ومشكور على المرور العطر تاعك

 

[نجمة رجاص]

راك الله يبارك عندك 4125

انا قيموني مرة وحدة برك وانا جامي قيمت

 

[** غزال الصحراء **]

راني درتلك تقييم تستاهل شريكي و معاك في كل حرف ..
​

 

[انتصار*]

التقييم اكون للمواضيع المهمة فقط ماشي كل موضوع يستحق التقيم ...هنا في اللمة تلقى لي عندو 5 نقاط خير من لي عندو 1000 ...تقبل مروري​

 

[Moha le sage]

صح كاينه منها
لاحظت بللي فاللمة التقييم بالمعرفه
معلابالهمش بجمال ولا تميز الموضوع
عجبو عضو يقيمو معجبوش والله ميشوف نقطه
مي هو لازم العدل لكل ذي حق حقه
واحد دار موضوع مشي كما واحد غير قاعد يتفنين ويدي النقط
الانسان لازم يقول الصح
وانا صراحة الموضوع اللي يعجبني نقيمو منشوفش لمولاه مليح ولا مشي مليح
شكرا ليك خويا على الموضوع
بارك الله فيك
موضوع روعه
كنت رايحه نقيمك مي الله غالب مقدرتش
غدوا نشالله تسالني تقييم
تحياتي​

اهلا فريدة ختي

كيما قلتي كلش بالمعرفة حتى التقييم والردود ..بصح معليش انا نذكر و خلي لخرين يقيمو كيما يحبو .. بصح لازم تمشي هاذ العادة تاع التقييم في المنتدى .. كيما المنتديات لخرى

وكل ما يشوف واحد تقييم راح يطلعلو المورال ويميزو على لخرين اللي مش يكتبو واللي مدايرينها غير للدوران

انا ثاني تساليني تقييم على ردك الجميل وبارك الله فيك

تحياتي ليك وصح فطورك فريدة

 

[حفيد هواري بومدين]

كيما قالت الأخت
ماش نديرو موضوع نتاع حب ونجيو نقيموه
c pa
لوجيك

​

التقييم اكون للمواضيع المهمة فقط ماشي كل موضوع يستحق التقيم ...هنا في اللمة تلقى لي عندو 5 نقاط خير من لي عندو 1000 ...تقبل مروري​

 

[لينة]

و الله غير مواضيعك الكل تستحق التقييم

 

[ألوان الربيع]

نفس رأيي مللي دخلت لهاذ المنتدى و انا نشوف فالاهمال في قضية التقييم
التقييم هو تمييز للعضو اللي يقدم أحسن ماعندو ويخدم المنتدى و الاعضاء و نضن عملية ساهلة ماكاش أسهل من الضغط على زر التقييم باش تقول بطريقة غير مباشرة شكرا لصاحب الموضوع الذي بذل جهد وأفادك
شكرا على الموضوع

 

[حفيد هواري بومدين]

يا يختي واشمن جديد كاين؟؟؟
مواضيع الحب بلكونتونار وهادا كوبي كولي
واش تقيم؟؟؟
تقيم صاحب الموضوع الاصلي
​

 

[اشرااق]

موضوع في الصميم
الكثير من الاعضاء لا يعطي قيمة لفكرة التقييم رغم انها ولو تتم بصورة صحيحة فستكون مقياسا لتصنيف الاعضاء و مدى تميزهم في هذا المنتدى فمن غير الجيد ان نرى أعضاء قدماء مشهود لهم بالتألق أو مشرفين اكفاء او حتى أعضاء جدد ممتازين ولكن نقاط تقييمهم قليلة جدا بينما نرى أن الاعضاء في المنتديات الاخرى يتنافسون في الابداع في المواضيع و يتحصلون على نقاط تقييم قد تصل الى 60 و 70 درجة في سلم التقييم ... طبعا التقييم ليس كل شئ لكنه اذا كان نزيها و في مكانه سيدفع الى المزيد من تألق الاعضاء و بالتالي ترقية المنتدى الى الافضل.
شكرا أخي تاركان على الموضوع القيم ​

 

[D aucun]

أولا محمد أخي خليني نقولك انو كاين اعضاء الله يبارك رائعين والله ترتاحلهم
مي كاين عباد تشوف كلش بالمعارف وكي بقات المعرفة في الجزاير وعلاش ما تكون في اللمة انا والله ما علابالي بالنقاط مي الجاست هو لي يحكي وهي مجرد تشجيع
ديفوا تتعب من بعد لو انهم غير يردو ما تغيضغش وانا بزاف والله نعددلك البعض منهم يدخل يشوف السيجي ما يعرفنيش والله مرسي ماكانش مي واش حاب تقول كل واحد وعقليته

 

[قناص الغرام]

صدقني محمد راني هذا واين سقسيت سي فلان مول الكوستيم على النقاط
الله غالب كاين الي مازال مايعرفش تقييم المواضيع
شكرا لهذه الالتفاتة الرائعة
تقبل مروري​

 

[maya31]

عندك صح خويا
انسان كي تقيملو المواضيع اوموان راك تقدر في مجهودات الي راه يدير و تزيد تحفزوا باش يزيد اكتر و اكتر
مي صراحة كاين مواضيع من مواضيع
كاين مواضيع ما يستحقوش تقييم
الموضوع الي يستاهل التقييم هو موضوع قيم بداتو


صحيت خويا
​

 

[caracala12]

السلام عليكم و صح رمضانك خويا
و الله عندك الحق في كل كلمة قلتها
التقييم للمواضيع و المدح يزيد يعطي حافز قوي
للاعضاء لكتابة مواضيع تانية
و يزيد النشاط لينا كامل
شكرا اخي الفاضل ​

 

[Moha le sage]

بارك الله فيك خويا محمد وماعندي ما نزيد على كلامك وحتى تطوير النقاش والحوار لازم يجي من هذا النقطة بالذات والإنسان إذا شاف روحو حط موضوع مليح ولا مشاركة مليحة وقيموه منها رايح يزيد يجتهد كثر ماشي كيما واحد يحط موضوع ويلقى روحو يدور وحدو وواحد ماعندو موضوع ماوالو دايها غير توريست فاللمة والنقاط الله يبارك ولو الواحد وأنا نهدر على نفسي مانراعيش لهذ لحوايج ولي يهمني الموضوع وكيفاش نتناقش مع مولاه بحوايج تفيدو وتفيدني ولا نحط موضوع باش يستفاد منو الأعضاء بصح كاين أعضاء يستاهلو التقييم من خلال المشاركات تاعهم من خلال المواضيع تاعهم من خلال روح المناقشة لي يتميزو بها بصح الله غالب تلقى النقاط تاعهم هبطين ومنين يخمم يقول كامل نروحو نتمسخرو وندو نقط علاش عليا نكسر راسي

ربي يحفظك وربي يخليك خويا محمد وموضوع فالقمة كي العادة ماراهيش غريبة عليا
وربي يتقبل الصيام والقيام وصالح الأعمال للجميع دمت ​

مرحبا بيك خويا عبيدو . ونا عندي الموضوع لي ما تردش فيه نتا مهوش موضوع

التقييم يميز بين الاعضاء اللي ناشطين واللي عندهم اراء و اطروحات عى الاعضاء لخرين اللي هوما اقل نشاط ولا ماشي في مستواهم ..

التقييم هو اهطاء الحق للي يستحقو .. نتا مثلا علاش نصفقو ؟ يخي هي مجرد حركة بصح تعني انا اللي صفقنالو يستاهل التحية والاحترام .. زعما عرض في مسرحية ولا حاجة اخرى .. تخيل تخلاص المسرحية بلا تصفيق ؟ يعني واحد ما عجباتو ..

زيدلها هو حافز للناس باش تتميز و تجيب الجديد اللي يستاهل التقييم

بارك الله فيك خويا عبيدو وصح فطورك

 

[هند العصفورة]

السلام عليكم
كيما قالت تسنيم كاين بعض الأعضاء جدد ربما ميعرفوش منين يقيموا على اية حال شكرا لك على النصيحة وأنا عن نفسي لو عجبني أي موضوووع وشفتوا يستاهل أكيد رايحة نقيموا
شكرا لك أخي محمد
بارك الله فيك
وصح فطورك​

 

[farah mimita]

مشكور اخي على هادا الموضوع
عندك 1000 حق
في انتظار المزيد من مواضيعك القيمة
​

 

[abidou 20081]

مرحبا بيك خويا عبيدو . ونا عندي الموضوع لي ما تردش فيه نتا مهوش موضوع

التقييم يميز بين الاعضاء اللي ناشطين واللي عندهم اراء و اطروحات عى الاعضاء لخرين اللي هوما اقل نشاط ولا ماشي في مستواهم ..

التقييم هو اهطاء الحق للي يستحقو .. نتا مثلا علاش نصفقو ؟ يخي هي مجرد حركة بصح تعني انا اللي صفقنالو يستاهل التحية والاحترام .. زعما عرض في مسرحية ولا حاجة اخرى .. تخيل تخلاص المسرحية بلا تصفيق ؟ يعني واحد ما عجباتو ..

زيدلها هو حافز للناس باش تتميز و تجيب الجديد اللي يستاهل التقييم

بارك الله فيك خويا عبيدو وصح فطورك

قبل كل شيء نقولك صحا فطورك وربي يتقبل منا ومنك ومن الجميع الصيام والقيام وصالح الأعمال
والله ياخويا غير مواضيعك لي تستاهل تاع الصح وماشي مجاملة وفي ما يخص الموضوع كاش مثال خير من المثال لي راك قلتو تاع الصح التحفيز يخلي الشخص يبدل مجهود ويحس بالناس بلي راهي مقيماتو من مواضيعو ولا من مشاركاتو ربي يحفظك وربي يخليك ودمت ودامت مواضيعك القييمة
ويعطيك الصحة خويا محمد وربي يتقبل منا ومنك ​

 

[لؤلؤة المحيط]

والله غير اول مرة نتبه لهاذ الشئ
بارك الله فيك أخي