واش رايح يتبدل الـ programme تاعكم مع الدخلة تاع لقرايا ؟

[lounaa]

السلام عليكم​

حبيت نشكرك خويا بزاف على الموضوع وطبعا على الإهتمام تاعك
وبالنسبة ليا البروقرام تاعي غادي يتبدل كامل في القراية
وعل خاطر وكيما روماركيت بزاف من لي ردوا انا تاني عندي الباك (واش هذا عام الباك )
وماغاديش نقدر نكونيكتي بزاف
في الدار قالك ال pc انتاردي
وهذه راهي غايضتني بزاف على خاطر
المنتدي هايل بزاف وانا كيما تشوف ماعنديش بزاف ملي انسكريت فيه
الله غالب ما كنتش نعرفوا
وهد اليامات راني غير نبرفيتي فيه
وراني مانوخرش من pc قبل ما جي القراية
وادعولنا ربي يفوت هاد العام على خير
وان شاء الله كامل ندوا الباك

وشكرا مرة اخرى ​

 

[x123]

سلام عليكم
شكرا على الاهمام خويا
اكيد رايح يتغير
انا عن نفسي ماكسيموم ساعة او ساعتين فالاسبوع او مانجيش ابدا هه
لكن هادا يطبق بعد رمضان طبعا

بارك الله فيك
​

 

[حورية الجزائر]

السلام عليكم
انا كنت حابة نكمل معاكم :blushing:
بصح راني نشوف قاع الجماعة راكم رايحين :confused1:
همالا انا تاني نروح :001_tt2:​

 

[سماح4]

شكرا محمد كي راك تسقسي علينا ...انا خممت فيك قبل وقلت راهو يعود يجي غير ساعات لاخاطر الخدمة انتاعك ما تخليكش ...وانا ثان نعود بلاك برك العشية ولا في الليل ...المدرسة مش بعيدة علينا نعود نجي ديراكت نشرب قهوة العشية عند الميكرو لا خاطر ما نصبرش على اللمة لحلوة..

 

[هند العصفورة]

السلام عليكم
أولا مبروك عليك أخي محمد الإشراف

بالنسبة ليا رايحة منوليش ندخل بزاااااف أو مندخلش لخطر ذرك وقت القراية وميعودش عندي الوقت للنت
ونتلاقا بإذن الله في أيامات أخرى
تهلاو في رواحكم
بارك الله فيك أخي​

 

[sindiana]

اه انا يتببببببببدل كومبلاتمو البروقرام تاعي ههههههه


انا نولي ندخل بالجمعة و السبت برك هههههه تولي القراية اداية قا عالوقت



المهم تحياتي للجمممممممممممممممممميع ونقوللهم ربي يوفقكمممممممم

ويا خويا تاركان قولنا انتا تاني البروقرام تاعك ههههههه باش مانتقلقوش عليك


وشكرا عالطرح المميززز
دائما مواضيعك مشوقة

 

[lala القالمية]

السلام عليكم:
صحا فطورك خويا محمد وش راك شويا؟
أه يا خويا محمد متفكرنيش كلما نتفكر باللي قريب نرجع للجاميعة قلبي يحبس
أكيد وللأسف راح يقل دخولنا للمة خاصة الجامعيين يعني ممكن من الويكاند للويكاند
خلي برك والله كون صبت هدا وين حكمت الفاكونس
ميرسي خويا محمد شكرا جزيلا موضوع رائع​

 

[Moha le sage]

اشكر جميع من مر بموضوعي ........