والله انا شايف يا جماعة اننا نبطل نتكلم فى السياسة ما دام هى بتفرق بنا كده وبتزعلنا من بعض .. وانا عن تجربة مريرة فى النقطة دى فيه منكم عايشها معايا بقيت بتجاهل اى موضوع سياسى خاصة لما يبدأ كل واحد يتعصب لبلده ورأيه وياخد بالظاهر .. والحمد لله جاتلى الفرصة انى اقرب من السياسة اوى واحتك بقيادات مصرية وبقولها للمرة الالف فى المنتدى ده .. السياسة لعبة حقيرة وكلها فى الخفاء والظاهر منها مقصود لاغراض معينة .. والله حاجات كتير ايام الحرب على غزة محدش يعرفها ومحدش عارف قد ايه الجندى المصرى فى رفح كان ضحية بين حكومته والفلسطنيين .. انا كنت فى نقطة اتصال بالمعبر وكانت جنودنا بتتضرب من اهل غزة ومش قادرة تحرك ساكن بسبب الاوامر .. مغلوبين على امرهم فى كل الحالات .. يا ريت ما نجرحش فى بعض ونفرق بين الشعوب والحكومات ونفهم ازاى الحكم فى بلادنا.. وم الاخر كل العرب فى نفس السلة بدون استثناء .. هم بس مش فالحين غير انهم يتنططوا ويعيبوا فى بعض وكل واحد يعلق خيبته على شماعة التانى .. ويا ريت يا كارمن ما ترديش فى الموضوع ده تانى وبلاش تتكلمى فى السياسة هنا واكتفى بتعلم اللهجة الجزائرية زى ما انتى عايزة من المنتدى .. اكتر من كده صدقينى هتكرهى تدخلى المنتدى تانى بسبب احتكاكات الكتير اللى هتتعرضى لها وحرقة الدم واسالى مجربين قبلك .. العرب للأسف معندناش ثقافة النقاش وزى ما بندخله زى ما بنخرج منه .. اهدى شوية يا منصورية وخلى اعصابك باردة .. تقبلوا مرورى وبجد مش عايزين نخسر اعضاء غير جزائريين فى المنتدى .. ربنا يهدينا ويهديكم
