°°°°ادخلوا رايكم يهمني بزاف بزاف بزاف°°°°

[حياة سعيدة]

السلام عليكم يا اخوان
و الله هاد هو موضوعي الاول معاكم وراه شخصي و حبيت نفتحوا معاكم يا ربي تكونوا معايا و راني حابا رايكم
انا بنت جزائرية نعيش فالغرب الجزائري خسرت الباك نتاعي و راني مرات نروح نقرا فسمانة نروح مرة و لا تنين ))))))))) بصح لي راه في خاطري بابا قالي لي تحبيها ديريها اقراي نيشان و لا ندخلك تخدمي===== درك عندي صحبتي دارت دوسي تاع الجمارك و انا تاني درت دوسي و بابا راه مساعدني بزاف
دروك واش ندير نقرا و لا نروح للتربص و الله غير راني حايرة و تايهة راني حيبسة من راسي
قولولي نتوما واش ندير اعطوني الحل يا خوتي
شكرا مقدما

 

[chiva.]

كملي قرايتك خير ان شاء الله تجيبي الباك ما تفشليش ومبعد تسهلك ان شاء الله حتى في الخدمة نتي ومبعد تحبي لي ديريها خمي مليح مطحيش على راسك

 

[sayco]

اضن ان الدراسة افضل و اذا كان ماعندكش ارادة فيها روحي تخدمي !

 

[ملاك الليل]

انا نوافق الاختين
كملي قرايتك وديري البوسيبل تاعك فيها
والله ينجحك في الباك
من بعد لكل حادث حديث
والسلام عليكم

 

[somiasahraoia]

وانا معاهم قرايتك خير لك من كل شئ

 

[linine]

أنا نوافق الجميع أقراي قرايتك ومبعد يرحمها ربي

 

[nada242008]

من رايي ان تكملي دراستك .فلا شيء يعوضها

 

[* أميرة الأحلام *]

أنا ننصحك أنك تكملي دراستك ماكانش ماأحلى من نجاح الباك وأنك تكملي الجامعة وربي يوفقك ​

 

[Parfum floral]

انا في رايي تقبلي الخدمة و ديري الباك candidat libre اذا حبيتي ما تخسري والو
اما اذا شفتي روحك ما تقدريش توفقي بين الاثنين فننصحك تكملي قرايتك و لي جابلك هذه الخدمة يجيبلك لخرى و انشاء الله المرة الجاية بالديبلوم نتاع الجامعة
بالتوفيق​

 

[naciro]

انتي تقولي انروح مرا ولا ثنين في السمانا لليسي يعني ماكيش حاتا راسك في القرايا ان يبالي روحي تخدمي كي القيتي الخدمة ماتضيعيش هاد الفرصة كداه من واحد ولا وحدة كملوا قرايتهم وتخرجوا ومدارو والو.
هدا هو رايي نتمنى يعجبك

 

[بسمة الصباح]

يا اختي كملي قرايتك خير باه تثقفي و تزيدي معلومات و تكسبي حوايج اخرى و تتعمقي فيهم
و الخدمة مبعد يرحمها ربي
ربي يوفقك حنونة و الراي يرجع ليك​

 

[ماقتة الصهيون]

مكانش حاجة تفيدك قد قرايتك بيها تفرضي روحك على المجتمع
و ربي يوفقك اختي

 

[ichrak]

شوفي نقلك كان لقيتي راجل غير تزوجي اخرها زواج وكان مازلتي على الزواج اخدمي و اقري حرة في نفس الوقت باه ماتخسريش الخدمة و ماتخسريش القراية وربي يوفقك ويسهلك في الي فيها الخير........باي

 

[اللؤلؤة المصونة]

السلامـ عليكمـ..؛}


اختى اكيد صلاة الاستخارة هي الحل لكن من رايي البسيط انو تكملى دراستك مهم

ا كان لانو انتى باباك الحمدلله موجود ومايستحق منك خدمة وكيما قالولك فرحة تاعك كي تجيبي الباك اكبر واحلى من الخدمة


تقبلي منى فائق عبارات الاحترام والتقدير

*تحياتي،:اللؤلؤة المصونة​

 

[sousou.1]

كملي قرايتك خير وماتلاوحيش لجمارك راك كيف تتدخلي راح تسيبريمي روحك وتخسري حوايج يلسر

 

[moni92]

روحي تقراي خير لك واش فيها عودتي الباك مرة وحدة سي با 1 بروبلام

 

[algerinna]

a9ray wida chati ro7ak ma9dertich,7abssi w dokhli takhadmi!!
​

 

[406_nassim]

دري وش تحبي الاخت هدي حياتك

مي روحي للتربص

 

[lolitta]

makanech gad un diplome universitaire
inchallah tjibi elbac

 

[sad_pb]

أحسن حاجة هي القراية....و أخطيك من الجمارك