- إنضم
- 26 ماي 2008
- المشاركات
- 2,332
- نقاط التفاعل
- 3
- نقاط الجوائز
- 517
حبابي خاوتي فاللمة سمعنا كلمة مشهورة بزاف ولي هي جايبينها من ديننا الحنيف وتقول قل الحق ولو كان مر *
على بالي الموضوع شوية حساس ولازملو ناس عقال باش يتناقشو فيه لكن من العنوان نعرفو المعنى ونتناقشو دايما على قاعدة قل الحق ولو كان مر
الحق الحق صعيب والبعض مايتحملوهش ومنين تقول الحق ترجع ماشي مليح وممكن تتهم بأشياء خطيرة من جماعة لي كان لازم عليهم هما يطبقو هذ= الكلمة وهما لي يعطو صورة حسنة لديننا الإسلامي وهما لي يطبقو الكلمة لي راهي فالعنوان قل الحق ولو كان مر
ومن الموضوع راني نأكد بلي مارانيش نشجع في هذ الناس على هذ الشي يعني باش تواصل في لابستها ولا في تعاملها مع نفسها بهذ الكيفية لكن الحق يقال ولازم نهدروه
و بدون تعميم يعني مارانيش نجمع لكن الأغلبية تلاحظ معايا هذ الشي
ولي هي نتهمو جماعة السيفيليزي بأبشع الصفات وفيهم مافيهم لكن جماعة لي لاعبتها ساترة روحها نشوفو منها لعجب نشوفو جماعة السيفيليزي تعامل الناس معاملة حسنة ولي نشوفو فيهم مستورين يعاملو الناس وكأنها حيونات لعبادة هبطت ليهم برك نجو نشوفو للخير نلقاو الطلاب يروح يريح قدام بار ( يعني وين يشربو الخمر ) يجمع ملايين يريح قدام جامع يجمع 40 دورو نروحو نهدرو مع واحد خابط يهدر معاك ويقيمك ويهدر معاك هدرة تاع واحد شايف لدنيا مليح تهدر مع واحد خارج من جامع يرجعك كافر وخارج من الملة
تلقى لي لابسة الحجاب ماشي كامل يعني مارانيش نعمم لكن الأغلبية دايرة المنكر ماشي غير في روحها حتى مع العباد ماسلكوش منها ولي ضاربة السروال مارانيش نقصد لي مفضحين في رواحهم تعامل الناس معاملة حسنة وحتى إذا تقاست ترد لقلبها نتهمو بلي فيها وفيها ومنين نجو لصح نلقاوها نرفد وتحط وتعاون وتلقى عندهم قلب حساس كثر من هذوك لي يداعاو تقول ترفد من عندهم الإحساس
إذا حكيت مع هذ الناس لي حنا نسموهم ونشوفو فيهم خارجين الطريق تلقاهم متفهمين ويسمعو
ويتناقشو معاك نقاش حضري وكلام ماشاء الله لكن النوع لي نقولو راه يمثل فالإسلام باللبسة يعطيك صورة أخرى والله تندم النهار لي هدرت معاه ماتلقى حلاوة الإيمان في قلبو ماتلقى رحمة ماتلقى حتى عذب الكلام في كلامو كي شغل يفرغ في سمو ويشوف فيك راك فرعون لازم تكون كيما هو سينو راك خارج من الملة
وعلى هذي ولينا نتمنو أنو هذو لي سيفيليزي لوكان يكملو يقعدو في عقليتهم ويسترو رواحهم برك رايحين نعرفو معاملة الإسلام قلب وقالب وحتى رجعنا أغلبنا يقول لوكان القاوري يشهد برك يفوتنا للجنة وهذي من المعاملة والمشكل لكبير أن الإسلام تاعنا قبل كل شيء يوصي على المعاملة وهذ اتلناس تقول أعوذ بالله يرفدو كل شيء ويخلو المعاملة مايقدرولهاش والكلمة لي قالها الداعية الكبير على الأوروبيين خير دليل منين قال خرجت للخارج ولقيت الإسلام ومالقيتش المسلمين ورجت لقيت المسلمين ومالقيتش الإسلام
هذا دليل على أنو مادابينا الناس تراجع نفسها في قضية المعاملة والقول الحسن على خاطرش بكري الناس كانت تدخل للإسلام من هذ المعاملات وبهذ المعاملات عرفو بلي الإسلام دين حق ماشي كيما راهي البعض شوهت صورة الإسلام بالمعاملات والعياذ بالله حتى تشوف فيهم
على بالي الموضوع شوية حساس ولازملو ناس عقال باش يتناقشو فيه لكن من العنوان نعرفو المعنى ونتناقشو دايما على قاعدة قل الحق ولو كان مر
الحق الحق صعيب والبعض مايتحملوهش ومنين تقول الحق ترجع ماشي مليح وممكن تتهم بأشياء خطيرة من جماعة لي كان لازم عليهم هما يطبقو هذ= الكلمة وهما لي يعطو صورة حسنة لديننا الإسلامي وهما لي يطبقو الكلمة لي راهي فالعنوان قل الحق ولو كان مر
ومن الموضوع راني نأكد بلي مارانيش نشجع في هذ الناس على هذ الشي يعني باش تواصل في لابستها ولا في تعاملها مع نفسها بهذ الكيفية لكن الحق يقال ولازم نهدروه
و بدون تعميم يعني مارانيش نجمع لكن الأغلبية تلاحظ معايا هذ الشي
ولي هي نتهمو جماعة السيفيليزي بأبشع الصفات وفيهم مافيهم لكن جماعة لي لاعبتها ساترة روحها نشوفو منها لعجب نشوفو جماعة السيفيليزي تعامل الناس معاملة حسنة ولي نشوفو فيهم مستورين يعاملو الناس وكأنها حيونات لعبادة هبطت ليهم برك نجو نشوفو للخير نلقاو الطلاب يروح يريح قدام بار ( يعني وين يشربو الخمر ) يجمع ملايين يريح قدام جامع يجمع 40 دورو نروحو نهدرو مع واحد خابط يهدر معاك ويقيمك ويهدر معاك هدرة تاع واحد شايف لدنيا مليح تهدر مع واحد خارج من جامع يرجعك كافر وخارج من الملة
تلقى لي لابسة الحجاب ماشي كامل يعني مارانيش نعمم لكن الأغلبية دايرة المنكر ماشي غير في روحها حتى مع العباد ماسلكوش منها ولي ضاربة السروال مارانيش نقصد لي مفضحين في رواحهم تعامل الناس معاملة حسنة وحتى إذا تقاست ترد لقلبها نتهمو بلي فيها وفيها ومنين نجو لصح نلقاوها نرفد وتحط وتعاون وتلقى عندهم قلب حساس كثر من هذوك لي يداعاو تقول ترفد من عندهم الإحساس
إذا حكيت مع هذ الناس لي حنا نسموهم ونشوفو فيهم خارجين الطريق تلقاهم متفهمين ويسمعو
ويتناقشو معاك نقاش حضري وكلام ماشاء الله لكن النوع لي نقولو راه يمثل فالإسلام باللبسة يعطيك صورة أخرى والله تندم النهار لي هدرت معاه ماتلقى حلاوة الإيمان في قلبو ماتلقى رحمة ماتلقى حتى عذب الكلام في كلامو كي شغل يفرغ في سمو ويشوف فيك راك فرعون لازم تكون كيما هو سينو راك خارج من الملة
وعلى هذي ولينا نتمنو أنو هذو لي سيفيليزي لوكان يكملو يقعدو في عقليتهم ويسترو رواحهم برك رايحين نعرفو معاملة الإسلام قلب وقالب وحتى رجعنا أغلبنا يقول لوكان القاوري يشهد برك يفوتنا للجنة وهذي من المعاملة والمشكل لكبير أن الإسلام تاعنا قبل كل شيء يوصي على المعاملة وهذ اتلناس تقول أعوذ بالله يرفدو كل شيء ويخلو المعاملة مايقدرولهاش والكلمة لي قالها الداعية الكبير على الأوروبيين خير دليل منين قال خرجت للخارج ولقيت الإسلام ومالقيتش المسلمين ورجت لقيت المسلمين ومالقيتش الإسلام
هذا دليل على أنو مادابينا الناس تراجع نفسها في قضية المعاملة والقول الحسن على خاطرش بكري الناس كانت تدخل للإسلام من هذ المعاملات وبهذ المعاملات عرفو بلي الإسلام دين حق ماشي كيما راهي البعض شوهت صورة الإسلام بالمعاملات والعياذ بالله حتى تشوف فيهم
كـــاركـــاس مســـــــــــــلم والقلــــب يهــــودي أعوذ بالله
مـــلاحظــة : الموضوع ماعندو حتى علاقة بالمنتـــدى يعني هذ الظاهرة شفتها برة خارج المنتدى غير باش حتى عضو مايقولك راه يقصد في فلان ولا فلانة يعني الظاهرة شفتها فالمعاملة تاع الناس خارج المنتدى وحنا فالمنتدى *عندنا مجرد نقاش وحوار يعني المعاملات مارانيش نوحى كل واحد كيفاش يعامل الناس
وفي الأخير نبحث على حوار ونقاش حضري وحفظكم الله ورعاكم مقدما *
. ولي عودة...
