ما رايك ايها الشاب الجزائري هل تقبل هذا على نفسك؟

[Amira43]

بالصح الصصح ينقال كل البنات تاع ضروك راهم على علاقات مع شباب كثير
وصحيح لوكان نسالوا كل بنت تقولك عندي حبيبي
او نسالوا كل شاب يقولك عندي حبيبتي
يعني خلاص هذه الظاهرة تاع العلاقات قبل الزواج شاعت يعني الباسي الملطخ فيها فيها
يعني كيفاش المهم تكون بنت ناس وما هيش مفضحة علاقاتها ​

حبيت نطرح عليكم سؤال برك ...علاه توجوغ تجملوا توجوغ تقولو بلي بنات قاع عندهم باسي علاه وحايد يديروها ولوخرين يخلصوا وje préfére انكم تنحوا هذا التفكير الخاطئ من روسكم على خاطرش كاينين بنات والله غير مازالوا نظاااااااااااااااااااف يشعلوا ....شكرا اختي على الموضووووع

شكرا اخواني على مروركم الطيب
اسمحولي انا نقول رايي انا الحق من ناحيتي نفضل نروح نظيفة عند زوجي باش نكون مطمئنة في حياتي وما نخافش لوكان نغلط ولا نداوسو يقولي انا الغالط ديت فضلة الرجال ويولي يعايرني طول محنا عايشين مع بعض , نحب نكون واثقة من نفسي ما نخاف من والو ومانخافش مالباسي تاعي نرقد وانا مطمئنة.
شكرا للجميع
+1000000000000
اضم اليكي صوتي ​

 

[الزنبقة السوداء]

انا ثابت عندي حاجة اذا كان مشا مع بنات من قبل يطيح من عيني
وانا نؤمن الطيبون للطيبات والخبيثون للخبيثات .

 

[arwa19]

بسم الله الرحمن الرحيم

سلام الله عليكم
اولا بارك الله فيك على المضوع الجميل والرائع
صحيح هي كون جي في اي واحد وا يقبلش زوجته تكون عندها باسي ملطخ
بالصح الصصح ينقال كل البنات تاع ضروك راهم على علاقات مع شباب كثير
وصحيح لوكان نسالوا كل بنت تقولك عندي حبيبي
او نسالوا كل شاب يقولك عندي حبيبتي
يعني خلاص هذه الظاهرة تاع العلاقات قبل الزواج شاعت يعني الباسي الملطخ فيها فيها
يعني كيفاش المهم تكون بنت ناس وما هيش مفضحة علاقاتها
وهذي هي
والحاجة المليحة لوكان يساعفوني الشباب تاع ضروك
ولا حتى اللي مازال صغير
الحاجة الاولى يهتم بالمستقبل الخدمة ووو
ويشوف شيرة يحبها من صغرها ويربيها على يده
"" الشاب حسني - قالت ربيني على يدك .. علمني مادامني صغيرة..."
باش كي تكبر ما تخونوش ويتزوج بيها على سنة الله ورسوله

وربي يجيب التوفيق ان شاء الله​

عجبتنى بزاف الهدرة تاعك أخى وسوختو النصيحة يعنى فى هذا الوقت لى ميمسحش ما ياكلش مايكل والو وزيد التمر مليح بزاف لازم ناكلوه هههههههه لى مايكلش تطفر فيه وتالى ميلحقش​

 

[ولــــد الـDZ]

بسـم الله الرحـــــمان الرحيـــــــم

انا نعطيكم رأيي و نتمنى تحتارموه, كيما قال خونا (مهدي بوطبة) "المهم ماتكونش دارت الزنى" و كيما نعرفوا تاني بلي هذا الوقت رانا نشوفوا بزاف من البنات(ماشي اكل) اللي راهم فعلاقات حب, و هذي الحاجة ولات شبه عادية فالمجتمع نتاعنا, ومسالة الزواج هذي المهم تكون شريفة وما دارتش حاجة اللي تغضب ربي ,واما مقولة الفتاة مثل التمرة امسح و كول, انا نقولكم شرف الفتاة مثل الزجاج اذا تكسر مايتصلحش
وشكــــرا على الموضوع المميز
ســــــــــــــــــــــــــــــــــــــــــــــلام
​

 

[naouma]

كل واحد يدي مكتوبو لكن هاذ العلاقات العابرة و لا جياحة كيما نعيطلهم انا غير ماكالاه ماكاش عادي و ما عادي لوكان جاو يخافو ربي صح ما يديروش علاقات غير شرعية حتى و الى كان غير حب و على التليفون هاد الشيء يغضب ربي سبحان افطنو يا لبنات نصف الرجال نهار الي يحب يتزوج ماراحش يدي الي كان معاها شفناهم و نعرفوهم
سلالالالالالالالالالالالام

 

[لاجودان شاف]

السلام عليكم
اذا كانت بنت الحي تاعي ومدايرة علاقة مع واحد نعرفو لا أقبل
اذا كانت مدايرة علاقة خارج لونتوراج تاعي ومع شخص يعرفني لا أقبل
اذا كانت مدايرة علاقة بعيدة ومع واحد بعيد ممكن
شكرا على الموضوع​