مدرسة اللمة ++++حاضر ...غايب ....

[Ninja_09]

السلام عليكم ورحمة الله وبركاته
ليديا حاضر ة
شيخي بغيت نسقسيك وقتاه تبدا العطلة
هههههههههههههههههههههههه

اهلا مي راني انا روتاااااااار هههههه
نورمال استناوني 2 سوايع كي نطول
العطلة احم احم نقولك بروقرام شارجي يعني مكانش عطلة العام هذا
نزيدك حاجة الجمعة والسبت رح نزيد نقري فيهم دروس خصوصية بصح في اللمة
اتونسيون تتغيبي هههههههههههههه​

 

[Ninja_09]

آآسفة شييخ طولت مي كنت عيانة شوية وراني جبت معايا شهادة طبيبة
ودوكا رااني حاااضرة
اما لافار نتاع الطابلية ماهيش قع هي هذه والله غير مزية الواحد طلع لليسي

ههههه عيانة عندك سرتفيكا ميديكااااااااال
تبالي قديمة وراكي دايرة عليها فوتو كوبي وتمشي بتاريخ بريمي
حاضرة مي روتاار
والهدرة قع على لابلوووووووز ..وينها ولازملها كاسكيتة فوق راسك هههههه

​

 

[Ninja_09]

حــــــــــاضرة الرولمو فات ما تقولوليش سجلوني غايبة اهيءاهيء
ايه شفتو الطابليات داروا قانون جديد
انا نقولكم حاجة
كل عام و انتم بخير بمناسبة قروب عيد الفطر المبارك
و نقولكم حاجة اخرى ربي يوفق المنتخب الجزائري ف ليماتش اللي بقاو و ان شاء الله الموعد في جنوب افريقيا و تحيا الجزائر و الشعب الجزائري

ايا مرحبا بيك رح نسامحوك خاطر انت أمل المستقبل
سوا للقراية ولا المنتخب الجزائري ولا يامات الفرحة نتاع العيد
تبالي قع نوليو آمااااااااااال المستقبل

سقسيتي على العطلة مليحة هادي ديري في حسابك هذا العام قراية إيليمتي
حتى تفليكسي رح جيك قراية هههههههه​

 

[farida91]

حاضرة
جيت نبوانتي الساعه ونخرج برك منبقاش​

 

[Ninja_09]

حاضرة


جيت نبوانتي الساعه ونخرج برك منبقاش​

احم احم .....واش راكي انت المعلمة ولا النتعلمة هههههه
ايا بنتي جي طابلتك وخرجي ورقة واكتبي ما نخرج ونبقى نقرا 100 مرة
مضاعفة ومضروبة في 8 ....تبالي عقوبة عادية في بداية السنة هههههه
شفتي المعلم كي يحب يوعاااااار​

 

[جازية]

السلام عليكم
نورمالمو هدي كلاسة اللمة علاخاطر بعثوني نقري هنا؟؟؟؟؟؟؟؟؟؟؟؟؟؟؟؟؟؟؟
الحقيقة أنا استاد في مادة وش راك تهدر
المهم الادوات اللازمة : كلافيي usb
ولاسوري لازير و ايكرو اكسترا بلا.
ههههههههههههههههههههههههههههههههههههه
هيا رحبو بشيخكم..

تسمحلي ندخل شيخ بسح مزال ماجبتش الادوات فالحقيقةانا شرتهم مازال ماشريت كورطاب مالقيتش فاش نجيبهم

 

[Ninja_09]

جازية لحكاية قع معاااااااااااايا​

 

[الظل الطويل]

جازية لحكاية قع معاااااااااااايا​

خلاص انتا الشيخ
انا منقريش بطلت
استقلت
​

 

[الظل الطويل]

استاذ انت واش تقري علوم *ط*؟؟؟ سبحان الله خليت استادتي فالمؤسسة و لقيت واحد يهدر كيما هي هنا :sad::sad:

ههههه
نسيت مقتلكش وشمن مادة نقري فيها
مادة يسموها : وش راك تهدر
الحقوق المدرسية 10 نقاط تقييم:angel_not::biggrin::biggrin::biggrin::biggrin:
​

 

[Rohana]

هههههههههههههههههه

كلاسا انتيك هذي و الله فور . دخلة تاع 3.30 تاع الصباح مقبولة هههههه
رانا في رمضان هنا تكون لقرايا مور السهرة لالا هههههههههههههه

استاذة نينجا لقرايا عندك واعرة ما تخرجش عليا ............ العقوبات و التبرير و الطابلية ههههههههههه
ندورها اداب عند الشيخ ظل الطويل قسم واش راك تهدر نعمروا لقرع ههههههههه

ايه ماعرفتكمش بنفسي انا تلميذة جديدة روهانا الجزائرية بعثوني من منتدى المرحلة الثانوية المجاور اللي جاي لهذا القسم .

 

[عطر الندى]

بصح نسيت مقولتش حاجة ياو لprogrammeمشارجييييي تدخل على 8 وتخرج على 5 ونص ربي يكون في عونا العام هاذي سور رايحة نمشي طريق طريق هههه
​

 

[*ليديا*]

اهلا مي راني انا روتاااااااار هههههه

نورمال استناوني 2 سوايع كي نطول
العطلة احم احم نقولك بروقرام شارجي يعني مكانش عطلة العام هذا
نزيدك حاجة الجمعة والسبت رح نزيد نقري فيهم دروس خصوصية بصح في اللمة

اتونسيون تتغيبي هههههههههههههه​

استاذ راني علوم تجريبية يعني الدروس خصوصية في والفيزياء والرياضيات
الغياب خاطيني مي راني نحكي بزاف في لاكلاس
هههههههههههههههههههههه

 

[azoula]

راني هنا والبارح ماجيتش على خاطر كنت في عرس خالي اذا كان تخليني نذخل بلا ورقة الدخول ولا لا يا استاذي المحترم ............

 

[مـــــلاك]

صباح الخير الشيخ!! راني هنا !!!!
او هنا !!! راني نطل عليك من التاقة محبوش يعطوني البيـيـي -ورقة الدخول- على روطار تاع ساعة و 20 دقيقة!!! ربي يهديهم
المهم الشيخ راك علابالك كاش ماكاين ولا راني حاظرة ؟
ايا تبقى على خير نروح نضرب طلة على قش العيد
ههههههههه
​

 

[Ninja_09]

صباح الخير ...احنا في العشية وانتوم تقولو صباح الخير
علابالي راه غالبكم رمضان كاااامل واحد ة تخمم في لبسة العيد واحد يخمم وقتاش العطلة واحدة جابتلي مالادي هههههههه
واش هذا تبالي بعد العيد راكت تجيو نورماال ...المهم ارواحو فاطنين مستيكين باهيين .
نزيدكم حاجة تبالي تنوض وحدة تقرينا خير انا مزال ما عنديش نقاط بزااف ..ايا اللي عندها نقاط بزاف توجدلنا تلقينا بحث حول ..المدرسة بلباس موحد ونتائجها هههههههههه​

 

[ou@il_39]

غائب ...........
​

 

[ou@il_39]

 

[*ليديا*]

صباح الخير ...احنا في العشية وانتوم تقولو صباح الخير

علابالي راه غالبكم رمضان كاااامل واحد ة تخمم في لبسة العيد واحد يخمم وقتاش العطلة واحدة جابتلي مالادي هههههههه
واش هذا تبالي بعد العيد راكت تجيو نورماال ...المهم ارواحو فاطنين مستيكين باهيين .

نزيدكم حاجة تبالي تنوض وحدة تقرينا خير انا مزال ما عنديش نقاط بزااف ..ايا اللي عندها نقاط بزاف توجدلنا تلقينا بحث حول ..المدرسة بلباس موحد ونتائجها هههههههههه​

احم احم
بعد اذنك الشيخ اليوم انا نقدم الدرس
اللباس الموحد وفي الجزائر الطابليات الموحدة ويالها من كارثة :glare:
فالتلاميذ المساكن يعانون: البنات في السيام منزعجات من اللون الوردي :cursing:
والاولاد في الليسيات منزعجون من اللون الازرق ويبحثون عنه ولا يجدونه :001_unsure:
اما استعمال الزمن ويا ويلي معضلة بعد رمضان نقراو من 8الى12 ومن 1 الى 5
ماهدا يا وزيرنا المحترم ؟ما هدا ؟
الراوي :ليديا تمسح دموعها وتكمل الحكاية :crying: اه قصدي الدرس
ليديا:والله يا التوجيهات التلاميذ راهم في حالة :thumbdown:
الجرس :ترن ترن ترن ترن ترن
شيخي نكمل المرة الجاية
الشيخ :لا المرة الجاية يتطوع واحد اخر يكمل عليك صحيتي بنتي
ليديا :سمعتو يا جماعة المرة الجاية واحد يكمل ليا قصتي .
ههههههههههههههههههههههههههههههههه

 

[Ninja_09]

احم احم
بعد اذنك الشيخ اليوم انا نقدم الدرس
اللباس الموحد وفي الجزائر الطابليات الموحدة ويالها من كارثة :glare:
فالتلاميذ المساكن يعانون: البنات في السيام منزعجات من اللون الوردي :cursing:
والاولاد في الليسيات منزعجون من اللون الازرق ويبحثون عنه ولا يجدونه :001_unsure:
اما استعمال الزمن ويا ويلي معضلة بعد رمضان نقراو من 8الى12 ومن 1 الى 5
ماهدا يا وزيرنا المحترم ؟ما هدا ؟
الراوي :ليديا تمسح دموعها وتكمل الحكاية :crying: اه قصدي الدرس
ليديا:والله يا التوجيهات التلاميذ راهم في حالة :thumbdown:
الجرس :ترن ترن ترن ترن ترن
شيخي نكمل المرة الجاية
الشيخ :لا المرة الجاية يتطوع واحد اخر يكمل عليك صحيتي بنتي
ليديا :سمعتو يا جماعة المرة الجاية واحد يكمل ليا قصتي .
ههههههههههههههههههههههههههههههههه

احم احم احــــــــــــــــــــــــــــم
واش ليديا راكي تحكي في قصة حزينة رح تبكيني ...
تبالي راكي تعاني بزاف مع لي كولور نتاع لي بلوووز ..رح يقتلوكم بصح توالفوا توالفوا
مي متخفوش كي تلحق حصتي منشرطش الطابلية واللون ...
بصح واش هذا البحث وينها المقدمة وينها الاشكالية وينها التعريف بالموضوع والاهداف ولنتائج.
مي معليهش راه اول بحث في هذا العام كيف ما جاء مقبووول

البحث الثاني : تغير العطلة واش الاثر نتاعها يعني السبت والجمعة والثلاثاء لعشية مليح ولا لاء
صح فطوركم

 

[مغرورة بأنوثـتي]

طق طق
صباح الخير الشيخ { راهي 14:00 تاع لعشية }
يا أستاذ والله غير نضت روطار يباركلك في ولادك خليني ندخل
ولا ماتخلينيش خليني نرجع نرقد ............تعيش