شارلوت التفاح مع صلصة الكاراميل بالخطوات المصورة

[mamouka]

المقادير و الطريقة:



الحشوة:



4 تفاحات، نقشرهم و نقطعهم شرايح رفيعة


ربع كوب سكر بني


ربع كوب عصير برتقال



نحط هذي المقادير في مقلى كبير...

و نقلبهم لحد ما يذبل التفاح و تثقل الصلصة...

الحين نجيب زبدة مذوبة و 4 قوالب بايركس، أو قوالب معدنية و ندهنها بالزبدة


و ناخذ شرايح توست و نقطع منها أشكال دوائر على عدد القوالب، و الباقي من التوست نشيل منه الأطراف البنية و نقطعه مستطيلات متساوية...

ندهن التوست بالزبدة من جهة وحدة بس، و نبدأ نبطن القوالب...


نحط القطعة الدائرية في قاع القالب و نضغط عليها و تكون الجهة المدهونة تحت، بعدين نصف القطع المستطيلة على الجوانب و نفس الشي بتكون الجهة المدهونة على جوانب القالب...

و هنا صورة على جنب تبين شرايح الخبز، و طبعاً لازم تكون أعلى من حواف القالب...

الحين نحشي القوالب بحشوة التفاح و نضغط عليها بالملعقة عشان نرصها زين، و نثني حواف التوست الزايدة على داخل عشان نسكر على الحشوة...


إذا بقى مكان ما تسكر ممكن ناخذ قطعة صغيرة من التوست و نسكر فيها، و نضغط عليها زين عشان ما تنفتح...


نحط القوالب في صينية، و ندخلها الفرن لمدة ربع ساعة أو لحد ما تتحمر...

في هالوقت نجهز الكاراميل، بنحتاج:



30 غ زبدة = 3 ملاعق كبيرة


نصف كوب سكر بني


ثلث كوب عصير برتقال



نحط المقادير في قدر صغير عالنار، و أول ما تغلي نخفف الحرارة شوي و نحركها


لحد ما تثقل...

هنا بعد ما تحمرت القوالب...

نطلع الشارلوت من القوالب و نحطها في صحن بحيث يكون الوجه العلوي فوق، يعني بدون ماتقلبونها، و نصب عليها شوي من الكاراميل و تقدم على طول...

و هنا صورة للحشوة من داخل...

و هذي صورة لزوم الإغراء

​

 

[حكيك]

​

 

[حورية الجزائر]

هم هم هم هههه باينة عليها بنينة شكرا ليك في انتضار جديدك

 

[mamouka]

merciiiiiiiii

 

[mamouka]

شكرا على المرور

 

[ياسمين 177]

تستهلي تقييم

 

[الماني]

يعطيكي الصحة

 

[الجميلة الحنونة]

شكراا على الموضوع واصلي التميز​

 

[mamouka]

شكراااا على المرور