البنت التي تحب مانظرات الغير لها

[يسرى 2008]

السلام عليكم ورحمة الله تعالى وبركاته
راكم شفتو البنات تاع السيام والليسي
الي تحكي معاها تقولك عندها
صديق وتحكي معاه في البورتابل
وتخرج معاه يروح شويا على البحر
ويشربو كاش حاجا ويرجعو للدار
وهي اصلا معابالهاش بقرايتها
وقاعدة تتلها بالحب
والبنت الي كي تصقسيها تقول الدنيا راهي تبدلت
الحب شي لازم والي ميحبش راهو معقد وميعيشش مع الناس
وكاين دكورة كيما جوست يتعرفو على وحدة
يشوفوها حشامة
وتقرا ومعابالهاش بالدكورة راهي معقدة ويهربو منها
انا كيما سقسيت طفلة كانت قدامي
وعيانة غاضتني قلت سير راهي بايتة تحفظ في التاريخ قد السماء حتى واحد مقدرو
قالتلي ايه راني مشني مليحة قالتلي بتت ليلة كاملة وانا نحكي مع صحيبي
في البورتابل مقدرتش نرقد
وينهم الاهل يعني كيفاه طفلة صغيرة ومراهقة تهدر ليلة كاملة واهلها راقدين
علاه ميشوفوهاش وش تعمل
يعني من لهدا الحد انو طفلة تسهر على طفل في بورتابل
في رايكم
هل هدا الشي صحيح ولالا
وهل الحب شي صادق خصوصا في مراحل المراهقة
وماهي الاشياء التي يجب ان تتجنبها المراهقة



انا من راي
انو هدا الشي بالتاكيد مش مليح وهدا راجع الى تربية
وزيد البنت المعقدة احسن من البنت الي تخرج مع الدراري
صحيح ولالا

 

[جوانا]

عندك الصح و يخلعوك مين تصيبهم في سن صغير يفهمو في الحب أكثر من أي شيئ
مشكورة على الموضوع​

 

[samra106]

اييييييه كاين منهم ياسر هادو تقولي مواليهم ميتين وتلقاي وحدة عمرها16سنة تهدر على الحب و الزواج اكتر من وحدة في عمرها25 سنة واش نقولو ربي يستر برك على هاديك المشاكل كثرت

 

[Manar19]

وزيدي كون تهدري معاهم يقولولك وشبيك رانا 2009 وين عايشة نتي ....... ختي والله انا يغيضوني بويسك متاترين بالمسلسلات بزاف وباينتلهم بللي هدي هي الدنيا خسرو قرايتهم وكلش... ما يجيو يلحقو 20 و 22 يكرهو كلش...... ربي يجيب لخير برك.... شكرا ....وتحياتي

 

[im£ne]

هاد العقلية نتاع........رانا في2009......هي لي خلاتهم اللور
ربي يهدينا و يهديهم
شكرااااا على الطرح المتميز
​

 

[chiva.]

مرحلة مراهقة وتفوت يجي نهار لي تفيق وين شجرة ريح مايحركهاش ياختي افهميني

 

[H@teM]

يااختي راك تجي تنصحي فيها توحلي معاها
في بالهم راهي لامود
وكلش والاساس هي التربية هدا مانقول
الاكانت متربية راهي متمشيش ها الطريق
والعكس صحيح
يعطيك الصحة على الموضوع
​

 

[yakoubESS]

يعطيك الصحة أختي

 

[N@riM@N]

والله اليوم صحيبتي قاتلي مرقدتش مليح قتلها خير لباس
قاتلي من1حتا ل5 وانا نهدر معاه وين نرقد ينوضني
قتلها يخي جياحه يخي ومباعد قاتلي كل واحد كيفاش يشوف الحب
المهم نغسلو طباسا بلا مانكسروهم تقصد بلا مايديرو حوايج خارج الطريق
​

 

[مهدي بوطبة]

ربي يهدينا الكل

 

[shahrazad]

علاه اصصصصلا الطفلة تاع 13 --16سنة عندها بووورطاااااااابل!!!
و الله اكبر غلط يديروه الوالدين في هاد السن يشرولها سورتو البورطابل واش دير بيييه؟؟؟ مانعرف
نورمالمو كي تكون بعيدة على دارهم و لا فالجامعة الي تسحقو صح
و يعطيك الصحة على الطرح
ربي يهدينا اجمعين​

 

[NADJIB1]

السلام عليكم

انا جديد في المنتدى اللمة الجزائرية

مشكورة على هدا الموضوع

 

[NADJIB1]

امين وانشاء الله

 

[mariouma]

البنت المعقدة احسن من البنت الي تخرج مع الدراري
لبنات راهم هبلو
كي تنصحيهم يقولو ليك هده هي العقلية............
بار سكو الرقابة ما كانش

 

[يسرى 2008]

شكرا على ردودكم في الموضوع
وبالطبع راني معاكم في رايكم
ربي يهديهم

 

[chiva.]

مهند ومسلسلات شوف واش في الغاشي

 

[love life]

ربي يهدي ما خلق
ki tchofi lbnate hak y9idoke 3labalhoma haja meliha nasse wyene trohe yahdro 3liyaha ywedi fiy9
m9lnache ma dgsseriche m3a drari hadi mache 3ibe me pache tahaderi m3ahe 3la 1 t3ecebahe fi lbortabelle hadi grave
lwaldine rabwo we 3yawe home li myefohemoche me tppassi hada l ages tfeheme we tfo9e
merciiiiiiiiiiiiiiiiii *

 

[═♥.ЈŪšť_ màn.♥═]

ديما هكا تهدروا غير على الحبــــ وااااش هادا و الله العظيم هبلتونا بالحب ديالكم
:confused1::confused1::confused1:
و الله غير شفت في اللمة مليوووووووون موضوع كيما انت و ديما نجاوب نفس الجواب
الي هو :
باه طفلة تريح ليلة كوبلي مع طفل في البوتابل عيبــ و عيبــ كبير
بصح لوكان يكونوا الطرفان قانعين برواحتيهم و ماهمش مدينها تمسخير
هاداك هو الصح
باااااااااااسكو الحب الي طريق ماهيش الزواج ماهوش حب
باااااااااي
طرح مليح بصح مكرر
:001_wub::001_wub:​

 

[nourr]

هههههههههههههههه كامل راهم هاكدا المشكلة مي يهدرو من 7 الي 12 صباح ومن12 ل 7 نتاع صباح هههههههههه ديفوا نقعد نخمم هاد الناس كيراها تهدر كل هاد الوقت واش راها تحكي ......العجب....... /وهدرة بورتابل في الليل حاجة وحدة .ديجا وكان متعرفش روحها راها غالطة كانت هدرت الصباح مي مينراها عارفة بلي حاجة فوووووووو راهي تهدلا فليل



تقبلي مروووووووووووري

 

[Midia]

يسرى انا معاك 100/100
​