كامل غالطين.. علاش تمسحو الموس في المراة؟؟؟

[aMiNa-K]

السلام عليكم و رحمة الله و بركاته
مساء الخير لمة.. وشراكم؟.. ان شاء الله تكونو انتيك و بيا :001_cool:​

--------------------------------------​

في اللول حرت وين نحط الموضوع.. في منتدى واش راك تهدر!!!!!!!!! و لا هنا فرغ وش كاين في قلبك :confused1:.. pourtant باين بلي لازم نحطو في ركن الحوار و النقاش هههههههههه​

بصح في اللخر ديسيديت نحطو هنا باسكو راني حابة نفرغ وش كاين في قلبي​

----------------------​

المهم
اغلبية المجتمع تاعنا.. المشاكل اللي يصراو كامل يقولك المراة هي السبب:​

*نبداو بالمراة العاملة يقولك المراة العاملة ماشي تاع دار.. و ولادها يخرجو ضايعين.. يعني ماهناش معيشة مع مراة خدامة :thumbdown:
و نشوفو اغلب الشباب يقولك انا ندي مرا تاع دار تربيلي ولادي.. مانديش وحدة تخرج تخدم و مكانش اللي يتهلا فيا و و و و.. المهم قبل مايتزوجو يقعدو غير يتنفخو علينا و كاين حتى اللي يقولك انا نجيبها من البلاد و عمرها ماخرجت من الدار :mellow:​

بصح بعد الزواج.. بعد سنوات الراجل يولي ماشي خدام كان خدام مسكين و منبعد الشركة غلقت.. او جاو صحاب المعريفة حاوزوه.. او دار مشاكل و حاوزوه (تتعدد الاسباب و النتيجة واحدة).. يولي النهار كامل راقد و في الليل سهرات تاع دومين و لا شراب حاشاكم.. يدخل مع الفجر للدار و يخبطها برقدة حتى غدوة من داك.. هنا المراة بالسيف عليها تخرج تخدم.. سورتو ادا كانت عندها شهادة جامعية
في هاد الموقف المجتمع تاعنا مايلومش الراجل اللي قاعد في الدار.. اللي ينوض يعمرها و يضرب الطابلة برجلو.. المجتمع هنا يلوم المراة كي خرجت تخدم .. و يبداو يقولو: ايه شوفو شوفو هاديك ماتحشمش مخلية ولادها وحدهم في الدار و هي النهار كامل في الزنقة :glare:​

*و كاين حالات اخرى.. راجل خدام لاباس عليه بصح مرتو تخدم و تدير رايها (يعني هي اللي تحكم في الدار) نشوفو بزاف عايلات المراة هي المتسلطة.. وين راهي الرجلة اللي كانت قبل الزواج..
هنا تانيك انا مانلومش المراة وحدها بصح لوكان جا راجلها راجل تاع الصح مايخليش مرتو تحكم فيه..و يستهل باسكو هو اللي طلقلها الخيط.. و نستعرف بيها جاتها فرصة و طلعت فوق راسو ههههه​

*و الطالبات الجامعيات.. قالك زعمة مثقفات بصح دارونا بزاف مشاكل.. خلاص اي وحدة تقرا في الجامعة هي زغادة و ماتريحش ترانكيل.. و من علاقة لعلاقة
(و في رايي لوكان ينحو علينا الاقامات الجامعية نتهناو.. وحدة برانية صابت لا ليبارتي تخسرها على لخرين) ​

* و حتى القاعدات في الدار.. ماسلكوش.. و راكم تعرفو لسان المجتمع :crying:​

*كاين حلات بزاف بزاف.. مانقدرش ندكرهم كامل بصح كخلاصة:
في نظر المجتمع
*البطالة
*السريقة
*القتيلة
*المخدرات
.
.
.
* كامل الظواهر السيئة في المجتمع سببها المراة​

--------------​

*البطالة ماشي سببها المراة برك.. قالك النسا داو كامل مناصب العمل و ماخلينالهم والو.. بورتو الشباب تاعنا معروف بالتفنين و النيفو مكاش و يتشرطو عالخدمة.. و في اللخر يقولك نحرق​

*و السرقة ماشي سببها المرا برك.. اللي جا يسرق و منبعد يقول مالقيتش خدمة باسكو النسا ماخلاوناش​

و كلمة زوج يقولك النسا هوما السبب​

هنا.. انا مارانيش ندافع على المراة.. باسكو حنا ماراناش ملايكة.. بكري كانو قليل وين يشوفو المراة في الزنقة.. وينك ياوين يشوفو مراة تخدم.. ناس بكري زيرو الخيط بزاف على المراة.. و مور الاستقلال رخاوه بزاف.. بعدما كانت المراة ماتخرجش كامل من الدار d'un seul coup مدولها حرية مطلقة.. هنا بالسيف تنوض فتنة في المجتمع​

و الرجال تاع دوك مكان مكان.. قبل الزواج سرادك و بعد الزواج جيجان (حاشا البعض).. غير الهدرة و في الصح مكاين والو​

و المراة تانيك غالطة.. شوية خسروها على النسا كامل​

---------------​

ماتلوموش النساء برك رانا كامل غالطين.. من ناس بكري.. للرجال تاع دوك اللي خسارة فيهم كلمة راجل (حاشا البعض)..الى المجتمع كامل​

هدا رايي حبيت نقولو..و اكيد نتقبل اي اراء من عندكم​

----------------------------​

صحا فطوركم.. و تقبل الله الصيام و القيام
ميرسي​

 

[سومة سومة]

مرسي على الموضوع الرائع وصح فطورك والله سلمت اناملك

 

[D aucun]

اهلا اختي الكريمة
اولا لازم نقولك حاجة هي أنو لازم الواحد مايبرأش نفسو علاخطاك نورمالمو ولو أنا نرجعو للشرع لازم انتم تحكمو دياركم ولازم ما تخرجوش بدون محرم وهنا يحرم عليكم حتى النظر في الشارع ماشي فتوى هادي
المرأة العاملة-يا أختي سي فري وحدة تستهل تخدم تخدم والله غالب لو انا نربقو نشوفو في مجتمهنا اليوم لازملنا نرضو بالواقع الله غالب لذا ماغاديش نعلق على هاد النقطة
انا لي حيرتني هي الجامعيات وانت بريسيزتي لي سيتي لالا يا أختي ولي ماهمش مريزيديين في لاسيتي ملائكة الكل أختي الكل مشاركين في الجرم ولولا خفت روحي نتمادى بنات الجامعة كلهم مجرمين بما فيهم لافامي تاعي لي راهم جامعيات علاخطاك واش رانا نشوفو مايسمحلناش نبراو أي وحدة وان كنت غالط وعلابالي بلي غالط مي هادي هي كلهم كريمينال بحكم واش راني نشوف و واش راني نتلاقا كل يوم الجامعة بقات .............. وربي يستر
أوكي تكلما عليكم ياك واش هو ذمبنا حنا أذا انتم حكمتو الخدمة بطريقة أو باخرى ومعظمكم يتنازلو عن بعض الحقوق تاعهم في حين حنا مانحكموش خدمة لانو جينا من الجنس الخشن
زيدي وين راهو ذنبنا مين نتوما بقيتو توقفو في الطريق لابوليس نقدر نرفدها بيها بسلاحها هاداك واش ما خليتو حتى حاجة الا ودخلتوها وماكانش منها تدخلو بلاش حتى ولو اني نكون شاهد انكطم تخدمو بلاش ومانصدقش حاشا لي عندهم مناصب باينة
تقبلي مروري وصح فطورك

 

[ramos el soufi]

شكرا اختي
لكن ميش الرجال كامل هك
​

 

[simouka]

السلام عليكم

شكرا اختي على هذا الطرح ....


انا لي لفت انتباهي رد الاخ مختار
​

انا لي حيرتني هي الجامعيات وانت بريسيزتي لي سيتي لالا يا أختي ولي ماهمش مريزيديين في لاسيتي ملائكة الكل أختي الكل مشاركين في الجرم ولولا خفت روحي نتمادى بنات الجامعة كلهم مجرمين بما فيهم لافامي تاعي لي راهم جامعيات علاخطاك واش رانا نشوفو مايسمحلناش نبراو أي وحدة وان كنت غالط وعلابالي بلي غالط مي هادي هي كلهم كريمينال بحكم واش راني نشوف و واش راني نتلاقا كل يوم الجامعة بقات .............. وربي يستر

يا اخي ان بصفتي جامعية نردلك يا خويا عندها الحق الاخت امينة يا و الله الفساد لي في لاسيتي .... ما كانش كلمة لي توصفهلك هذي بنات ما يدخلوش للفجر هذي تكمي الدخان و الاخرى خدمتها دير الخيطان بين البنات و الرجال لي برا و صلوا حتى يعملوا عمليات اجهاض بيناتهم طالبة في معهد paramedical مع طالبة اخرى .... وين بيها و راك تعرف حبة خامجة فالصندوق تعدي كامل السلعة .... الا من رحم ربي ... و الله فساد كبير

و هذا ما يعنيش انو لي ساكنين برا ملائكة بصح نسبة كبيـــــــرة
و على لي قلت بنات الجامعة كلهم مجرمين صباعات يديك ماشي كيفكيف و الله الى راك غالط 300% شعال من بنت راك ظلمتها بهذ الكلمات ربي يسامحك
​

 

[foufa34]

(و في رايي لوكان ينحو علينا الاقامات الجامعية نتهناو.. وحدة برانية صابت لا ليبارتي تخسرها على لخرين)...لالا راكي غالطة هنا ماشي البرانيات كامل يحبو يقعدو في الاقامة..الله غالب مضطرين .وزيد راهم بنات البلاد ودايرين رايهم تسما ديرين كما دير البرانية ولا كتر ..لي تعود متربية سواء راهي في ولايتها ولا مهيش تعرف كفاه تمشي على روحها...الناس كامل فيهم وعليهم عزيزتي ...وحتى بنات الولاية نفسها راهم مفسدينها على الغاشي...شكرا على الموضوع...حتى انت مالازمش تمسحي الموس غير في الداخليات ...ومتحكميش عليه حتان تعيشي وسطهم

 

[foufa34]

وتاني ماشي بنات الجا معة كامل مهومش ملاح نا تاني راكم غالطين....وعلى كل حال الحمد لله لي ربي هو لي يحاسب ماشي لعباد....صحا فطوركم وربي يهدينا كامل

 

[khaledmessaoud]

السلام عليكم
مشكورا على هدا الموضوع شكرا وربي يجبلنا لي فيه الخير للبلاد والعباد قلوووووووووووووو امين

 

[النورس]

تسجيل مرور


شكرا على الموضوع
​

 

[aMiNa-K]

مرسي على الموضوع الرائع وصح فطورك والله سلمت اناملك

merci soeur​

 

[aMiNa-K]

................................

 

[aMiNa-K]

اهلا اختي الكريمة
اولا لازم نقولك حاجة هي أنو لازم الواحد مايبرأش نفسو علاخطاك نورمالمو ولو أنا نرجعو للشرع لازم انتم تحكمو دياركم ولازم ما تخرجوش بدون محرم وهنا يحرم عليكم حتى النظر في الشارع ماشي فتوى هادي
المرأة العاملة-يا أختي سي فري وحدة تستهل تخدم تخدم والله غالب لو انا نربقو نشوفو في مجتمهنا اليوم لازملنا نرضو بالواقع الله غالب لذا ماغاديش نعلق على هاد النقطة
انا لي حيرتني هي الجامعيات وانت بريسيزتي لي سيتي لالا يا أختي ولي ماهمش مريزيديين في لاسيتي ملائكة الكل أختي الكل مشاركين في الجرم ولولا خفت روحي نتمادى بنات الجامعة كلهم مجرمين بما فيهم لافامي تاعي لي راهم جامعيات علاخطاك واش رانا نشوفو مايسمحلناش نبراو أي وحدة وان كنت غالط وعلابالي بلي غالط مي هادي هي كلهم كريمينال بحكم واش راني نشوف و واش راني نتلاقا كل يوم الجامعة بقات .............. وربي يستر
أوكي تكلما عليكم ياك واش هو ذمبنا حنا أذا انتم حكمتو الخدمة بطريقة أو باخرى ومعظمكم يتنازلو عن بعض الحقوق تاعهم في حين حنا مانحكموش خدمة لانو جينا من الجنس الخشن
زيدي وين راهو ذنبنا مين نتوما بقيتو توقفو في الطريق لابوليس نقدر نرفدها بيها بسلاحها هاداك واش ما خليتو حتى حاجة الا ودخلتوها وماكانش منها تدخلو بلاش حتى ولو اني نكون شاهد انكطم تخدمو بلاش ومانصدقش حاشا لي عندهم مناصب باينة
تقبلي مروري وصح فطورك

اهلا خويا
الله يسلمك و انت زاد
صحا فطورك انت تانيك

يا خويا انا في الموضوع ماقلتش النسا مادارو والو.. صح رانا غالطين بصح ماشي غير حنا وحدنا غالطين.. انتوما تانيك غالطين.. و المجتمع كامل غالط.. و راني مديت امثلة في الموضوع

و بالنسبة للجامعيات.. هدا تانيك مثال مديتو.. و بالنسبة للاقامات ياخويا رانا نشوفو العجب.. وحدة مربية و تتقلب.. و انتقلت البنات الجامعيات كامل مجرمات هدا رايك انت برك
و بريسيزيت على الاقامات قدامنا اقامات يجو يقراو من 48 ولاية.. و حتى من الخارج
و شفناهم حتى بالجلباب كي جات نحاتو.. نسكنو على شط البحر و الله.. التاقة حرموها علينا مانحلوهاش.. هدا قاع و تقول المشكل ماشي في الاقامات
و وحدة تقرا في جامعة قدامها و الله ماتدير وش راهم دايرين .. اللي الجامعة قدامها باباها او خوها الصباح يديها يوصلها.. ماتقعدش حتى مور نص الليل باش تدخل للدار..و اللي تحب تتسوفج تخرج على برا ماشي قدام دارهم

و حاجة وحدخرة.. ياخويا غير ماتبرؤوش رواحتيكم.. رانا شفناكم وش تديرو. و راني مديت امثلة في الموضوع

و الخدنة اللي راك تقول احنا ديناهالكم و نتنازلو على اشياء باش نخدمو.. قول الصح الصح ماشي انتوما اللي راكم تجوزو فيهم بالمعريفة.. مراة عمرها ماتدخل مراة تخدم خدمة علاخاطرش هي شابة.. هدي عمرها ماتصرا

---------------------

كامل غالطين حتى واحد ما بريء

شكرا لك على المرور اخي
و صحا صحورك.. و تقبل الله​

 

[aMiNa-K]

السلام عليكم ​

شكرا اختي على هذا الطرح ....​

انا لي لفت انتباهي رد الاخ مختار ​

يا اخي ان بصفتي جامعية نردلك يا خويا عندها الحق الاخت امينة يا و الله الفساد لي في لاسيتي .... ما كانش كلمة لي توصفهلك هذي بنات ما يدخلوش للفجر هذي تكمي الدخان و الاخرى خدمتها دير الخيطان بين البنات و الرجال لي برا و صلوا حتى يعملوا عمليات اجهاض بيناتهم طالبة في معهد paramedical مع طالبة اخرى .... وين بيها و راك تعرف حبة خامجة فالصندوق تعدي كامل السلعة .... الا من رحم ربي ... و الله فساد كبير ​

و هذا ما يعنيش انو لي ساكنين برا ملائكة بصح نسبة كبيـــــــرة
و على لي قلت بنات الجامعة كلهم مجرمين صباعات يديك ماشي كيفكيف و الله الى راك غالط 300% شعال من بنت راك ظلمتها بهذ الكلمات ربي يسامحك​

واش تحبي يا اختي ماشي غير الاخ مختار اللي يقول الجامعيات كامل مجرمات.. راهي عايطة غاشي عندهم هاد الفكرة​

و هدا مثال اخر من امثلة كثيرة​

بار الله فيك اختي​

 

[aMiNa-K]

(و في رايي لوكان ينحو علينا الاقامات الجامعية نتهناو.. وحدة برانية صابت لا ليبارتي تخسرها على لخرين)...لالا راكي غالطة هنا ماشي البرانيات كامل يحبو يقعدو في الاقامة..الله غالب مضطرين .وزيد راهم بنات البلاد ودايرين رايهم تسما ديرين كما دير البرانية ولا كتر ..لي تعود متربية سواء راهي في ولايتها ولا مهيش تعرف كفاه تمشي على روحها...الناس كامل فيهم وعليهم عزيزتي ...وحتى بنات الولاية نفسها راهم مفسدينها على الغاشي...شكرا على الموضوع...حتى انت مالازمش تمسحي الموس غير في الداخليات ...ومتحكميش عليه حتان تعيشي وسطهم

راني غالطة :mellow:.. ماشي انا اللي راني نحكي.. الحكايات اللي راهم يصراو هوما اللي راهم يحكيو
شحال تعيا الطفلة تكون متربية بصح الله غالب بنات الحرام يدوها معاهم و بالاك تولي اكثر منهم

عرش اقامات قدامنا و مكالاه نعيش بيناتهم باش نعرفهم.. راهم صمطو علينا المعيشة.. حتى الوحدة ولات تحشم يوصلها باباها للجامعة

شكرا لكي على المرور اختي​

 

[aMiNa-K]

شكرا اختي

لكن ميش الرجال كامل هك​

ايه اختي.. و انا في الموضوع قلت حاشا البعض

ميرسي​

 

[aMiNa-K]

وتاني ماشي بنات الجا معة كامل مهومش ملاح نا تاني راكم غالطين....وعلى كل حال الحمد لله لي ربي هو لي يحاسب ماشي لعباد....صحا فطوركم وربي يهدينا كامل

للاسف اختي هدا راي الاخ مختار في الموضوع و راي بزاف غاشي معاه

الله يهدينا اختي
و صحا فطزرك انتي تانيك.. و تقبل الله​

​

 

[aMiNa-K]

تسجيل مرور​

شكرا على الموضوع​

العفو​

 

[aMiNa-K]

السلام عليكم
مشكورا على هدا الموضوع شكرا وربي يجبلنا لي فيه الخير للبلاد والعباد قلوووووووووووووو امين

و عليكم السلام و رحمة الله

امين يا رب
ميرسي اختي​

 

[foufa34]

راني غالطة :mellow:.. ماشي انا اللي راني نحكي.. الحكايات اللي راهم يصراو هوما اللي راهم يحكيو
شحال تعيا الطفلة تكون متربية بصح الله غالب بنات الحرام يدوها معاهم و بالاك تولي اكثر منهم

عرش اقامات قدامنا و مكالاه نعيش بيناتهم باش نعرفهم.. راهم صمطو علينا المعيشة.. حتى الوحدة ولات تحشم يوصلها باباها للجامعة

شكرا لكي على المرور اختي​

لالا عزيزتي صباع يديك ماشي كيف كيف ...لي متربية واحد مايديها ....صحا صحورك ..رانا كامل نشوفوا

 

[aMiNa-K]

لالا عزيزتي صباع يديك ماشي كيف كيف ...لي متربية واحد مايديها ....صحا صحورك ..رانا كامل نشوفوا

ايه صح اختي صباعتين اليدين ماشي كيف كيف.. حتى الفايق و تغيبلو

ميرسي عليك اختي​