ارواحو حابة نسقسيكم ... ضروري تعيشو

[angel_fly]

السلام عليكم و رحمة الله تعالى و بركاته
اولا علابالي موضوعي بلاصتو ماشي هنا بصح هذا هو القسم اللي يزوروه الاغلبية .....
بدون اطالة انا حابة نسقسيكم حول شعبة تقني رياضي و بالضبط الهندسة المدنية واش رايكم فيها ؟؟؟
انا نقرا سنة ثانية ثانوي
كنت حابة نقرا علوم تجريبية بصح وجهوني لهذه الشعبة بالسيف
و درت المستحيل باش نبدل و ما قدرتش قالك لازملك معريفة كبيرة و ياربي مع انو عندي شوية منها و المشكل الكبير مدير التربية ما حبش يشوف الطعون لأنهم جاوه بزااااف خاطراكش حنا 99 بالمية مدايرين طعن في القسم تاعنا و خلي الشعب لخرين راهم الله يبارك تاني
حنا في كلاستنا حابين نبدلو لشعبة العلوم عليها ما حبش يدرسهم و يفصل فيهم
مع انو معدلي جيد جدا و في العلوم بالذات جيد ...
المهم اعطيوني كافة المعلومات اللي تعرفوها على هذه الشعبة ؟؟ و هل هي صعبة كما يقال ؟؟ و هل البنات ماشي مليحة ليهم ؟؟؟ المهم افيدوني بكل شيء الله يعيشكم ...

شكرا لكم
ادعيولي ربي بلاك مدير التربية يهديه ربي و يرجعني للشعبة اللي نحبها ربي يستركم
​

 

[maya31]

سلام و عليكم اختي
و الله راكي كيفي مي انا رماوني تسيير و اقتصاد مع انو عندي معدل مليح في العلوم و ناس الي عندهم زيرو رماهوهم علوم :crying:

قالك المدير قاللهم لوكان ما كانش خطا في نقاط موحال يغيرو شعبة ابار الي عنهم معرفة متينة و جراو على رواحهم من قبل :music_whistling::thumbup1: بيان سير

شوفي اختي و الله مام انا درت طعن مي في لافان اقتعنت بالشعبة نتاعي
و راهي مكتابتلك تقني رياضي
اقري مليح و ربي يوفقك ان شاء الله
:thumbup:

 

[SaMi_o7]

ربي يوفقك و لي فيها الخير
​

 

[هــــيلدا]

شوفي انا منيش رايحة نحكيلك على الشعبة مقريتهاش
هادي راهي كيما تكنولوجيا في البرنامج القديم
يسمى مفيهاش بزاف تخصصات في الجامعة
بصح انا رايحة نعطيك اقتراح دراتو بنت خالتي العام للي فات وجهوها رياضيات وهي حبت تقرا علوم تجريبية
راحت تقرا في بلدية هنا في باتنة مفيهاش فرع رياضيات فيها غير علوم تجريبية
بدلت فيها قالولها مكانش رياضيات إذا نحطوك علوم تجريبية هي هاذي لي كانت تحوس عليها
قرات فيها شهر صح تعبت كل يوم تروح وتجي والمسافة مايش قريبة مي بعد شهر عاود بدلها باباها لباتنة وكملت علوم والسنة راهي باك علوم

ضرك نتي سقسي فالبلديات للي في الولاية نتاعك شوفي القريبة ليكم للي متعبكش لقراية فيها
وبدلي فيها علوم على خاطر البلديات مفيهمش بزاف للي يتفرعو غير علوم وتسيير
أقراي فيها شوية وتحملي على جال المستقبل ديالك ومن بعد عاودي أرجعي وين كنت بصح بدلي الليسي متعاوديش ترجعيلو
صح إجراءات تعب بصح شهر ويفوت خيرمن تبقاي عمرك كامل تندمي عليها

تحياتي ونتمنى تلقاي حل يناسبك

 

[406_nassim]

ربي يجبلك الخير انشاء الله وتخمي القطو ليا وحدي كي تنجحي بصح للبليدة قاطو يك معليش

 

[●¦[ الــفـــارس ]¦●]

ربي يكون في عونك
​

 

[سوميثا]

انشاء الله ربي يهدي المدير نتاعكم ويرجعك للشعبة الي تحبيها

 

[abderrahim med]

عسى ان تكرهوا شيء وهوخير لكم *في معنى الاية*
اختي ماعندي حتى معلومة عليها
وبالاك هذي خيرلك من العلوم

 

[nina bonoise]

ربي يكون في عونك
​

 

[angel_fly]

تعيشو انتظر منكم المزيد من المشاركات من فضلكم
و الي عندو علم بالفروع اللي في الجامعة ما يبخلنيش تعيشو
و لي عودة للرد عليكم

 

[programmeur]

السلام عليكم ورحمة الله وبركاته
الموضوع ليس في مكانه المناسب
يا أختي ماديريش على هدرة الناس انت الحالة لي صراتلك صراتلي
انا درست هندسة مدنية في الثانوية نظام قديم غصبا عني والحمد لله راني كملت ثلاث سنوات ربحت الباك وتهنيت
وحاليا أنا طالب اعلام الي رغم انني كنت اريد الهندسة المعمارية لكن لي جات من ربي الحمد لله
شوفي اختي الخبرة و المعرفة اللي تعلمتها في تصميم المنازل و بناء المنشأت العمرانية راني حامد ربي عليها لانها بقات ثقافة في راسي وخاصة اننا كنا ندرس في النظام القديم الذي كان يتميز بالتعمق
فقد تعلمت امور كثيرة ومارانيش نادم عليها
وعندنا في الجامعة المخير تاع المخير يروح هندسة مدنية لان مناصب الشغل فيها متوفرة بالمقارنة مع الاختصاصات الاخرى اما قضية بنت ولا ولد هدا ماراهش تخمام وللاسف غيل الجاهل لي يفكر كيما هكدا
يا اختي انت قراي هندسة مدنية واذا ماعجباتكش كي تربحي البكالوريا غيري الاختصاص
و واش يجيب تخرجينا مهندسة معمارية ان شاء الله

 

[angel_fly]

سلام و عليكم اختي
و الله راكي كيفي مي انا رماوني تسيير و اقتصاد مع انو عندي معدل مليح في العلوم و ناس الي عندهم زيرو رماهوهم علوم :crying:

قالك المدير قاللهم لوكان ما كانش خطا في نقاط موحال يغيرو شعبة ابار الي عنهم معرفة متينة و جراو على رواحهم من قبل :music_whistling::thumbup1: بيان سير

شوفي اختي و الله مام انا درت طعن مي في لافان اقتعنت بالشعبة نتاعي
و راهي مكتابتلك تقني رياضي
اقري مليح و ربي يوفقك ان شاء الله
:thumbup:

هادي هي اللي غايضتي و ماكلتلي قلبي الدواب حاشكم و حاشا قدركم طلعوهم علوم و حنا اللي جبنا مليح رماونا كل واحد جهة و كيما قلتي هوما جراو على راحهم من قبل ماشي حتى طاح الفاس فالراس
شكرا لك

 

[angel_fly]

ربي يوفقك و لي فيها الخير
​

آمين يا رب العامين
شكرا لك

 

[angel_fly]

شوفي انا منيش رايحة نحكيلك على الشعبة مقريتهاش
هادي راهي كيما تكنولوجيا في البرنامج القديم
يسمى مفيهاش بزاف تخصصات في الجامعة
بصح انا رايحة نعطيك اقتراح دراتو بنت خالتي العام للي فات وجهوها رياضيات وهي حبت تقرا علوم تجريبية
راحت تقرا في بلدية هنا في باتنة مفيهاش فرع رياضيات فيها غير علوم تجريبية
بدلت فيها قالولها مكانش رياضيات إذا نحطوك علوم تجريبية هي هاذي لي كانت تحوس عليها
قرات فيها شهر صح تعبت كل يوم تروح وتجي والمسافة مايش قريبة مي بعد شهر عاود بدلها باباها لباتنة وكملت علوم والسنة راهي باك علوم

ضرك نتي سقسي فالبلديات للي في الولاية نتاعك شوفي القريبة ليكم للي متعبكش لقراية فيها
وبدلي فيها علوم على خاطر البلديات مفيهمش بزاف للي يتفرعو غير علوم وتسيير
أقراي فيها شوية وتحملي على جال المستقبل ديالك ومن بعد عاودي أرجعي وين كنت بصح بدلي الليسي متعاوديش ترجعيلو
صح إجراءات تعب بصح شهر ويفوت خيرمن تبقاي عمرك كامل تندمي عليها

تحياتي ونتمنى تلقاي حل يناسبك

ان شاء الله لكن اعتقد حتى هذا الحل ما ينفعش لأنو لازم قبل يقبلولي الطعن و هدا هو الاساس و زيد بابا ما يقبلش نبعد على الدار
شكرا جدا اختي

 

[angel_fly]

ربي يجبلك الخير انشاء الله وتخمي القطو ليا وحدي كي تنجحي بصح للبليدة قاطو يك معليش

ان شاء الله ادعيلي يبدلوني برك و القاطو ما تخافش
شكرا لك

 

[angel_fly]

ربي يكون في عونك
​

اللهم آمين
شكرا لك

 

[angel_fly]

انشاء الله ربي يهدي المدير نتاعكم ويرجعك للشعبة الي تحبيها

آمين من فمك لباب السماء
شكرا لك

 

[angel_fly]

عسى ان تكرهوا شيء وهوخير لكم *في معنى الاية*
اختي ماعندي حتى معلومة عليها
وبالاك هذي خيرلك من العلوم

ممكن فيها خير هادي راني حاطتها في بالي و كل شيء من عند ربي نرضاه
شكرااااااااااااا

 

[angel_fly]

ربي يكون في عونك
​

اللهم آمين
شكرااااااااااااااااااااااا

 

[angel_fly]

السلام عليكم ورحمة الله وبركاته
الموضوع ليس في مكانه المناسب
يا أختي ماديريش على هدرة الناس انت الحالة لي صراتلك صراتلي
انا درست هندسة مدنية في الثانوية نظام قديم غصبا عني والحمد لله راني كملت ثلاث سنوات ربحت الباك وتهنيت
وحاليا أنا طالب اعلام الي رغم انني كنت اريد الهندسة المعمارية لكن لي جات من ربي الحمد لله
شوفي اختي الخبرة و المعرفة اللي تعلمتها في تصميم المنازل و بناء المنشأت العمرانية راني حامد ربي عليها لانها بقات ثقافة في راسي وخاصة اننا كنا ندرس في النظام القديم الذي كان يتميز بالتعمق
فقد تعلمت امور كثيرة ومارانيش نادم عليها
وعندنا في الجامعة المخير تاع المخير يروح هندسة مدنية لان مناصب الشغل فيها متوفرة بالمقارنة مع الاختصاصات الاخرى اما قضية بنت ولا ولد هدا ماراهش تخمام وللاسف غيل الجاهل لي يفكر كيما هكدا
يا اختي انت قراي هندسة مدنية واذا ماعجباتكش كي تربحي البكالوريا غيري الاختصاص
و واش يجيب تخرجينا مهندسة معمارية ان شاء الله

ان شاء الله
مشكور اخي راك طلعتلي المورال شوية