رد على مناقش اخر صيحة

[من الماضي]

هذي أنا درت عليها موضوع وقريت 2مواضيع مشابهة ووالو يا اختي كاين ما يفهموش تعياي تقوليلهم ووالو الله يهديهم بهدلونا ........وليت ما ندخلش لمواضيعهم التافهة وخلاص.

اوكي اختي ما عليهش انا نقول و انتي تقولي و كل واحد يشوف الغلط يقول

حتى الحجر يتكسر من كثرة الدق فيه فما بالك الانسان

وشنو لازم نكونو يد وحدة

*******

ربي يحفظك و يخليك على المرور العطر​

 

[من الماضي]

مع إحترامي ليك

هاذا الموضوع دارتو باش تصلح العلاقة وأنتي راكي تقولي كلمة مواضيعهم التافهة حتى معضم مواضيع الجنس الآخر كما قلتي لكن ليس جميل تسميتهم بالتافهة

شكرا​

ما عليهش خويا الكناري حنا نحترموا و جهة نظرها و اكيد هي ما تقصدش لانها قالت حاولت و كتبت ضد لي حابين يشوهوا صورة المنتدى
********

شكرا لك على التدخل و المرور العطرين​

 

[من الماضي]

موضوع قييم وطرحه رائع
مي لازمك تعذري لانه الواحد لما تخدعه وحده يصير يشوووف البنات كلهم هكاك
وخصوصا ااذ قالك كلمه حواء فعلمي انه راح يخربها
مي لازمه يتريث ولو احتراما لشخصيه الاعضاء لي راهم موجودين
ولاكن انا برايي ان المشكل هو في الردود هي لي تزيد تازم الوضع فتشوف كل هاذا يرد بخشونه
وهكاك هو يزيد يتعصب ويتشدد في رايه
صح كاين لي يرد برزانه مي الاغلبيه تزيد الطين بله
شكرا اختي موضوع اعجبني والله
سلااااااااااااام

شكرا لك اخي بلال

انا ماقلتش ما يشكيش اي واحد كي ينخدع يحب يفرغ قلبه

بصح هدرت على طريقة الطرح تاعو

ممكن لو كان يحكيلنا و يشكيلنا رانا كامل كي خاوتو نحاولوا نحيوا عليه

لكن كي يدخل علينا نتوما و نتوما راح يربح غير العيب

و حتى كيما قلت المشاراكات لازم تكون بطريقة عقلانية حتى ولو كان صاحب الموضوع قاس ناس

*****

شكرا لك على المرور الرائع و المشاركة المميزة

دمت ودام تميزك

​

 

[من الماضي]

السلام عليكم و رحمة الله تعالى و بركاته​

انا عندي وحد المدة و انا من اللي ندخل لللمة و نبدا نقرا في المواضيع ​

نلقى معظمهم يتكلموا على البنات و على واش راهم دايرين​

و الله غير حرت​

و كيما قلتي اختي تجي تناقشهم بالعقلية​

يديرولك فيها قصة​

و زيد الحاجة اللي تغم هي انوا اللي يدخل يقوم بتعميم​

كلي كامل الناس كيف كيف​

و ماكان المتربي و المحترم بيناتهم​

حتى وليت خطرات منحبش ندخل​

و زيد هاذوا اللي قاعدين يمنشرو في البنات تقول ماعندهم اخوات و لا ماعندهمش امهات​

و مايخافوش على اعراضهم​

بصح لا حياة لمن تنادي​

على خاطر لوكان تزيد معاهم الهدرة يعملولك فيها قصة و قصة زايدة​

اللهم نقوللهم غير ربي يهديكم و خلاص​

و يهدي جميع المؤمنين​

و ان شاء الله اي واحد يجي يحكي على الناس يخمم قبل بلي حتى هو ممكن يجي كاش حد و يحكي فيه و في عرضه​

و السلام​

و عليكم السلام و رحمة الله تاعلى و بركاته

شفتي كيفاش و الله صح بزاف وش رانا عايشين

و يكون في في علمك اكيد هاذي عقليتهم برا و فالدار ماشي غير هنا

كيما قلتي حنونة ربي يهديهم و يقوينا باش نصلحوا شوية منكر

********

شكرا لك على المشاركة الرائعة المتميزة جدا

​

 

[سماح4]

مع إحترامي ليك

هاذا الموضوع دارتو باش تصلح العلاقة وأنتي راكي تقولي كلمة مواضيعهم التافهة حتى معضم مواضيع الجنس الآخر كما قلتي لكن ليس جميل تسميتهم بالتافهة

شكرا​

انا مانيش نحكي على المواضيع البناءة الي فيها فايدة ومانيش نقول لبنات كامل ملاح بالعكس كاين مظاهر في المجتمع يندى لها الجبين والي داروا مواضيع على لبنات عندهم الحق راهم يعالجو في قضايا المجتمع ....أنا قلت مواضيع تافهة على الجماعة لي راهي تخسر فالهدرة وتقول كلام طالع هابط ويجمعو لبنات كامل وشوهو صورة البنت الجزائرية ...مثلا واش رايك في موضوع عنوانو بنات الجزائر كلهم زيرو،زيرو يعني صفر ....هذا الموضوع مثلا يقراه واحد اجنبي بلا ما يدخل يقول شباب الجزائر يشكي من بنات الجزائر أكيد عندهم الفساد او شيء من هذا القبيل ويروح عقلو لبعيد ....يا أخي واش هذي العناوين الجارحة ونقولها ونعاودها تافهة.مع احترامي للشخص الي كتبها.....وانت واش رايك؟؟؟؟

 

[samra106]

تقول ماما المحرمة راحت مع المجرمة في هاد الوقت لبنات الفاسدين غطاو على المتربيين وكيما كاين رجال خداعين كاين نساء خداعات وكيما كاين ولاد فميليا كاين بنات فاميليا. وكيما قال الله تعلى( الطيبون للطيبات والخبيثون للخبيثات) ندعيو ربي يسترنا في هاد الوقت .

 

[Manar19]

ايه نورمالمون النقاش هو تطرح موضوع وتتسائل وتخلي الناس تعطيك رايها وكل واحد وجهة النظر تاعو ومبعد تكومباري وتشوف نسبة تقارب اراءك مع لغير وشكرااااااا

 

[sayco]

عنك حق خونا ..