ياو نوووووووورمال.. عادي في بلادي !!!

[aMiNa-K]

صحا فطورك وصحورك وبالهناء إن شاء الله ختي أمينة ​

قلتي ناس بكري لو كان جاو بيناتنا اليوم مايحاربوش فرنسا ويخلوها تاكولنا ونقولك لوكان جات ناس بكري عايشة اليوم يبداو الحرب بينا حنا كي يتهناو من ملتنا هذاك الوقت يدورو لفرنسا على خاطرش ناس بكري ماتحملش الدل وما تحملش الرخس يصرى من كل جهة ولي تجي تهدر معاه يقولك نورمال يبسطو فالأمور في كلش والله ياكلمة نورمال هذي غير طلعلي الغاز تاع الصح تجي تهدر مع واحد وتقولو ياودي هذو حبو ياكلونا يقولك نورمال تقولو الخبزة رايحة تولي ب 10ألاف يقولك نورمال كلش عندهم نورمال ماندخلش في أمور أخرى على خاطرش إذا فتحتها مخك يحبس وهكذاك ويقولك نورمال وعلى هذي ناس بكري يدبحونا نورمال صح هذي تكون بالنسبة لي يقول نورما ل في هذ الأمور أعرفي بلي هو لي ماشي نورمال وأعرفي لي عندو قلبو بارد واش رايحة تديريلو والله يالوكان تضلي تحكي عندو كيف كيف وإذا كان عندو كلش نورمال واش تستناي منو هذا أقراي عليه السلام النورمال هذي هي لي راها دايتنا للواد بصح ربي يجيب لي يعرف معنتها ربي يخليك وربي يحفظك ختي أمينة ونقولك مواضيعك هي لي فور ماشي الردود تاعي والفضل كله لمواضيعك القيمة وليست مجاملة لكن حقيقة الحقيقة تفرض دايما نفسها ربي يعطيك ماتتمني وربي يفتح في وجهك كل بيبان الخير

وتقبلالله منا ومنك ومن الجميع الصيام والقيام وصالح الأعمال ​

اهلا خويا عبيدو
الله غالب الوقت تبدل.. و الناس تبدلت
واش نديرو

ايعيشك خويا
و صحا فطورك و تقبل الله​

 

[aMiNa-K]

..........................​

 

[aMiNa-K]

صحا حنونتي و الله غير موضوع هايل​

و زيد احنا عندنا كلشيىء راهو نورمال بويسك حنا ما راناش نورمال​

سي نورمال​

كل شيىء و لا انورمال ​

صحيتي حنونتي
صحا فطورك​

يعيشك اختي

نورمال ولا انورمال و الانورمال ولا نورمال
تقلبت الاية

ميرسي عليك اختي.. و صحا فطورك و تقبل الله
​

 

[aMiNa-K]

شكرا لكل من شارك في الموضوع​

 

[nina bonoise]

:confused1:​

لالا اختي راكي غالطة​

اه
اسمحيلي مالة:mellow:

 

[aMiNa-K]

اه
اسمحيلي مالة:mellow:

السماح اختي... ماصرا والو​

 

[Amira ~]

وشفيها ؟؟؟؟؟ خلي الناس تبسط الدنيا و ترتاح
مافيها والو نوووورمال هههههه
الناس برك عيات يقولو نورمال بصح من الداخل راهم فاهمين
​

 

[SaMi_o7]

اهلا خويا

عندك نورمال :w00t: :w00t: :w00t:
شوف خويا مانروحوش بعيد.. par exemple نروحو لغلاء الاسعار في رمضان..علابالي بلي الشعب تاعنا كامل الله غالب عليهم.. تصيبهم يبكيو الخبزة بالسيف باش يجيبوها .. بصح في سيدنا رمضان كامل les prix يديباصيو الدوبل.. بصح الحانوت اللي تروح ليه تصيب عندو الغاشي.. و شكون هادو اللي راهم يشرو.. الزواليا هوما اللي راهم يشرو​

عندك هدي نورمال و لا ماشي نورمال خو؟
و سي نورمال تقولي نورمال.. باسكو دزيري ​

un autre exemple .. كامل علابانا بلي ​

و لا نقولك vaux mieu نسكت مانكملش نهدر.. باسكو لوكان نكمل نهدر نجيب الصحور و مانكملش​

على العموم هدا رايك اخي و نتقبلوهم​

صحا فطورك و صحا صحورك
ميرسي​

تسلمي على اللباقة :blushing:

كل شخص بـ وجهة نظر

كلامك صحيح لكــ،ــن هذه الكلمة كما تقولين :: نورمال ::
أصبحت كلمة تقال شبه لا إراديا :001_cool:

يعني هذه الكلمة أصبحت تشابه :: السلام عليكم :: بغض النظر على أن لها تناقضات كبيرة مع المجتمع و أسعاره

أتقبل رأيك و بكل روح مناقشة

شكرآآ،،,,

فهم المقصود هو كل شيء
و الإختلاف لا يفسد للود قضية​

 

[جواهر الجزائر]

عندك الحق أختي أمينة
هادي العقلية تاع الدزرين واش تحبي
باردين قلب

 

[abidou 20081]

عندك الحق أختي أمينة
هادي العقلية تاع الدزرين واش تحبي
باردين قلب

صحا فطورك جواهر وصاحبة الموضوع في نفس الوقت ونقولها تسمحلي على هذ التدخل

وعلاش ختي جواهر وعلاش كبيرة هذي والله غير كلمة عجبتني بزاف وهي صح تعبر على برودة القلب بصح ماشي كامل لي عندهم نورمال هذي تاعهم عندك الحق فيهم بصح لي ضد هذ الكلمة وعلاش يروحو فالعفس ههههههههههههه
ربي يخليك وربي يحفظك وأرجو من صاحبة الموضوع أختي ميمي أن تعذرني على تدخلي دمتم
​

 

[aMiNa-K]

وشفيها ؟؟؟؟؟ خلي الناس تبسط الدنيا و ترتاح

مافيها والو نوووورمال هههههه
الناس برك عيات يقولو نورمال بصح من الداخل راهم فاهمين ​

علاش الناس ترتاح كي تقول نورمال.. اوموا الواحد يفرغ على قلبو شوية.. القلب كي يتعمر يجي نهار وين يكلاطي.. و ادا كلاطا الشعب تاعنا خلات​

 

[aMiNa-K]

تسلمي على اللباقة :blushing:​

كل شخص بـ وجهة نظر ​

كلامك صحيح لكــ،ــن هذه الكلمة كما تقولين :: نورمال ::
أصبحت كلمة تقال شبه لا إراديا :001_cool:​

يعني هذه الكلمة أصبحت تشابه :: السلام عليكم :: بغض النظر على أن لها تناقضات كبيرة مع المجتمع و أسعاره​

أتقبل رأيك و بكل روح مناقشة​

شكرآآ،،,,​

فهم المقصود هو كل شيء

و الإختلاف لا يفسد للود قضية​

ايه.. تقال لا اراديا:mellow:.. مرة زوج لا اراديا بصح ادا الحديث كامل يولو نورمال :confused1:.. هنا صح نورمال :blink:.. عديتوني ههههه

و كما قلت انت.. الاختلاف لا يفسد للود قضية

نورت الموضوع بمروروك
ميرسي خويا​

 

[aMiNa-K]

عندك الحق أختي أمينة
هادي العقلية تاع الدزرين واش تحبي
باردين قلب

باردين قلب برك :confused1:.. علاش عندهم قلب باش يكون بارد :blink:
يا اختي قولي هوما قاع حجر :bored: هههههه

صحا فطورك اختي جواهر (اسمك بزاف شباب)
نورتي الموضوع بمرورك :001_cool:
​

 

[Lonely Girl]

هههههههه واش امونة ينورمال وراه البروبلام متعييش راسك خليك الاز خير :thumbup:
​

 

[aMiNa-K]

صحا فطورك جواهر وصاحبة الموضوع في نفس الوقت ونقولها تسمحلي على هذ التدخل ​

وعلاش ختي جواهر وعلاش كبيرة هذي والله غير كلمة عجبتني بزاف وهي صح تعبر على برودة القلب بصح ماشي كامل لي عندهم نورمال هذي تاعهم عندك الحق فيهم بصح لي ضد هذ الكلمة وعلاش يروحو فالعفس ههههههههههههه
ربي يخليك وربي يحفظك وأرجو من صاحبة الموضوع أختي ميمي أن تعذرني على تدخلي دمتم ​

اهلا خويا عبيدو
مرحبا بيك في الموضوع في اي وقت.. الموضوع موضوعك

و الاخت عندها الحق فواش قالت.. و واحد يخسرها على عشرة.. و عشرة يخسروها على مية.. و مية يخسروها على الف.. و هي رايحة

و مكالاه تعتدر.. نووووووورمال
ههههههههه

صحا فطورك و صحا صحورك و تقبل الله
ميرسي عليك خويا عبيدو​

 

[aMiNa-K]

هههههههه واش امونة ينورمال وراه البروبلام متعييش راسك خليك الاز خير :thumbup:​

يخي قلنا النورمال راهو في البومبة تاع ليسونس.. علاش راكم تعيو فينا :cursing:
ههههه

تعرفي ضربت ساعة و انا نسيي نفهم فالزوج كلمات اللخرين هههه
قريتها الازخير.. اللازخير (واش دخل اللاز هنا.. رانا نلعبو في الكارطة هههه)

راني الاز فيزيكمو.. بصح مورالمو راني هكدا<<<<<<:blink:

نورتي الموضوع بمرورك
ميرسي اختي​

 

[abidou 20081]

اهلا خويا عبيدو
مرحبا بيك في الموضوع في اي وقت.. الموضوع موضوعك

و الاخت عندها الحق فواش قالت.. و واحد يخسرها على عشرة.. و عشرة يخسروها على مية.. و مية يخسروها على الف.. و هي رايحة

و مكالاه تعتدر.. نووووووورمال
ههههههههه

صحا فطورك و صحا صحورك و تقبل الله
ميرسي عليك خويا عبيدو​

صحا فطورك وربي يتقبل ختي أمينة
وربي يحفظك وربي يخليك
بالنسبة للاخت أنا تاني ماقلت حتى حاجا هي جابتها بصيغة الجمع وكاين لي مايفهمش دايما يحشر روحو ويحسب دايما لكلام راه عليه وأنا بالعكس وراني قلتها في المشلركة اللولة على لقلوب لي بردت
لكن وقيلا راهم عداوك بنورمال هذي ههههههههههههههههههههههههههههه
ربي يحفظك وربي يخليك وربي يعيطك ماتتمني
دمتي ودامت مواضعك المميزة

​

 

[din@ c00l]

yew koul chi normale
hhhha

 

[killua0555]

ههههه فى اللول صح صحورك و فطورك تاع غدوة

دوك نمدلك متال يجو يقولولك وزير سرق نتى واش تقولى نورمال ههههه انا جابلى ربى تالمو كترو حوايج كيما هادو ولاو نورمال و تالمو تعاودو ريحيين يولو كتر من نورمال و بزيادة متقدرييش تبدليهم مالا تنفع كلمة نورمال حب يقول هكدا و لا كتر .....بصح تانى بزاف حوايج ناس يقدرو يبدلوهم تلقايهم يغطوها بكلمة نورمال ...على هديك شد الحيط و قول نورمال فى بلادى هادى واش نقولك ختيتو موضوعك شباب كيما عادة يعطيك الصحة

 

[issamt50]

ال نورمال في الكوشة والبريوش او يطيب

""" أنا مير و أنت مير ........شكون يسوق الحمير"""""

هذا systeme نتاع يهود باش واجد لا تحمل المسئولية
البريسيدان ولا ملك ............نورمال
الشيتة ولات قفازة............نورمال
سرقوا 3200 مليـــــار .........نورمال
نو ....او ..........ر......م0....ا..........ل


نبقاو نورمال حتى يطيب البريوشششششششششششششش