جامي....بصح بنت عمتي مسكينة (مشيانة) كانت ضحية تع وحد المخروط عطاها عشبة قالها تسمن وغالية يا محاينك.... 3 اشهر وهي تستعملها ماسمانت ما عمي زكري
no way..تقدري تقولي نامن بالطب البديل..يعني واحد مداير حانوت تع اعشاب مرخص ويبيع اعشاب معروفة عن الطب النبوي...مي تع العجاييز والمشعودين ولي يجيو يطبطبو على الدار...موحااااااال
يخي حالة يخي...يعني هدا ماكفاهش يكدب عالغاشي يزيد يضرهم....أنا نعرف التداوي بالأعشاب لامانفعش ما يضرش....بصح هدا مانفعش الغاشي بالعكس زاد عليهم.....
الغاشي تعنا ماعندهمش الصبر عالمرض والابتلاء.....تشكهم شوكة يجريو للطبيب.. ولا مانفعش يروحو عند الطالب يكتبو...ويدبرو مليااااااار على بعضاهم...مثلا ولد اختي عندو 3 اشهر دارتلو وحد البيوضة في لسانو (تع لحليب برك) دبرو عليها وحد النساوين قالولها ديريلو الكاربونات ووحد الحشيشة...قالتلها ماما أطونسون كشما ديري للطفل اديه للطبيب...كي حكات للطبيب وش دبرو عليها شبع ضحك وقاللها ماتاخديش رايهم،امالا علاه كاين الطب؟؟.....ربي يهدي الخلق
هاد الناس يفتقدو لترياق الهموم اللي هو الصبر
وقد جاء في الحديث :"إن أصابته سراء شكر فكان خيراً له ، وإن أصابته ضراء صبر فكان خيراً له ، وليس ذلك إلا للمؤمن . ...."
وفي الأخير نقولك يعطيك الصحة أمينة عالموضوع الهااااااااايل كي العادة
تقبلي مروري
وقد جاء في الحديث :"إن أصابته سراء شكر فكان خيراً له ، وإن أصابته ضراء صبر فكان خيراً له ، وليس ذلك إلا للمؤمن . ...."
وفي الأخير نقولك يعطيك الصحة أمينة عالموضوع الهااااااااايل كي العادة
تقبلي مروري
