حكايات مجاهد حبيت تشاركوني فيهم

[mimi.dz]

البارح 2/12/2009
قعدت حكيت مع مجاهد جزائري
يقربلي ربي يذكره بالخير
اسمو عيسى
سقسيتو قلتلو واشي هي اكبر معركة شاركت فيها

قال : مع بداية هجوم الحلف الأطلسي مكانش عندنا السلاح وهوما ملايين
قالك وانا كنت مهبول ميهمنيش نموت ولاّ نقعد
هزيت مكحلة متقتلش ارنب
وجيت حفرت حفرة دخلت فيها وكي وصلو بديت نضرب
قالك ضربت ضربت انا وكان معايا 5 رجال
وقالك وسترنا ربي كي بداو يتلمو وجايين لينا لقينا طريق هربنا منها

وقالك ومرة وحدة اخرى كانو في الجبل
جاو ليهم حاصرو الجبل
هوما مساكن في حالة والطريق مكانش منين تهرب
وفرنسا بالاسلحة نتاعها
6 ايام وهوما هكذا غير بالرصاص
قالك وفي اليوم السادس مرض صاحبهم ناض واحد راح يجيبلو كاشي حاجة ياكلها
وفجاة لقا طريق بين الشجر ماهيش محاصرة خرجو من ثم
وفرنسا 3 ايام بعدهم وهي تضرب في الفراغ

ومن بعد سقسيتو واشي هي الحادثة اللي شفت فيها معجزة من عند ربي
بما انك مجاهد

قالي : كنا رايحين للجبل انا وصاحبي وزوج طلاب
وقصفتهم فرنسا بالطيارة

الطلاب مساكن ماتو وجسمهم تمزق لاشلاء

اما هو وصاحبو متقاسوش ومن بعد كي راحت الطيارة
دفنو الشهداء
ومشاو هوما وصلو للجبل وريحة نتاع المسك ضربتهم
قالك فوق ما تتصور قريب تدوخ
ريحة معندهاش نظير
شافو توالهم مكانش خلاص الورد
ومن بعد شافو قشهم لقاو دم الشهداء هو اللي ريحتو مسك
سبحان الله

ومرة قالي :

كنت ماشي وجاو العسكر قالك وانا معنديش السلاح
هبطت في واحد الواد فيه شوي شوك
وقلت ياربي واسترني
قالك فاتو توالي والله واحد ما شافني

هيا سلام


​

 

[العاطفي]

والله هذا الشي يشرف
والله يرحم هذا الشهيد هنا في الدنيا وفي الآخرة
ويكتبه ان شاء الله من الشهداء نهار يموت
والله يرحم جميع الشهذاء نتاوعنا
​

 

[mimi.dz]

والله هذا الشي يشرف
والله يرحم هذا الشهيد هنا في الدنيا وفي الآخرة
ويكتبه ان شاء الله من الشهداء نهار يموت
والله يرحم جميع الشهذاء نتاوعنا
​

ربي يرحمهم برحمتو
شكرا ليك خويا
​

 

[قطر الندى36]

بارك الله فيك هادوك الرجال تع الصح انا تاني بابا كان مجاهد وكان ديما يحكيلي والله كي نكون نسمعلو الله يرحمو نحس روحي نسمع في قصة خيالية هداك السوفرونس وهديك الشجاعة قداه من مرة شافو الموت ونجحو بابا ضرباتو الطيارة كسرتلو تاجو عام كامل وتاجو مخيط ما ياكل والو غير يقطرولو الحليب وكان الطبيب نتاعو المرحوم بشير بومعزة لو كان ماشي هو بابا مكانش عاش بعد هيك الحادثة واش نحكيو واش نقولو منقدروش نصورو الحالة لي كانو عايشينها ان شاء الله برك نبقاو احنا ديما متفكرين البطولات نتاعهم .وضرك الناس واش يقولو دراهم الدولة كامل داوها المجاهدين راهم يرفدو في الدراهم بالشكاير ربي يهديهم برك.

 

[mimi.dz]

بارك الله فيك هادوك الرجال تع الصح انا تاني بابا كان مجاهد وكان ديما يحكيلي والله كي نكون نسمعلو الله يرحمو نحس روحي نسمع في قصة خيالية هداك السوفرونس وهديك الشجاعة قداه من مرة شافو الموت ونجحو بابا ضرباتو الطيارة كسرتلو تاجو عام كامل وتاجو مخيط ما ياكل والو غير يقطرولو الحليب وكان الطبيب نتاعو المرحوم بشير بومعزة لو كان ماشي هو بابا مكانش عاش بعد هيك الحادثة واش نحكيو واش نقولو منقدروش نصورو الحالة لي كانو عايشينها ان شاء الله برك نبقاو احنا ديما متفكرين البطولات نتاعهم .وضرك الناس واش يقولو دراهم الدولة كامل داوها المجاهدين راهم يرفدو في الدراهم بالشكاير ربي يهديهم برك.

والله ياو يمدولهم كلش يستاهلو
ربي يرحم والدك ويرزقو بالجنة يا ربي
شكرا ليك
​

 

[Silent Hill]

..ـالـ راجل راج ـل ـ..

دزيري معروف

والله ما عندي حتى تعقيب نزيدوا

الحمد لله انني ولدت جزائري​

 

[اسمه_ان]

يعطيك الصحة اختي على القصص الرائعة والتي لا تنسى

انا ايضا كانت جدتها *رحمها الله* تحكيلي كل قصص المجاهدين في الصورة

وفعلا تعرف الجهد والتضحيات التي قدمها في سبيل تمتعنا بالحياة التي نحيا بها الآن​

 

[mimi.dz]

..ـالـ راجل راج ـل ـ..

دزيري معروف

والله ما عندي حتى تعقيب نزيدوا

الحمد لله انني ولدت جزائري​

شكرا ليك خويا
ولينا الشرف كي عدنا جزائريين

يعطيك الصحة اختي على القصص الرائعة والتي لا تنسى

انا ايضا كانت جدتها *رحمها الله* تحكيلي كل قصص المجاهدين في الصورة

وفعلا تعرف الجهد والتضحيات التي قدمها في سبيل تمتعنا بالحياة التي نحيا بها الآن​

تعيشي ختي ربي يخليك

شكرا
​

 

[أبو عاتكة]

​

 

[إسلام الجزائري]

ربي يجازيك على هذا النقل