السلام عليكم ورحمة اله وبركاته ..
و عليكم السلام و رحمة الله تعالى و بركاته
السؤال الأول / ممكن تقدمي نفسكِ ؟ ونعرف عن (الاء هبة الرحمان) أكثر ؟
اعطيني اسئلة هكذا واش حاب تعرف عليا و انا نقولك
السؤال الثاني / قبل رمضان .. هل يكون لكِ شعور خاص ؟ أو استعداد خاص ؟
اكيييد نكون فرحانة و متشوقة بزاف للصيام و قراءة القرآن و مختلف العبادات
السؤال الثالث / ممكن سطر واحد تتحدثين فيه عن رمضان إيمانياً ؟
رمضان شهر التوبة و الغفران
السؤال الرابع / لكل شخص أو لكل عائلة (عادة) مستحيل يتركونها في رمضان .. عندكم أو عندتس مثل هالشيء ؟ <-- مثلاُ أول يوم في رمضان الفطور عند الجد ..
لالا حنا عاداتنا في العلمة كاملة اول يوم للفطور دائما شربة و سلاطة و حميس و طاجين الحلو دائما و اكيد ليلة النصفية 15 رمضان نديروا كسكس ( بربوشة كيما نقولوا حنا ) و لا شخشوخة و لا هكذا معجنات كيما ليلة 27
السؤال الخامس / استعداد القنوات الفضائية في رمضان ؟؟؟ رأيكِ ..
في رايي رمضان نستقبلوه بالطاعات و العبادات و الخشوع و التقرب لله عز و جل و لا لمشاهدة مختلف الافلام صحيح نتفرجوا شوية لكن ماشي جميع الافلام و القنوات رمضان يجي و يروح لكن الافلام قاعدة دائما كيما انا من زوج مازدتش
السؤال السادس / ممكن تحدثينا عن (رمضانكِ) أو يومكِ في رمضان؟؟
سبق ان ذكرت يومي كيف امضيه ماعليش نعاود
الصباح مانوظش بكري لاخاطر نطولوا في السهرة بزااف نفرز مع امي الدار كاشما نعاونها و منبعد نجي نكوناكتي شوية هاني مع اللمة و مع صحاباتي نشايخوا و منبعد نرجع نعاون امي شوية و وراء صلاة العصر نقرا القرآن حتى تعود 6 نروح انا نتفرج مسلسل بعنوان أم البنات يخلص على 7 نوجد الطابلة تاع الفطور نفطروا نغسل الاواني و منبعدنتفرج باب الحارة يخلص نجي للميكرو نلعب شوية و هكا و نزيد نروح نتفرج lostو لا pridson break مع العائلة تاعنا و منبعد نرقدوا و هذا نهاري بدون نسيان صلااتي في وقتها لأنها عماد الدين
السؤال السابع / هل انتي سعيدة برجوعك لدراسة وكيف شعورك ونت راية تدرسين اول سنة وكيف استعدادك وشعورك؟؟
في الحقيقة مانيش سعيدة بزاف برجوعي ماشبعتش قعاد :001_tt2: و راني خايفة بزاف كيما عادتهذه هي اول سنة عندي مانعرفش الاساتذة و المراقيبن و هكذا و راني مستعدة مليح بربيان شاء الله نجيب معدل يفرحني و يفرج والديا
السؤال الثامن / أكثر شيء يضايقك برمضان ؟؟؟
و لا حاااااااجة
السؤال التاسع /استعداد الأسواق والمحلات التجارية برمضان ؟؟؟؟ رأيكِ ..
حاجة مليحة في رمضان تكون النوgا الكاكابيشون بوراك حوايج بزاف شابة يجيبوها
السؤال العاشر / أنتي من جمهور باب الحارة ولا سوق الحاج لخضر؟؟؟ غيرها .. اذكري ..
انا من جمهور باب الحارة و كنت من جمهورالحاج لخضر كان يعجبني بزاف لكن ضك كيما قلبوه سوق الحاج لخضر ماعجبنيش بزاااف و الله تفرجتلوا حلقة و لا زوج من هاذيك خلاص
السؤال الحادي عشر / ندخل بالفطور .. اذكري واش تحطو على الفطور بسرعه .. ؟؟
كالعادة شربة و سلاطات ، بوراك ، طاجين الحلو ، و الpلا اللي نديروه الثاني دائما كل يوم حاجة زي ، و ماننساوش الgأزوز اللي يبهي المائدة
السؤال الثاني عشر / أنتم من النوع اللي كل شيء مع الفطور .. ولا فيه شيء بعد المغرب ؟؟
لالا حنا كيما يؤذن ناكلوا حبةو لا زوج تمر و نشربوا الماء اذا كنا عطشانين لازم ضك مع الصيف هذا و منبعد نروحوا نصليو المغرب كيما نرجعوا ناكلوا الشربة الاولى و منبعد الحاجة الثانية و نفطروا عادي في بلادي
السؤال الثالث عشر / سؤال سريع .. أنت من جمهور (حمود بوعلام) ولا (البيبسي والكوكا والفونتا) ههههههههههه..؟؟؟
حمود بوعلام و ميراندا framboise
السؤال الرابع عشر / نجي للسحور .. أنت تتسحر؟؟؟؟ وتكلم لنا عن سحوركم بإختصار ؟؟؟
ايه نصحر بالحليب مع البريوش و لا مطلوع و لا كسرة و لا كرواسون اللي كانت ومنبعد نشرب الماء و خلاص
السؤال الخامس عشر / هل هناك عبادة تحرصين ما تخلينها في رمضان ؟؟؟
اكيد الصلاة و قراءة القرآن
السؤال السادس عشر / إذا كان فيه مباراة او مسلسل وفت صلاة التراويح .. وش تقدمين ؟؟؟؟
انا أصلا مانروحش نصلي التراويح تروح أمي تصلي و انا نقعد في الدار مالازمش نروح لاخاطر ان الكبيرة في الدار نحكم خواتاتي نعسهم
السؤال السابع عشر / هل تصلين التراويح في المسجد...؟؟؟
لالا مانروحش
رايح نهبلك الاء رحمة الله
السؤال الثامن عشر / عطينا موقف مستحيل تنسينه .. حدث في رمضان .. ؟؟؟
موقف اني مرة شربت الماء و انا صايمة و زدت شربت امي معايا ههههه
السؤال التاسع عشر / وش موقف اممممم
لوكان تنساو الماكلة وتتحرق ويروح وقت الفطور ولا مثلا اذا محترقتش تسيح مثلا كيفاش رايحة تتصرفي ...؟؟؟؟؟؟؟؟؟؟؟
نزربوا نعاودوا واحدة اخرى ماتديش الوقت
السؤال العشرين / اذكر خمسة أعضاء من اللمة .. حابة تعرضيهم على فطور رمضان ؟؟
حابة نعرضكم كاااااااامل
السؤال الواحد والعشرين / استعداد اللمة الجزائرية لرمضان .. ووضعها في رمضان .. .. تحدثي عن ذلك ...
ايه اللمة دائما مستعدة لكلشي عجبني استعدادها و استعداد الاعضاء
السؤال الثاني والعشرين / هل جربتي الصيام خارج بيتكم ؟؟؟؟؟؟؟؟؟؟؟؟
ايه عند بيت جدي
السؤال الثالث والعشرين / متى تتقضين أغراض العيد ؟؟؟
انا شريبت و خلصت و اليوم كملتلنا امي الحوايج
السؤال الرابع والعشرين / ممكن تتكلمين عن عيدكم؟؟
عيدي شباب بزاف باختصار
الصباح نقعدوا في الدار نغفروا لبعضانا و جيراننا و منبعد نروحوا توال بيت جدي النهار الاول و النهار الثاني توال خوالي و النهار الثالث في المدرسة ههه
نتلاقاو مع حبابنا كامل و نتغافروا العيد مكانش كيفوا
السؤال الخامس والعشرين / كلمة أخيرة ..؟؟؟
رمضان كريم و صح فطورك
نتمنا انكون مهبلتكش اختي ونهديلك هاذ البرنامج يا رب يعجبك اضغطي على الموقع واهداء لكل الامة الاسلامية
مشكور على الهدية
و الله هبلتني مي ماعليش
