اليوم حبيت نحكيلكم حكاية صرات معايا اليوم كنت ندور في الليسي مع صاحبي ......... نسمع في المراقب اعيط اسمع ارواح بكل صوتو حبست و شفت مورايا نلقى ولد يتكيف و يماسكي في الgارو جا المراقب يجري موراه قالو احبس راك و الله ما دخلها لليسي فات طلع في الحيط و هرب شاف المراقب منا و من هيه جاني قالي نتا تعرفو قتلو منعرفوش قالي امشي معايا للمدير قالو اعطيه طرد لاخاطر محبش اقولي ويناه هذا الولد هههههههه بقيت نضحك في وجهو قتلو مسمعتش مليح جابلي ربي سمعت كلمة طرد قالي هيه طرد و منزيدش نشوفك في الليسي :scared: ههههه قتلو بتهمة اني فتت في ذيك الجهة و لا لاني شفت واحد منعرفوش نط من الحيط هو تكيف و هرب و انا نطرد ؟ قتلو هذي مليحة الحمد لله كاين المعرفة ما نخافش على روحي غدوة نردلكم الخبر لا ماجاش احلل فيا و يطلب السماح يا خي بلاد و لا اللي يمشي لاباس عليه تحت الحيط غالط و لي دير المشاكل هو المليح والمسgم كيما قالو ناس زمان ارواحلي يا البلا و لا نجيك :biggrin: الله لا يتربحهم مع العلم انها ثانوية الحاج عيسى بالاغواط لحد الان التلاميذ مزال ملتحقوش بمقاعد الدراسة كلش مخلط مي واش يجيك السي بن بوزيد مسgم سي نورمال يجو لخرين مسgمين اكتر و لي يخلصو اكيد هم التلاميذ فهموني راني نشك في روحي سبحان الله بالاك انا كنت هذا الطفل لي يتكيف؟ ههههه ياخي حالة ربي يجيب الشفا:biggrin:
