- إنضم
- 26 ماي 2008
- المشاركات
- 2,332
- نقاط التفاعل
- 3
- نقاط الجوائز
- 517
صحا رمضانكم خوتي حبيت اليوم نتناقش معاكم على أمر مهم كانت الناس بكري تحط رقبتها عليها ولي هي الكلمة يعني لي عطى كلمة يموت عليها ولي هي كانت من بين الأمور لي تتبث الرجولة تاع الصح يعني كامل يقولو حبس هذاك راجل كلمتو نتيجتو ماكانش اللعب معاه ولمرى كيف كيف يقولو عليها لالا هذيك مرى ونص وإذا قالت كلمة تموت عليها وكانت الناس بكري عمرها ماتحلف يعني كي يقولو عطيتك كلمة مايزيدوش فوقها حاجا أخرى
ونعطيكم قصة من تاع ناس بكري والكلمة وين كانت توصل قالك واحد الله غالب عليه فقير مايسعى حتى حاجا كتب عليه المكتوب باش يربح شوية دراهم لازم يسافر لواحد لبلاد يجيب شوية مصيريف لدارو أيا تحزم وعطى كلمة لمرتو ولولادو قال منا على شهر بربي إن شاء الله نكون رجعت وجبت معايا شوية تاويل المشكلة المخلوق لبلاد لي سافرلها صرات فيها جريمة قتل وتصادف معاها هو حكموه وداو للمالك تاع هذيك لبلاد وكيما عيا يحلف ويقول أنا خاطيني حتى واحد ما أمن قصتو وقالهم المالك أقتلوه قعد يبكي وطلب من الملك طلب قالو راني خليت عائلة فقيرة وعطيتهم كلمة بلي نرجعلهم بشوية مصروف لوكان تخليني نروح ونوليلك ضحك المالك قالو محكوم عليك بالموت ونطلقك تروح كيما عيا يحلل مالقاش حل قالو المالك على أساس ماكانش لي يقدر يديرها قالو شوف واحد يضمن فيك والله غير نخليك تروح خزر منا ومنا قالو يالمالك أنا راني إنسان غريب وحتى واحد مايعرفني شكون لي يضمن فيا من وسط الناس كاين واحد غاضو الحال قالو أنا نضمن فيه تعجب المالك وقالو تعرفو قالو مانعرفوش بصح يبان راجل ضحك المالك وقالهم شدو هذاك في بلاصتو وطلقو لاخر يروح منا على شهر إذا ماجاش نفدو الحكم على لي ضمنو راح السيد لبلادو وعائلتو ودالهم المصروف وودعهم و جا راجع الشهر لحق على حساب المسافة تاع الطريق السيد حاكمتو الخلعة رايح يروح في بلاصت واحد أخر ضامن فيه حتى جا السيد داخل تعجب المالك وقالو كاين واحد محكوم عليه بالموت يروح ويجي قالو كاين سيد المالك وانا هو على خاطرش عطيت كلمة للسيد لضمني المالك قالو أطلب واش حبيت والراجل لي عندو كلمة عمرو مايكدب وإذا قال ماقتلش يعني صح ماقتلش وأنت واحد تصلح تخدم عندي هنا
يعني الكلمة وين وصلت في أمر وين رايح يموت ويرجع على كلمة شكون لي عندو الجرأة ويقدر يديرها ودرك يالطيف رجعنا في وقت الواحد إذا مد كلمة لصاحبو تموت في بلاصتها ماشي هو يموت عليها يعني ماعندها حتى معنى الكلمة ماولاتش تاكل يبكي وينوح ويحلف ويقسم مثلا إذا تسلف حاجا على صاحبو يقول والله غير نهار لفلاني غير تكون عندك كيلي ماقال كلمة كيلي ماحلف يعني أي ريحة تاع رجلة مافيهش وإذا قال لصاحبو الساعة لفلانية نكون عندك كيف كيف يعني كيلي العباد محطوطة فوق الرف والطفلة مع صاحبتها كيف كيف لا وقت لاكلمة وإذا دات عليها حاجا وتقولها عطيتك كلمة كيلي قالتلها راني نكدب وين رانا رايحين لوكان جاو ناس بكري معانا اليوم لوكان راهم قطعولنا ريسانا من طرف مايخلو فيها لاطفل ولا طفلة
واش هي الأسباب واش هو العلاج أسئلة كبيرة وأسئلة بزاف وتحتاج لنقاش والموضوع موضوعكم خاوتي ومنكم نستفيد
ونقولكم مقدما بارك الله فيكم وحفظكم الله ورعاكم لأي كلمة أضفتوها للموضوع *
ونعطيكم قصة من تاع ناس بكري والكلمة وين كانت توصل قالك واحد الله غالب عليه فقير مايسعى حتى حاجا كتب عليه المكتوب باش يربح شوية دراهم لازم يسافر لواحد لبلاد يجيب شوية مصيريف لدارو أيا تحزم وعطى كلمة لمرتو ولولادو قال منا على شهر بربي إن شاء الله نكون رجعت وجبت معايا شوية تاويل المشكلة المخلوق لبلاد لي سافرلها صرات فيها جريمة قتل وتصادف معاها هو حكموه وداو للمالك تاع هذيك لبلاد وكيما عيا يحلف ويقول أنا خاطيني حتى واحد ما أمن قصتو وقالهم المالك أقتلوه قعد يبكي وطلب من الملك طلب قالو راني خليت عائلة فقيرة وعطيتهم كلمة بلي نرجعلهم بشوية مصروف لوكان تخليني نروح ونوليلك ضحك المالك قالو محكوم عليك بالموت ونطلقك تروح كيما عيا يحلل مالقاش حل قالو المالك على أساس ماكانش لي يقدر يديرها قالو شوف واحد يضمن فيك والله غير نخليك تروح خزر منا ومنا قالو يالمالك أنا راني إنسان غريب وحتى واحد مايعرفني شكون لي يضمن فيا من وسط الناس كاين واحد غاضو الحال قالو أنا نضمن فيه تعجب المالك وقالو تعرفو قالو مانعرفوش بصح يبان راجل ضحك المالك وقالهم شدو هذاك في بلاصتو وطلقو لاخر يروح منا على شهر إذا ماجاش نفدو الحكم على لي ضمنو راح السيد لبلادو وعائلتو ودالهم المصروف وودعهم و جا راجع الشهر لحق على حساب المسافة تاع الطريق السيد حاكمتو الخلعة رايح يروح في بلاصت واحد أخر ضامن فيه حتى جا السيد داخل تعجب المالك وقالو كاين واحد محكوم عليه بالموت يروح ويجي قالو كاين سيد المالك وانا هو على خاطرش عطيت كلمة للسيد لضمني المالك قالو أطلب واش حبيت والراجل لي عندو كلمة عمرو مايكدب وإذا قال ماقتلش يعني صح ماقتلش وأنت واحد تصلح تخدم عندي هنا
يعني الكلمة وين وصلت في أمر وين رايح يموت ويرجع على كلمة شكون لي عندو الجرأة ويقدر يديرها ودرك يالطيف رجعنا في وقت الواحد إذا مد كلمة لصاحبو تموت في بلاصتها ماشي هو يموت عليها يعني ماعندها حتى معنى الكلمة ماولاتش تاكل يبكي وينوح ويحلف ويقسم مثلا إذا تسلف حاجا على صاحبو يقول والله غير نهار لفلاني غير تكون عندك كيلي ماقال كلمة كيلي ماحلف يعني أي ريحة تاع رجلة مافيهش وإذا قال لصاحبو الساعة لفلانية نكون عندك كيف كيف يعني كيلي العباد محطوطة فوق الرف والطفلة مع صاحبتها كيف كيف لا وقت لاكلمة وإذا دات عليها حاجا وتقولها عطيتك كلمة كيلي قالتلها راني نكدب وين رانا رايحين لوكان جاو ناس بكري معانا اليوم لوكان راهم قطعولنا ريسانا من طرف مايخلو فيها لاطفل ولا طفلة
واش هي الأسباب واش هو العلاج أسئلة كبيرة وأسئلة بزاف وتحتاج لنقاش والموضوع موضوعكم خاوتي ومنكم نستفيد
ونقولكم مقدما بارك الله فيكم وحفظكم الله ورعاكم لأي كلمة أضفتوها للموضوع *
