«•¨*•.¸¸.»هـلٍ تقبلٍ انٍ تحضرٍ زفافٍ حبيتكٍ او حبيبكٍ«.¸¸.•*¨`•»

[AZZOUAlg123]

هههههه كي تزوج ماتعودش حبيبتي مالا نحضر ادا دعاوني

 

[nina bonoise]

impossible نروح

 

[souzana f]

لا لا كون نروح ندير dèga ههههههههههههههههه

 

[bessmounette]

علاه مالقيت ماندير مانروح مانقيمو هو يتزوج و انااا نروح باه نموت بالقنطة
يروح يلعب على روحهو وانشالله يربح برك ومع انى مانظنش...
شكراااااااااااااا على لموضووووع
​

 

[ASMA17]

نفرحلو من قلبي و ندعيلو ربي يكملو ماراه متمني
مي مانروحش

 

[khaledmcs]

لا مانقدرش نروح على خاطر لكان نروح صعيبة عليا وعليه
وحتى لكان نمثل ولا هو يمثل نحسو بعضانا

 

[أميرة مجنونة]

اذا كان نبغيه من قلبي و هو كان يموت عليا لا مانروحش ابدا على خاطر انا حساسة و غادي نتغاشى تما و نقلب العرس سبيطارو انا لي نبغيه نتمناله الخير ماشي نكرفسله الليلة اللولة و نضيع عليه حياته اصلا غير زواجه من وحدوخرة بزاف عليه هاداك هم و ذنب غادي يرافقه قاع حياته و الله لا يوصلنا لهادا الموصل.
صحيت خويا على الموضوع.

 

[fahima m]

نروح باه نبيلو بلي نسيتو وما كان والو ومانيش متاثرة كيما هو جاتو الجراة باه يعرضني نتجرا ونروح ونشوف برك كيفاه تجيه الكوستيمة ونشوف الي تزوجها فاش خير مني

 

[اية هديل]

نروح بلا عرضا

 

[ألاء الرحمن 90]

انا تبالي منمشيش منجمش غير تقولي نمشي بصح قلبك ميخليكش

 

[غليزانية]

نقللكم انا ما روحتش للعرسه وزيادة مرضت 15 يوم بعد عرسه واش نقول كل واحد ياخد نصيبه الزواج قصمة ونصيب بصح مبعد فرحتله والله يداوي كل قلب مجروح وكيما يقولووو الجرح يبرى ويبقى غير ليسكاتريس برك هههههههههههه

 

[bessad]

ان شاء الله ما نتحطش في هادا الموقف علابالي ما نقدرلوش

 

[sayco]

راكم تهدروافي ليستاع كيما يقولوا .كي تصرالكم صح ما تقدروش تروحوا وماتقدروش تعرضوا حبيبكم الاول . ان واحد من الناس مانديرهاش .​

 

[أحمد ولد الجزائر]

في حالة اذا ماكان طرف غير مهتم بالآخر يعني بنت الله غالب ما عجبتهاش ...و رضات بواحد وجدته افضل منك في تلك الحالة رايح نفرحلها لان هذا هو القرار الصائب
لكن في حالة الحب المتبادل .......اففففففففففففففففففف......مانطيقش حتى نتكلم ..........نسبة كبيرة نقعد بلا زواج هادي أكيد و مانيش نزعق ....و الانتحار ماهوش صعيب في هذا الظروف و شهدت حالات جنون في مثل هذا الامر عند بعض الناس
انا ما نقبلش و الله نخسر العرس و ندير حيحاية يا يعطوهالي.يانخونها.يا نشوف كي ندير المهم تاعي تاعي نبغيها .............................ضروك نولي نبكي ....ماتعاودوش تذكرة موضوع كيما هذا قدامي

 

[zorimino]

منكدبش عليكم منخليلوش الفرصة باش يعرضني لانني لا استطيع النظر الى زوجته