المــــــــرا خيــــر من الراجــــــــل في كلش

[lalakarimanouri]

اختي هذا رايك عن تجربة شخصية فقط ماتحكميش على الغاشي انا نقولك المراة تخدم صح في الوقت مي الراجل يقدم خدمات خير منها

 

[ĂÝǾΰb]

السلام عليكم..
متفق معك في حوايج
مي مش كلش
ونتاع الرجل يخدم
بالتيهودايت..
ياخويا هدوك اشباه الرجال
مي المرا تبقى مرا...

​

و عليكم السلام اهلا وسهلا
صح يا خويا اشباه الرجال
مرسي على المرور :regards01:

احمممم احممممم احمممممم راك طلعتنا المورال خويا صحيييييت على كلمة الحق الاعتراف فضيلة .هههه

شوف اخي هي صح المراة عاطفية بزاف وحنينة علاهاديك تصيبها ساغفيابل على الراجل ، بصح ماشي دايما كيما نعرفوا قانون الطبيعة السالب مع السالب تنافر يعني اون جنرال الراجل يخدم المرا والمرا تخدم الراجل ، وهذا ما يمنعش بلي كاين ناس تمشي بضميرها واش يملي عليها لا يهم في ذلك ني مال ني جمال ني هم يحزنون .
واعتراف صريح ، وراء كل رجل عظيم امراة .
قال احدهم : اذا علمت رجلا علمت فردا واحدا في المجتمع .
اذا علمت امراة علمت مجتمعا باكمله .
مرنيش حافظة المقولة مليح بصح المهم تبين بلي احنا فووووووور عليكم وتغزلوا هههههههه.:p

ههههههههههه مرسي عليك اختي
السالب مع السالب تنافر هذي فهمتها درك برك
مرسي على المرور

السـلام عليـكم
نهاركـ مبروكـ إن شـاءَ الله
موضوعكـ عجبنـي بزاف يـــاأيوب
والله غير عندكـ الصح تلقى مـرا خير مـن الراجـل اي الراجـل تبكي قدامو والله مايحـن عليـك
بصح المرا قلبهـا حنـين .. رح تلقهـا في وقت الشدة تبكي معاك تتألم معاك تتعذب معـاك

المرا لراجـل .. والراجـل للمـرا
مش كامل الراجـل عندهم ضميـر وعندهم عـاطفــــــــــــــة
بصح لمـرا حسـاسـة وحنينــــة وتعرف تهدر كاين الراجـال والله مايعرفو يهدرو يقلقـو
احنـا فور فــــــــــور عليـــهم :p

يالعـزيز نشكركـ على هدا الموضـوع
او طلعـلي المورال كي قريت موضوعك الشبـاب
ربي يحفـظك ويخليك لنـاس لي يحبـوك
يعطيـك الصحـة
​

اهلا وسهلا بخدووج
راني نحوس على لي تبكي معايا وتتألم معايا و تتعذب معايا :d
ردك تاني يطلع المورال اسيلوو ربي يخليك
آميــــــــــن الله يسلمك مرسي على المرور :regards01:

شكرا على الطرح
مي ماشي كامل الرجالة هذاك وأنا نظن بلي النسا يحبو يخدمو لرجال أكثر من النسا
بويسك المرا يغيرو منها srt اذا كانت وحدة بوgوسية خير منها تبدا غير تتماطل
و أبسط مثال الاستاذات يموتو على الذراري اللي يقراو عندهم تلقاهم البنات مايشوفوش فيهم طول ومايقيموهمش و دايما يهاوشوهم و راني عشت هاذي الحالة
ونروحو للسبيطار ماسمعتش les sagefemmes كيفاه يديرو للنسا srt الحوامل مساكن
المرا تحب تخدم للراجل والعكس الرجل يحب يخدم للمرا
وهاذي هي الحياة
thnx

اهلا وسهلا بيك اختي
ردك من الأخت وصال قالت السالب مع السالب تنافر
مالا ربي يكثر من الجنس اللطيف باش نعيشو في سعادة وهناء :d
مرسي على المرور اختي
​

 

[ĂÝǾΰb]

واذا مرضت فتاة أنا نأكدلك انها ماواحده لا تقيمها أو بالأحرى لا يحسوا بغبابها أصلاااااا
وانا رأي مع الأخ مكاااانش

سلاااااام
​

لالا يا اختي مزالو النآس فيهم الخيــر
العام لي فات مرضت طفلة غابت ثلاثي كامل
كامل البنات تآع القسم راحو ليها للدار

السلام عليكم يعطيك الصحة على هاذالموضوع درك نجاوبك بكل صراحة نابعة من جعبة انثى صادقة
بكل اختصار المراة تحب تنعت روحها قدام الراجل لعلى وعسى تكسب اعجابو خاصة اذا كان حطة.......والرجل ثاني خبيث كبير يحب بزاف يخدم الجنس اللطيف ايضا لعل وعسى يلقى شي ابتسامة ولا شي نضرة ولا ولا .........امالا ماهي لمرا خير من الراجل ولا الراجل خير ملمرا وبكل صراحة ارجوكم رانا جزايريين ونعرفو بعضانا مليح هذي تجربة نمر بيها يوميا وانا وحدة من الناس منين نروح نحتاج حاجة اذا لقيت مرا غير نولي نروح ولا نويس....واذا لقيت راجل ...اف....يبدا يقدم في روحو هو الاول ويقدملي المساعدة بدون مانطلب...امالا ماتغرك لامرا ولا راجل وحاشا البعض الي مازال عندهم الخدمة لوجه الله.....
​

اهلا وسهلا بيك اختي
ربي يحفظك على الرد
مقتانع بلفكرة ديالك ونحترم رايك كيفيتي و وفيتي
بآرك الله فيك اختي

و عليكم السلام

موضوعك شباب خو مي كاين و كاين

ربي خلق و فرق وكيما تصيب مرا فيها الخير تصيب مرا خرا مشرارة

ايه يا خويا الخير و الشر عند كل البشر

مشكور خويا​

اهلا وسهلا بيك
ربي يحفظك
أنا حكيت على الحالة ديالي واش صادفت في حياتي
الشكر لكي اختي :regards01:

نقولك بنتي الراجل يرفد لمرا والعكس
الحياة بيهم في زوج
والحياة مش غير تقديم مساعدات والا خدمات كاين حوايج بزاف واللي يشد الحبل الطرف الثاني يرخيه
مش هدا هو القياس في الحياةمشكوووووورة على وجهة نظرك بنيتي

اهلا وسهلا ميمتي مرحبا بيك
أنا وليدك ميش بنتك :$
بارك الله أيتها الفاضلة سلمت يداك على المرور :regards01:


​

 

[souhila_95]

لوكان جاو صح رجالة مانوصلو لهذه المواصيل ...هذا آخر الزمان لي تقل فيه كلمة الرجل بمعنى الكلمة هذه حقيقة وبلاز عاف الخاوة ...كاين عباد شفتهم زعمة دايرين رواحهم رجالة يزوجو ويخلو زوجاتهم يخدمو ويصرفو على الاولاد وهو سي خونا دايرها غير للعب والنساء ويقلك انا راجل ...تبا لك لاتمت بالرجولة بصلة

 

[خديجة 19]

ربي سبحانه وتعالى خير الانبياء رجال وخير الفاتحين رجال وحررنا بلادنا برجالها والمسؤولية النسائية لا تكون الا في صناعة الاجيال ليكونوا رجال مثلا لاتؤخذ شهادة امراة واحدة لان المراة من كثرة كلامها يقل عندها التركيز مانغطيوش الشمس بالغربال النساء في معظم الاحيان تاكلهم الغيرة من بعضاهم وهذا مايخليهمش يكونوا ناس ملاح مع بعضاهم باباك ماهوش مرا والشيخ نتاع السبيطار ماهوش عجوز وربما انت حسب هدرتك ماكش متزوج ربي يحفظك ويبعد عليك كيد النسا وغيرتهم الي ماعندهاش حدود ولكن نعطيك نسبة 15بالمئة من الحق لانني اتكويت بزاف من النسا( ان كيدهن لعظيم ) مي ماننساش مريم المقدسة وزوجات الرسول صلى الله عليه وسلم والنسا الي شاركو في الثورة الجزائرية العظيمة وبنات الاصل والتربية الحسنة حاشاهم .:up::regards01:

 

[ĂÝǾΰb]

الشُكر لكم ولـ حضوركم العبق
الذيٌ عطر اجواء صفحتيٌ بـ عبيرهـ
شٌكـراً لكـمُ
​

 

[أم أُنٌَيسة]

السلام عليكم
عندك الحق في نص
و النص لاخر ماش ماعندكش الحق بصح كل واحد و واحدة كيفاه يخمموا
كاينة اللي اديرها امزيه لربي و كاينة اللي اديرها لمسالة شخصية
كيما الذكورة كيما لبنات
شكرا على الموضوع
سلام
​

 

[HAMZA USMA]

مي الراجل يخدم بالتايهوديت و القلب لكحل
+1
​

 

[yellow9]

نستعرف بيك خويا هاذي اول مرة نسمع اعتراف كيما هاك من عند رجل انت سيد الرجال اللي ينتقدو في المراة على خاطر شجاع وما على بالكش برد الاخرين نستعرف بيك 100مرة
شكرااااااااااااااااااااااااااااااااااااااااااااااااااااااااااااااااا:up:

 

[°NeSriNe°]

وعليكم السلام

ههههههه اودي الله يرحم هاداك الفم يا خويا
تحيا لبنات هيهيهيهي ... بدون نقاش :d
شكرا على الموضوع ،،
تحياتــــــــــــي’’
​

 

[ikràm mahbOulà GiiRl]

الله يسلم البطن و الام لي حملاتك كلامك كنز و صح مي نكونو عادلين كاين تاني رجال فيهم الخير مش الكل

 

[برشلوني]

ما تعممش برك كاين المليح والقبيح ! ​

 

[mira.21]

وعليكم السلام
وشهد شاهد من أهلها ههههه
مي جماعة لي يقيلو يقولو لمرا ولمرا ... راهن نساو بلي لمرا هادي راهي يماه وختو وبنتو قل كل شيء
وزيد هدي يرجع للأصل والي ولد ناس راجل ولا مرا تلقي فيه الخير
يعطيك الصحة خويا :up:

 

[noussa.dz]

hiiiiiiiiiiiiiiiiiiiiii:-r

انا راني معاك خويا ايوب في نص هدرتك مشي كامل وعلاه ؟:s

خاطر نسا تخدم من قلبها بكل حب وحنانة:$
اما الرجل فالعكس

وبحكم تجربة في الحياة :d
راني نشوف بلي كاين وكايــــن:-o
مرات تلقى النسا خير من الرجال :up:
ومرات العكس :down:

والحكاية هنا حكاية مبدأ هاذا ماكان :-r
والله اعلم ــ:regards01:
​

 

[●¦[ الــفـــارس ]¦●]

قريت المووضوع عرفت انو عقلك مازال مشربش ماه مليـــــــــــح
سينو مكنتش تصدر حكم كبير كيما هذا بالسطحية هذي
خلي تزيد تطيب فالدنيا و أكيد يتبدل الحكم تعك
:regards01:​

 

[Moha le sage]

مليح هاذ القصص ...

ماردوش عليا الذكور و ردو عليا البنات = المرا خير من الراجل

معطانيش المراقب بيي دونطري ..عطاتولي المراقبة = المرا خير من الراجل

الله يبارك ماكنتش نعرفك قاوي هكذا ... و شكون راح تلقى يشكرك في موضوعك هذا .. باينة كي الشمس

كون موديفيت العنوان ..قال المرا ترندي سرفيس ..المرا حنينة على الراجل ..المرا انسانية و حساسة ..مقبولة .. بصح خير من الراجل ... هذي راك زلقت في واد يا ولد خالتي ...

اسمع نقلك حاجة .. كل جنس في بلاصتو .. المرا خلقها ربي لبلايص و مسؤوليات و الراجل كيف كيف ...


و العفسة لي راك تحكي عليها ان المرا ترونديلك سرفيس هذا شي نفسي



الطفل يحب امو و يكره باباه ..الطفلة تحب باباها و ما تحملش يماها ..

كي يكبرو و ينضجو ..الشاب يحب البنات و يحب يتقرب ليهم .. و البنات نفس الشي .. باسكو كاين حاجة اسمها انجذاب بين الجنسين ..

وحتى المراقبة لي راك تشوف فيها سارفيابل و تخدم بقلبها تلقى نص البنات يكرهوها لاخاطر تمكر بيهم و ما تحملش الكثيرات فيهم ...

و زيد على المثال هذا دير تور للجامعة ..تلقى البنات يكارطونيو في الموديل لي قرو فيه الرجال .. و الذراري يجيبو مليح عند اللي يقرو فيه النسا ....

و تسمر الحياة .. وعمرك لا تقول النا خير من الرجال ......... هدرة مراكش توزن فيها

صحيت



​

 

[The DoN]

الآية صريحة تقول :
ولا تتمنوا ما فضل الله به بعضكم على بعض للرجال نصيب مما اكتسبوا وللنساء نصيب مما اكتسبن واسألوا الله من فضله إن الله كان بكل شيء عليما

سورة النســاء
​

 

[ايمان مي]

عجبني واش قلتي بززاااف و عجبني طرحك للموضوع بصح صوابع يدك ماهمش كيف كيف و ما نعرف
الناس ماشي كيف كيف كاين اللي يخدم بالنية و يخدم بقليو و كاين اللي يخدم بقلي اكحل على العموم
مشكوووووور على طرحك المميز للموضوع