مادا ستطبخين اليوم اختي!!!!!!!!!!!!!!!!!!!!!!!!!

[وردة رمال الذهبية]

وعليكم السلام اختي اسومة
انا بخير والحمد الله
وش راكي انتي حبوبتي ​

 

[وردة رمال الذهبية]

صباح الخير يالبنات كاينة حاجة ناقصة هنا في هذا القسم

 

[رآج ـية العفو]

وعليكم السلام اختي اسومة

انا بخير والحمد الله

وش راكي انتي حبوبتي
​

أهلآ ختي وردة ربي يدومهآ
رآني بخير الحمد لله مرسي حبيبة​

 

[رآج ـية العفو]

صباح الخير يالبنات كاينة حاجة ناقصة هنا في هذا القسم

وآش نآقص :001_wub:
رآني نشوف بلي يآسمين مبآنتش ​

 

[وردة رمال الذهبية]

لالا ماشي ياسمين
ياسمين دخلت قبيلك الصباح

 

[nawal1980]

ندوشة نتمنى يكون عندك الكونيكسيو في دار ماليك وتقاسمينا طبخات الحبيبة ماماك

 

[وردة رمال الذهبية]

ان شاء الله اختي نوال من فمك الربي
وش راكي ان شاء الله تكوني مليحة

 

[nawal1980]

ان شاء الله اختي نوال من فمك الربي
وش راكي ان شاء الله تكوني مليحة

يسقسي عليك الخير وردة نتمنى نزدو انشوفو تطبيقات من يديك
ايا ادخلي للكوزينة ورينا شطارتك

 

[نموسة الجميلة]

السلام عليكم اخواتى ممكن تفيدونى باكلات مليت من البطاطا مرقة ولا مقلية والكوشة ولابري والتلتلى والكسكس بغتت النوع علما ان قفتى الاسبوعية متكون من البطاطا والبصل والتوم والفلفل الحار والحلو والجزر والكرم والبروكلو والجروات والزيتون الاخضر والسلاطة زائد الجلبانة والقرنون والبسباس

 

[وردة رمال الذهبية]

ههههههههههههههههههههه قتلتيني بالضحك
ان شاء الله في الأيامات القادمة تشوفي الخير والبركة اصبري عليا شوية
ضرك نوريلي التطبيقات​

 

[وردة رمال الذهبية]

هذه هي الاكلات اختي نموسة جميلة
ان شاء الله تستفيدي من الاخوات​

 

[nawal1980]

السلام عليكم اخواتى ممكن تفيدونى باكلات مليت من البطاطا مرقة ولا مقلية والكوشة ولابري والتلتلى والكسكس بغتت النوع علما ان قفتى الاسبوعية متكون من البطاطا والبصل والتوم والفلفل الحار والحلو والجزر والكرم والبروكلو والجروات والزيتون الاخضر والسلاطة زائد الجلبانة والقرنون والبسباس

تقدري تعملي طاحين جلبانة
او طاجبن بسباس
او طاجين زيتون
او كسكس مرقة بيضا بالجريوات او حمرا بالسنارية والجريوات
دولمة جريوات
دولموة قرنون
ما شاء الله قفتك عامرة وشاملة
لربي يدوم الخير على كل بنات اللمة

 

[وردة رمال الذهبية]

امين يارب العالمين اختي نوال
انا الحمد على النعمة عامرة شاملة

 

[nawal1980]

طاجين جلبانة
تقلي طراف لحم + بصلة مسكرفجة + ملح + فلفل اسود كي يتقلى اللحم نمرق كي تغلي نضيف الجلبانة مغسولة+زرودية مقطعة بالطول
ونتركها تغلي مع الاخير نقص الفورنو ونتركها تتجمر حتى تشرب ونقدمها بشوية معدنوس مقطع من الفوق

وبمكن تضيفي طماطم علب الى المرقة وتولي عندك جواز جلبانة

 

[وردة رمال الذهبية]

مشكور على الإفادة اختي نوال
ان شائ الله في اقرب وقت نعملها
كي تولي عندنا الجلبانة نجربها

 

[nawal1980]

طاجبن بسباس
نقلي اللحم + البصل +معدنوس مقطع + فلفل اسود+شوية قرفة +ملح
كي يتقلى نمرق بشوية ماء سخون
كي يغلي نزيد نضيف ما سخون و
ننقي البسباس نغسلو ونقطعو على زوج مع نزع الاوراق و الجزء اليابس من تحت
نرميهم في المرقة كي يطيب وتشرب المرقة نتركو يتجمر قليلا
نعمل عقدة
صفار بيض +1/2 عصير حبة قارص +اوراق معدنوس مقطعة رقيقة
+شوية مرقة نخلط كل شي ونرميه فوق الطاجين ويقدةم مع تقطيع المعدنوس من فوق

 

[وردة رمال الذهبية]

مشكرة على الاإفادة
تسلم ايديك يا استاذة
كاش نهار نجربو ونضع التطبيق ان شاء الله​

 

[رآج ـية العفو]

طاجين جلبانة
تقلي طراف لحم + بصلة مسكرفجة + ملح + فلفل اسود كي يتقلى اللحم نمرق كي تغلي نضيف الجلبانة مغسولة+زرودية مقطعة بالطول
ونتركها تغلي مع الاخير نقص الفورنو ونتركها تتجمر حتى تشرب ونقدمها بشوية معدنوس مقطع من الفوق

وبمكن تضيفي طماطم علب الى المرقة وتولي عندك جواز جلبانة

والله الطرق تختلف من ولآية لأخرى :001_wub:
حنآ جآمي نديرو الزرودية في الجلبآنة نديروهآ
في الزيتون مي الجلبآنة الصرآحة أول مرة شفتهآ
عند ندوشة ودرك بالوصفة تآعك​

 

[رآج ـية العفو]

طاجبن بسباس
نقلي اللحم + البصل +معدنوس مقطع + فلفل اسود+شوية قرفة +ملح
كي يتقلى نمرق بشوية ماء سخون
كي يغلي نزيد نضيف ما سخون و
ننقي البسباس نغسلو ونقطعو على زوج مع نزع الاوراق و الجزء اليابس من تحت
نرميهم في المرقة كي يطيب وتشرب المرقة نتركو يتجمر قليلا
نعمل عقدة
صفار بيض +1/2 عصير حبة قارص +اوراق معدنوس مقطعة رقيقة
+شوية مرقة نخلط كل شي ونرميه فوق الطاجين ويقدةم مع تقطيع المعدنوس من فوق

بالرغم أني مآ نبغيش البسبآش بصح عجبتني الطريقة
يع ـطيك الصحة نوآل الإفآدة للجميع :001_wub:​

 

[assia11]

يعطيك الصحة يا نوال انا يعجبني البسباس بصح ارواحي هنا قلتي تحطلي طريقتك في السفيرية وما حطيتيهاش :sad: