السلام عليكم ورحمة الله وبركاته
خاوتي وخواتاتي اعضاء اللمه
هاد الموضوع دائما راه يدور في راسي
وماشي عاجبني خلاص
نبدء
الشبيبا نتاعنا هاد لعوام لخرين صارو
حاكمين وحد الطريق منعرف لوين راح توصلنا
هادي ضاهرا عندنا بزاف منها
دركا الشبيبه راهم تلقاهم يستناو في العيد ولا الدخله تاع لقرايا علاجال باه يتلاقى مع صاحبتو ولا هيا تتلاقا مع صاحبها
ولي معندوش تصيبو داير حاله في روحو باه يجبد الانضر ليه ولا يرمي في نيميرو تاعو للبنات ولا يرحم والديكم كيما نهار العيد
الناس راهي خارجا من شهر العباد ه والرحمه و هوما للاسف يستناو فيه باه يديرو حوايج مترضيش ربي سبحانو
يتلاقاو في المقبره
والله المقبره انا واحد من الناس نسكن بحداها وعمرها ما يجي ليها واحد غير في العيد
كي نخرج منصدقش عينيا وحد الناس جايين لاعبينها يزورو وبصح راهم جايين لقصد وحد اخر ومن بعد يقلك ربي مزال مفرجش عليا بكاش خدما ولا
بصح نساو بلي ربي عالم بقلوبهم واش فيها
ولا يصلح الله ما بقوم حتى يصلحو ما بانفسهم
يا خاوتي ربي يهدينا جميعا لانه مكانش لي مفيه حتى عيب
بصح كل واحد وكيفاه
وهاد الضاهرا بذاة ماشي تاعنا لاننا مسلمين
والحمد لله
لوكان كل واحد يقعد معا روحو حتى 20 دقيقه كل يوم عمرو ميخمم باه يدير حوايج كيما هادو
ارجو انني اوصلة لكم الفكره بطريقه تفهموها كامل
والله ولي التوفيق
ارجو التفاعل
