•..•° ذكرياتك في الليسي °•..•°

[asmaa_h]

تحبي التاريخ اول واحد يقولهالي
صحيتي اسماء​

باسكو الشيخ اللي كان يقريني كان مليح

 

[وردة غرداية]

و الله صح اليسي اجمل مرحلة فوتها في حياتي...............


كاين شي ناس يقولو الجامعة خير بالصح رحت للجامعة ماكان ماكان.............


المهم انا كنت من الناس اللي يموتو على لقراية...............كنت نجي من الاولين...........و نحب كامل المواد..............و عندنا حصة الانجليزية انا الوحيدة اللي نكون مهتمة ..........قاع اللي يقراو معايا لاهيين في احوايج واحدوخرين..........و حتى الاستاذ كي يكون يشرح يشوف فيا انا برك زعمة القراية..............و كانو مايحبونيش لاخطرش منحبش التمسخير نحب نقرى برك...........


و تانيك كان اول حب ليا في الليسي كان يقرى معايا في نفس القسم.............فوتنا ايامات روعة...............


و زيد كان عندنا كار الليسي مسمينو تيتانيك..............و الله تيتانيك تاع الصح.....و انهار اللي يطيح امبان في الطريق تحلانا نروحو للدار روطار..............المهم واش نحكي اليسي روعة و اخلاص لوكان يقولولي نرجعوك لهذاك الزمان والله نرجع.................

 

[la rose de sable]

كل واحد يقولنااا وش لحاجة ليمزال متفكرها ... الطوايش اللي درتهم في الأساتذة والإدارة
وشي الحصة لي كنت تكرها وعلاه ؟ الفيزياء.. استاذنا دمو ثقيل وزيد ماهوش شباب
وشي الحصة لجامي سكتي فيها ؟ تقريبا كل الحصص.. اكثر وحدة الإنجليزية خاطر كنت مش داكور معاها ..نحب نحمصها
وشي لحصة ليكنتي تحب ترقد فيها والا رقدتي؟؟ المات.. نهار رحت لليكول ناقصة رقاد ..وكانت حصة المات في الساعة الأولى مالا كملت رقدتي في لكلاصة..بصح وش من حشمة جاتني كي نوضوني..
وشي لحصة ليكنتي تهرب فيها؟؟ ماهربتش بصح تمنيت نهرب من حصة الفيزياء
قداه خطرة تسحتي من لاكلاس؟ :sneaky2: العام هاذا ماتسحتش بصح لعوام ليفاتو تسحت بزاااف

احكيلنا وش دير في لاكلاس؟ الطوايش اللي تجي في ريسانكم الكل انا درتها
وش كان دورك تم؟؟وش كانو يعيطولك؟؟ نبض القسم...



موضوع روووعة


صح سحوركم

 

[بنت الدزاير]

السلام عليكم و صح فطوركم
عندي 3 سنين ملي كملت قرايتي في اليسي مي والله غير جامي لا نسيت صحاباتي الي قراو معايا و لحتى لضوك رانا نتلاقاو و منين ذاك نضرب دورة لليسي
alors

وشي الحصة لي كنت تكرها وعلاه:confused1: ؟كنت نكره الرياضيات ...يا بن عمي هداك الشيخ ملغري كنت والو في هاد المادة مي يشتي نوضني لسبورة و علابلكم كنت خطرات نحفظ في الاجوبة نتاع التمارين باش نوض نحلهم ههههههههههههه و العلامة نتاع المادة توجور تحت 5
وشي الحصة لجامي سكتي فيها :w00t:؟ الحصة نتاع الفلسفة هههههه باش نخرج عليها هي مادة تسحق منا نهدرو فيها بزاف ههههههههههههه
وشي لحصة ليكنتي تحب ترقد فيها والا رقدتي؟؟شفيت خطرة رقدت في الحصة نتاع الاسبانية
وشي لحصة ليكنتي تهرب فيها؟؟الحصة نتاع الادب العربي
قداه خطرة تسحتي من لاكلاس؟ :sneaky2:ماشفيتش​

احكيلنا وش دير في لاكلاس؟
كنت ندير غير في طوايش نشفى في السنة الثانية ما جبناش للكتوب نتاع الانجليزية و خرجتنا الشيخة على خاطر مركناها خلاص العام و ماعنديش كتاب و انا بسلامتي صوتي عالي بزاف قلتلهم و الله غير حتى واحد ماراح يخرج هههه و سمعتني hmy:و بيانسور انا خلصتها و هما رقدو على زوج وذنين هههههههههههه

وش كان دورك تم هههههههههه فكرتني زعما رئيسة القسم مي جامي لا جبت الحقوق لهداك القسم الطواقي قعدو شهرين مكسرين جامي لا خممت نروح نشكي للادارة ؟؟وش كانو يعيطولك راني شايفة غير الشيخ نتاع الرياضيات يعيطلي البرهان و الله ماعلابالي لاه هههههههه؟؟
احكيلنا على ذكرياتك
كنا نقعدو في الصف اللخراني كاع و تفاهمنا حنا البنات بين 4 و شاك نهار شكون الي جيب الحلوة و الكابريس و كنا دايرين برنامج صبح ناكلو الحلوة و و الي جات و في زوج السوايع نتاع لعشية ناكلو زريعة و بلا ما ننساو خير صاحبتنا ريم كانت جيبلنا البلوط هههههههههه:tongue_smilie:
و سورتو في الحصة نتاع الادب العربي واحد الشيخ شحال سامط يحتم علينا ساعة كومبلي نقراولو في الشعر و انا ما عليا غير نغيس مع الغنى بالكيتمان:music_whistling:
و في الباك قريب يلحق جوان كانت واحدة الطفلة تقرى معانا بزاف مركتها معانا تضال تزوخ علينا كنات تدير ليكور نتاع الانجليزية و بزاف سامطة و تفاهمنا نسرقولها :sneaky2: كاع ليكور الي كانو عندها باش ماتريفيزيش للباك هههههههههه:001_tt2:مسكينة ماتت من الخلعة مي الحمد لله هدانا ربي و رجعنالها ليكور نتاوعها
و الله الوقت الي عقبناه في اليسي كان فوووووووور و لوكان نحكي كاع واش دارنا نضال نهدر للسحور
ايا صح صحوركم
و تهلاو في رواحتيكم يا ولاد بلادي و يا بنات الدزاير
سمحولي طولت عليكم مي الله غالب فكرتوني في يامات الصغر هههههههه
​

​

 

[BellojojO]

باسكو الشيخ اللي كان يقريني كان مليح

ايه صح كلش على البروف صحيتي​

و الله صح اليسي اجمل مرحلة فوتها في حياتي...............


كاين شي ناس يقولو الجامعة خير بالصح رحت للجامعة ماكان ماكان............

.:thumbup::thumbup:صح كاين منها
​

المهم انا كنت من الناس اللي يموتو على لقراية...............كنت نجي من الاولين...........و نحب كامل المواد..............و عندنا حصة الانجليزية انا الوحيدة اللي نكون مهتمة ..........قاع اللي يقراو معايا لاهيين في احوايج واحدوخرين..........و حتى الاستاذ كي يكون يشرح يشوف فيا انا برك زعمة القراية..............و كانو مايحبونيش لاخطرش منحبش التمسخير نحب نقرى برك...........


و تانيك كان اول حب ليا في الليسي كان يقرى معايا في نفس القسم.............فوتنا ايامات روعة...............


و زيد كان عندنا كار الليسي مسمينو تيتانيك..............و الله تيتانيك تاع الصح.....و انهار اللي يطيح امبان في الطريق تحلانا نروحو للدار روطار..............المهم واش نحكي اليسي روعة و اخلاص لوكان يقولولي نرجعوك لهذاك الزمان والله نرجع.................

bieeen
الله يبارك
مليحة تاع التيتانيك


مرسي​

 

[sara_k]

وشي الحصة لي كنت تكرها وعلاه ؟
فرونسي~~ الاستاذة تعيي بزآآف وسامطة (ربي يغفرلي على هاذ الكلمة)
وشي الحصة لجامي سكتي فيها ؟
كل الحصص
وشي لحصة ليكنتي تحب ترقد فيها والا رقدتي؟؟
تاريخ دايما نرقد فيها
وشي لحصة ليكنتي تهرب فيها؟؟
فرونسي كي العادة
قداه خطرة تسحتي من لاكلاس؟ :sneaky2:
مانقدرش نتفكر بزااف

احكيلنا وش دير في لاكلاس؟
نرسم لوحات فنية فالحيطان والطاولات+ الفوضى + تنظيم مسابقة من يزرطي اولا؟
وش كان دورك تم؟؟وش كانو يعيطولك؟؟
انا الممول الرسمي لشركة" زرطي نستعرف بيك"
ماكانوش دايرينلي لقب
احكيلنا على ذكرياتك
آآه طويلة مانقدرش نتفكرها درك
مي فريمو عشت لحظات رووعة مع زملائي جامي ننساها
شكرآآ ورمضانك كريم
​

 

[BellojojO]

وشي الحصة لي كنت تكرها وعلاه ؟

فرونسي~~ الاستاذة تعيي بزآآف وسامطة (ربي يغفرلي على هاذ الكلمة)
وشي الحصة لجامي سكتي فيها ؟
كل الحصص
وشي لحصة ليكنتي تحب ترقد فيها والا رقدتي؟؟
تاريخ دايما نرقد فيها
وشي لحصة ليكنتي تهرب فيها؟؟
فرونسي كي العادة
قداه خطرة تسحتي من لاكلاس؟ :sneaky2:
مانقدرش نتفكر بزااف​

​

احكيلنا وش دير في لاكلاس؟
نرسم لوحات فنية فالحيطان والطاولات+ الفوضى + تنظيم مسابقة من يزرطي اولا؟
وش كان دورك تم؟؟وش كانو يعيطولك؟؟
انا الممول الرسمي لشركة" زرطي نستعرف بيك"
ماكانوش دايرينلي لقب
احكيلنا على ذكرياتك
آآه طويلة مانقدرش نتفكرها درك
مي فريمو عشت لحظات رووعة مع زملائي جامي ننساها
شكرآآ ورمضانك كريم​

هههههههههههههههههههه
تنظيم مسابقة من يزرطي اولا؟
مليحة هادي
حنا كي نكرهو نزرطيو كلاسة كامل
يعطيك الصحة
الله يسلمك و انت زادا

​

 

[din@ c00l]

يااااااا و الله غير شوقتوني لليسي ...انا هاد العام وين رح ندخلو و نحكيلكم وش ندير هههههها

 

[BellojojO]

يااااااا و الله غير شوقتوني لليسي ...انا هاد العام وين رح ندخلو و نحكيلكم وش ندير هههههها

يابنتي اديها من عند عمتك
ماتديهاش طوايش في طوايش
وقت قراية قرايييية :sneaky2:
لازم تعرفي وقتاه تضحكي وقتاه تلعبي
مش تو لوتون


صحيتييي
:001_tt2:​

 

[la pink lady]

هههههه عمتها ثاني


مي فريمون ذكرياتهم روهة عجبوني ياااسر يعطيهم الصحة


وي حنا رانا كلاسة على بعضانا مكرفسين هههههه
او قتلك بعدش لي نطقت هاذيك وش بقى هههه


نتفكر بمبو تع لمات و لاخر لي علمنا نطيبو الشربة في لفيزيا ههههههههه وحدو ال tp تع هاذاك نهار هههه

العلوم ياخي ماعندي مانحكيلك وهاذوك لي جاو برياومبلوا في بلاصة لفرونسي والتاريخ هههههههه شيطناااهم

الذراري دايرين القصبة ويشطحو في ااااااخر القسم مهابييييييل



ولا نتفكر الفرض تع لعربية لي حمادة يعيط لبرا بالطوموبيل وجناعة حالين الطاقة وهربو للشيخة ههههههههه وركبو معاه وراحو يحوسو

مهاااااااااااابل مهابل


ابابابا حكايات ياسر وياااسر خلاص مي فريمون مايتعاودوش

ولا نهار shoping هههههههههههه كان تشفاي

 

[souss]

وشي الحصة لي كنت تكرها وعلاه ؟
الفرنسية خاطر كان الاستاذ صاااااااااامط
وشي الحصة لجامي سكتي فيها ؟
كامل غير كي نكون عيانة
وشي لحصة ليكنتي تحب ترقد فيها والا رقدتي؟؟
تاريخ و جغرافيا خاطر الاستاذة أصمط من المادة و قديمة على التاريخ
وشي لحصة ليكنتي تهرب فيها؟؟
ما كنتش نهرب
قداه خطرة تسحتي من لاكلاس؟ :sneaky2:
مرة واحدة زعطني الاستاذ خاطر نهدر بزاف و ما حبش يدخلني حتى جات معايا يما

احكيلنا وش دير في لاكلاس؟
نقرا و نلعب و نحكي و ناكل و نرقد تقدر تقول كيما في دارنا


والله غير يعطيك الصحة رجعتيلي ايام الليسي و الثارمينال و فكرتيني بصحاباتي

 

[H@teM]

مالا كون نحكي انا منسكنتش
وشي الحصة لي كنت تكرها وعلاه ؟
حصة الانجليزية
وشي الحصة لجامي سكت فيها ؟
تقريبا كل الحصص
وشي لحصة ليكنتي تهرب فيها؟؟
حصة الفرنسية والانجليزية وحتى العربية
قداه خطرة تسحتي من لاكلاس؟
هادي منكدبش على اختي ديما عند الادارة
احكيلنا وش دير في لاكلاس؟
خدمتنا نقلقوا الاستاذ ونخلوه يطيح الهدرة ونرجعوا عليه
بالصوات المزعجة