غلطت عمري واش ندير عاونوني

[روزاليندا]

مساء الخير لكل اعضاء اللمة توحشتكم بزاف بزاف انا اليوم عندي مشكل ومعندي غير نتوما لي نحكيلكم ونشاء الله تعطوني رايكم فيه و تعاونوني تعرفت على واحد جان حكينا مع بعض ومنكدبش عليكم لقيت فيه بزاف حوايج ملاح و كان صريح معيا وهدا الشي لي عجبني فيه هو تاني والفني بزاف جازوا 12اشهر وحنا نحكو في تيلفون وكل يوم كانا نزيدوا نتعلقوا بعضنا اكتر حتا وصلنا نحكوا ب 5 ساعات في اليوم حتى جاء النهار لي تلاقيت بيه قعدنا في حديقة عامة كي جيت لدار منكدبش عليكم حسيت روحي غلطت وراني نخدع في دارنا انا مانيش هكدا مهم انا تبدلت معملتي معاه بلا ما نحس صدقوني ساعات نقولوا كلمات يجرحوه ومن بعد نندم ونكي على خاطر لو كان وحداخر يروح ويخليني مي هو كان يعاود عيطلي ويحب يفهم واش لي تبدل اخر مرة قتلوا بلي انا ماشي نتاع خرجات ومرنيش حابة نكمل تقلق و دار حادث باطونوبيل ودخل سبيطار 15 يوم وكان كل يوم يعيطلي ويحللني باش منبعدش عليه وبلي انا راني نضر فيه حتى انا راهي جيتني صعيبة نبعد عليه . صدقوني معرفتش واش ندير حتى دارنا لو كان يجي يخطبني ميقبلوش في هدا الوقت ما زلني نقرا انا معدتش تهمني روحي مي هو لي راه غايضني على بالي يكدر يدير اي حاجة في روحوا وفي نفس الوقت منكدرش ندير حاجة تزعف ربي و دارنا حتى وادا كنت حابتها تعيشوا قولولي واش ندير راني حايرة

 

[didi49]

الأخت انا نقولك حاجة الحل راهو عندك راجعي روحك مليح وخمي مليح تصيبي الحل .

وربي يفرج انشاء الله​

 

[mimiibelle]

ana n9olek ma tkheliheche madame yhebek bzaf 3la hsabe ma fhemte w koune kache ma yesralou teb9alek ndama tole hyatek surtous 3eli nti tani thebih w tani rakoume surieux alors 9ader yestenak tkemli 9raytek

 

[imen_31]

اذا كان يحبك وتحبيه يقدر يقارعلك تكملي قرايتك ويجيك حتى للدار وتكوني من مكتوبه ان شاء الله
ربي يسهلك

 

[كرستين]

اختي انا نتمنالك كل الخير انشاء الله
بما انوا يحبك يقدر يخطبك من والديك
وما تحكميش على والديك بلا ما تعرفي رايهم
وهذي الخرجة لي هدرتي عليها ما تعاوديهاش مهما كان
"لي دار مرة كلي مدارش ولي عاودها كلي ما خلاش"
انا راني فاهماتك ماتخميش بقلبك خمي بعقلك

 

[هــــيلدا]

انا راني مع واش قالولك للي قبلي

أول حاجة الخرجة للي خرجنيها معاه متعاوديهاش قادر يحكمها عليك

والحاجة الثانية كيما قالولك متحكميش على داركم قبل متعرفي رايهم
انا من رايي مدام يحبك ومتمسك بيك خليه يجي يخطبك ومن بعد يسناك تكملي قرايتك
هكذا في فترة الخطوبة تزيدي تعرفيه b1 وهو كيفكيف

وربي يهنيك ويكتبلك للي فيه الخير

 

[asma2090]

اولا ربي يكون في عونك وانا نقلك انتي تلهاي بقرايتك وكي تكملي قرايتك راه يجي يخطبك ومن الاحسن خلي علاقتك بيه سطحية وخليك من الخرجات معه على خاطر مهيش في صلاحك لا انتي ولا هو وثاني باش تكوني مرتاحة وربي يوفقك ان شاء الله :thumbup::music_whistling:​

 

[بلد الوليد]

ختي ماديريش حاجة تندمي عليها حياتك كامل

 

[لحن السعادة]

يا أختي نقلك رأي انتي جربي صاحبي يماك واحكيلها هكذا تحسي بالراحة
ربي يهنيك ويريح بالك

 

[مـــــلاك]

يا اختي قبل كل شي صلي صلاتك استخارة و كيما يقول papa خيرها فيما اختار الله
و انا من رأيي خلي علاقتك بيه سطحية باسكو راه باين يحبك بزززااف على حساب هدرتك donc مالازمش تخسريه ولا يخسرك و يدير حاجة في روحو تولي نتي نادمة عليها ، و متخرجيش معاه يعني علاقتك بيه تكون par téléphone و كي يحب يشوفك يشوفك من بعيد pas plus
يا ختي كنت راح نقوللك خليك من هذو الحوايج بصح خرجت فيها histoire تاع اكسيدو و مشاكل يعني ماكانش خرجة اخرى غير انك تكملي معاه بصح متخرجيش معاه ولا تديري حاجة خاطية طريق لا سمح الله..
تقبلي نصيحتي اختي في الله و سامحيني ويلا قلقتك​

 

[nina bonoise]

قليلوا لازم نوجدوا رواحنا اولا و مبعد يجي يخطبك
بالاك راهوا مكتوبك​

 

[حلمي النسيان]

انا ماعندي مانزيد على اللي قالوه اخوتي الاعضاء

اذا كان هذا الشاب يحبك و ناويك للحلال اطلبي منه باش يتقدملك

على خاطر لو كان راه مستعد باش يفرحك مايفرطش فيك

انت حكي معاه و شوفي رايه

و زيد مارايحاش تعرفي راي والديك حتى يتقدم باش يخطبك

و ان شاء الله ربي يوريلك الطريق اللي فيه الخير

و تفوت هذي المسألة على خير

سلام

​

 

[soror]

عقلي روحك وخمي مليح

وكل شيء يديرلو ربي حل

حطي ربي في قلبي وادعي يقدم لي فيه الخير
​

 

[406_nassim]

يا ختي انا تاني كنت عندي حونتي خير طلعت 2ثانوي بدلتني انتي قال عام معاه انا 3سنوات وانا معها كنت نجي ليها من البليدة الي جزائر كل الاسبوع معها بصح قنلي نحبسو بصح انا رني ريح نتحر

 

[badra6]

راني فاهماتك ... مي ديري في بالك هادو الحكايات راهم غلطة .......مهما يجرحو و مهما يفرحو

راهم علاقات محرمة و دايمن تلقاي فيهم المشاكل لأنهم علاقات غير شرعية ... ​

و من ترك شيئ في سبيل الله عوضه الله بخير منه

انتي قوليلو الحقية بلي راكي تايبة من هادي العلاقة و الا راهو حاب حاجة حلال خليه يجي لداركوم ما تعرفي بالاك ربي يجزيك على واش خليتي

و السلام حنونة ربي يوفقك​

 

[TamerLover]

.. الســــلام عليــــكم ..

.. مــرحبــا أختــي الغاليــة .. كيف الحــال ؟ ..
.. يا رب تكــون في أحـــسن حــال ..

.. إقتبــاس للأخت الغالية ..
​

راني فاهماتك ... مي ديري في بالك هادو الحكايات راهم غلطة .......مهما يجرحو و مهما يفرحو

راهم علاقات محرمة و دايمن تلقاي فيهم المشاكل لأنهم علاقات غير شرعية ... ​

و من ترك شيئ في سبيل الله عوضه الله بخير منه

انتي قوليلو الحقية بلي راكي تايبة من هادي العلاقة و الا راهو حاب حاجة حلال خليه يجي لداركوم ما تعرفي بالاك ربي يجزيك على واش خليتي

​

.. جزاكي الله خيـــرا على كــلامكـ ..
.. هــذا هــو عين العقـــل ..
.. حتــى ولو كــان حب صــادق لكـنه محــرم في ديننــا ..

.. ربي يــوفقكـ و يحميكـ و يحفظكـ أختي الغاليــة ..

.. دمــتي في أمــــــــان الله ..
​

 

[02asma02]

والله يا ختي حرت في قصتك بصح ما عندي ما نقلك الحل راه في يدك

 

[* تسنيم *]

السلام عليكم
و الله يا ختي انا ننصحك هكا تخمي بالعقل تاعك ماش بقلبك
و كيما قلتي مازالك تقراي وخرجات ماتخرجيش ماش كل يوم تسلم الجرة
انا من عندي اهدري معاه وفهميه شعورك وناه خايفة وحلو الموضوع معى بعضاكم صارحيه هكا تكبري في عينو ويقول هذي طفلة صالحة وماش حابة تغلط حاولو تفاهمو هكا خير
ربي يجيب لي فيه الخير

 

[ملكًة الاحسآس]

يعطيهم الصحة الاعضاء الي قبلي قالو واش لازمك تديري
وانت حاولي كيش تقعدي مع ماماك وتتناقشي معاها سور تلقاو حل مع بعض مادامو ولد حلال وتحبو بعضكم .
وربي يساهل يا اختي ،واتهلاي في قرايتك بالدرجة الاولى ​

 

[ASMA17]

يقدر يجي لداركم و مايخطبكش مي يحكي عليك مانعرفش كيفاش يقولولها مي نورمال
ويلا نتي تبغيه و هو ناس ملاح و يقدر يحل دار
يجي يخطب و نتي جربي معا والديك باش يقبلو
ليسونسيال ديرو حاجة غير جربو و ماتقعدوش تتعدبو