:: .. حالة وحد البنات دزيريات !! .. ::

[aMiNa-K]

السلام عليكم

اختي انا عندي اضافة الفتاة من حقها تشوف مخروجها بصح اذا كان الزواج ماهوش من الاولويات والخطابة ترجعهم

وعلاش العلاقات الغرامية في الليسي والجامعة المشكل راه هنا حبيب نعم زوج لا​

​

و عليكم السلام و رحمة الله و بركاته

اهلا خويا طارق

الله غالب هاد النوعية كاين منها بزاف
تقولك خلوني نعيش قصة حب.. و لا خلوني نزها شوية في حياتي.. و كي تلحق للصح تقولو استناني حتى نكمل قرايتي و نخدم و ندير شوية تاويل و من بعد نتزوجو

و من بعد يقولك علاش لي جون تاوعنا يتمسخرو

مشكور على المرور​

 

[aMiNa-K]

وعلاش اللي تزوجوا واش داروا جاب اولاد هدا مكان

hmy:
aaaaaaaaaaaa

اهههههههه
يا يما يا يما

sans commentaire
:glare:

​

 

[aMiNa-K]

عجبني موضوعك أمينة

للأسف معظم لبنات من هاد النوع يخمو هكا...وهو بيان سير تخمام غالط

كاينة وحدة نعرفها من لي دات الباك حتى ولات أستادة فالليسي مرسمة وهي تتكبر على هدا وهداك...هدا خدمتو مش سطابل..

..وهدا مش زين

وهدا ماعندوش طوموبيل

...وهداك ماعندوش النيفو

........طططططططط
ومبعد فاللخر كي قربت توصل للتلاتينات ولات تحوس برك يجيها اي واحد ويطبطب على دارهم

وتقولو ايه

يعطيك الصحة عالموضوع أمينة​

اهلا اختي سندريلا

راكي تشوفي اختي.. و هدا مثال واحد من امثلة كثيرة و كاين بنات بزاف مازالهم بهاد التخمام

صحيتي اختي​

 

[aMiNa-K]

hanouna jabli rabi saksitini 3la rayi w 3titoulek

wana 3labali wech rani nahder manich rayha ntih 3la wahed kari w complexè wela .....etc
koul wahed chayef kifech rayeh ykoun alaiz wana b krayti w khadti .... w bechroti tani
w lkhadma mat3ayenich psk nakhdem pour le plaisir machi bech nesref 3la dar
en + pour moii:001_wub:
ghir zawaj li sahel w bchroti w lwakt li nhab w bi men nhab ..
w rabi yakhlef 3la li tharget 3la zwaj w rahet hyatha​

اهلا بيك اختي مرة اخرى

ياو الهدرة هادي هدروها اللي قبلك.. :glare: و رانا شفنا وش صرالهم :thumbdown:

جايين الايام et tu vas voir

​

 

[aMiNa-K]

اهلا خويا حاتم

راك تشوف كيفاش يخممو.. قالتك تكمل قرايتها و تخدم و تزيد تعيش la belle vie ههههه​

للعشرة مايعرفوش يحسبو كيفاش يحسبوها للبعيد​

رايك في محلو.. بارك الله فيك خويا​

جابلي ربي ما حطيتيش موضوع باش كامل يعاودلوك هدرتك و يقولولك عندك الحق اختي
و زيد انا كي رديت محطيتكش رايحة تقولي قالتك تكمل قرايتها و تخدم و تزيد تعيش la belle vie ههههه
سامحيني ختي عمبالي هذا موضوع للنقاش بصح خيبتي ضني :thumbdown:

[/QUOTE]

خيبت ضنك !!.. علاش وش كنتي تستناي مني؟.. و لا كنتي تستناي نقول:
بااارك الله فيك
عندك الحق اختي .. صحيتي
:thumbdown:
و زيد رانا نتناقشو برك.. الزعاف غير حطيه بجيه

*و صح وش قال الاخ حاتم.. و لا كلمة الحق ولات تزعف.. احسبيها شوية ماتجي تلحقي لواش راكي حابة مع شروطك تلقاي روحك كبرتي
و تاوعنا دوك يحوسو على وحدة غير مادخلت للعشرينات :thumbdown:

*و الجملة اللي ماعجباتكش:

(قالتك تكمل قرايتها و تخدم و تزيد تعيش la belle vie ههههه)

كنت حابة نقول بلي الخدمة وحدها و الزواج بواحد قاري ماشي معنتها la belle vie

*خمي شوية بla logique

مانطيروش بزاف بles reves باسكو الواقع تاعنا يقول حاجة اخرى

و كل وحدة مسؤولة على قراراتها
​

 

[aMiNa-K]

اولا اختي نشكرك على الموضوع​

فووور بزاف
ثانيا انا وحدة من هذا النوع
يعني لازم نقرا ونكمل باش نتزوج
و اللي عندها راي مخالف تشوف لروحها
ماتحوسش قاع الناس يديرو كيفها
انتي مكيش باغيا تقراي و راكي باغيه الزواج الله يسهل عليك تزوجي عادي
بصح......
ماتحوسيش كامل لبنات يديرو كما نتي
كل وحدة وكيفاش تخمم
والقرايه يا اختي راهي مستقبل البنت ...مكيش ضامنة واشراهو مخبيلك المكتوب ​

رانا نشوفو بزاف بنات مطلقات مرميين برا ماقبلوهم لاخواتهم لا اهلهم وفي موقف كما هذا قوليلي القرايه مشي مليحه ​

اهلا اختي فريدة.. (اسمك بزاف شباب)​

-------------------------​

بصح اسمحيلي نقولك راكي رحتي فوpiste :thumbdown:
مارانيش ضد القراية.. اقراي الموضوع مليح
قلت الطفلة تكمل قرايتها ماعليناش
و القراية مليحة للطفلة.. منها تولي واعية و تعرف كيفاش تمشي في حياتها.. و منها en sais jamais الدنيا تدور عليها.. تصيب الديبلوم تاعها​

----------------------​

* et en plus de ça ماهدرتش على روحي.. و ما قلتش البنات تاوعنا كامل هكدا.. هدرت على فئة برك​

* انا الحمد لله راني رجل في القراية و رجل في الخدمة.. خمي على روحك
و مارايحاش نشرط الخدمة و الدار و و و
لي صونصيال شكون اللي رايحة نتزوج بيه .. مانرميش روحي على راسي.. و مانقعدش نتشرط حتى نصيب روحي وحدي
gليل و لا مرفه مايهمنيش (باسكو دوام الحال من المحال).. قاري و لا ماشي قاري..المهم وش عندو في الراس
المهم نتفاهم معاه و نكون مقتنعة بيه .. الخدمة غير ادا الله غالب لازم نخدم .. مانخدمش pour le plaisir
و الصح كامل في الهنا.. كي نكون مهنية تماك نكون عايشة la belle vie

-------------------

ماحبيتش نكمل نهدر خفت نخلطها و نقيس بزاف بنات :glare:​

 

[aMiNa-K]

يا ختي كل واحد يهدر على روحو

انا نكمل قرايتي و نخدم
و زواج ماشي راح يهرب والبنات اللي يحكيو على العنوسة و يحوسو على اسبابها هوما اللي طمعو فينا الرجالة و لا يجي حابس ما عندو حتى مستوى يروح لطبيبة و يقول واش خصني قرات 7 سنين و بارت تحمد ربي اللي رايح نديها​

ربي يهديكم يا لبنات ديرو قيمة لرواحكم يديروهالكم الرجالة​

اهلا اختي bessmounette

* اختي اهدري غير بالعقل
و العقلية تاع كل واحد يهدر على روحو هي اللي خسرتنا

* وماتروحيش فو بيست.. افهمي الموضوع مليح و من بعد جاوبي

كملي قرايتك على روحك.. و زيدي اخدمي.. اعرفي كيفاش تسيري قبل ماتطفريها في روحك

*و وحدة طبيبة تقبل باللي جات هي اللي توصل روحها.. كي تكون تقرا تقول خلوني نقرا و كي يروح الحال تولي تقول هات برك يجي كاش واحد
النوعية اللي هدرت عليها في الموضوع.. و انتي قلتي راكي وحدة منهم انتوما طيحتو بقيمة المراة.. تتشرطو تتشرطو و كي يروح الحال تقبلو بلي جا..

​

 

[farida91]

اهلا اختي فريدة.. (اسمك بزاف شباب)
مرسي الله يخليك


-------------------------


بصح اسمحيلي نقولك راكي رحتي فوpiste :thumbdown:
مارانيش ضد القراية.. اقراي الموضوع مليح
قلت الطفلة تكمل قرايتها ماعليناش
و القراية مليحة للطفلة.. منها تولي واعية و تعرف كيفاش تمشي في حياتها.. و منها en sais jamais الدنيا تدور عليها.. تصيب الديبلوم تاعها
اممم هدي راكي معيا فيها


----------------------


* et en plus de ça ماهدرتش على روحي.. و ما قلتش البنات تاوعنا كامل هكدا.. هدرت على فئة برك
ماشي فئة برك...
ياو تقريبا الاغلبيه راهم من هذا النوع
مناش في بكري يحوسو على مرا تعرف تطيب و تخدم فالدار
درك اي واحد يحب يدي وحدة قارية


* انا الحمد لله راني رجل في القراية و رجل في الخدمة.. خمي على روحك
راني خممت ماشي حتا تقوليلي نتي
و مارايحاش نشرط الخدمة و الدار و و و
الله يسهل عليك في هذيك
مي كاين اللي يحبو يخدمو
كل وحدة ونخمامها ​

لي صونصيل شكون اللي رايحة نتزوج بيه .. مانرميش روحي على راسي.. و مانقعدش نتشرط حتى نصيب روحي وحدي

الا ربي كاتبلك تبقاي بلازواج ....تهربي من المكتوب ؟؟؟
كل شيء بالمكتوب يا اختي ماتغلطيش
نعرف بزااف اللي قراو وكملو وخدمو وتزوجو مع واحد على حساب قوسطوهم و تشرطو وكلشي
و نعرف وحدات حبسو قرايتهم على جال وحدين ومبعد في لافان سمح فيها
و قعهدت لاقراية لاراجل
واش تقولي هنا؟

اختي امينه اسمحيلي على المرور الثاني
هذا الموضوع طويل كون نعاندو في رد نكتبلك موضوع هههه
شكرا مرة اخرى ​

 

[H@teM]

يا ختي كل واحد يهدر على روحو
انا نكمل قرايتي و نخدم
و زواج ماشي راح يهرب والبنات اللي يحكيو على العنوسة و يحوسو على اسبابها هوما اللي طمعو فينا الرجالة و لا يجي حابس ما عندو حتى مستوى يروح لطبيبة و يقول واش خصني قرات 7 سنين و بارت تحمد ربي اللي رايح نديها

ربي يهديكم يا لبنات ديرو قيمة لرواحكم يديروهالكم الرجالة
​

ربي ينولك لي فبالك يارب
وتلقي الشايب لي يتزوجك
هدا مش تولي طبيبة الامعاودتيش في السنوات لي فاتوا
وزيدي 5سنين قراية ادا معاودتيش وزيدي عامين ولا اكثر باه
تخدمي مستخلفة ومش تترسمي هداك هو واحد 35-40سنة
مليح
​

 

[aMiNa-K]

والله هاذو لبنااات لي تدير كيما هكاااا

يعني مستحيل تدي واحد على قوسطوهااا
احنا كدزيريين نيفنا ديما لفوق ولاطاح تكسر
خلي يا رجالتنا ولا شبابنااا​

موحال تدي واحد على قوسطهااا
انا باريكزومبل ندي وحدة على قوسطويا أنا
وأهم شي تكون مربية تاع اصح
مش هكاك وفرااات ​

لي عودة بإذن الله للموضوع الشيق ​

شكرااا ​

اهلا خويا حمزة

ايه عمباتلهم اطلب يحضر.. اللي ترسمو في راسها هاداك هو.. و من بعد يصطدمو بالواقع

في انتظارك اخي :angel_not:

​

 

[MIMI 1987]

نقولك الصح ختو قرايتي هي الصح و كل حاجة بالمكتوب

 

[asma2090]

ولله انا مع هدا الفكرة انها وحدة تكمل قريتها وتشد خدمتها ومن بعد تفكر في الزواج على خاطر الوقت اللي رانا فيه صعيب بزاف بزاف ورجال مهمش رايحين يخلاصو من دنيا وكيما راني نشوف رجال دوكا يبغاو وحدة تكون قارية وتخدم باش تعاونو في لمعيشة ونسبة قليلة من رجال اللي يقلك انا نحب وحدة تقعد في دار وهدي هيا ختي مدام الوحدة فينا قرات وكملت قريتها من الافضل تخدم وزواج راه يجيبو ربي وادا كانت طفلة مغرورة بالزين نتاعها :001_wub:هديك حاجة اخرى ما علينا غير نقولو ربي يشفي كل مغرورة:cursing::biggrin:​

 

[aMiNa-K]

وشحال تعجبني كلمة أرواح أخطبني برك
ومن بعد ساهل الحال :lol:
زعما باه تحكمــ بلاصة ليها
وهي بعد الزواج ياويلو كلشي يتبدل :angry:​

مالا نقوللهم بلي لي جون كامل فاقو بألاعيبكمــ
غي أحكمو سابعكم وفرااات :biggrin:​

هدي حالة وحدخرة..وشبيك انت.. لازم تروح تخطب و من بعد ساهل
يعني ارمي روحك على راسك :angel_not:

كل واحد يشد سابعو خير

منور الموضوع خويا حمزة​

 

[asmaa_h]

hmy:
aaaaaaaaaaaa

اهههههههه
يا يما يا يما

sans commentaire
:glare:

​

طيب مش انتي راكي حاطة موضوع للنقاش من المفروض رح يكون فيه اختلاف في الاراء و بالتالي لازم تحترميه او تقنعي صاحبو برايك

 

[اماني62]

لي كاتبها ربي هي لي تحضر والمشكل مبقاش فالمستوى العلمي كاين راجل مشي قاري بصح فحل وراجل واما بخصوص الخدمة صح هي حاجة مليحة وضمانة في يد المراة بصح انا اذا جاني مكتوبي راجل فاهم وكافي روحوا قابلة نتخلى على الخدمة في خاطروا ...والحديث قياس

 

[H@teM]

لي كاتبها ربي هي لي تحضر والمشكل مبقاش فالمستوى العلمي كاين راجل مشي قاري بصح فحل وراجل واما بخصوص الخدمة صح هي حاجة مليحة وضمانة في يد المراة بصح انا اذا جاني مكتوبي راجل فاهم وكافي روحوا قابلة نتخلى على الخدمة في خاطروا ...والحديث قياس

الله يبارك عليك اختي هادوا هوما لبنات الصح
هدرة تاع واقع يعطيك الصحة على هاد الرد
​

 

[la fole]

pour moi hado homa el 9afzat ta3 sa7 9rayetha 9bel kolesh w 3andha el ha9 ki techret wa7ed 9ari kifha

 

[aMiNa-K]

اممم هدي راكي معيا فيها ​

هدي حاجة لوجيك بلاما نكون معاك فيها ​

ماشي فئة برك...
ياو تقريبا الاغلبيه راهم من هذا النوع
مناش في بكري يحوسو على مرا تعرف تطيب و تخدم فالدار
درك اي واحد يحب يدي وحدة قارية ​

ايه لابلوبار يحبو يدو وحدة قارية.. بصح تاع دار
اللي يقبل مرتو تخدم غير ادا الله غالب لازم تعاونو فالمعيشة.. و ماشكيتش تاوعنا يخلي مرتو تخدم غير علاجال le plaisir برك.. سينو ماشي دزيري.. و راجل كركاصة برك :thumbdown:
(جماعة النورمال و عقلية كول و النيف مكانش) :thumbdown:

الله يسهل عليك في هذيك
مي كاين اللي يحبو يخدمو
كل وحدة ونخمامها
ايه كل وحدة تعوم بحرها​

الا ربي كاتبلك تبقاي بلازواج ....تهربي من المكتوب ؟؟؟
كل شيء بالمكتوب يا اختي ماتغلطيش
نعرف بزااف اللي قراو وكملو وخدمو وتزوجو مع واحد على حساب قوسطوهم و تشرطو وكلشي
و نعرف وحدات حبسو قرايتهم على جال وحدين ومبعد في لافان سمح فيها
و قعهدت لاقراية لاراجل
واش تقولي هنا؟

هنا المكتوب يدخل في اللعب
كاين صح كما قلتي انتيا.. تشرطو و تشررطو و عاشو مهنيين.. بصح هادو قلال
و كاين مساكن كانت نيتهم مليحة بصح ربي ماكتبش

اوموا في اللخر ماتلومش روحها و تقول لوكان غير ماتشرطتش.. و تانيك ماتلومش روحها و تقول لوكان غير خممت شوية


يعني ادا شافت بلي مكتوبها الله غالب.. ماتلومش روحها تقول مكتوب ربي
و ربي يخلف عليها​

اختي امينه اسمحيلي على المرور الثاني
هذا الموضوع طويل كون نعاندو في رد نكتبلك موضوع هههه

شكرا مرة اخرى
العفو اختي​

 

[rourou 2]

و الله انا نقول انو الطفلة لازم تخمم في قرايتها بزاف و ادا جاها مكتوب مع واحد ليشتا خدمة صغيرة و ما يهمش انا كترمنو في نيفو ماي نعيشو حياتنا

 

[bessmounette]

ربي ينولك لي فبالك يارب
وتلقي الشايب لي يتزوجك
هدا مش تولي طبيبة الامعاودتيش في السنوات لي فاتوا
وزيدي 5سنين قراية ادا معاودتيش وزيدي عامين ولا اكثر باه
تخدمي مستخلفة ومش تترسمي هداك هو واحد 35-40سنة
مليح
​

طبيبة نقري 7 سنين و نعاود 7 سنين و نخدم مستخلفة 7 سنين و نترسم على 7 سنين و نتخطب على 7 سنين و نزوج على 7 سنين
ونجيب سيد الرجالة

ربي ينولك لي فبالك يارب
وتلقي الشايب لي يتزوجك :thumbdown: يخي هدرة يخي