آخر كلمة والمسابقات الكاذبة

[الأمير الجزائري]

السلام عليكم
رايح نحكي لكم قصة شخصية والهدف منها نخبركم كيفاش تتحايل الشركات علينا وتاخذ فلوسنا
كلكم تتذكروا حصة آخر كلمة والمقدم نافع الجندي ... والإنذارت والملايين . وتونس ...
أنا واحد من ضحايا آخر كلمة ... شاركت بالهاتف وجاوبت على الأسئلة الموجودة على رقمهم في الهاتف رغم ان بعض السئلة مستحيل الإنسان يجاوب عليها ولكن المهم جاوبت 7 / 7 وبعد أيام اتصلوا بيا من العاصمة وقالت لي الموظفة أنت فلان ... قلت لها نعم ... قالت لي راك جاوبت على الأسئلة من فضلك ارواح عندنا للمقر في العاصمة(حيدرة) ... وقالت لي جيب معاك جوكار ولازم لكم جوازات سفر... أنا قلت رايحين لتونس ... بسرعة خدمت باسبور وطلبت من صديقي يروح معايا .... المهم وصلنا لمقر آخر كلمة في حيدرة ... أوف جماعة كبيرة وجدناها تنتظر .... من الصحراء ومن الغرب ومن الشرق ... وكاين اللي جاب طاكسي ب500 ألف وكاين اللي بات هناك وكاين اللي عندو 9 مرات وهو يجي هنا
نختصر لكم ... جاو زوج بنات وطلبوا منا ملأ وثائق وتعهد ورقم الهاتف ثم طلبوا مني الدخول للقاعة وين (الكاستينغ) وأمام الكاميرا طرحوا عليا اسئلة تافهة ماعندها حتى علاقة بالثقافة منها وين تسكن ؟ باش تشتهر منطقتك ؟ لو تربح مليار واش تعمل بيه ؟ .... وبعد شوي دخلوا صاحبي وسألوه منين تعرف هذا؟؟ (تحسب تحقيق).. واش تخدم ؟؟ ....الخ ...وكنا نجاوبوا بكل فصاحة وبعدها طلب منا المغادرة ... قالك أنتما بربي راكم في تونس على حساب واش هدرتوا بارك الله فيكم وماشاء الله عليكم ... روحوا حتى نعيطو لكم بالهاتف ...قبل 20 يوم وإذا ماكاش ماكاش
لليوم راني نستنى ...قريب 5 سنين ههههههههههههههه كذابين وسراقين ... ماكاش منها كامل هذي المسابقات ...
ردوا بالكم الله يستركم خاوتي

 

[** غزال الصحراء **]

و الله لا حالة ! أنا علابالي بلي يحتالو على الناس و يسرقو الدراهم مي ما كانتش حاسب

الوقاحة تلحق بيهم لدرجة يلمو الناس في جيهة وحدة و مبعد يطردوهم قالك وصل للبير و ما

شربش الله لا تربحهم معليش زيد تسنى عامين أخرين بالاك يعيطولك :glare:, و هاذي عبرة

لينا باش نعرفو وين نحطو رجلينا هاذي في بلادنا و حشاوهانا مالا كاش مسابقة خارجية

كيفاش الله يهنيك على سرد التجربة و ان شاء الله تعم الفائدة .​

 

[أنا وأخي]

ههههههههههه لاحول ولاقوة إلا بالله ..

بلاد ميكي والله ..​

 

[السوفي حمة]

أصلا حصص اللعاب التلفزيونية كلها هف في هف
وكثير من الناس ربحت ومستلمتش جوائزها منذ سنين
ونذكر أحد المواطنين كتب شكوى في الجرائد ضد حصة حفيظ دراجي
والحصة التي تكلمت عنها ظهر مستواها حين عوض نافع بالممثل الفكاهي للأسف منعرفش أسمه
يعني نعوض طبيب بمهرج في حصة من المفروض أن يكون منشطها ذو مستوى ثقافي محترم
​

 

[الأمير الجزائري]

ههههههههههه لاحول ولاقوة إلا بالله ..​

بلاد ميكي والله ..​

هههههههه
ربي يعوظ عليك
وبيني وبينك والله لبسولك العمه
تعيش وتاكل غيرها

شكرا لكم على الردود... والعقوبة ليكم
تحسب كاميرا كاشي
مازلت راني نستنى ... حتى ينور الملح

 

[الأمير الجزائري]

و الله لا حالة ! أنا علابالي بلي يحتالو على الناس و يسرقو الدراهم مي ما كانتش حاسب ​

الوقاحة تلحق بيهم لدرجة يلمو الناس في جيهة وحدة و مبعد يطردوهم قالك وصل للبير و ما ​

شربش الله لا تربحهم معليش زيد تسنى عامين أخرين بالاك يعيطولك :glare:, و هاذي عبرة ​

لينا باش نعرفو وين نحطو رجلينا هاذي في بلادنا و حشاوهانا مالا كاش مسابقة خارجية ​

كيفاش الله يهنيك على سرد التجربة و ان شاء الله تعم الفائدة .

أصلا حصص اللعاب التلفزيونية كلها هف في هف

وكثير من الناس ربحت ومستلمتش جوائزها منذ سنين
ونذكر أحد المواطنين كتب شكوى في الجرائد ضد حصة حفيظ دراجي
والحصة التي تكلمت عنها ظهر مستواها حين عوض نافع بالممثل الفكاهي للأسف منعرفش أسمه صالح أوقروت
يعني نعوض طبيب بمهرج في حصة من المفروض أن يكون منشطها ذو مستوى ثقافي محترم ​

والله صحيح ماعاد شيئ يمكن أن نثق فيه في هذي البلاد
شكرا لمشرفينا على ردودهم

​

 

[N@riM@N]

يخي حاله حاله:thumbdown:
وانتا تاني تعبر فيهم وداير منهم راس لمال
ونزيدكـ انا بعتولي ميساج من دجيزي عمره
مي مقيمتهمش خطره ع بالي عمره متجبش بـ7لف
مرسي ع الموضوع:biggrin:​

 

[الأمير الجزائري]

يخي حاله حاله:thumbdown:

وانتا تاني تعبر فيهم وداير منهم راس لمال
ونزيدكـ انا بعتولي ميساج من دجيزي عمره
مي مقيمتهمش خطره ع بالي عمره متجبش بـ7لف

مرسي ع الموضوع:biggrin:​

أنا كنت حاب نربح مليار
وقلت ماعليش 800 مليون ولا 900 مليون
هههههههههههههههههه



أنا بعثوا لي ميساج من جيزي قال لي راك ربحت سيارة 4*4 فولفساقن ماعليك سوى الإتصال بالرقم ..... ولكن فاقو إذا حبوا يرسلوا لي السيارة يقولوا لي ارواح خذها بلا تليفون

 

[ابتسام 2]

هذه الجزائر وهذا حالها

 

[الأمير الجزائري]

هذه الجزائر وهذا حالها

شكرا إبتسام على المرور
أكيد هناك آخرين تعرضوا لعملية مثل هذي وفي مجالات أخرى متنوعة
وهذي هي لا لجيري مون آمور

 

[Lonely Girl]

سلامة راسك حبلك فيها ربي الخير ومتعرف باش متزيدش تغلط مرة اخرى
انا منجرب منسيي نجرب ههههههه معندو مداني
​

 

[كلي امال]

السلام عليكم و رحمة الله تعالى و بركاته
كنت دايرة في بالي يكون الغش غير في المسابقات تاع المنتوجات اللي تجمع فيهم لي بوات و هيا تاني كاين في الحصص الثقافية
و الله عجب
مشكور اخي المحترم على التنبيه

 

[nina bonoise]

يعني مش الكل كذابين و الله
اي ماما وحد المرة عيطولها في البورتابل
قالولها شركة دجيزي ترحب بكم
النوميروا تاعط طاح في القرعة و دورك نفليكسيولك 100 الف
قالولها اعطينا النوميروا تاع لاكارت تاعك و قعدوا يحكيو معاها شوية و مبعد فليكساولها ال 100 الف بلا كذب ول حيالة

 

[nina bonoise]

يعني مش الكل كذابين و الله
اي ماما وحد المرة عيطولها في البورتابل
قالولها شركة دجيزي ترحب بكم
النوميروا تاعط طاح في القرعة و دورك نفليكسيولك 100 الف
قالولها اعطينا النوميروا تاع لاكارت تاعك و قعدوا يحكيو معاها شوية و مبعد فليكساولها ال 100 الف بلا كذب ول حيالة

 

[الأمير الجزائري]

يعني مش الكل كذابين و الله
اي ماما وحد المرة عيطولها في البورتابل
قالولها شركة دجيزي ترحب بكم
النوميروا تاعط طاح في القرعة و دورك نفليكسيولك 100 الف
قالولها اعطينا النوميروا تاع لاكارت تاعك و قعدوا يحكيو معاها شوية و مبعد فليكساولها ال 100 الف بلا كذب ول حيالة

لكن ما قلتناش واش سبب هذا
ربما بونيس من عند جيزي
وهذيك ماهيش مسابقة ..........
شكرا لك أختي ولكل المشاركين

 

[elkadir]

انا منحبش المسابقات هاذي نتاع 70دج تقدر تكسب مليار بصح
يا خويا كان قادر يكون في بلاصتك اي واحد ويغيضوا الحال على دولة عوجة
كيما راها السرقة دايرة رايها في كل بلاصة..مي هوما يسرقوا ومعندكش حق تهدر ولا يسرقك باسم القانون​

 

[دلال سطيف]

يخي حاله حاله:thumbdown:
وانتا تاني تعبر فيهم وداير منهم راس لمال
ونزيدكـ انا بعتولي ميساج من دجيزي عمره
مي مقيمتهمش خطره ع بالي عمره متجبش بـ7لف
مرسي ع الموضوع:biggrin:​

 

[nina bonoise]

لكن ما قلتناش واش سبب هذا
ربما بونيس من عند جيزي
وهذيك ماهيش مسابقة ..........
شكرا لك أختي ولكل المشاركين

لا لا هذي كانت مسابقة دايرينها تاع دجيزي و واحد مكان عالم بيها
االمهم هم داروا قرعة النيميرو تاع ماما خرج في القرعة
عيطولها و قالولها مبروك و فليكساولها 100 الف
الزهــــــــــــــــــــــــــــر

 

[الأمير الجزائري]

لازم يعرفوا الإخوة والأخوات بللي آخر كلمة هي مسابقة ثقافية وماهيش زهر.
كاين اللي خسر 2 ولا 3 ملايين في التيلفون وما قدرش يجاوب على هذيك الأسئلة الصعبة
وأنا حاولت عدة مرات وجاوبت بصعوبة على 7 أسئلة صح من 7 أسئلة اللي يطرحها الموزع الصوتي
وتخيلوا كاين سؤال يقول : كم عدد المشتركين في الأنترنيت في العالم :1/ 600 مليون 2/ 800 مليون 3/ 1200 مليون .... وهناك أسئلة علمية ورياضية وتاريخية ... أنت وثقافتك