يا محبي اللمة... منتدى اللمة في خطر .. أنقذوها بسرعه

[زهرة الندى]

​

:cursing: :cursing: :cursing: طلعلي الgاز منكم :cursing: :cursing: :cursing:​

1 ـ عندي صحبتي أصرت عليا نشارك في المنتدى .. بصح الصراحة معجبنيش بالزاف :blink: ..
على حساب ما حكاتلي ... قلت هدا غير المنتديات اللوخرة .. صح غير.. بصح ناقصاتو حوايج، الأعضاء هم اللي يكملوها.. و المشكل أنكم عارفين النقائص و ساكتين و هدا باين من مواضيعكم ​

2 ـ أغلب الأعضاء يشكو بززززاااف من حكاية التقييم .. ياجماعة التقييم ماشي بالدراهم وما راح تخسرو والو ... اذا كان موضوع يستاهل لاه تبخل؟؟؟ قيم واكتبلو اسمك و هو يردهالك كاش نهار :thumbup:​

اللي عليكم تكليكي هنا و تكتب الملاحظة + اسمك باه يردهالك كاش نهار
( و متقولوليش .. شكرا و يعطيك الصحة و...و.... وخلاص.. شكرا + الفعل... وما قلتلكمش قيمو مو ضوعي ماراح نقبل حتى تقييم منكم .. شوفو المواضيع اللوخرة اللي تستاهل .. ماراح تخسرو والو من جيوبكم .. راها بالمزية )​

3 ـ وكاين خرين يتذمرو من المواضيع المكررة ... عندكم الحق ... لازم تبطلو هاذ التكرارات .. ذرك اللي يدخل يلقى روحو يقرا نفس المواضيع راح يكره و ما يرجعش و أنا وحدة منهم + أختي + صحبتي وحداخرة + واحد السيد يقرا معايا هادو أنا و اللي نعرفهم برك فما بالكم باللوخرين ... غيرو شوي.. جددو..... المواضيع بززاف ... احكو واش يصرالكم في اليوم .. كاش ظاهرة مش عاجباتك .... موضوع محيرك.... :thumbup: و ديما غيرو باه انحو الروتين.... مرة جد ... مرة ضحك .... :thumbup:​

4 ـ الادارة: نشكروها لي راهي قايمة بواجبها ... بصح راهي هاملة الأعضاء و مش عاطيتلهم قيمه ( :blushing: اسمحولي راني نقول واش راني نشوف :blushing: ) كنت مشاركة في منتدى اخر... العضو فيه يحس روحو ملك زمانو ... رسائل شكر من الادارة... الأوسمة .... الخ ​

صدقوني ادا بقيتو هكدا غادي تخسرو اللمه و اللمه تخسر سمعتها

​

و راني سور مترضاوهاش للمنتدى


​

 

[rania 3asla]

شكرا اختي على كلامك الصحيح لي قلتيه من خلال ملاحظاتك و يشرفنا كاين عضو كيفك يهمك ترقية اللمة وانا معاك ي كلش قلتيه و تقبلي مروري

 

[الكوثر20]

شكرا ختى ممكن عندك الحق في كلامك

 

[زهرة الندى]

رانيا و كوثر يعطيكم الصحة نورتو و الشرف ليا لي راني معاكم و نرد عليكم


بوعزة.. راك نعسان .... واقيلا غالبك رمضان ....

صح رمضانكم

 

[البسكرية1990]

راني معاك في كل كلمه قولتيها وربي يسهل باه نتغيرو للاحسن ان شاء الله

 

[زهرة الندى]

راني معاك في كل كلمه قولتيها وربي يسهل باه نتغيرو للاحسن ان شاء الله

يعطيك الصحة :thumbup::thumbup:

لازم الواحد يبدا بروحو

 

[D aucun]

ههههههههههه هنا يا اختي لازملك تخاطبي الناس حساب عقولهم وكترو لبزوز لي عقلياتهم صغار ونورمالمو كي يحكو الكبار الصغار يسكتو راكي فاهمتني باسكو ندخلوها عقلية تاع معايرة ياك عقلية تاع يرحم بوك ولا مادا بيك ولا من فضلك راحت وما تحكمش مع هدا النوع نظن فهمتيني شكرا اختي

 

[زهرة الندى]

ههههههههههه هنا يا اختي لازملك تخاطبي الناس حساب عقولهم وكترو لبزوز لي عقلياتهم صغار ونورمالمو كي يحكو الكبار الصغار يسكتو راكي فاهمتني باسكو ندخلوها عقلية تاع معايرة ياك عقلية تاع يرحم بوك ولا مادا بيك ولا من فضلك راحت وما تحكمش مع هدا النوع نظن فهمتيني شكرا اختي

:thumbup:
راني نشوف مش رايحة نطول هنا

 

[ramos el soufi]

صح كلام صحيح
يمكننا تحسين المنتدى
​

 

[D aucun]

:thumbup:
راني نشوف مش رايحة نطول هنا

ههههههههه راكي مقلقة ريحي شوية زيدي يوم ولا زوج وتعرفي غايا اسكو تروحي ولا لالا
اون سي جامي راهي الحالة ماعجباتك اليوم مي تعجبك غدوة ونت تعرفي

 

[Ninja_09]

يسلم ما خطت يداك من اقوال
انشاء اله الكل يخدم بيها​

 

[nihad_27]

كلامك صحيح ختي بارك الله فيك بيناتنا ان ابديت نمل مكانش لومبيونس

 

[محمدdzقسنطيني]

عندك الحق والله تقول عليهم يجبدو في التقيم من جيوبهم الردود وبالمعريفة هههههههههههه والله حجة تضحك سلاك وشكرا

 

[sajod2100]

شكرا لك على موضوع

 

[زهرة الندى]

صح كلام صحيح
يمكننا تحسين المنتدى

هادي لي نتمناها

ههههههههه راكي مقلقة ريحي شوية زيدي يوم ولا زوج وتعرفي غايا اسكو تروحي ولا لالا
اون سي جامي راهي الحالة ماعجباتك اليوم مي تعجبك غدوة ونت تعرفي

ممكن؟؟؟ أيا نزيدو نشوفو .. بصح صح اليوم مش عاجبني الحال :cursing:
و شكرا لدعوتك خويا :thumbup:

يسلم ما خطت يداك من اقوال


انشاء اله الكل يخدم بيها​

بارك الله فيك نينجا

كلامك صحيح ختي بارك الله فيك بيناتنا ان ابديت نمل مكانش لومبيونس

صحيتي اللومبونس ناقصة بزاف

عندك الحق والله تقول عليهم يجبدو في التقيم من جيوبهم الردود وبالمعريفة هههههههههههه والله حجة تضحك سلاك وشكرا

:laugh: :thumbup: :laugh: المعرفة هي الأساس .. كل واحد يجري على روحو :laugh:

 

[زهرة الندى]

شكرا لك على موضوع

جابلي ربي هذا واجبي .. لا شكر على واجب

 

[killua0555]

ياختيتو يعطيك الصحة على الموضوع كيما قلتى كترت الشكوى بزااف سورتو على نقاط ههههه زعما ليكول بصح راكى نصحتى دوكا ماشاء الله و الله يبارك و دقيقة تلقاى الحالة كيما كانت انا نقولك حاجة دوكا تقدامى و تعرفى ناس الى تكتب و ناس الى تنقل و تانى تعرفى بلى كاين ناس يستاهلو تقرايلهم ماشى حكاية عمر ولا حتى حاجة و كاين ناس غمضى عينك وجوزى قدام موضوعهم باش متمرضيش ههههه
انا نقولك صحباتك عندها الحق لخطر اللمة هو منتدى فور برك راه هادو يوميين شوية ناش غالبها رمضان هههههه رانى طولت عليك

 

[D aucun]

ممكن؟؟؟ أيا نزيدو نشوفو .. بصح صح اليوم مش عاجبني الحال :cursing:
و شكرا لدعوتك خويا :thumbup:

هههههههه مرسي أختي مي سيرمو ماراكي عرفتها غايا برك دروك سير تعجبك

 

[زهرة الندى]

ياختيتو يعطيك الصحة على الموضوع كيما قلتى كترت الشكوى بزااف سورتو على نقاط ههههه زعما ليكول بصح راكى نصحتى دوكا ماشاء الله و الله يبارك و دقيقة تلقاى الحالة كيما كانت انا نقولك حاجة دوكا تقدامى و تعرفى ناس الى تكتب و ناس الى تنقل و تانى تعرفى بلى كاين ناس يستاهلو تقرايلهم ماشى حكاية عمر ولا حتى حاجة و كاين ناس غمضى عينك وجوزى قدام موضوعهم باش متمرضيش ههههه
انا نقولك صحباتك عندها الحق لخطر اللمة هو منتدى فور برك راه هادو يوميين شوية ناش غالبها رمضان هههههه رانى طولت عليك

هههههههههههههههههههه مالا كي عادت حكاية غالبهم رمضان نعذرهم ههههههههه
هادا وين ريحت هههههههههههههههههه :thumbup::thumbup:

هههههههه مرسي أختي مي سيرمو ماراكي عرفتها غايا برك دروك سير تعجبك

مللي عرفت ناس كيما نتوما أكيد تعجبني :thumbup:

 

[largo19]

أنا شخصيا.. ما يهمنيش التقييم.. مي والله العظيم.. نقدر نجيب هاذ التقييم رغما عنهم..
و الله كاين شي ناس . لوكان تحط أسمك تع فتاة .. و تطرح مواضيع عاطفية .. و تطلب تقييم بكلام معسول
.. والله العظيم رايحة تتهاطل عليك الردود و التقييمات...
- عندك الحق.. لازم نغيرو شوية في ديناميكية المنتدا.. بمشاركاتنا طبعا..
و ما نخليوش منتدانا دائما في مرحلة الطفولة... لازم يكبر......
مع هذا. . نقلك.. والله ما تشوفي تقييمي.. مع أن موضوعك جييد... لأنك رفضتي التقييم من البداية يا واحد السامطة.هههههه