والله صح يا لعزاز راني تلاقيت أختي تحكي في التيليفون

[maya31]

يا أختي مايحس بالجمرة غير لي يتكوى بيها

و ما يحس بالغلطة غير الي دارها و لي كان سبابها :music_whistling:
و دنيا دوارة:closedeyes: و صاحبك هدا اللول و تالي راه دار رايو في قضية اختو :001_tt2:
مي الواحد لازم يكون عاقل شوية و كل شيىء عندو حدود



علابالي صماطيت بالهدرة
اسفة على تدخل مرة تانية



سلام

 

[D aucun]

و ما يحس بالغلطة غير الي دارها و لي كان سبابها :music_whistling:
و دنيا دوارة:closedeyes: و صاحبك هدا اللول و تالي راه دار رايو في قضية اختو :001_tt2:
مي الواحد لازم يكون عاقل شوية و كل شيىء عندو حدود



علابالي صماطيت بالهدرة
اسفة على تدخل مرة تانية



سلام

ههههههه لالا شوفي يامايا لازم الواحد يمشي بعقلو ومايكون حجرة في راسه ومايكونش ديوث يكون متفهم واذا بدات تلعبها والله نقطع عليها الاكسجين
ههههههه لالا راكي غايا هاك وعلاش تقولي سامطة راكي فور

 

[سماح4]

شيء يحير فعلا ...ما تضربها ماوالو بلاك راه ناويها للخير ههههههههها
يا أخي صحيح الواحد ما يقدرش يشوف أختو في هذا الموقف....لكن لازم يحاورها في رايي ويحاول يصادقها باش تحكيلو وينصحها خير من الحلول الاخرى لانو العنف ما يجيبش نتيجة ...والضرب مصيبة ..سمعت خطرة واحد قتل اختو على جال لقاها تهدر فالبورتابل هي ماتت وهو راه فالحبس ..........
الله يهدينا

 

[TOUTA32]

يا خويا انا صراتلي صح وسمعني خويا نهدر مع واحد والواحد هاذا صحبو لانتيم كي حكمني قال ليما وهي ماخلاتليش بصح انا ماقلتلوش بلي صحبو لي كان يحكيلي واش يدير مع لبنات ماقلت والو قلتلو كي تخاف على اختك خاف على بنات الناس لي راهم كيفي مبعد مانكذبش عليك بعدت على صحبو وقصيت العلاقة ختراه لوكان جا صحبو مايخونوش مع اختو دار فيه الثقة وهو خانها وخويا للذرك ماعلابالو مع من كنت نحكي بصح لوكان جا يفهمني يقولي ديري هك وماديريش هك والله ناخذ الراي بصح كي جابها بالعياط والسبان جبدتلوالاخبار نتاعو كامل ثم يما قاتلو يسما اختك ماوش ذنبها ختراه لي ديرو في بنات الناس يخرجو ربي في اختك وذرك ربي فرج عليا وخطبني واحد مانعرفو مايعرفني كي شافني قالي نجي نخطبك الحمد لله واذا غلط ربي يسامحني
والله فكرتني في يامات قريب هبلت فيهم​

 

[djillo20]

كيما قال اخي وحيد كما تدين تدان
و الواحد يقول الله يستر العقايب
تقبل مروري

 

[nina bonoise]

معنديش خويا ههههههه
مصرالي والوا​

 

[PH.AGNEAU]

هههههه يا مختار نعرفك مليح ياو عشرة اربع سنين مالك شوف شوف علابالي ماشي أختك لانك أنت علابالي تقتلها هنا نشوفك تلعبها تحكم عقلك ونت كي تتخلط ماتعرف واش دير غير تفكر ضربة لاشونبر يا راجل ولا نسيت

 

[ايمان 02]

موقف صعيب بزااااف والحل والله ما نعرف

 

[sasaz]

انا نقولك حاجة الضرب ماعندو مايجيب واذا كانت طويلت اللسان وصحيحة الوجه راح تمكر فيك وتكمل خدمتها بصح اذا انت قلتلها فد حاجة بالقدر والعقل راح تفهمكوانا طفلة ونعرفهم وهاذ الهدرة هي ......
تقولها وعلاه يعني راكي ديري هك واش خصك وقولها كشما قسناك كاش خطرة حتى تهبطيلنا راسنا في التراب وقولها ربي يهديك هي وحدها راح تشعر بتانيب الضمير وتحبس وحدها


واذا مانفعتش انا نجي عندهاهههههههه سلام

 

[HAMZ A]

يا اخي لوكان جيت انا نتبعها ونفضحهاا قدام الناس لانو الفضيحو قدام الناس تربي
هذا هو الحل ما دام هذي الطفلة ما تحشمش وقالت راني نعرفو

 

[mokha1422]

هههههههههههههههههههههه

 

[manou.23]

انت تقول انها في الجامعة
يعني ماهيش ترضع في صبعها
وكان انت راك تحب وحدة
راح تناقض روحك كون تقولها
راكي غالطة وتبدى تنحي البورطابل
وتضرب وووو هادي تصرفات نشوفها
همجية قبل ماتحط عليها الحد كيما قال
أحد الأعضاء روح حاسب روحك والا بنات
الناس عادي وأختك لالا وهي برك المتربية
​

 

[sayco]

كون عطيتلها فلاش مليح في الصغر تطلقها للذيب و ما ياكلهاش .هادي لي راني شايفها انا . يجب علينا ان نحرص على تربية الابناء في الصغر بطريقة ذكية و بجهد كبير من طرف الوالدين معا عكس ما نراه في مجتمعنا اهمال للاولاد و تربية في الشارع ومخالطة الصعاليك . و في اكتر الحالات نجد الاب مهتم باولاده من حيت الجانب المادي لكن من الجانب الاخلاقي نجده لا يهتم بذلك الا سطحيا و يقول الاب عن ولده ....يكبر ويفهم.... اذن اذا الاب لم يزرع في ابنه البذرة الصالحة منذ الصغر اكيد سينصدم الوالدين من تصرفات ابنهم في المستفبل . و هذي كامل رانا شايفينها وشايفين الابناء لي عصاو والديهم تلقى والديهم ما رباوهمش تربية . انا واحد من الناس مازلت نتذكر النصائح لي عطاوهملي الوالدين في الصغر و نعمل بيها . و كي نجي ندير حاجة ماهيش مليحة نحشم على اصلي و نقول لا واحد ما جاب العار لوالديا من العايلة و انا نجيبولهم . والتربية ماهيش بالضرب و العنف وانما بالكلمة الطيبة . التربية في الصغر كالنقش على الحجر . _ هذا ردي و تقبل مروري .

 

[selma-noufa]

نقلك حاجة ماديرلها والو خاطر اولا هي ماهيش صغيرة و تانيا ماناش في الجاهلية باش تقتلها

 

[بحر الأحزان]

انا من رايي الطفلة لي تدخل مع طفل في علاقة غرامية يكون عندها فراغ في الأسرة تكون محتاجة حنان وكاين خرين لي هكذاك لتجربة وفي الأخيرة ذر كامل كيف كيف يلعب بيها ويعيشها في أوهام ومن بعد يطيشها
يعني كي تنحي برتابل كاين الف وسيلة ووسيلة اخرة تتصل بيه
وإذا ظربتها تزيد تقامر ( أنا عن نفسي يظربني واحد نزيد نقامر فيه) وإذا ظربتها وكشما رتلها ماشي ترجع تندم
أحسن وسيلة هي تهدر معها وتحاول تفهمها بلي شي لي راحي تدير فيه غالط ولا تقول ليماك ولا لصديقتها المقربة ولا تروح لهذا الذئب وتمدلو درس في التربية
وتزيد تراقبها وتحسسها بأنها مراقبة باش تخاف ومتغلطش
ومنعرف​

 

[Manar19]

انا نصحك تقعد معاها وتسقسيها شكون وكفاه وعلاه غير بلعقل وتحاول توصلها بللي حابك يجيك للدار وهك هي توولي عندها فكرة بللي انت علىبالك توللي تخاف لا تغلط وتوللي تحسب لاي خطوة ديرها, بلاك انا طفلة منقدرش نحط روحي فبلاصتك بويسك انت راجل وهدي ختك مي هدا رايي ونشاله خير

 

[ابو رحيل المهاجر]

أسأل الله عز وجل أن يهدي كل بنات المسلمين إلى ما يحب ويرضى وأن يقر أعيننا بحفظ أخواتنا لأنفسهن وارتدائهن زي العفاف والطهر الذي يصونهن من نظرات العابثين ومعاكسات المُنفلتين لينافسن اللآلىء في أصدافها في أعماق البحار.
هذه هي المُسلمة الحقيقية لؤلوة مصونة وجوهرة مكنونة
ولا أتمّنى لأخواتي سوى الستر والعفاف والحشمة والفوز والسعادة في الدارين.
أما التي تتحدث مع خطيبها مجرد حديث فهذه ليست اهلا للثقة ولا اهلا للأمانة ؟
عجيب امر هؤلاء . والله عجيب

 

[أم عبد الرحمان]

يا أخي بنت اليوم إذا هدرت تقول عليك عنيف و معقّد و ما راكش كول:confused1:
و إذا ما هدرتش تقول ديّوث و ما فيكش ريحة الرجلة:thumbdown:
أنا نشوف أفضل حلّ أنّك تروح لهاداك لبنادم تفري حساباتك معاه و تخلّيلو عاهة مستديمة و خلاص و خلّي ختك في حالها:biggrin:

 

[نرجس هبةالرحمان]

اعلاه الحب حلال عليكم و حرام على البنات

 

[asmaa_h]

لوكان جيت طفل نفلقها ندقدقها ناكلها ومن بعدنرروح للطفل ياو نكرهو في حياتو