مع / ضد : الراجل راقد و المراة تخدم ...........

[MiriRina]

رد: مع / ضد : الراجل راقد و المراة تخدم ...........

السلام عليكم
انا راني مع وضد

مع : اذا كان الراجل محتاج يعني خدمتو متلحقش ولازم تكون خدمة المراة مح****
ضد: اذا كان الراجل لاباس بيه وخدمتو تكفيه هنا محقش عليه يخليها تخدم

بارك الله فيك ع الموضوع

 

[stelllo]

رد: مع / ضد : الراجل راقد و المراة تخدم ...........

شكرا ع الموضوع
حتى ول تخدم المرأة
الراجل لازم يوفر الأساسيات والمرأة اذا حبت الكماليات
بصح مش تصرف علي
وهذا اذا حبت تتعاون معاه


وما نتخيلش الراجل قاعد ف الدار والمرأة تخدم غير اذا الله غالب صارت ظروف وخلته يقعد في الدار بلا خدمة مرض لا قدر الله او شي هنا المرأة المفروض ماتقصرش معاه وتحاول قدر المستطاع ان تعاونه يكفيه الحالة النفسيه السيئة اللي راح يكون فيها


اما راجل غير هاكا لا خدمة ولا لطمه ما ينفعش ويزيد ما يحوسش ع خدمة ويتشرط اذا جاته خدمة

 

[لؤلؤة قسنطينة]

رد: مع / ضد : الراجل راقد و المراة تخدم ...........

السّلام عليكم
أهلا بأُميمتي ومواضيعها الرآئعة
بارك الله فيكِ غاليتي
أما فيما يخص الموضوع كيما قالها أحد الأعضاء الآية تعكست درك , ولا الرجل لما يروح يخطب يشرط المرأة تكون تخدم ,
وكاين حتى لي يقولك مايهمنيش واش تخدم ووين تخدم المهم تجيبلي دراهم , يعني هو راقد في دارو والمرأة تخرج برا
تخدم , ومن بعد يقولك علاه الأولاد مايخرجوش صالحين , كن جات المرأة تربي وتخدم خدمة الأم في الدار والراجل يخدم خدمتو برا
كن خرج جيل صالح , بصح حنا المرأة تروح تحوس برا والراجل يخرج والأولاد خلي يترباو عند الناس وفي الشارع
ربي يهديهم هادا مانقولو
وأنا لوكان نحب نهدر نتكلم على روحي أولا, انا بالنسبة ليا راجل قدو قد روحو ويطلب مني نعاونو , معليش نخدم خدمة نظيفة وشريفة ونعاون راجلي إذا حب , بصح نعاونو ماشي هو راقد وأنا نخرج نخدم, وإذا هو قادر على شقاه ويقولي ماتخدميش ماعنديش مشكل أنا مادابيا نقعد في داري ونربي ولادي ونتبعهم وهوما يكبرو ونقريهم ونعلمهم دينهم , ماعنديش مشكل تاع مرأة تقرا ومن بعد تقعد في الدار
المهم قريتي ووليتي مثقفة باه تقري ولادك وتعلميهم وما تكونيش امية , بصح المرأة ما تنفعها غير دارها
وإذا تزوجت راهي عندها مسؤولية اكبر من الخدمة والخرجة, انا نخدم على والديا صح ماعندهمش راجل يوقف في كتفهم
وتعبو عليا ونستنا غير في النهار لي نولي نخدم ونعوضهم على كل حاجة داروهالي , ومن بعد لما نتزوج ويشرط عليا راجلي مانخدمش معليش, لأنو رايحة تكون تربية تاع ولاد ودار

هادا من رايي الشخصي أما البنات تاع درك كاين لي تطلقت على جال الخدمة
ربي يهدينا ويوفقنا ويثبتنا على الطريق الصحيح ان شاء الله
تحياتي ليك غاليتي​

 

[أم أحمــــد يــسّ]

رد: مع / ضد : الراجل راقد و المراة تخدم ...........

للأسف تغيرت المتطلبات ومعها فوانين الحياة...
حين اصبج عذر غلاء المعيسة ثار شرط. العكل امرا مجتوما وعلى البنت وجب القبول لانها اما مقتنعة بان عملها نتيجة لدراستها وثمرة له واما كجبورة لتقبل الوضع خاصة ان كامت هاربة من ظروفها او ضغوط المجتمع او فاتها قطر الزواج...
في رأيي من يريد نقود زوجته ويبفى عالة عليخا بمقدوره انيقبل باي عمل لها شرط ان تحضر له المال ولا يهم نوعه..
والمرأة التي تجد الستر وتوفر الاستقرار والامان لاتريد اكثر من هذا فلا حاجة لعملها اصلا...
الزواج مسؤولية والعمادة فيه للرجل وليس للمرأة...

 

[خفيفة الروح]

رد: مع / ضد : الراجل راقد و المراة تخدم ...........

ا نا ضد المراة العاملة