اتبع التعليمات في الفيديو أدناه لمعرفة كيفية تثبيت تطبيق المنتدى على هاتفك.
ملاحظة: This feature may not be available in some browsers.
صلة الرحم كانت بكري
ناس يطلوا على اقاربهم
و يروحو حتى لعندهم
مي دروك ماراناش نشوفو هاد الشيىء
يعني باقي عائلات عندهم صلات رحم و كاين الي لالا
كاين الي غي بالتريفون راهو يقرب المسافات مي ماشي صلة الرحم
و كاين الي مشغول طول الوقت زعما زعما
و الي يقطع صلة رحم لا رحم له
صحيتي ختي
و صحا فطورك موضوع رائع
يستاهل التقييم
يعطيك الصحة اختي على الموضوع
راحت العيشة تاع زمان وين كانت النية
تقبلي تحياتي
وصحا صيامك
كترة السماطة واللي الدنيا ملهياتو هي اللي ماخلاتش الناس تمشي لبعضاها..اللي تروح ليه يكرهلك احياتك وهو يلوم فيك وادا مالامكش يشكيلك همو من اللي زاد وشاف لحياة اتقولشي غير هو الي عندو مشاكل ادا اديت حاجة امعاك كي اتكون اتزور فيه يقول اعلاش تعبت روحك انت غير مع تخرج يغيضو الحال ويقول نطلب فيه ولا...وادا ما جبتش يقول جاني بيديه فارغين....انا وحدة من الناس اللي كرهولي احياتي بالسماطة وليت انسلم وانا واقفة وانعاود انروح....ورمضان كريم
صحا فطورك ختي لعزيزة أمينة ونقولك بارك الله فيك على الموضوع القيم والهادف
تاع الصح ولينا في وقت كلش نشوفو فيه يمشي بسرعة وحتى الوقت ولينا نشوفو فيه ضيق بزاف باش نزورو ولا نهتمو بزيارة ألأقارب وكامل رجعت عندنا مسلسل ولا فيلم ولا خرجة وقعدة فالزنقة خير من زيارة الأقارب وكل شيء من الوقت لي نحصلو فيه دايما لكن المشكلة فينا حنا نفسيا مافدرناش نتحكمو في رواحنا ولينا من الكره نحبو نروحو دايما لحوايج تاع الزهو وخلاص أي حاجا تخليك تنسى وتضحك وتتمسخر هذيك هي الحاجا لي ولات تهمنا ونحبو لوكان حتى واحد مايديرونجينا ولا يورينا طريق وحتى النصيحة ولات تقتل في هذا الوقت يعني لوكان تصيب يروح يطير عليك وماينصحكش والداخل تبدى تغلي وحدك وتقول أنا راسي معمر وهو يزيد يكمل عليا ومن هذ الشي تقلبنا من مجتمع مترابط ومتضامن إلى مجتمع يامن بكلمة كل واحد لاتي بهمو نبحتو على السعادة وماناش عارفين واش هي السعادة أصلا حبينا نتهناو وماعرفناش لهنا واشنو هو وعلى بيها رجعنا كيلي متبحرين ولا تايهين عايشين غير هكذا وخلاص كامل نشكو كامل عندنا مشاكل كامل نحبو نريحو وحدنا وعلى هذي رجعت الزيارة للأهل والأقارب في وقت فايت هي الزهو في حدذاته وهديك القعدات ماشاء الله والضحك واللعب رجعت درك قاعدات صامطة مافيها حتى بنا وتشوف في روحك خنقوك وضيع في وقت أنت كنت متمنيه تفوتو مع مسلسل ولا مع صحابك خير يعني أحنا في مخنا تبدلنا نفسيا هكذا ولينا نمشو ومن كلامي راني نستتني بعض الأقارب الذين تحولو إلى عقارب يعني ملي تروحلهم وأنت تشوف فيهم يشوفو فيك شوفة لوكان غير ماشفتهمش ونستتنيهم لأاننا نتحدث على سبب عزوفنا من زيارة الأقارب ولي سببو أننا رجعنا عباد نشوفو هذيك الزيارة كأنها رباط ربطونا بيه وما تريحش آليز كامل وأنت داخلك تغلي وحدك والصح أنك ماكاين والو غير هكذا تفضل شيء على شيء وخلاص ربي يحفظك ويخليك ختي أمينة على الموضوع القيم وربي يخليك ويعطيك ماتتمني ويفتح في وجهك كل بيبان الخير
تقبل الله منا ومنك ومن الجميع الصيام والقيام وصالح الأعمال
و الله غير صح موضوع في محلو
لاحظت هذى الظاهرة بزااااف و منعرفش علاه ولات الدنيا هكذا
بكري كي كانت ماني حية و الله في كل يووم عندها جاامي نشفى على روحي فات نهار و مرحتش ليها
مي درك انروح كل وحدة من عرايسها في شمبرتها انروح انضيف روحي انا ؟؟
وليت منروحش و هذا هو السبب الكبير تاع العايلة رااح
و الله تروح ليام و تبقى غير الذكريات
سماطت الأيام تاع درك وين رااهوا زماان
مشكوور على الموضوع
تقبل مرروي
اهلا خويا عبيدو
صح يا خويا وش قلت.. بصح المشاكل راهم في كل دار.. مكاش دار مافيهاش المشاكل.. بصح ماشي النهار كامل و انت تشتكي و تندب.. ماشي تروح تطل على العايلة تنحي شوية ضيقة الخاطر.. ملي تروح و هوما يزنزنو عند راسك.. مايعرفوش مامبا يقصرو.. هدي وحدة
حاجة وحدخرة..و سورمو الاغلبية روماركاو بلي العلاقات بين الاقارب ولات سطحية.. تروح تطل عليهم تحس روحك ثقيل عليهم.. يعاملوك شغل راك براني
و خلينا بلاما نهدرو على العقارب.. تروح تطل عليهم تعشي يشوفو فيك à travers .. و بلاما نحكو عالهدرة مور ظهرك.. يقطعو فيك بالموس الحافي
و خلي و خلي و خلي.. نهار نروح نشوف لافامي نحس روحي رايحة للفينgة
صحا فطورك خويا.. و بارك الله فيك على الرد المميز
الفامي تاعنا لاباس بيها
نتلاقاو chaque week end
الحمد لله
مشكورة
هه حنا نص نص مع دار خالتى متفاهميين بصح دار عمومى مكاش معاهم حتى صلة كيما نتوما هكدا نروحو نقابلو و نولى ....دوكا صلة الرحم قلت بزااف sms يفريهالك ههههه و لا زوج دقايق تاع تليفون ......مشكورة موضوع هايل
صحا فطورك ختي أمينة وربي يتقبل
صح كلامك أمينة وربي يحفظك وهذي لي راني نهدر عليها وقت فايت كي تجي رايح تزور لافامي كي توصل تحس بقلوبهم تحلت ليك ماشي غير الدار الوقت هذا تشوف غير من النظرة أنك غير مرحب بك كيلي راك ديرونجيتو كاين لي من الظروف لي عايشينها يحسبو الناس درك كلش مادة يعني كيلي راك خسرتو ولا مانيش عارف واش مالقري هي الطلة وقعدة وخزرة في وجه لحباب لو كان على كاس ماء تكفي بصح المشكلة لي زوقولوش الطابلة تاني هو يهدر وما قامش بينا وماعلاباليش واش من هدرة وعلى هذي سماطت الدعوة كامل الناس ولا ت مادية بزاف مابقاتش بلاصة للحب الصافي وكل علىبالنا كاين حاجا تفسد كلش وتمحي كل صفات الحب الصادق هي كي المادة تسكن قلب الواحد يعني ماتخليش مكان للصدق والإخلاص وعلى هذي لقينا الناس تبدلت بزاف والمشكلة واضحة هي دايما لقلوب لي ضياقت بزاف بهم الدنيا والمشاكل كاملة لوكان نشخصوها نلقاو سبابها المادة وكاين البعض ماشاء الله ماعندوش ويفرح منين يجيه حبيب يرفدو على راسو والضحك واللعب كيلي الله يبارك كاسب الدنيا وهم مهرودة عليه على خاطرش ماعندوش حاجا يسموها المادة في قلبو وكاين لي كاين لو ومنين يجيه الواحد تشعل فغيه النار يشوف روحو راك شديتو وضيعتلو وقتو وراك حكمتو على ليزافير تاعو كيما يقول وكيما على بالنا كامل دار مايدخلوهاش الضياف ماتدخلهاش الملايكة وهذي الكارثة لي مايتناساها كامل الناس ربي يخليك وربي يحفظك وربي يعطيك ماتتمني ختي أمينة ويفتح في وجهك كل بيبان الخير وبارك الله فيك على الموضوع المميز ماشي على ردي لأن موضوعك الله يبارك دمتي ودامت مواضعك المميزة
ربي يتقبل منا ومنك ومن الجميع الصيام والقيام وصالح الأعمال
لتما لقيتيني نخمم مافهمتش علاش ولينا هكدا دوكا رانا بسيف باش نتشاوفو مع الجيران الا من رحم ربي
وين راهم هادوك القعدات ايييييييه والله غير راحت لحلاوة
ولوكان نقولك شحال عندي ماشفتش بنات خالي وخالاتي ماتامنيش تقولشي مانعرف وين يسكنو
والسبب الرئيسي هو فينا حنا حنا لي مانحبوش نمشيو للغاشي باسكو لاتيين بامور في بالنا اامور هامة وهي في الحقيقة تكون في غالب الاحيان تافهة comme par exemple وحدا تقولك والله غير وحد لاسيري لازم نشوفها ولوخر يقولك اواه عندي خرجة ولوخر والله غير راني عيلن جورنيا كومبلي وانا خدام وهكدا دواليك
ربي يجيب لي فيه الخير هدا ماكان
نحن نستخدم ملفات تعريف الإرتباط (الكوكيز) الأساسية لتشغيل هذا الموقع، وملفات تعريف الإرتباط الإختيارية لتعزيز تجربتك.
