مسخرة السنة الدراسية 2010/2009

الحالة
مغلق ولا يسمح بالمزيد من الردود.
ع

عبق الياسمين

:: عضو منتسِب ::
help.gif
:thumbdown:انها مسخرة حقا ان يتغير البرنامج في محض ثلاثة اشهر "العطلة الصيفية" وسكتنا وما هدرناش اضافو عام في المتوسط ولينا ربعة و ما هدرناش واخر شيء قضية المازر الوردية والزرقاء "حبايسية " واخيرا نهاية الدراسة على الساعة 5:30مساء مع انه المنازل بعيدة بحجة ان الساعة 1:00بزاف علينا مع العلم اننا ما ندرسوش على الساعة 1:00طيلة ايام الاسبوع فما العمل و les bus ما كانش قولولي واش الحل ؟؟؟؟:scared:
 
والله غير عندك الحق ماشي برك تمسخير راه سرك كبير مزلنا برك نحوسو على المظاهر في الطابلية الزرقة والوردي ومجاو الناس يشريوها حتى خرجو قلوبهم ونزيدو الخرجة تع 5.30 وكاين الفيد نهار الثلاثاء في العشية منعرف علاه مدروش برنامج منظم بصح صح رانا في بلاد الميكي لا تنظيم لا تسيير
يعيطيك الصحة على طرح الموضوع
 
تعيشي على الرد وربي يكون في عون جميع المتجهين نحو المؤسسات التعليمية .
 
هيا من ناحية مسخرة مسخرة
+
تعب
سيرتو هاك 5 و نص
و لا كي تخرجي ع 12 و ترجعي ع 1 ونص
ما يزيكش الوقت خلااص
ربي يهديهم برك
مشكوورة اختي
​
 
بلاد ميكي............
 
مسخرة هي الكلمة التي تعبر عما يجري في قطاع التربية
وكما قلنا فبن بوزيد يعتبر قطاع التربية ملكية خاصة يتصرف فيها كيفما شاء، وأولادنا ضحية كل هذا
لكن حتى نحن مشتركون معه في التمسخير مادمنا ساكتين
​
 
ربي يهديه هذا واش نقدر نقول . راهو داير فينا حالة ندخلو من الثمانية حتى لل5.30 واش راه حاسبنا مصنوعين من حديد. وزيد العطلة الصيفية نقصلنا فيها وحتى المئزر في الليسي ولا لونو ابيض نورمالمو مكاش منها كامل المئزر هذا اللي يقرا مايحتاج لا مئزر ولا هم يحزنون . الصح راهو في واش نفهموا .
يعطيك الصحة على الموضوع المميز.​
 
ربي يعينكم على ما بتلاكم ولله تمسخير تاع دراري صغار مهوش تاع رجال
 
والله مسخرة كبيرة وسيرتوا كي زادونا ساعة انا نوصل للدار على السادسة واش دير من بعد تتغدى ولا تصلي ولا تحل تمارين ولا تحفظ ولا تريح ولا .................و المئزر الوردي (فام دو ميناج) اصلا المئزر ما عندو حتى فايدة ما ينزعش الفوارق الاجتماعية لانو جزء بسيط من اللباس يعني لوكان بغاو ينزعوا الفوارق الاجتماعية يوضعوا لباس خاص
 
سلام عليكم
والله راي من رايكم
مسخرة هي الكلمة المناسبة
لكن ماتلوموش بن بوزيد وحد
نص منه و نص من الشعب
الجزائرين 35 مليون لو خرجو فقط الفين جزائري و تظاهيو امام مقر الحكومة فالعاصمة والله غير يعدلو القرار لكن
لا حياة لمن تنادي
و انا من المتضررين على خاطر لو لا السنة لي زادوها فالمتوسط تكن رانا فالجامعة ضرك
ماشي واحد في عمره 100 سنة و قاعد يحفظ فالتاريخ و الجغرافيا
 
البنت تعتبر نفسها رايحة تخدم متل ماقالت اختي فام دوميناج
و الولد رايح يخدم عامل نظافة ولا تع السكة الحديدة يلبسو الازرق


​
 
mais ntouma rakom fi ra7ma.....ds notr lycée lé blouz ac lé maaaaaaaaaaaaaaaanche..........vrm c 1e catastrof naturel!!!!!!! jvé chanjeré 2 lycé a coz de ça!!
 
هادي ماكانش قاع منها
حتى لوكان نصرطوا لافار تاع الطابليات حنا الساعة تاع 4-5 كنا نقراوها بالسيف
درك زادونا ساعة العشية سما 8 سوايع حسبونا ميكروات مانعياوش ولي يسكن بعيد حنا معانا وحدين نص ساعةولا اكتر باش يوصل للدار هدا واش بغاوه يخبط راسوا على الحيط وزعما شارجاو كلشي وخلاو يومين ويك اند حتى الواحد ينسى بلي راه يقرا قاع
هدا بن بوزيد حسبها jeu راه غير يلعب
 
يعطيك الصحه ختي

ربي يكون فلعون
 
السلام عليكم

9الوها ناس بكري

"لي بعيد على الزازا يتسما فاهم"

هما اولادهم يقروا في des écoles privés بالمقامة و شوفار يدي و لاخر يجيب
c normal ما يحسنوش عونا ما شي حاسين بينا

و الله الى فوضى كبيرة راهي في ما يسمى "قطاع التربية و التعليم"
زعمة جا يكحلها عماها

و كي تهدر يقولولك الله غالب جايا من المينيستار
احنا علاه

ربي يجيب الخير
و يعطينا الصبر بلا عبر


​
 
والله موفيز افير .........انا لازم عليا نسجل في لاكونتين ولا ما نلحقش على الحصص العلمية.................والله هاذ بوزيد ينعس ينعس ومباعد يخرجنا بخرجا ما هياش..........................
​
 
حقل التجارب
 
البنات بالمئزر الوردي قاعدين كي الفامدوميناج هههههههههه
و العبد يخرج على ال 12 يرجع على ال 1.30 عيان في حالة
ربي يعيننا
 
أنا نطلب من سي بن بوزيد يجي عندنا للصحراء في شهر ماي برك
ويوقف في الساحة 5 دقائق إذا تحمل السخانة، خلاص رانا قابلين أولادنا يقراو حتى في شهر أوت
يا بن بوزيد أخرج من المكتب نتاعك وألبس نواظر ملاح وشوف الشعب الجزائري كيفاش عايش
​
 
الحالة
مغلق ولا يسمح بالمزيد من الردود.
العودة
Top Bottom