هل شاب اليوم او فتاة اليوم تصلح لان تكون والدة غدا

[karim073]

والله اخويا الدعوة تخوف عادو يزوجو زواج نتاع شهر شهرين وتربح واكثرهم صغار يعني تلقاه 24 سنة ودار دار ربي يعيشك مازال صغير ومايقدرش يتحمل المسؤولية واكيد لولاد لي يخلصو مبعد ربي يصلح لحوال هاذا ماكان​

كثيرة هي القصص الي نسمعوها . . . زوج ماكانش شهر ولا زوج طلق . . .

راي تالف واش نقول برك . . . . ربي يبقي الستر

بارك الله فيك

 

[samra106]

انا على نفسي الحمد لله اهلنا او بصفة ادق ماما رباتني باش نكون ام صالحة نربي ولادي على واش تربيت والحمد لله نعتبر نفسي متربية مليح مليح وعندي واش نقدم لولادي ان شاء الله باش يكونو ناس صالحين في المجتمع.

 

[shahrazad]

بصراحة انا رأيي انو التربية هي الاساس و الاهل ليهم دور كبير باش يهيئو زوج و زوجة المستقبل
لكن خلينا نهدرو الواقع و الله نص لكبييييير من الشباب و البنات لا يصلح لتحمل المسؤولية و التربية
يحسبو زواج لعب و كلام الحب هاداك هو الي راح يبني عايلة و يربي جيل
شاب تاع 21سنة تلقاه يحوس يتزوج !!! حتى لو كانت عندو الامكانيات لكن يبقى ناقص في صوالح بزاف
الي هي اهم من المال
مواضيعك رائعة يا اخي
تحياتي ​

 

[أم عبد الرحمان]

بارك الله فيك أخي الكريم و نفس التساءل الذي أطرحه دائما على نفسي و لا أجد له جوابا بل و أتشاءم كثيرا من مستقبل الجيل القادم
يا أخي والدينا ما ربّاوناش على الدين بسبب ضعفهم في هاذ المجال و جهلهم بتعاليم الإسلام ربي يغفرلهم بصّح رباونا على الحشمة و الإحترام على الأقلّ و الواحد كي كبر عرف دينو و الحمد لله
بصّح الأشكال اللي راك تتكلّم عليهم لا دين و لا أخلاق و لا حشمة واش تحبهم يقدمو لولادهم من بعد!
كي كنت نقرا في المتوسّطة كانت عندي صحبتي والديها تالفين الله يهديهم
كنت نطلع معاهم في السيارة باش يلحقنا للمدرسة و الله غير مع صباح ربي يحطلنا أغاني الراي و يماها كي نروح لبيتهم تشوفها تحط القنوات الأجنبية و تشوف قدّام ولادها حتى ولّات عندهم حاجة عادية
من بعد بابا كي عرف عايلتها قالي ما نزيدش نشوفك معاها المهم منين كبرت هاد الطفلة و الله ما نقدرش نقوللكم واش دايرة في عمرها هي و ختها ربي يهديهم برك قمّة الضياع و هذا بسبب والديهم اللي كان النوع تاعهم قليل في هاداك الوقت
هذا نموذج فقط أردت ذكره مع أنّه كان شاذا في ذاك الوقت فما بالك الآن و تلك النماذج قد شاعت و كثرت
فتصوّر الآن لبنات تاع درك أغلبيتهم من هاد النوع تصوّر كلّ واحدة فيهم تتزوج واش من جيل راح تنتج !
جيل الميوعة و الرقص و المسلسلات
ربي يهديهم و يرجع بنات و شباب المسلمين لطريق الإسلام فالذي لا يخاف على نفسه نار جهنّم فلن يخاف على ذرّيّته منها

 

[Midia]

سي فري .............كاين بزاف شباب وشابات طايشين وعايشين الحياة كانها لعبة..................
​

 

[karim073]

بارك الله فيكم . . .

كلنا متفقون ان التربية الصالحة هي اساس المجتمع . . .

 

[منيرة.عنابة]

هل شاب اليوم او فتاة اليوم تصلح لان تكون والدة غدا ?????????????????

السلام عليكم ورحمة الله تعالى وبركاته
والله سؤال صعب الجواب عليه في الوقت الراهن على خاطر منجموش نحكمو على جيل مازال صغير
السؤال ادا نجابو عليه بعد 10ou15 سنة لتم نقدرو نقيموا الجيل ادا كان نشاة صالحة بالرغم من انو معضمهم اباؤهم كانو غير صالحين انا هدا راي و منعرف
وهو تاني كاين مقولة تقول
فاقد الشئ لا يعطيه
وعلى كل تبقى الاراء نسبية ومختلفة من شخص الى اخر​

 

[karim073]

هل شاب اليوم او فتاة اليوم تصلح لان تكون والدة غدا ?????????????????

السلام عليكم ورحمة الله تعالى وبركاته
والله سؤال صعب الجواب عليه في الوقت الراهن على خاطر منجموش نحكمو على جيل مازال صغير
السؤال ادا نجابو عليه بعد 10ou15 سنة لتم نقدرو نقيموا الجيل ادا كان نشاة صالحة بالرغم من انو معضمهم اباؤهم كانو غير صالحين انا هدا راي و منعرف
وهو تاني كاين مقولة تقول
فاقد الشئ لا يعطيه
وعلى كل تبقى الاراء نسبية ومختلفة من شخص الى اخر​

مقولة تعجبني لكنها في غير محلها . . . .

على العموم ربي يقدر الخير . . . و ان شاء الله ربي يهدينا أجمعين

 

[منيرة.عنابة]

مقولة تعجبني لكنها في غير محلها . . . .

على العموم ربي يقدر الخير . . . و ان شاء الله ربي يهدينا أجمعين

وعلاه في غير محلها انا قصدت بيها
انو الاب او الام كي دالو فاقدين اصول التربية من المستحيل انهم يربيو اولادهم وكيما هكا تكون الموقولة في محلها ونص تانا​

 

[karim073]

وعلاه في غير محلها انا قصدت بيها
انو الاب او الام كي دالو فاقدين اصول التربية من المستحيل انهم يربيو اولادهم وكيما هكا تكون الموقولة في محلها ونص تانا​

. . . صح

ما فهمتش ردك مليح

سامحيني . . .

 

[منيرة.عنابة]

. . . صح

ما فهمتش ردك مليح

سامحيني . . .

سماح خويا العزيز انا تاني حرت قلت كيفاه مش في محله
المهم و الحمد لله وصلك واش حبيت نقصد
وشكرا على ردك و تقييمك​

 

[karim073]

سماح خويا العزيز انا تاني حرت قلت كيفاه مش في محله
المهم و الحمد لله وصلك واش حبيت نقصد
وشكرا على ردك و تقييمك​

لا شكر على واجب . . .

بارك الله فيك . . .

 

[** غزال الصحراء **]

و عليكم السلام ورحمة الله تعالى وبركاته

ان شاء الله خويا ان شاء الله

ماكانش الي مايحبش الخير . . . لكن الواقع هو الي يحكم

بارك الله فيك

و فيك بركة عزيزي كريم في إنتظار إبداعاتك .

 

[karim073]

و فيك بركة عزيزي كريم في إنتظار إبداعاتك .

كما عهدتك اخي وصديقي الغالي . . .

دائما بحظورك المميز . . . .

دائما بتشجيعاتك الطيبة

فبارك الله فيك