ياو نوووووووورمال.. عادي في بلادي !!!

[aMiNa-K]

السلام عليكم و رحمة الله و بركاته

مساء الخير لمة.. وشراكم؟ ان شاء الله تكونو انتيك و بيا

---------------------------------

راني حابة نحكي على احوالنا.. و على la façon de parler تاع الغاشي و التخمام تاعهم :thumbdown:.. ماشي تروماركيو بلي الغاشي يعاودو كلمة وحدة بزاف و هي (نووووورمال).. حاجة زوج تمتم يقولك نورمال

تقول حنا شعب متخلف.. يقولك ايه نورمال
تقول حنا همجيين.. يقولك نورمال
تقولهم البطاطا لحقت حتى 120 دج للكيلو يقولك نوووووورمال
تقولهم الغلا يزيد غير في رمضان يقولك نوووووورمال

يااااااااااااو.. النورمال راهو في بوبمة تاع ليسونس :cursing:

عندنا كلش نورمال.. باردين قلب.. تحير كيفاش تهدر مع عباد كما هادو :angry:

قولولي علاش كل حاجة عندنا نورمال؟.. و لا عجزنا كيفاش نفسروها ولينا نقولو نورمال؟
خلاص مالقيناش وش نديرو غير نقولو نورمال؟
علاش anormal رجعناه نورمال
هيا جاوبوني ..:glare:

-----------------------

و صحا صحوركم و تقبل الله صيام و قيام الجميع



​

 

[سكوب2]

الشعب الجزائري يقول نورمل لاخطر نورمال
​

 

[pRiAnCa*mCeE]

وكي رجعنا كلش نورمال وش صرا؟؟؟ نورمال هههههههه
مانيش علابالي انا كاين عندي anormale مش كلش نورمال يقسي لي عندهم كلش نورمال يجاوبوك شكرا على الموضوع صح صحورك

 

[SaMi_o7]

بالفعل هذا شيء عادي و ليس بالشيء الخطير أو ليس بالشيء الذي يستهل النقاش لأنها كل الأمور التي تحدثتي عنها كلها أمور نتقبلها منطقيا

و أرجو تقبل رأيي الشخصي

دمتي بود

،،,,


سلام

::
.
​

 

[la fole]

normaaaaaaaaaaaal

 

[Dr.CrAzY]

كلش نورمال
عقليةdz
يشوف ويدير لعوج ويقولك نورمال
عندنا عباد أنورمال
​

 

[●¦[ الــفـــارس ]¦●]

عارف و علاه نقلو نورمال به نصبرو روحنا

يا رجال نورمال​

 

[asmaa_h]

نورمال باسكو نورمال ساهلة ماهلة

 

[السوفي حمة]

الشعب نتاعنا علموه ميفكرش وما يخدمش
ومن كثرة الأزمات التي تعود عليها الشعب أصبح كل شيء عادي
في حياته، لهذا يجيب على أي سؤال وبعفوية تامة
normal
​

 

[رنيم الصمت]

واراه المشكل نورمال​

 

[جازية]

ياو نوووووووورمال.. عادي في بلادي ​

 

[Im here for ever]

خرجتي خرجة من القصب نتيا
الغاشي يحب يبسط الامور ومايضخمهاش هادا ماكان سي بور سا نقولو نوووووووورمال
بلاعقل برك ماتقلقيش روحك take it eazy

 

[largo19]

نوووووووووورمال.. هدرة تاع ناس ما لقاو ما يقولو....

 

[H@teM]

كلش نورمال
هادي هي بلادي
​

 

[wahid47]

هادي كلمة نورمال عندنا يقولوها نورمال ههههههههههههههههه تحيا الدزاير

 

[خديجة نوي]

نوووووووووووووورمال وانتي علاه تحيري في روحك
الخدمة ماكاش واك نورمال مش حنا رايحين نخلقو الخدمة يعني ابسط مثال
هاد المواضيع يليقلهم الاخ تركان مسكين مايحبش العوج
صحيتي تقبلي مروري

 

[abidou 20081]

صحا فطورك ختي أمينة وربي يخليك على الموضوع القيم الذي يستحق التقدير

والله ياختي غير عندك الحق والكلمة هذي عيب كبير منين نشوفو لبعيد ونخممو فالكلمة هذي كلش رجع نورمال عندك الحق منين تغيب النخوة وتغيب العقلية تاع المواجهة والمتابرة يولي كلش نورمال حنا كنا شعب لي مايعرفش كلمة نورمال ومايستعرفش بها رجعنا شعب لي نشوفوه نقولو نورمال وهذا دليل على لقلوب لي بردت الشعب يموت نورمال الشعب ماراهش عايش نورمال الأخلاق راحت نورمال ياودي لعوج راه داير حالة نورمال منين كانت ناس بكري منين تسمع كلمة تنوض وتقولك عاود واش راك تقول هذي والله ماتفرى عليها اليوم صبحنا نسمعو غير النورمال رجعنا شعب الله يخلف إلا من رحم ربك وين رانا رايحين بالنورمال هذي وحنا نشوفو في لبلاد ماكانش حاجا فيها نورمال منين تجي نورمال هذي وين تاني نلصقوها مكانش *بصح واش تحبي تديري مع ناس عندهم كلش نورمال ماعليك غير تخليهم في نورمال تاعهم هذي
ربي يحفظك وربي يخليك وربي يعطيك ماتتنمي
تقبل الله الصيام والقيام وصالح الأعمال دمتي ودامت مواضعك القيمة ​

 

[PH.AGNEAU]

خليني نقول لاختي العزيزة شيء
اوكي ما نقولوش نورمال وين راهو الفرق بين نقولو نورمال ولا أنورمال
؟؟؟؟؟؟؟؟ يا أختي مهمتنا هي في العمل والتطبيق ولاكان الهدرة غير زيادة ونزيدك في بلادنا غير قولي نورمال بسكو تقولي أنورمال ياووووووووو تولي في خبر كان علاديك تشوفي ماعلاباليش واش يصرى ياك نورمال وسي فري نورمال لانو من كبار الرؤوس راهم داخلينها نورمال والمواطن البسيط يقلبها أنورمال نظنك نت راكي أنورمال تقبلي مروري

 

[عطر الندى]

كل حاجة في بلادي نورمال مكانش حتى مشكل هههه​

 

[iman13]

انا نجاوبك اختي لانه كل شيء نورمال:laugh:
علاش تقلقي في روحك هكدا حنا مخلوقين نورمال