والله صح يا لعزاز راني تلاقيت أختي تحكي في التيليفون

[D aucun]

السلام عليكم سي vري قلت راني رايح لكن هدا مايعنيش اني توجور نرجعلكم علابال نحكي ونشوف رايكم
شوفو اليوم راني تلاقيت أختي تحكي مع واحد في التيليفون و وين في لا شونبر تاعها في الدار وهي فتاة جامعية يا خوتي راني حاير مالقيتش واش ندير والله العظيم بعد ما سألتها شفت انو الشير لي كانت تحكي معاه نعرفو غايا وانا على علم انو هو كان يحوس عليها
راني صح دايخ واش نعمل والله صح نضربها تزيد ديرها زكارة واش ندير نحيلها التيليفون تعيطله من التاكسي فون واش نقطع عليها الدراهم تنتهج اسلوب اخر وتجيبهم واش نقطع عليها الخرجة غادي ماتقراش وتزيد تتعقد واش نقطعها من القراية رايح تهبل نخليها راني ديوث ونستهل القتيلة يا خوتي ماني فاهم والو والله العظيم

كاين لي راه يشوف في كاvي ولا كافي (هههههه قهوة مؤنثة ) مي اليوم راهي صراتلي وانت تصرالك غدوة ولربما انا نكون لي نحكي مع أختك وكل واحد وعقليتو لانو أنا لربما نكون مليح ولاخر ماشي مليح وهي رايحة علاديك بغيت نشوف رايكم صح اذا لقيت اختك تحكي في التيليفون مع واحد واش تعمل؟؟؟؟
هادا كلام منقول عن شخص مقرب جدا مني
انتظر ردودكم

 

[mokha1422]

اااااااه ههههههه نعرفك مليح نت ماكانش لي يقدرلك ههههههه شوف غادي نقولك نت راك باغي تجبد لسانات الغاشي ههههه نبدا انا انا نروح نديها لعنده زيد تلعبها هههههه

 

[wahid47]

ادا شفت أختك تحكي في التيليفون شوف روحك انتا مع من راك تحكي.......؟؟؟؟ إدا راه عندك حبيبتك وتحكي معاها غي روح فليكسي لأختك باش تحكي تاني هيا وتقبل مروري

كما تدين تدان
​

 

[mimilove1]

يعني ادا كنت انا طفل وصيبت ختي تهدر فالتيليفون
نقتلها
ونهني روحي
غير ماعلهش ندخل لنار
​

 

[samahcom]

khaliha hya tokherodj
we nta reyeh fe dar'

 

[الأستاذ مصطفى]

والله أصعب موضوع شفتو
ننسحب من هذا السؤال
بارسوكو ماعنديش أختي
واحسن واحد راح يجاوبك هو وحدة الطفلة واسمها كيلوا

ولا نجاوبك شوي
أنا مانكذبش عليك ماراحش نصبر ونكذب عليك كون نقولك عادي
راح نقيم عليها الحد وخلاص​

 

[killua0555]

احم احم سمعت الحس على اسمى شوف ياخويا مختار دونك فالو اسمى نصيحتى راهى تتكال بدهب و الا خدمت بيها من غدوة تولى تبيع فى دهب ههههههه

هى صعيبة لخطر مكاش كيفاش نلقا ختى مالا نقول حاجة انا كون نلقى بيكاتشو يهدر مع كاش بيكاتشوة بلا ميقولى منحيلوش بورطابل حتى سرارقة وماولاوش يطمعو فيهم ولا لابيوس ماولاوش يكوبوهم راهم بزايد و تانى منضربوش لخطر منوصل للوالو و لا نقتلو لخطر طاح الفاس فى الراس انا نحيلو نقاط امتياز(التقة ) الى كنت مديتهمو و نحكمو نفهمو العقلية و الغلطة التانية يروحو كامل النقاط و يولى فيلم رعب :music_whistling:

 

[الأستاذ مصطفى]

احم احم سمعت الحس على اسمى شوف ياخويا مختار دونك فالو اسمى نصيحتى راهى تتكال بدهب و الا خدمت بيها من غدوة تولى تبيع فى دهب ههههههه

هاذي كاينة منها بارسوكو نصيحتة راهي دارت مفعولها​

هى صعيبة لخطر مكاش كيفاش نلقا ختى مالا نقول حاجة انا كون نلقى بيكاتشو يهدر مع كاش بيكاتشوة بلا ميقولى منحيلوش بورطابل حتى سرارقة وماولاوش يطمعو فيهم ولا لابيوس ماولاوش يكوبوهم راهم بزايد

هاذي كاينة منها والله بارسوكو كي تنحيلها البورطابل كاين مليار وسيلة إتصال يتاصلو يعني كلي مادرتي والو​

و تانى منضربوش لخطر منوصل للوالو

معك كل الحق لأنو الضرب مايجيبش نتيجة بل يزيد يعقدها ويحدث إنقسام فالعائلة وتولي الأخت تكره خوها​

و لا نقتلو لخطر طاح الفاس فى الراس

ايه كلامك صواب وكي يطيح الفاس فالراس القتل راح يسيء السمعة تاع العائلة
​

انا نحيلو نقاط امتياز(التقة ) الى كنت مديتهمو

هاذي أحسن جملة قلتيها ممكن كاين اللي مافهمهاش مي كي تنحي الثقة من شخص راح يأنبو ضميرو وكلنا نتخيل كون والدينا ينحو الثقة منا مثلا يخبو الدراهم علينا ويعسونا كيفاش راح يكون حالنا​

و نحكمو نفهمو العقلية و الغلطة التانية يروحو كامل النقاط و يولى فيلم رعب :music_whistling:

كيما قلتي أحسن حاجة هي النصيحة ممكن نسامحوه المرة الأولى مي ننصحوه ونفهموه كيفاش تتمشا الحياة ​

بارك الله فيك بنتي كيلوا والله كلامك كلو حكم وهادف
ممكن قلتيه بطريقة كوميدية مي والله غير هادف ربي يحفظك​

 

[الأستاذ مصطفى]

رد صريح ورائع ,,
باسكو هاذا الواقع ..



من ناحية ماعندكش اختك نجي معاك ,,
انا تاني ماعنديش أختي
كيفاه الحل
الحل انك تخرجلها طاي طاي وتعرف كيفاه تفهمها
باسكو حنونها راه هو كلشي عدهاا
هو لي تحكيلو مشاكلها تريحلو تتمعشق معاه كلشي ...
فيهم الذئاب وفيهم لي بنيتو
مي خيارهم لي يجي على الباب شكرااا


​

والله غير كلامك صواب خويا حمزة
وكيما قلت اللي يعشق في أختي كاين دار باباها
مي باش يتمعشقو برا والناس تحكي عليهم بكلشي لالا مانقبلوش
ربي يخليك​

 

[H@teM]

الحمد الله انا معنديش خواتات كامل دكورا
بصح كون جات عندي خواتات ونالقاها تهدر مع واحد
المرة لولة نفهمها ونسامحها ونوعيها هادي الحاجة مفروغ منها
وكان زادت عاودتها مرة اخرى والله العضيم لازدت خرجت برا ولا قراية ني عمار
لانها ادا جات الفاس في الراس شكون يمنعها قرايتها
امالا تقعد في الدار الله لاقرات باسكوا درنا فيها لمان وهي محترمتش روحها
هدا ريي خويا
ومشكور على الموضوع
​

 

[rafiksat39]

المرة لولة بالنصيحة والمعاملة بالتيهي احسن


واذا عاودتها مرة ثانيةلحساب يكون عسير



​

 

[iman13]

تناقض الكلام

 

[الفيروس]

خويا حنا امة اسلامية ومجتمعنا محافظ وهذا اصلا موضوع مايندارش مي مدام درتو نقولك حاجة قولها تعيطلو يجي يخطبها وتحبس قرايتها وربي ورحمتو مايبقاوش غير يتمعشقو فالتلفون بالاك لوكان نلمو دراهم لي فليكساها وتكلمها معاها نلقاوه اكثر من دراهم الي رايح يصرفها في عرسو هههههههههههههه في زوج كاvيا تاع الصح وانت لالا حاشى

 

[ملكة زماني]

انا ماعدني خويا ماعندي معامن نحكي مهنية روحي

 

[shahrazad]

شوف ياخويا هي اصلا راهي دير فحاجة غالطة و الكل علابالنا
مي هي دوك ادا راهي طايحة فيه ماهي رايحة تسمع لحتا واحد غير ادا جيتها بالعقلية مي ادا ضربتها و حبستها في دار كون مهني بلي راهي رايحة ادير حاجة اكبر و تخشن راسها كتر
كاين الي يقول هادا واش خصها تخشن راسها انا نكسرهولها !!!
نقولك يااو والله الطفلة كي تحب دير حاجة ماكنش الي يشدها
غير روح مع ختك بالعقلية و الدين و فهمها مليح و صاحبها باش ماتخبيش عليك
هادا هو رأيي
و ربي يسترنا علينا كامل.

 

[angel]

يا خويا والله شوكيتني احبسني نفهم بالعقل لاخاطر انا ماعندي خويا ومانيش عارفة الحل


احسن حل انو يهدر مع هاد الطفل الي كان يهدر معاها ويشوفو علاواش ناوي اذا كان رايح يخطب اهلا وسهلا بلامايطول يعني نتا تشريلو الباتيسري ودخلو معاك للدار

اذا كان ناويها لعبة وقال مزلت ماوجدتش روحي ولا بدا يلعب ويزيgزاgي اذبحوا وهي كمل عليها​

 

[RaNiA]

ماعندك ما تديرلها
انا نشتي الاخ لي يتفهم اختو مش يضربها ويستعمل معاها العنف
انا ننصحك تتقرب من اختك وتحكي معاها بالعقل وتفهمها بلي الخرجة هذي مش مليحة ليها وتفسدلها سمعتها
ولاكان هوا ولد حلال يجي يخطبها وفرات
وتعود تحكي عاه على روحها ​

 

[aMiNa-K]

السلام عليكم

راني نشوف كاين اللي يقولو يفهموها من المرة اللولى و يجيبوها بالتي هي احسن

ايا بركاونا و خلونا واقعيين شوية.. تاوعنا ادا شك برك بلي ختو راهي تهدر في التلفون مع كاش واحد يقلب عليها الدنيا
فما بالكم ادا صح يسمعها تهدر مع كاش واحد في التلفون.. يخلطها عليها.. و ادا كانت الطفلة مدللة بزاف يكبر الحكاية و يوصلها لباباها و لا الكبير تاع العايلة

​

 

[H@teM]

معليش خواتاتي لبنات حبيت نسقسيكم برك ارجوا انكم تجاوبوني بصراحة
كي ينصحك خوك بلي ها الحاجة مش مليحة وتجيبي العار للدار اسك تاخدي برايوا
وتحبسي ولا داخل من خارج من
​

 

[oussama R10]

ياااو زريعة ابليس
هاذي
اخرجلها طاي طاي
بلعلقل وحدة وحدة

​