غلطت عمري واش ندير عاونوني

[جامع الأفراح]

السلام عليكم .أولا مع كل إحتراماتي لك يا أختي واضح أنك صغيرة في السن وهذا لايعني لا يحق لك الحب لا بالعكس فواضح أيضا أنة حبك الأول وأهنِِِِؤك لإنك عرفت إبن حلال وذلك واضح من المدة لي هحيتي في التليفون معاه بلاما يضغط عليك عالخرجة باين يحوس على بنت فاميليا في وقتنا الصعيب عالرجل و النساء نسقسيك؟ واش وعدتيه؟وماتسبقيش الأحداث ؟أهدري مع أمك وصارحيها بلي جاك واحد وطالب لحلال و شوفي رايها؟؟؟؟ مانقدرش نزيدك على خاطر راهم المعلومات ناقصيني من جيهتك ربي يجيب الخير وأنا راني متفائلك على هاد الجان

 

[مروة MARWA]

انت قداه في عمرك ؟
المهم جربي قوليلو يجي يخطبك و قوليلو يقبل ينتظرك حتى تكملي قرايتك
و ادا كان يحبك راح يقبل

و الا قوليلو يصبر شوي حتى تكملي قرايتك و قوليلو لازم نقرا و ......

و ان شاء الله تكونو من نصيب بعض

 

[فؤاد الورقلي]

السلام عليكم

الحل الوحيد انه يخطبك او يعطي كلمة لداركم اعلم كما قلت ان اهلك لن يقبلو لكن لو قلت لهم انك مستعد تقبلي بيه ولازم هو يستناك حتى تكملي لقراية وهنا كل واحد يرضي الاخر

وان شاء الله ما يكون غير الخير

بالتوفيق

 

[امل الكيمياء]

ربي يسهل و يدير لي فيه الخير

 

[salma2010]

يا أختي نقلك رأي انتي جربي صاحبي يماك واحكيلها هكذا تحسي بالراحة
ربي يهنيك ويريح بالك

صح انا رايي مع الاخت لحن السعادة

 

[SO GooD]

i dont know

sorry my sister

ماعنديش خبرة في هاذ الشي مانقدر نقلك والو

و ربي يسهلك ان شاء الله
​

 

[sonia84]

koulchi bel;qktoub hanouna w rabi ysahel ghir matfartiche bark

 

[maya31]

اختي الي راني حاسنة عونك مي لازم تاخدي قرار
يعني ادا كان يحبك يجي يخطبك هكدا ما تخدعي اهلك و تبني معاه حياتك
اما ادا ماكانش حاب يدير هكا فاسمحيلي حنونتي ما ناويكش للحلال مام تقولي عليه مليح مي ماتقدريش تعرفي كيما يقولو الحب اعمى



علابالي هدرتي شوية بيزار مي قرار لول و تالي يرجع ليك
اتهلاي في روحك
​

 

[ichrak]

اختي من حقك تحبي بصح لازم تشوفي لربي والمجتمع و اهم حاجة داركم و لازم تحافظي على روحك نصيحة مني اسمعيها متعطيش الأمان حتى في واحد

 

[khaledmcs]

هكا هذي تبان شفقة عليه
صارحيه بلي كاين يمكن يتقلق بصح يرتاح أظن مكاش حب عندك غير نزوة وفوتيها

 

[Manar19]

انا حسب رايي قوليلو ياك درك حكينا تليفون فهمتني وفهمتك وشفتني سيبون درك خليها لربي ولمكتوب... وزيد واش فيها كون يحكي مع والديك وميقبلوش؟؟ مقبلوش درك مبعد يقبلو يسمى كي تخلصي لقراية مي عندك والخرجات كلما تخرجي معاه كتر توللي عندو عادية يسمى ما يبقى والو غامض والرجل بطبيعتو يحب يكتشف لغموض... هدا رايي وربي يجيب لخير نشاله

 

[aMiNa-K]

السلام عليكم

اختي كي علابالك بلي داركم مارايحينش يقبلو.. و تشوفي في روحك صغيرة.. علاش عقبتي عام معاه و خرجتي معاه تانيك

الحل راهو عندك.. وحدك تقدر ديسيدي وش تديري​

 

[largo19]

ساهلة..... قوليلو يجي يخطبك ... من باباك... حتى إيل قالولو تكمل قرايتها.. لازملو يقبل.. و من بعد تشوفو حل .. و أنا بالنسبة ليا تخرجي معه و هو عاقد عليك العقد الشرعي و اللي نسميوه حنايا (الفاتحة) . أي أنه زوجك شرعا.. خير من أن تخرجي معاه و هو أجنبي عليك .. هنايا تخوني ربي و أهلك و نفسك ... و هنا تعرفي مستوى الحب تاعو... شكرا و ربي يوفق إن شاء الله

 

[love life]

keti 9balle kelche kami 3la moilike
o la 3ade yehabek sahe yefehemake
rabi ma3ake
theliha ma tkamiche

 

[شاكيرا]

اختي انا رايي كيما كامل لي قالوه اختي انت خليها على ربي وبالاك داركم يقبلو خليه يجي يخطب باش تبينيلو انت نيتك ماشي تفوتي الوقت والحاجة مليحة هي يخطبك وتكملي قرايتك

 

[ألاء الرحمن 90]

شوفي ختي تلهي بقرايتك حتى واحد ما ينفعك قادرا يروح هو ويجيك اخر بصح قرايتك ما تتعوضتش كما قالوك بعض الاخوان ادا كان يحبك علاش ما جاش يخطبك انا تبالي علاش والديك ما يقبلوش ادا كانت مادياته مليحة علاش لا
نتمنالك التوفيق قادر يكون يخدع فيك ما ديريش الامان في رجال قالك يا مان لرجال زي الماي في الغربال

 

[سلمى رويبة]

راني حايرة واش نقلك

 

[MIMI45]

rodiii balkiii tsm7ii fih madamou nawi l7lel ab9iii m3eh

 

[zaho_22]

السلام عليكم
أنت ختي مغلتيش معاه وعلى هذا نورمال مشيت شفتيه بالك ربي مكتبلك تديه مدير والوا في راسك
المهم متغلطيش معاه بالكي
وربي يسهل أختي​

 

[ISMA.dz]

أختي صحيح انك أخطأت في حقك وحق عائلتك بصح كل مشكل عندو حل لازم تراجعي نفسك وتشوفي حل أنا اقترح عليك حلين وانت قرري
يا اما تبعدي عليه وتلتهاي بقرايتك
يا اما يجي يخطبك وتولو في الرسمي وتصححي خطأك وأنا من رأيي لوكان يحبك مايترددش في خطبتك ماتخميش بقلبك لازم العقل والحكمة باش ماتضيعيش حياتك وأختي فكري والقرار يعود لك بالتأكيد