كامل غالطين.. علاش تمسحو الموس في المراة؟؟؟

[D aucun]

اهلا خويا

الله يسلمك و انت زاد
صحا فطورك انت تانيك​

يا خويا انا في الموضوع ماقلتش النسا مادارو والو.. صح رانا غالطين بصح ماشي غير حنا وحدنا غالطين.. انتوما تانيك غالطين.. و المجتمع كامل غالط.. و راني مديت امثلة في الموضوع​

و بالنسبة للجامعيات.. هدا تانيك مثال مديتو.. و بالنسبة للاقامات ياخويا رانا نشوفو العجب.. وحدة مربية و تتقلب.. و انتقلت البنات الجامعيات كامل مجرمات هدا رايك انت برك
و بريسيزيت على الاقامات قدامنا اقامات يجو يقراو من 48 ولاية.. و حتى من الخارج
و شفناهم حتى بالجلباب كي جات نحاتو.. نسكنو على شط البحر و الله.. التاقة حرموها علينا مانحلوهاش.. هدا قاع و تقول المشكل ماشي في الاقامات
و وحدة تقرا في جامعة قدامها و الله ماتدير وش راهم دايرين .. اللي الجامعة قدامها باباها او خوها الصباح يديها يوصلها.. ماتقعدش حتى مور نص الليل باش تدخل للدار..و اللي تحب تتسوفج تخرج على برا ماشي قدام دارهم​

و حاجة وحدخرة.. ياخويا غير ماتبرؤوش رواحتيكم.. رانا شفناكم وش تديرو. و راني مديت امثلة في الموضوع​

و الخدنة اللي راك تقول احنا ديناهالكم و نتنازلو على اشياء باش نخدمو.. قول الصح الصح ماشي انتوما اللي راكم تجوزو فيهم بالمعريفة.. مراة عمرها ماتدخل مراة تخدم خدمة علاخاطرش هي شابة.. هدي عمرها ماتصرا​

---------------------​

كامل غالطين حتى واحد ما بريء​

شكرا لك على المرور اخي
و صحا صحورك.. و تقبل الله​

أهلا أختي ربي يخليك
اوكي قلتيلي حنا غالكين ماعليش وين هو الخطأ تاعنا؟
تم أنا ما ننكرش واش راهو دايرين بنات لي سيتي تاع الجمعات البعض بكوني أنا مريزيدي في الجامعة وكاين وين يكونو دي سيتي متقابلين ونشوفو مي ما تبرأيش بنات الولاية نفسها لانا يا أختي رانا عايشينها ومايغرك انو يجيبها بوها ولا خوها أوكي هادي ماش قياس و أذا بغيتي نعطيك أمتلة وواش صرى وهنا ناكدلك أنو الكل مشاركين في الجرم وبالدرجة الاولى انتم اوكي لانا حنا بريؤون بين قوسين وهنا من منطلق أني متيقن من واش راني نقول وهدا بطبيعة الحال دون الحديث عن الدين الاسلامي والا كنا ننفي الاختلاط حتى في المدارس لذا ماندخلو الدين
بالنسبة لفرص العمل الله ينعل أبليس يا أختي لافامي تاعي تقاسو من هاد الظاهرة وتم فصلهم و تبديليهم ببنات و ماكانش سبب الا .........أوكي ويا أمينة ماتقيسي الكل على روحك أنت لانو قادر تكوني حالة شاذة والشاذ يحفظ ولا يقاس عليه مع انو الكل يشكر روحو
تقبلي مروري وصح فطوركم

 

[D aucun]

السلام عليكم ​

شكرا اختي على هذا الطرح ....​

انا لي لفت انتباهي رد الاخ مختار ​

يا اخي ان بصفتي جامعية نردلك يا خويا عندها الحق الاخت امينة يا و الله الفساد لي في لاسيتي .... ما كانش كلمة لي توصفهلك هذي بنات ما يدخلوش للفجر هذي تكمي الدخان و الاخرى خدمتها دير الخيطان بين البنات و الرجال لي برا و صلوا حتى يعملوا عمليات اجهاض بيناتهم طالبة في معهد paramedical مع طالبة اخرى .... وين بيها و راك تعرف حبة خامجة فالصندوق تعدي كامل السلعة .... الا من رحم ربي ... و الله فساد كبير ​

و هذا ما يعنيش انو لي ساكنين برا ملائكة بصح نسبة كبيـــــــرة
و على لي قلت بنات الجامعة كلهم مجرمين صباعات يديك ماشي كيفكيف و الله الى راك غالط 300% شعال من بنت راك ظلمتها بهذ الكلمات ربي يسامحك​

ههههههه أوكي أختي سي فري تماديت بزاف كي قلت الكل لكن نظرة المجتمع هي لي تحكي ماشي أنا لاني نعرف واش نقول ويا أختي راني مريزيدي عندكم وشايف واش يصرى تم وهدا لايعني انك بريئات وكاين أدلة بزاف ما نحكوهاش خير لاني عايش معاهم وهنا نتوقفو عن الكلام وماتنسايش كامل الجامعات في الجزائر كيف كيف خصوصا خصوصا بنات لي سيتي وهدا لايبرِكم انتم وفي كل الاحوال نتوم هوما بصفة عامة السبب في واش راهو يصرى وأنا لا اقصدك انـــــــــــــت لكي لا تختلط الامور ونتمناو ربي يهدينا للطريق الصواب ومرسي أختي الكريمة

 

[foufa34]

ايه صح اختي صباعتين اليدين ماشي كيف كيف.. حتى الفايق و تغيبلو

ميرسي عليك اختي​

لالا حنونة كل واحد علبالو بروحو....صحا فطورك

 

[aMiNa-K]

أهلا أختي ربي يخليك
اوكي قلتيلي حنا غالكين ماعليش وين هو الخطأ تاعنا؟
تم أنا ما ننكرش واش راهو دايرين بنات لي سيتي تاع الجمعات البعض بكوني أنا مريزيدي في الجامعة وكاين وين يكونو دي سيتي متقابلين ونشوفو مي ما تبرأيش بنات الولاية نفسها لانا يا أختي رانا عايشينها ومايغرك انو يجيبها بوها ولا خوها أوكي هادي ماش قياس و أذا بغيتي نعطيك أمتلة وواش صرى وهنا ناكدلك أنو الكل مشاركين في الجرم وبالدرجة الاولى انتم اوكي لانا حنا بريؤون بين قوسين وهنا من منطلق أني متيقن من واش راني نقول وهدا بطبيعة الحال دون الحديث عن الدين الاسلامي والا كنا ننفي الاختلاط حتى في المدارس لذا ماندخلو الدين
بالنسبة لفرص العمل الله ينعل أبليس يا أختي لافامي تاعي تقاسو من هاد الظاهرة وتم فصلهم و تبديليهم ببنات و ماكانش سبب الا .........أوكي ويا أمينة ماتقيسي الكل على روحك أنت لانو قادر تكوني حالة شاذة والشاذ يحفظ ولا يقاس عليه مع انو الكل يشكر روحو
تقبلي مروري وصح فطوركم

يا خويا انا قلت راكم غالطين.. و مليار غالطين
لوكان جا كل واحد واحد يربي بنتو تربية مليحة ماتخرجش الطريق
و لوكان كل اخ يتعامل مع اختو على انها اخت و صديقة و يديها يخرجها تحوس .. الطفلة ماتروحش تحوس على صديق من جيهة اخرى
و لوكان كل اب او اخ يسمع لمشاكل بنتو او اختو.. الطفلة ماتروحش لجيهة وحدخرة
و لوكان و لوكان و لوكان.. لوكان نكمل نهدر مانحبش

و مارانيش ضد الاقامات الجامعية للشباب.. انتوما اتهردو.. بصح طفلة وحدها تجي تقرا هدي انا على روحي مانقبلهاش

و مارانيش نقيس على روحي.. بصح لوكان جات كل عايلة واقفة على بناتها.. حتى الطفلة لوكان تحب تتعوج ماتقدرش

رانا خرجنا شوية على الموضوع..و كيما قلتلك في الاول.. مانقولش احنا رانا ابرياء.. بصح ماتحصلوش كلش في المراة.. كلمة زوج تقولو السبب هي المراة

مكاين حتى واحد بريء هاد الوقت

نورت الموضوع بمرورك
صحا فطورك انت تانيك
و ميرسي عليك خو​

 

[aMiNa-K]

لالا حنونة كل واحد علبالو بروحو....صحا فطورك

اي اي ايه صح كل واحد علابالو بروحو

الله يسلمك اختي و انتي زادة
و صحا فطورك انتي تانيك

ميرسي اختي​

 

[hind*alg-]

موضوع في القمة

 

[Adel Adel1]

بارك الله فيك على موضوعك
و نقولك مش الناس بكل هكاك

 

[abidou 20081]

صحا فطورك ختي امينة وربي يتقبل
والله غير موضوع قمة ولو أنو نتمنى الأعضاء يتناقشو ومايدخلوش في صراعات تاع أنا وأنت وحنا هنا رانا نحكو على ظاهرة راهي شايعة بزاف وحتى واحد مايقدر يغطي الشمس بالغربال والفساد منين يعم يشمل كلش كي الذكر كي الأنتى والمشكلة ماشي شكون السبب على خاطرش السبب مشترك الراجل يجري على الطفلة ويماه محتاجة 10ألاف مايمدهالهاش تغمزو زاحد يفليكسيلها 100ألف ويقولها إذا خصك نزيدك واش من رجلة تروح للخدمة تجيب دوسي وتكون كالفي 100 فالساعة يقولولك ماكانش البوسط بيدجيتار هذي لي شايعة عند لكلاب تاع الإدارة حاشا لي مايستاهلش تدخل واحد من وراك تزعبل وتمضغ فالشوينغوم يقولها تفضلي ختي كاش ماخصك راني هنا تقولو راني جايا نحوس على خدمة يقولها تفضلي أدخلي للبيرو درك نشوف واش تقدري تديري وعينيه يلعبو كي الكلب حشاكم خلونا ياجماعة والله يالرجال لي مكانش وماكان علاه تخرجو من عندنا الزوبية
لوكان جاو الرجال كاين الطفلة ماتضرب 600كلم وحدها تدير في رجليها ولوكان جاو الرجال كاين هما لي راهم يخدمو في لبنات ولوكان جاو الرجال كاين مايديرو الدخلة لستاد ب100ألف للراجل والطفلة باطل ويزيدو عليها لوكان الرجال كاين الطفلة وين كانت ماترفد عينيها من الأرض رانا نشوفو كلش بعينينا نبيعو الشادي ونضحكو على من شراه ومن كلامي ماتفهموش بلي راني ندافع على الطفيلات تاني هما دارو لعجب المعجب يعني تبيع شرفها على جال البوسط تاع الخدمة عادي تجي وتقولو أطلب خويا واش بغيت دير مجهودك برك تبيع شرفها على طرونش بيتزا على فليكسي تاع 10ألاف على ركبة فالطونوبيل سيرتو تاع الطونوبيل هذي يامحاينك غير تقاري الطونوبيل تقول عيار أرواح إذا كانت ماركة كاين بزاف صوالح لوكان نحلو بيبانهم ماتفراش أما لحديث علىالجامعة نخلوه بعد لفطور مارانيش حاب نضيع النهار ربي يحفظك وربي يخليك وربي يهدينا كاملين
تقبل الله الصيام والقيام وصالح الأعمال ​

 

[نورالضحى]

stumbleupon

بالنسبة لي المرأة العاملةو المتعلمة أحسن من غيرها لأن ذلك يودعها الحرية بين يديها و طبعا هنا الحرية محدودة لكي لا تتم اهانتها من طرف زوجها يوما ما بالجهل و التخلف هذا أولا..........ثانيا عمل المرأة بمثابة سلاح تستخدمه ضد زوجها في أية لحظة قد يحتقرها أو يتركها مثلا فيها بحيث تصبح هنا حرة نفسها بغنى عن كل ما يقربها من جحيمه ............و الملحوظ حاليا هو أن معظم النساء يتعلمن ومن المستحيل أن تترك امرأة تتعامل بالمنطق مجهوداتها الدراسية لأجل رجل قد لا يعرف قيمتها... ثم إن عملها لا يقف عائقا لأنه قد يساهم في توفير ظروف إجتماعية أفضل
وأنا عن نفسي راني ما نتخلاش على حلم نسجتو في خيالي سنوات و سنوات و إذا على الراجل ما عندي ما ندير بيه ...... خطراه حنا من المفروض عايشين في مجتمع متحضر...ولا لا
+عندي تعليق للأخ مختار .... يا اخي راك ظلمت الكثير ...انا وحدة جامعية و الحمدلله ما عملتش حاجة ما تصلحش لأنو والديا دايرين فيا ثقة و مستحيل نخووونها
مع تحياتي الى معشر الجزائريين
مشكورة أختي على الموضوع راه عجبني

 

[D aucun]

صحا فطورك ختي امينة وربي يتقبل

والله غير موضوع قمة ولو أنو نتمنى الأعضاء يتناقشو ومايدخلوش في صراعات تاع أنا وأنت وحنا هنا رانا نحكو على ظاهرة راهي شايعة بزاف وحتى واحد مايقدر يغطي الشمس بالغربال والفساد منين يعم يشمل كلش كي الذكر كي الأنتى والمشكلة ماشي شكون السبب على خاطرش السبب مشترك الراجل يجري على الطفلة ويماه محتاجة 10ألاف مايمدهالهاش تغمزو زاحد يفليكسيلها 100ألف ويقولها إذا خصك نزيدك واش من رجلة تروح للخدمة تجيب دوسي وتكون كالفي 100 فالساعة يقولولك ماكانش البوسط بيدجيتار هذي لي شايعة عند لكلاب تاع الإدارة حاشا لي مايستاهلش تدخل واحد من وراك تزعبل وتمضغ فالشوينغوم يقولها تفضلي ختي كاش ماخصك راني هنا تقولو راني جايا نحوس على خدمة يقولها تفضلي أدخلي للبيرو درك نشوف واش تقدري تديري وعينيه يلعبو كي الكلب حشاكم خلونا ياجماعة والله يالرجال لي مكانش وماكان علاه تخرجو من عندنا الزوبية
لوكان جاو الرجال كاين الطفلة ماتضرب 600كلم وحدها تدير في رجليها ولوكان جاو الرجال كاين هما لي راهم يخدمو في لبنات ولوكان جاو الرجال كاين مايديرو الدخلة لستاد ب100ألف للراجل والطفلة باطل ويزيدو عليها لوكان الرجال كاين الطفلة وين كانت ماترفد عينيها من الأرض رانا نشوفو كلش بعينينا نبيعو الشادي ونضحكو على من شراه ومن كلامي ماتفهموش بلي راني ندافع على الطفيلات تاني هما دارو لعجب المعجب يعني تبيع شرفها على جال البوسط تاع الخدمة عادي تجي وتقولو أطلب خويا واش بغيت دير مجهودك برك تبيع شرفها على طرونش بيتزا على فليكسي تاع 10ألاف على ركبة فالطونوبيل سيرتو تاع الطونوبيل هذي يامحاينك غير تقاري الطونوبيل تقول عيار أرواح إذا كانت ماركة كاين بزاف صوالح لوكان نحلو بيبانهم ماتفراش أما لحديث علىالجامعة نخلوه بعد لفطور مارانيش حاب نضيع النهار ربي يحفظك وربي يخليك وربي يهدينا كاملين ​

تقبل الله الصيام والقيام وصالح الأعمال

كلامك يا خويا توجور فور وبغيت ندخلو في الرد تاعي على الاخت امينة مرسي بوكو

يا خويا انا قلت راكم غالطين.. و مليار غالطين

لوكان جا كل واحد واحد يربي بنتو تربية مليحة ماتخرجش الطريق
و لوكان كل اخ يتعامل مع اختو على انها اخت و صديقة و يديها يخرجها تحوس .. الطفلة ماتروحش تحوس على صديق من جيهة اخرى
و لوكان كل اب او اخ يسمع لمشاكل بنتو او اختو.. الطفلة ماتروحش لجيهة وحدخرة
و لوكان و لوكان و لوكان.. لوكان نكمل نهدر مانحبش​

و مارانيش ضد الاقامات الجامعية للشباب.. انتوما اتهردو.. بصح طفلة وحدها تجي تقرا هدي انا على روحي مانقبلهاش​

و مارانيش نقيس على روحي.. بصح لوكان جات كل عايلة واقفة على بناتها.. حتى الطفلة لوكان تحب تتعوج ماتقدرش​

رانا خرجنا شوية على الموضوع..و كيما قلتلك في الاول.. مانقولش احنا رانا ابرياء.. بصح ماتحصلوش كلش في المراة.. كلمة زوج تقولو السبب هي المراة​

مكاين حتى واحد بريء هاد الوقت​

نورت الموضوع بمرورك
صحا فطورك انت تانيك

و ميرسي عليك خو​

يا أختي أولا أهلا بيك وبينا عندكم
المهم أذا قعدنا نديرو على واش راكي تحكي نرجعو للاسلام ولي يقول ماكانش خرجة تاع شيرة بدون محرم يعني لازم البنت تكون بالراجل كي تخرج وهنا لازم مايكونش تاني الاختلاط يعني نطبقو الشريعة الاسلامية واذا ماحكينا على الدين ونرجعو لمجتمعنا انا نكتفي بكلام عبيدو وراهو ديجا لربما عايش هاد الفترة كيما رانا نعايشو فيها حنا ومنا نقولك يأ أختي وبصريح العبارة انتم هوما السبة أما حنا غير نتبعو فيكم وأنا مانقولش حنا بمعنى حنا لكن أذا جيتيني انت وهنا ماقصدكش أنت وانا كشخصين لكن ككل وهنا نتكلمو بعقلية المجتمع الجزايري و ماشي عقليتنا كشخصين لكي مايكونش سوء تفاهم اذا انت جيتيني تمديلي نفسك هبة وأنا نقول لالا ؟؟؟؟؟ راكي فاهمتني وأنا نستعرف المهم بواحد مايهمش واش يكون جاته وحدة باغية تقضي حوايجها وقاتلو بالمقابل وهي بكر يعني بكر ايا راه سلبلها الشرف تاعها وخلاها للضحك لا حاجة مقضية لا شرف ولاهم يحزنون راجل ونص
وراهي صارية بزاف وكيما قتلك يا أختي الواحد مايبرأش ابناء جنسو وهادي ماشي للمشاحنات لكنا نتكلم بواقعية المجتع الجزائري واذا كنت انت ماركي تشوفي حنا رانا عايشينها يوميا
بصحتك لفطور ومرسي بوكو
​

 

[هند العصفورة]

السلام عليكم
شكرا لك على الموضوووع أختي
لكن مش كامل الناس كيما قلتي

بارك الله فيك​

 

[عطر الندى]

والله يا ختي ما لقيت واش نقولك هاذ الشي كامل جا من التخلف تاعنا
كيفاش هاذي لمرا اللي تخدم ولادها ممتربينش انا ماما تخدم حب يقول انا ممتربياش !بالعكس المرا اللي تخدم غالبا ما تحوس كيفاش تخللي ولادها يخرجو قاريين وواعيين
وبالنسبة للجامعيات اللي فلسيتي الجامعة بعيدة عليهم ميقراوش؟
الطفلة كتكون متربية تروح وين تروح تقعد متربية ما يغرها والو
وبالنسبة للبطالة والسرقة الرجالة برك يتسببو متقوليش الخدمة كاين وين تروح حنا برك اللي نقولو الدولة الدولة مكانش الخدمة نسحقو كلشي بالواجد منتعبوش نفوسنا
كلشي لمرا لمرا يتحملو شويا المسؤولية واش هذا
يعطيك الصحة ختي على الموضوع الرائع والمهم
تقبلي مروي ورايي​

 

[سماح4]

لا اله الا الله.محمد رسول الله...صلو على النبي
شدتني حكاية الجامعيات...ربي يهديكم يا جماعة وانتم تقطعوا في لبنات....تأكدوا من حاجة وحدة وهي انو الناس ماشي كيفكيف وخلاص......الله يهدينا أجمعين.

 

[أماني2]

السلام عليكم
أولا أشكرك على الموضوع رائع جدا

عندي حاجة واحدة برك نقولهالكم في مجال الجامعة:
رانا نعيشوا كامل هاذي الأحداث وكامل رانا عارفين واش كاين في الجامعةوواش راهو يصرا فيها

ونقولكم اللي راهو يقول كامل بنات الجامعة ما همش ملاح راكم غالطين
صح النسبة كبيرة قاوي بصح كاين إلا من رحم ربي وهادوا أكيد نسبة ضعيفة بزاف ومازالت تنقص على خاطر كل ما تأمن واحدة ولا واحد يجي نهار وين يبان واش راهوا يدير موراك هذي بالنسبة ليا دايما تحدث معايا وننصدم فيهم ونقول سبحانك يا ربي.
وصحاب لاسيتي صح هما اللي يديروا أخطاء فادحة خاصة لبنات على خاطر صابوا الحرية الكاملة مكانش لي يشوفهم نساو بلي ربي كاين ولا بالأحرى تناساو بلي كاين.
بصح تاني ما ننساوش بلي لولاد تاني ليهم دخل في هاد الموضوع كل طرف يتكامل مع الطرف الاخر هذي الأخطاء تصرا بوجود الطفلة والطفل للزوج
معناه بلي للزوج غالطين وحتى واحد مايجي ويقول لبنات هم السبب ولا لولاد هم السبب مكاش منها وكامل راكم عارفين هذا الشي.
ربي يعافينا ويحفظنا من هذا الوقت
إن شاء الله نمروا سالمين من هذي الجامعة وماتغرنا حتى حاجة

والله يهدي من يشاء

تقبلوا مروري
وشكرا​

 

[the summer]

موضوع شباب من الاخر ماتقوليش على بنات الجامعة كيما هاك الواحد مايرتكبش ذنوب بلا ذنوب هدا قذف وراكي تبعثي افكار سيئة على بنات الجامعة الواحد يكون موضوعي فالطرح وما يدخلش العاطفة انتاعو الانسان وين يروح يلقى الصالح والطالح وراكي تحكي على الاقامات الجامعية للبنات ونسيتي الاقامات الجامعية للولاد واش راه يصري فيها
بصح الفكرة اللي حبيت انوصلهالك الجامعة جامعة المربية ولي مش مربية وماتنسايش بلي الجامعة عند الباب كاين مسؤولين ماش غير ارواح ودخل وهادي تاع الفجر نحيها من راسك كاين قانون يقول بعد 9 ليلا ماكانش اللي يدخل ولا يخرج
والدور على اللي تخالط الناس اللي مش ملاح من برا ومن داخل ونقول حاجة للولاد كون تشدو ارواحكم انتوما وماتبقاوش عند الحيطاناحسن واللي حاب يتزوج يروح يتزوج وما يستغلش وحدة محتاجة تكون فحالة ضعيفة مكان لاه يلقي اللوم على المراة غدوة وحدة منهم تولي مرتك
حتى ماننساش انا جامعية وتخرجت ونعرف واش راه كاين داخل الحرم الجامعي
ربي يحفظنا ويحفظ بنات الناس ويهدينا ويهديهم
اسمحولي طولت فالهدرة

 

[aMiNa-K]

موضوع في القمة

ميرسي عليك اختي​

 

[aMiNa-K]

بارك الله فيك على موضوعك
و نقولك مش الناس بكل هكاك

يبارك فيك خويا.. و انا في الموضوع قلت حاشا البعض

ميرسي​

 

[aMiNa-K]

صحا فطورك ختي امينة وربي يتقبل

والله غير موضوع قمة ولو أنو نتمنى الأعضاء يتناقشو ومايدخلوش في صراعات تاع أنا وأنت وحنا هنا رانا نحكو على ظاهرة راهي شايعة بزاف وحتى واحد مايقدر يغطي الشمس بالغربال والفساد منين يعم يشمل كلش كي الذكر كي الأنتى والمشكلة ماشي شكون السبب على خاطرش السبب مشترك الراجل يجري على الطفلة ويماه محتاجة 10ألاف مايمدهالهاش تغمزو زاحد يفليكسيلها 100ألف ويقولها إذا خصك نزيدك واش من رجلة تروح للخدمة تجيب دوسي وتكون كالفي 100 فالساعة يقولولك ماكانش البوسط بيدجيتار هذي لي شايعة عند لكلاب تاع الإدارة حاشا لي مايستاهلش تدخل واحد من وراك تزعبل وتمضغ فالشوينغوم يقولها تفضلي ختي كاش ماخصك راني هنا تقولو راني جايا نحوس على خدمة يقولها تفضلي أدخلي للبيرو درك نشوف واش تقدري تديري وعينيه يلعبو كي الكلب حشاكم خلونا ياجماعة والله يالرجال لي مكانش وماكان علاه تخرجو من عندنا الزوبية
لوكان جاو الرجال كاين الطفلة ماتضرب 600كلم وحدها تدير في رجليها ولوكان جاو الرجال كاين هما لي راهم يخدمو في لبنات ولوكان جاو الرجال كاين مايديرو الدخلة لستاد ب100ألف للراجل والطفلة باطل ويزيدو عليها لوكان الرجال كاين الطفلة وين كانت ماترفد عينيها من الأرض رانا نشوفو كلش بعينينا نبيعو الشادي ونضحكو على من شراه ومن كلامي ماتفهموش بلي راني ندافع على الطفيلات تاني هما دارو لعجب المعجب يعني تبيع شرفها على جال البوسط تاع الخدمة عادي تجي وتقولو أطلب خويا واش بغيت دير مجهودك برك تبيع شرفها على طرونش بيتزا على فليكسي تاع 10ألاف على ركبة فالطونوبيل سيرتو تاع الطونوبيل هذي يامحاينك غير تقاري الطونوبيل تقول عيار أرواح إذا كانت ماركة كاين بزاف صوالح لوكان نحلو بيبانهم ماتفراش أما لحديث علىالجامعة نخلوه بعد لفطور مارانيش حاب نضيع النهار ربي يحفظك وربي يخليك وربي يهدينا كاملين

تقبل الله الصيام والقيام وصالح الأعمال ​

اهلا خويا عبيدو
الله يسلمك و انت زاد
صحا فطورك انت تانيك

هاي الهدرة اللي تفرج على الخاطر.. و هدا وش حبيت نقول بالدات
كامل غالطين..كلي حاكمين الادارة و اللي تعجبو يدخلها تخدم بورتو ماتعرف والو وش رايحة تخدم..لهاداك اللي يماه محتاجة و هو قاعد يرمي دراهمي في الفليكسي..للوالدين اللي يبعثو بناتهم يروحو يقراو بعيد.. للجامعيات اللي راني نشوف اغلب الردود اهتمو بهاد النقطة كامل من الموضوع..للبنات تاع هاد الوقت كملو ......... فيها (اسمحولي على هاد اللفظ)

و مع اللخر يقولك النسا النسا.. و اللي تزيد عندو طفلة في الدار.. يقول اباباااا زادت عندي بومبة في الدار

يعطيك الصحة خويا عبيدو.. دايما ردودك تفرج على القلب
الله يعطيك ماتتمنى

و صحا فطورك و تقبل الله الصيام و القيام

​

 

[abidou 20081]

اهلا خويا عبيدو
الله يسلمك و انت زاد
صحا فطورك انت تانيك

هاي الهدرة اللي تفرج على الخاطر.. و هدا وش حبيت نقول بالدات
كامل غالطين..كلي حاكمين الادارة و اللي تعجبو يدخلها تخدم بورتو ماتعرف والو وش رايحة تخدم..لهاداك اللي يماه محتاجة و هو قاعد يرمي دراهمي في الفليكسي..للوالدين اللي يبعثو بناتهم يروحو يقراو بعيد.. للجامعيات اللي راني نشوف اغلب الردود اهتمو بهاد النقطة كامل من الموضوع..للبنات تاع هاد الوقت كملو ......... فيها (اسمحولي على هاد اللفظ)

و مع اللخر يقولك النسا النسا.. و اللي تزيد عندو طفلة في الدار.. يقول اباباااا زادت عندي بومبة في الدار

يعطيك الصحة خويا عبيدو.. دايما ردودك تفرج على القلب
الله يعطيك ماتتمنى

و صحا فطورك و تقبل الله الصيام و القيام

​

صحا فطورك وربي يتقبل ختي أمينة
ونحب نقولك كلام الصح مافيه حتى هروب وكلام صح صح والله لوكان نعياو نخبو فيه ويخرج وعلى هذي لي يهدر فالصح خير ملي يقعد يزوق فالهدرة وهذا يدافع على هذا تقول كيلي الهدرة راهي عليه لي مادارش علاش خايف أنا نعرف هكذا وهذ الشي كامل نشوفو فيه قدام عينينا ومنين تحكي فيه ماتعرف واش تسمع كلش يتقلب غير أنا وأنا وشكون لي قال أنت رانا نحكو على ظاهرة
إما تعرف تناقش فيها ولا أسكت خير وحتى عبد ماراه خالي من لعيوب من بيا أنا وأبدى لكن الحق تاع ربي الشيء هذا كامل راه صاري وكامل رانا عايشينو وكامل يحبو يزوقو الهدرة تلقاه يفتيلك وهذي حاجا تاع الرخاس حشاك وماشي حق كيفاش يخدم الطفلة والطفل قاعد شاد الحيط وهو الداخل قلبو يشكشك مادابيه غير الطفيلات راهم قدامو وعلى هذي النفاق ماشي مليح والعيب فينا كاملين كي الراجل كي لمرى وياك من بكري يقولو الراجل هو لي يحكم في لمرى
وين راه حكمو ولا رجع طحان وكي مالقاش كيفاش يدير ولا يرمي فاللوم عليها لوكان مأ أنا وأنت يالراجل رلمرى ماراهي تدير واش رانا نشوفو وحنا المشكلة فينا ونعطيك خطرة ختي قصة واقعية دخلت لدائرة على ورقة لقيت البيرو مغلوق والطفيلات مقصرين مع الدراري في وسط البيرو وغير فلانة شابة وفلانة تمشي مع فلان وأنت وعلاش راك غير تخزر غير في فلانة والهدرة راكي عارفة مانكملكش والغاشي مريح برى لعجايز الشيوخة ماقدرتش نصبر روحت قلعت عليهم الباب راكم جايين تخدمو ولا راكم جاين تقصرو هنا نطقولي قالولي شاف دايرة هو لي قالنا أغلقو البيبان قلتلهم الله يلعنكم كي ا،تما كي الشاف دايرة تاعكم واش من قانون هذا لي الطفلة تغلق البيرو مع الطفل ويقعدو مقصرين هنا وأنا درك نروح لشاف دايرة تاعكم هذا لي راكم مخلوعين بيه نقولك كلمة ختي أمينة والله غير رجعو كي شميات حاشاك وصح الشاف دايرة قالهم بصح عارفين بلي راهم متجاوزين القانون ولاو يخدمو بلا مزيتهم ومن هذ الشيء واش يصرى ينوض واحد يضرب الشيتا على جال واش على جال باش تشوفو الطفلة راه جاي معاهم واش يقول والله ياخاوتي غير يحسن عونكم ويكثر خيركم راكم صابرين مع هذ الخدمة والله ماعرفت كيفاش نواسي نعاود نغلقلهم الباب ونقولهم كملو يستاهل الطحان يضرب 2 سوايع يستنى ولا نخرج ونسكت أيا بلعتها كيما راهي ومن هذ المثال تقدري تفهمي الضربة منين تجي فاللول
ربي يحفظك وربي يخليك وربي يعطيك ماتتمني تستاهلي كل الخير ​

 

[aMiNa-K]

كلامك يا خويا توجور فور وبغيت ندخلو في الرد تاعي على الاخت امينة مرسي بوكو


يا أختي أولا أهلا بيك وبينا عندكم
المهم أذا قعدنا نديرو على واش راكي تحكي نرجعو للاسلام ولي يقول ماكانش خرجة تاع شيرة بدون محرم يعني لازم البنت تكون بالراجل كي تخرج وهنا لازم مايكونش تاني الاختلاط يعني نطبقو الشريعة الاسلامية واذا ماحكينا على الدين ونرجعو لمجتمعنا انا نكتفي بكلام عبيدو وراهو ديجا لربما عايش هاد الفترة كيما رانا نعايشو فيها حنا ومنا نقولك يأ أختي وبصريح العبارة انتم هوما السبة أما حنا غير نتبعو فيكم وأنا مانقولش حنا بمعنى حنا لكن أذا جيتيني انت وهنا ماقصدكش أنت وانا كشخصين لكن ككل وهنا نتكلمو بعقلية المجتمع الجزايري و ماشي عقليتنا كشخصين لكي مايكونش سوء تفاهم اذا انت جيتيني تمديلي نفسك هبة وأنا نقول لالا ؟؟؟؟؟ راكي فاهمتني وأنا نستعرف المهم بواحد مايهمش واش يكون جاته وحدة باغية تقضي حوايجها وقاتلو بالمقابل وهي بكر يعني بكر ايا راه سلبلها الشرف تاعها وخلاها للضحك لا حاجة مقضية لا شرف ولاهم يحزنون راجل ونص
وراهي صارية بزاف وكيما قتلك يا أختي الواحد مايبرأش ابناء جنسو وهادي ماشي للمشاحنات لكنا نتكلم بواقعية المجتع الجزائري واذا كنت انت ماركي تشوفي حنا رانا عايشينها يوميا
بصحتك لفطور ومرسي بوكو
[/center]

اهلا بيك في اي وقت خويا

قولي يرحم باباك.. راك تشوف فيا نفتي.. و لا جبت ادلة من الكتاب و السنة.. باش تقولي لوكان نديرو على الهدرة تاعي نولو للاسلام
لوكان جينا نتبعو الدين تاعنا تاع الصح لوكان راهي تحررت فلسطين

و راك عقبت على الاخ عبيدو.. الرد تاعو و الموضوع ديالي كيف كيف.. انا كامل الردود قلتلي بلي انتوما ابرياء و هو من رد وااااحد برك مازدت حتى حرف على واش قال
(الاخ عبيدو عندو اسلوب ماشاء الله.. الردود تاوعو نفهموها بالخف)

و حاجة وحدخرة في الرد تاعك.. انت قلت: ( وبصريح العبارة انتم هوما السبة أما حنا غير نتبعو فيكم)
امالا تتشدو من الودن (اسمحلي على هاد التعبير).. يعني الريح اللي يجي يديكم.. و راني مديت مثال في الموضوع على المراة اللي تحكم في الدار.. و راجلها ساكت.. يستهل باسكو هو طلقلها الخيط.. و تستاهلو انتوما اللي تشوفو في الباطل و ماتديرو والو.. شحلكم وشمن خير فيكم ادا كل مراة تحكمكم من الودن و تدير وش تحب.. و كما قال الاخ عبيدو واحد عندو cv تحل فمك كي تقراه مايقبلوهش.. و واحدة تدخل تتزعبل و تمضغ في الشوينقوم يقبلوها.. في عوض مايشوفو ال cv تاعها قاعدين يتبعو في الكركاصة.. وشمن خير فيكم؟؟؟؟؟

الله يصلح احوالنا برك
ميرسي عليك خويا
و صحا فطورك انت تانيك.. و تقبل الله ​