جماعة اجريوا ليا رايح يطرطقلي عرق

[sleepingbeauty]

السلام عليكم

ماكانش مقدمات كيفاه نقولكم رايح يطرطقلي عرق و تحوسوا على المقدمة

حبيت برك نقول حاجة يا ناس على وجه ربي ارحمونا ارحمونا شوية و اقراو المواضيع قبل ما تردوا عليهم هادا ماكان هادا ما طلبت قولولي برك طلبت حاجة مستحيلة؟؟؟؟؟

يعني درك واحد دار موضوع للنقاش كتبتولوا مشكور و قبلناها

واحد دار موضوع حط المشكلة تاعو و يطلب حل قلتولوا مشكور بلعناها

بصح توصل واحد يدير موضوع يقول فيه ان باباه مات و يطلب الناس تدعيلوا و يجي واحد يكتبلوا مشكور اخي موضوع مميز يعطيك العافية اهنا ابا جهل و يتشوكا يقول واش بيهم العباد هادو استغفر الله

كيفاه يعني لهاد الدرجة هامكم برك تزيدوا المشاركات يا سيدي راهم زادوا راهم وصلوا للعشرة آلاف واش صرا يعني طاحت السماء

و نزيد حاجة يا ناس ما تخافوش الكتيبة باطل و الحبر تاع الكلافي ما يخلصش

يا جماعة الكلمة الطيبة صدقة و اهم شيء انها تكون في محلها

صح فطوركم و اعذروني على الانفعال

 

[حفيد هواري بومدين]

مع من راك تحكي؟؟؟؟
الله غالب
درنا قوانين مافهموش
فهمو غير كوبي كولي
مالقينا مانديرو

​

 

[maya31]

ياودي يا ختي غير باش يزيدو المشاراكات سي فري مام دروك رانا نشوفوها ربي يهدي ما خلق
و ان شاء الله رسالتك توصل
​

 

[sleepingbeauty]

مع من راك تحكي؟؟؟؟
الله غالب
درنا قوانين مافهموش
فهمو غير كوبي كولي
مالقينا مانديرو

​

الكوبي كولي في المواضيع قلنا بالاك
في الردود تاني كوبي كولي
راسي حبس معا هاد العقليات
يعطيك الصحة الحاج و صح فطورك
​

 

[لحظة أمل]

عادي يا اختي
وهدا راجع للمستوى المعرفي نتاعهم
وكيما قلتي يحوسو يزيدو مشاركاتهم فرات
​

 

[sleepingbeauty]

ياودي يا ختي غير باش يزيدو المشاراكات سي فري مام دروك رانا نشوفوها ربي يهدي ما خلق
و ان شاء الله رسالتك توصل
​

شفتي كيفاه
ايه اختي ان شاء الله توصل لاخاطر لا ما وصلتش رايح يطرطقلي العرق تاع الصح
صح فطورك اختي
​

 

[sleepingbeauty]

عادي يا اختي
وهدا راجع للمستوى المعرفي نتاعهم
وكيما قلتي يحوسو يزيدو مشاركاتهم فرات
​

ربي يهديهم
ما تدريش ندعيولهم في هاد العشر اواخر الدعاء مستجاب
شكرا على مرورك اختي
​

 

[sleepingbeauty]

ههههههه جماعة تالمو قريب جهلت كتبت يطقلي عرق في بلاصة يطرطقلي اواه نروح نقرا شوية القرآن خيرلي
​

 

[largo19]

و الله غير شفتها صح. في الموضوع تاع أبو عمر الفاروق.... واش تحبي ديري.. و الله كاين شي غاشي ما علابالو بوالو.. المهم عندهم كي يلقاو شعار ولا صورة مليحة مكتوب فيها شكرا ولا مشكور ولا ما علاباليش.. يحطها في الرد تاعو بلا ما علابالو حتى واش هو الموضوع أصلا .. أنا نضن لوكان تسبو في موضوع جديد . تلقاه يدخل بسرعة و يقلك شكرا .. مع شعار ملون ... الله يهدي ما خلق

 

[حفيد هواري بومدين]

هاد هو الكلام الزين بلاك ليوم ليلة القدر

تصبحي على خير

​

ههههههه جماعة تالمو قريب جهلت كتبت يطقلي عرق في بلاصة يطرطقلي اواه نروح نقرا شوية القرآن خيرلي
​

 

[نبـ الحياة ـض]

موضوع مميز شكرا:tongue_smilie:













هههههههه كاين هذي العبارة ويستخسرها فيك:music_whistling:
ومايهمهمش الموضوع
الي يرد اللول على الموضوع يقول شكرا الي وراه قاع يعاندوه يقولو شكرا
تبع وقول بع:wink:

 

[** غزال الصحراء **]

استغفر الله يا ربي , و الله هاذي نتيجة للتهور و الإهتمام بالكم ماهيش عفسة يليق لواحد يكون مسؤول على واش يقول أيا السيد ميت و هو مشكور لا حول و لا قوة إلا بالله .. شكرا على الإلتفاتة .
​

 

[Rohana]

حسبي الله ونعم الوكيل حتى في العزا مشكور والله يعطيه الف عافية على واش يشكر على الموضوع و لا على الحزن ...... استغفر الله .

 

[njouud]

j éspère nass kel yakhdmou b wach goolti

 

[sleepingbeauty]

و الله غير شفتها صح. في الموضوع تاع أبو عمر الفاروق.... واش تحبي ديري.. و الله كاين شي غاشي ما علابالو بوالو.. المهم عندهم كي يلقاو شعار ولا صورة مليحة مكتوب فيها شكرا ولا مشكور ولا ما علاباليش.. يحطها في الرد تاعو بلا ما علابالو حتى واش هو الموضوع أصلا .. أنا نضن لوكان تسبو في موضوع جديد . تلقاه يدخل بسرعة و يقلك شكرا .. مع شعار ملون ... الله يهدي ما خلق

ههههههههههههه ايه صح فكرتني ايماجينيو نفس العضو يدخل لهاد الموضوع و يكتب شكرا علابالك اللتم يترفع عليه القلم تاع الصح
وعلاه عليك تقول الموضوع اللي صرا فيه المشكل و تفضح في الحالة :scared: استر ما ستر الله ولا نقولك خلي بالاك يشهموا ما يزيدوش يعاودوا
مارسي على المرور
​

 

[sleepingbeauty]

موضوع مميز شكرا:tongue_smilie:













هههههههه كاين هذي العبارة ويستخسرها فيك:music_whistling:
ومايهمهمش الموضوع
الي يرد اللول على الموضوع يقول شكرا الي وراه قاع يعاندوه يقولو شكرا
تبع وقول بع:wink:

ههههههه خلعتيني في اللول علابالك
ايه والله راكي تشوفي يتبعوا في بعضاهم واحد يقول ايه كامل ايه واحد ينتقد وراها 10 صفحات انتقاد لاحظت هادي تاني بزاف
شكرا لك اختي على المرور
​

 

[sleepingbeauty]

استغفر الله يا ربي , و الله هاذي نتيجة للتهور و الإهتمام بالكم ماهيش عفسة يليق لواحد يكون مسؤول على واش يقول أيا السيد ميت و هو مشكور لا حول و لا قوة إلا بالله .. شكرا على الإلتفاتة .
​

شفت كيفاه خويا علابالك انا علاه زعفت على خاطر حطيت روحي في بلاصتو نكتب موضوع بعيد الشر باه الناس تعزيني و تواسيني يجيني رد كيما هادا ينوض الشيب
العفو اخي و شكرا على ردك الجميل
​

 

[sleepingbeauty]

حسبي الله ونعم الوكيل حتى في العزا مشكور والله يعطيه الف عافية على واش يشكر على الموضوع و لا على الحزن ...... استغفر الله .

سؤال وجيه علابالك على واه يشكر تجي تفهمي يتبلوكا مخك و الله عيب علينا
شكرا اختي على مرورك
​

 

[sleepingbeauty]

j éspère nass kel yakhdmou b wach goolti

ان شاء الله اختي من فمك لربي
شكرا على مرورك اختي
​

 

[kilwa]

:scared:خلعتينا اختي راكي مليحة دوكا
ههههههههههههههههههههههههههههههههههههههههههههههههههههههههه:confused1::sad:
​