الله يرحمك يا دزاير je regrette d etre algerien

[issamt50]

بعد ميثاق المصالحة الوطنية عفوا ميثاق الطحين و الرضى
و هبطوا ليرهاب و عطاوهم خدمة و بنسيون و ......وو..و.و.و.و.و المهم قلنا معليش
بعدها داروا قانون الأسرة وــــين المرأة مابقاتش اطيب كسرة قلنا معليش
الرايس يربخ الفوط ب 99.99/100 و قلنا انكور..........معليش

و صلت وين الرايس يولي ملــــــــــــــــــــــــــــــــــــــــــــــــك و شكون الوزير الأول ............
أويموت ..........AH CA C EST GRAVE

و اللخرة دخلوا الpapich في الجيش هه

واش الحاجة الي بقات تخلي أي جزائري يفتخر بلي جزايري
و برك من قصة الثورة و 1.5 مليون شهيد هذوك أحياء عند ربهم يرزقون

 

[karim073]

السلام عليكم ورحمة الله

اذا كان على النساء فأنا معارض تماما على دخولهن للجيش

لأنو عدنا الرجال وموحال نخلوا الحرمات نتاعنا يوقفوا في الحدود يعسوا علينا

ولا يطلعوا للجبل يحاربوا الارهاب . . . . مادام كاين الراجل

و زيد راك تعرف احنا نشوفوا فرنسا ولا امريكا طبقت حاجة نروحوا نجريو و نديرو

كيفهم

و اذا حكيت على المنافقين كاين مثل ماهوش لايق شوي بصح ينفع في هادي الحاجة

نقلهم سراقين ولا منافقين

الجهاد ماشو بالصوارد و كي عدتوا فحولة ورجالة علاش هبطتو ولا شكشكت لملاير

هذا رايي ولي عودة

 

[السوفي حمة]

يا أخي علاه راك تقلق ياخي راك في الدزاير بلاد العجائب والغرائب
​

 

[أم عبد الرحمان]

يا أخي الصورة اللي حطّيتها توجع القلب

بصّح حبيت نقولك مازال راح تشوف بزاف أمور و حنا دايما هكّا الحاجة كي تكون في بداية انتشارها نتخلعو بيها بصّح من بعد تولّي أمر عادي و نسكتو عليها
و الجزائر إذا راح تبقى تبع في فرنسا حاجة بحاجة راح تلحق للموحال
و شوف برك للمجتمع الفرنسي كيفاش عايش تجيب لخبر
ربي يجيب الخير

 

[issamt50]

يا أخي الصورة اللي حطّيتها توجع القلب

بصّح حبيت نقولك مازال راح تشوف بزاف أمور و حنا دايما هكّا الحاجة كي تكون في بداية انتشارها نتخلعو بيها بصّح من بعد تولّي أمر عادي و نسكتو عليها
و الجزائر إذا راح تبقى تبع في فرنسا حاجة بحاجة راح تلحق للموحال
و شوف برك للمجتمع الفرنسي كيفاش عايش تجيب لخبر
ربي يجيب الخير

كاش ما بقى
بعد ما شفنا الراقي ولى وزير ""أبوقرة سلطاني ""
و 30 لا ألف شينوي
و 20 ألف نيقرو ""أصحاب السي خليدة تومي


و ما الحاجة الي ما شفناهاش هي la virétie
و ال 200.000.000.000 $

 

[a7la-Mooca]

مع أنني لست ضد فكرة عمل المرأة ووصولها لمراكز عليا
ولكن غروري ضد هذا مليون في الساعة لانه ضد اخلاقياتنا
فمهما كان تبقي المرأة مرأة والرجل رجل
وصورة مثل هذه لاتوحي بأنهن نساء.....
كل الشكر علي الطرح أخي
في الصميم

 

[bachir23]

يعطيك الصحة فاجيتلي ونحيتلي على قلبي ....واصل تالقك خصوصا في مثل هده المواضيع تقبل مروري

 

[love life]

hada makane
mazelt ma chete wolo
hada 3adi fi beladi

 

[Midia]

انتوما فريمون انانيين
واش فيها كي ندخلوا للجيش مرة خلاف كاش مايصرا اليد في اليد
ياخي انانية ياخي
والله غير اتغششت
راكم امطيحين من قيمتنا بزااااااااااااااااااااااف
ماتستهانوش بينا رانا في وقت الشدة كي النسورة
​

 

[ouafi.dz.34]

راه عندك الحق في كل لي قلتو خوية لعزيز بصح هاديك تاع البابيش في لجيش راك غاااااااااااااااااالط فيها تاع الصح وثاني مازالت لمرا تطيب لكسرة في الدار انتوما كامل هكدا دورو دورو وتولو للمرا السياسة ودخلتونا فيها بلا جدنا نقولك وكان بقاو رجالة وكان بقاو النسا

 

[bobkhalo]

واه يا اختي ouafi يعطيك الصحه على الكلمة اللخرة اللي قلتيها
لوكان بقاو رجالة بقاو النسا

هذه الكلمة يجب ان تكتب بماء الذهب اشباه الرجال هم المسؤولين عن ما وصلت اليه المراة في هذا الوقت
المرا تهز الكلاش وتدافع عن الوطن والراجل قاعد في الدار .

 

[issamt50]

مع أنني لست ضد فكرة عمل المرأة ووصولها لمراكز عليا
ولكن غروري ضد هذا مليون في الساعة لانه ضد اخلاقياتنا
فمهما كان تبقي المرأة مرأة والرجل رجل
وصورة مثل هذه لاتوحي بأنهن نساء.....
كل الشكر علي الطرح أخي
في الصميم

شكراا على المرور و الشاركة :angel_not:

 

[issamt50]

يعطيك الصحة فاجيتلي ونحيتلي على قلبي ....واصل تالقك خصوصا في مثل هده المواضيع تقبل مروري

شكراٌ يا أخي بارك الله فيك

 

[issamt50]

hada makane
mazelt ma chete wolo
hada 3adi fi beladi

لا تأسفنٌ على غدر الزمان فلا*******طالما رقصت على جثث الأسود كلاب
لا تحسبنها برقصها تعلواعلى أسيادها***تبقى الأسود أسودًا و الكلاب كلابُ

ما شفت والو pr le pire ou pr le meilleur

 

[issamt50]

انتوما فريمون انانيين
واش فيها كي ندخلوا للجيش مرة خلاف كاش مايصرا اليد في اليد
ياخي انانية ياخي
والله غير اتغششت
راكم امطيحين من قيمتنا بزااااااااااااااااااااااف
ماتستهانوش بينا رانا في وقت الشدة كي النسورة
​

الله يبارك منك بالصح ولا غير تقصٌري

 

[issamt50]

واه يا اختي ouafi يعطيك الصحه على الكلمة اللخرة اللي قلتيها
لوكان بقاو رجالة بقاو النسا

هذه الكلمة يجب ان تكتب بماء الذهب اشباه الرجال هم المسؤولين عن ما وصلت اليه المراة في هذا الوقت
المرا تهز الكلاش وتدافع عن الوطن والراجل قاعد في الدار .

كاين فرق بين الرجولة والذكورة ...هذا أولا
كاين فرق بين الشجاعة والوقاحة
ثانيا النظام الفاسد هو الذي يسعى الى اذلال الشعب و لا تنسى أن الجزاؤل لم تكمل استقلالها بعد ما دام أبناءها يحكمون في الجزائر اذن فنحن في بلد منقوص الحرية و الشعب مازال لم يتذوق طعم الاستقلال

 

[SAPI]

يا اخي أنا بلادي هي بلادي,أو متعرفش قيمتها غير كي تبعد او تقطع لبحر تم تلقى شعب ماشي كيما شعب بلادك..تم كيما يقول لمثل زلق بفلق..كي طيح متلقاش شكون يرفدك بصح تلقا شكون يكرزيك,الواحد لوكان يبقى يتبع في عيوب بلادوا ماتفراش يولي يخرج من رحمت ربي, رانا قاع عيشين في هذ البلاد او علابالنا بالبير او اغطاه...انا بلادي هي بلادي ماشي علاجال الحكومة تعنا pare ce queهذيك الله يرحمها, مي علاشال شعبها لي مزال فيه الرجال عندهم نيف او نساء فحلات خواتات الرجال

 

[SAPI]

وعلاش متحبوش النساء كي يخدموا خدمت الرجال, علابالي كيفاش تخموا تقولوا المرا لزم تبقى مرا وين راه charme كي تخدم هكا خدمة ,mais الوقت لي رانا فيه ولا ميفرق لا بين المرا و لا الرجل لازم قاع يديرو تاويل قاع يخموا على la venir ,علاش وين راهي المرا لي مزالت تقول نقعد في دار نستنا مكتوبي...contrare ويلينا نقولو نخدم خدمة لي جات او تكون شريفة و نتعبو او نشقاو او نبنيو la venir تعنا او واحد ما يتمزا علينا...النساء اخاوت الرجال

 

[SAPI]

واش بقى باش الجزا ئري يفتخر بلي هو جزائري ؟ يا خويا بقى بزاااف او وحد برك تكفبك ,,,احنا وقت الصح او وقت الشدة يد وحدة تقول هاد الشعب جبتهوم كرش وحدا , نهارالحملة او زلزلة شكون لقينا ماشي ولاد بلادنا ولا جونا من الخارج باش يقفوا معانا ,,,بلادك هي بلادك حبيت ولا كرهت[

 

[issamt50]

يا اخي أنا بلادي هي بلادي,أو متعرفش قيمتها غير كي تبعد او تقطع لبحر تم تلقى شعب ماشي كيما شعب بلادك..تم كيما يقول لمثل زلق بفلق..كي طيح متلقاش شكون يرفدك بصح تلقا شكون يكرزيك,الواحد لوكان يبقى يتبع في عيوب بلادوا ماتفراش يولي يخرج من رحمت ربي, رانا قاع عيشين في هذ البلاد او علابالنا بالبير او اغطاه...انا بلادي هي بلادي ماشي علاجال الحكومة تعنا pare ce queهذيك الله يرحمها, مي علاشال شعبها لي مزال فيه الرجال عندهم نيف او نساء فحلات خواتات الرجال

خويا كلا مك يعني نسكتوا على واش يديرو في هذ البلاد اللي نسالوا فيها بكل و ما عنناش بلاصا أخرى نعيشوا فيها من غيرها
الحكومة و جماعة البطون الكبيرة و sarl algerie
ما علابالهمش بينا خلاص و يشوفوا فينا ""غاشي""


اذا كنا صح كيما قلت رجال آرgاز كنا ما نسمحوش في بلادنا