محتاجة لرايكم ساعدوني

[رورو الجزائرية]

انا بنت جزائرية بسيطة عمري 24 سنة خضت تجربة الخطوبة و فشلت المهم الحاجة الي حبيت انصقصي عليها و تعطوني رايكم فيها هي انو من فترة اتقرب مني شاب من عايلتي في نفس عمري و انا اكبر منه بشهرين تقريبا و بعد فترة خطبني و انا رفضت و عاود مرة ثانية و رفضت و دركا طلبني للمرة الثالثة و انا انفكر في جواب ممكن اتصقصو شو اسباب رفضي انا انقلكم
اولا هو شاب كيما قلت في نفس عمري و مزال مستقبله ماشي واضح
ثانيا انا نحس انو الشباب في هدا العمر مازالو يعيشو مراهقة يعني ممكن يكون حب مراهقة
ثالثا هو كيما انقولو احنا الجزائريين بيقوص و البنات حوليه كثير انخاف بعد فترة تجدبه اخرى
رابعا خايفة ادا انتشر الخبرايحاولو الناس يغيروله فكرته يعني ممكن يقولوله انت تستاهل خير منها و اصغر منها
خامسا انا عدت انخاف من موضوع الخطوبة و تبطيل يعني ادا وافقت هدي المرة لازم انكون واثقة من نجاحها و انا بصراحة منيش واثقة للاسباب الي دكرتها
منطولش عليكم انا راني تعبت من التخميم و لحسابات و منخبيش عليكم انو قلبي بدا يميل ليه نطلب من كل الي قرا الموضوع يعطيني رايه في النقاط الي دكرتهم من فضلكماعطوني رايكم و لو كلمة

 

[خالد سيف]

الحل عندك انت اختي.، بدون منجاوبلك على اسئلتك

استخيري المولى عز وجل جلاله .
انظن مكانش حل احسن منو
ربي يتمملك على خير ،ولي فيه الخير يجيبولك.
​

 

[*amina*]

نظن يا اختي انك كي عدت جربتي فترة الخطوبة و فشلتي فيها راكي خايفة الا تزيد هادي تاني تفشل لا سمح الله
انا منعطيلكش رأي نقلك حاجة وحدة صلي صللاة الاستخار فلا خاب من استخار يا اختي و ربي يجيبلك لي فيه الخير و ربي يهنيك و يمتنك على لي فيه الخير ليك و لي كل لي حواليك
صلي صلاة الاستخارة و خلي كلش على ربي سبحانو ربي كي رزق ما سمح يا ختي ومتخميش بزاف معاك ربي سبحانو

 

[رورو الجزائرية]

شكرا اخواتي اكيد راح انصلي و انا دايما موكلة ربي في كل اموري

 

[العاطفي]

نعم أختي
مشي غيرانت سرالك هذا الموقف
نعرف بزاف......ودرك راه عنده أطفال
مشي مهم أنه صغير ... المهم انه يحبك ... وانت تاني ديجا تعلقت بيه
وإذا خفت من المستقبل ...... راه الرزق عند ربي ..... ورزقك يجي يجي وهو لي عطاهلك ربي
وإذا خفت غيروله رايه فهذا صعب لأنه راح يستسلم لأمر الواق أنه معاك
وما يقدرش يفارقك أي ..... يوالفك .....
وربي يوفقك ان شاء الله
والله يجعل الطيب إذا كان هناك ترابط وزواج​

 

[رورو الجزائرية]

نعم أختي

مشي غيرانت سرالك هذا الموقف
نعرف بزاف......ودرك راه عنده أطفال
مشي مهم أنه صغير ... المهم انه يحبك ... وانت تاني ديجا تعلقت بيه
وإذا خفت من المستقبل ...... راه الرزق عند ربي ..... ورزقك يجي يجي وهو لي عطاهلك ربي
وإذا خفت غيروله رايه فهذا صعب لأنه راح يستسلم لأمر الواق أنه معاك
وما يقدرش يفارقك أي ..... يوالفك .....
وربي يوفقك ان شاء الله

والله يجعل الطيب إذا كان هناك ترابط وزواج​

شكرا خويا كلامك اثر فيا بززززززززززززززززاف

​

 

[احلام 16]

يا اختي لعزيزة انا مارح نقولك والوا غير استخيري ربي و شوفي ربي ما يضيع عبادوا و هدا هو الحل الانسب.

مكاش قد صلاة الاستخارة و ربي يوفقك و ان شاء الله مايكون غير الخير و ماتقلقيش روحك .

 

[رورو الجزائرية]

شكرا اختي احلام

 

[houdafr]

خلى ايمانك بربى كبير وانا تانى انخطبت وعقدت ثم طلبت الطلاق ولى اسباب الخاصة المهم اكبر منك او اصغر منك عمر السن مكان عاقد رسولنا محمد صلى الله عليه وسلم اخد خديجة اكبر منهوالرزق على الله اما ادا غيروه لازم تكون ثقتك بنفسك اكبر وماتخلى اى شيئ توكل على الله واستخارة افصل واحسن وسيلة وخلينا نبركولك نتمنى لك الخير

 

[RaNiA]

الحق كون جيت في بلاصتك ما نقبلش على خاطر انت اكبر منو كيما قلتي بشهرين
المهم تسما اصغر منك
انا في رايي احسن لو يكون الطفل اكبر من الطفلة شوي
​

 

[رورو الجزائرية]

شكرا اختي يمكن عندك الحق المشكلة في ثقتي بنفسي و خوفي من كلام الناس مع اني نعرف بلي كلامهم مايودي و لا ايجيب بصح الله غالب

​

 

[رورو الجزائرية]

الحق كون جيت في بلاصتك ما نقبلش على خاطر انت اكبر منو كيما قلتي بشهرين

المهم تسما اصغر منك
انا في رايي احسن لو يكون الطفل اكبر من الطفلة شوي ​

شكرا اختي على رايك

​