حائرة جدا و اريد مساعدة

[ما فهمت والو]

راكم كامل أجمعتوا على أن نجبد روحي عليه و لكن راني حابة تعطوني كلام باش نبعتهولوا مش كلام يجرح و لكن كلام يخليه يعرف واش راني نعاني واش راني حاسة لأنو البكاء اللي بكيتو ربي اللي عالم بيه .
في كل صلام راني ندعي لربي يسقم الأحوال بيناتنا و لكن فاتت أيام و هو ما علبلوش بيا
كنت نسمع يقولوا الحب تضحية و نعرف عباد ضحوا باش يبقوا مع بعضاهم و لكن هو مضحاش و الحمد لله درت الشيء اللي نقدر عليه حتى أنني وقفت قدام أمي لأنو بزاف اللي حبوا يخطبوا ولكن واجهت الجميع واحدي و لكن هو مادرا حتى حاجة ولو حاجة بسيطة
لهذا راني حابة تعوني كلام نخليه يحس واش راني نعاني

السلام عليكم
يا اختي راكي قلتيها انت ضحيتي وهو ما علابالوش
خلاص اخطيك منو و شوفي مستقبلك بعيد عليه هو خطب خلاص هو خير حياتو مع وحد اخرى على هذا لازم تنسيه
علابالي راح تتعذبي و صعيبة ياسر لكن الله غالب لازم اديريها

 

[lespoire]

السلام عليكم راني نقرا و نعاود في الردود نتاعكم و راني حب ندير خطوة ما نندمش عليه
راني ريح نحاول ننسى كل شيء و نبدأ حياة جديدة وربي إن شاء الله يفتحها في وجه الجميع غن شاء الله و ربي يفرج على كل مهموم إن شاء الله
و مرة أخرى شكرا لكم على الردود

 

[lespoire]

يا خوتي منيش قادرة ننسى راه في بالي في كل وقت نبقى نتفكر في هدرتو في وجهو في ضحكتو الدموع يهبط من عيني
خيف بزاف لأني نعرف رحوحي مليح منيش قادرة و راهي ضايضتني روحي بزاف بزاف

 

[dana1993]

××السلام عليكم××
يا اختي الغالية ادا هو خطب و خلاص تسما راه فرط فيك
نتي تاني انسيه
و كيما يقولك لي بدلك باالفول بدليه بقشورو
بارسكو لوكان كان صح حابك نتي وحاب نتي تكوني مرتو راه دار لبوسيبل تاعو باه يديك نتي
جاتو بالساهلة

وعلى كل حال ربي يسهل ان شاء الله


​

 

[lespoire]

السلام عليكم ورحمة الله و بركاته
خممت بزاف راني حابة نحاول محاولة معاه و إذا ما استجابش ما عندي ما ندير لأنو من حقي ندافع على حقي أنا منخليش 4 سنين يروحوا هك
راني اليوم نعيط لمرة خوه و نسقسيها على الأوضاع هل صاي خطب خلاص ولا مزال يستناو في الرد نتاع الطفلة
وراني حابة نقلها تعيطلوا هي و تفم منو ولا تقول لرجلها خوه باش يعيطلوا و يحكي معاه و نوف كيفاش الأحوال
و إن شاء الله يا ربي نسمع خبار طبة هذا ما كان لأنو إذا صح كمل و خطب ما نقدر نديرحتى حاجة من للقدام و ربي يفتحها في وجوهنا إن شاء الله.
وقولولي واش رايكم

 

[سجل أنا جزائري]

ما فهمتش هذا الراجل كثر من 6 سنين و هو يجري مورالك و مبعد خطب وحدخرى ؟؟؟

وش نقولك أختي كون من نهار شوفتيه يتماطل نحيتيه من بالك و قبلتي بيلي جاو خطبوك

ذرك صرى اللي صرى ما عليك عير تنسايه و تكملي حياتك نورمال ربي يوفقك
​

 

[قوت القلوب]

اختي العزيزة اتكلم معك كأختك
الزواج نصيب ومكتوب
والذي يكتبه ربك يحدث
ضعي ثقتك في الله
ان كان ناويا للزواج من غيرك فاصرفي عنه النظر وفتحي صفحة جديدة
والله ولي التوفيق
أسأل الله لك ابن الحلال

 

[GI Joe]

continue ta vie

 

[stsmat]

مفهمتش كيفاه باباه يحكي معاك و يقولك راني جاي و بعدها الطفل يقولك بابا مش قابل

+++
..............................
و حكايه امو هاذي هذا وين تفكروها؟؟؟؟؟؟؟؟؟؟؟؟؟؟؟؟؟
....​

علاه نسيتي روحك نهار باباك قابل وماماك مش قابلة
ونهار ماماك وباباك قابل
ونهار باباك قابل وماماك وجداتك مش قابلة
ونهار باباك وماماك وجداتك قابلين وعمتك مش قابلة
عام نتي مش قابلة والبلاد قع قابلة سبحان الله

 

[آلاء النايلية]

علاه نسيتي روحك نهار باباك قابل وماماك مش قابلة
ونهار ماماك وباباك قابل
ونهار باباك قابل وماماك وجداتك مش قابلة
ونهار باباك وماماك وجداتك قابلين وعمتك مش قابلة
عام نتي مش قابلة والبلاد قع قابلة سبحان الله

_o:_o:_o:
سبحان الله​

 

[مرام التيبازية]

ربي يسهل اختي ويكون من نصيبك وزيد علاه كامل تقولولها علاه راكي حايرة افهموها راهي تحبه

 

[وصال]

السلام عليكم ورحمة الله تعالى وبركاته والله قصتك بزاف يا ختي بصح لازم ترضاي بامر الواقع شوفي ما نكذب عليك منبلعطك بكلايم هذا الانسان مرهوش مكتوبك وخطب انسانة واحدة اخرى ربي يسهل عليه ويكملوا وانت حنونة ربي يعوضك باحسن منو وسيد سيدو وعشرة باين عليه معندوش كلمة مكادام باباه يتحكم في حياتو ويفرض عليه زوجتو المستقبلية وزيد كاين عفسة مرهيش عاجبتني في الموضوع كيما باباه جا ليك للخدمة وحكا معاك هادي الطفلة من قبل وين كانت انا شكيت بلي محبوش يزوجوكم لاسباب اخرى وهادي نتاع يماه عينتهالو في حياتها مدخلتليش راسي بالاخص كي جا باباه وحكا معاك المهم انت ادلرى بالوضع واكيد انو القصة مازالت طويلة والخفي اعظم على هذيك تاخذي رايي صايي هو خطب وخلاص وانت باركيك مترفضي في الخطابة على جال انسان مديفونداش عليك في وقت الشدة ربي يجيبلك ولد الحلال لي يستهلك حنونة ويبقى هذا مجرد راي وانت دبري راسك.

 

[moi*]

والله ما لقيت واش نقولك ياختيتي ربي يفج عليك ديري حاجة في بالك اذا كان مكتوبك راكي رايحة تديه واذا لالا تديري واش تديري ماراحش تديه
فوضي امرك لربي وخلي الايام هي تكشفلك اذا عاد ولى ليك وخطبك اللهم بارك واذا تزوج وحد اخرى اصبري وربي يعوضك خير