يا خاوتي كرهت من الدار والله

[narmine]

انا نقلك احمدي ربك انهم يوصو فيك اما انا دايريني كبيرة ونقدر نهتم بي روحي متسالنيش ياسر واش درة ول واش هي تهتم باخواتي الاخرين احيانا احس انني وحيدة اغار منهم والله احيانا​

 

[somiasahraoia]

الله غالب يخافو عليك

 

[dana1993]

السلام عليكم
صح نتي تبانلك بلي كبرتي و قادرة على شقاك
مي الوالدين دايما يشوفو ولادهم مازالهم صغار كيما النهار لي زادو فيه
متخمميش بزاف والديك يحبولك الصلاح و علاه تكرهي الدار
و الله العبد يخطوه والديه يضيع ومنتخيلش حياتي بلا والديا بيسك كي زدت مالقيتهم غير هوما قدام عينيا​

 

[tear of angel]

السلام عليكم يمكن تستغربوا من العنوان لكن هاذي هي الحقيقة
كرهت من كثرة النصائح تاع والديا حاسبيني طفلة صغيرة ماهمش حابين يعرفوا بلي كبرت وراني بالغة قادرة نتصرف بعقلانية
تخيلوا اليوم التقيت بعضوة من المنتدى ما نقولش اسمها المهم انا رحتلها للجامعة وين تقرا والمسافة لي بين الجامعة نتاعي ونتعها نصف ساعة لا غير المهم تلاقينا واهدرنا
كي رجعت للدار وقعدت نحكي لامي على واش صرا واش قاتلي وعلاش رحتي للجامعة نتاعها بلاما تقوليلي وتاخذي مني الاذن وانا قلتلها ماهش حاجة كبيرة يعني امر عادي وتشديتا في الكلام
والله يا خاوتي حابة تعطوني رايكم الشي لي درتو صح ولا غلط
راني عارفة طولت عليكم اسمحولي سلام
​

السلام عليكم ورحمة الله
يا ايمان يااختى انتى امك تحبك وباينة تخاف عليك انتى اقطعى الشر وخصري 5دج وعيطيلها وقوليلها رانى رايحة وهكدا ماتتعافروش
اتقبلى كلامى بلازعاف
اختك فى الله

 

[Queen of hope]

نبقى دوما في اعين والدينا صغار

حتى لو خطى الشيب خطوطه على قسمات الشعر

لن تفهمي خوف والديك علك و لن تقدريه سوى عندما تجربينه مستقبلا

و ستجدين لنهما كانا على حق

و ستدعين لهما

و شكرا

 

[اسماء16]

يا اختي هدوما ولديك ولحال الي رنا فيه اليوم صعيب بزاف رنا كامل كيف كيف يجي نهار وتعرفي كي ديري دار ويولي عندك دراري تعرفي بلي ولديك كانو على حق وربي يوفقك وخديلهم راي في كلش لوكان ميخافوش عليك ميسقسوكش كلمل وميحوسش عليك تحياتي اسماء
​

 

[khalil hip hop]

انا نقولك حاجة روحي تنزهي مع واحد صديقك اللذي تحبيه وتموتي عليه كل يوم

 

[nina]

ما تكرهي ما والو .. ارضاي بالنصيب .. و اللي جات من عند ربي مليحة .. نقولك حاجة في رايي الدار خير للمرأة .. فمهما خرجت و تعلمت .. يبقى مصيرها البيت

 

[لاجيري مون امور]

نقلك حاجة اختي ماماك عندا الحق المفروض راك قلتيلها قبل ماتروحي
ومش راح تلقاي واحد يخاف عليك كيما والديك
تقبلي مروري

 

[biba05]

حبيبتي زعاف ماماك من خوفها واهتمامها بيك لانك جزء منها و مصلحتك فوق كل شيء زيد لحكايات الي نسمعوا عليهم فالجرايد كل يوم يفشلوا تاع الصح ياو مابقاتش الي تروح للبلاء راه يجيء عندك لاما سترش ربي والله عادت الوحدة فينا تخاف تمشي وحدها برى زيد يا حبيبتي هذه الي رحتي عندها صاحبتك تعرفيها مليح ولا وحدة معريفة فالنت برك ؟؟هنا لازم ديري حسابك و زيد انا جامي خرجت بلا ما نقول لماما وبابا وين نروح و شحال نقعد هكدا اضمن حتى اذا البلاصة لي نروحلها بعيدة تديني ماما ولا باب وانا ما نديرونجاش خلاص نحب نخرج مع ماما ولا بابا بزاف
حبيبتي صح راكي خرجتي من مرحلة المراهقة و راكي تجملي في عقلك و تكوني في شخصيتك اتاكدي انك مش انت فقط حريصة على نفسك اكثر من حرص والديك عليك وزيد حاجة المثل يقول
"اسمع لراي الكبير لا ما فادك تسلك على خير "
تحياتي حنونة ومنو جاي الي بغاك يجيك اوكي
​

 

[♥SaMoù Là MoDèsTe♥]

عــآدي إيمـآن مـآ تغيضكش
هـآذو وآلدين
و مهمـآ تكبري تبقــآي صغيرة عندهم وعندهم الصـح يخـآفو عليكـ

أنـــآ فـآن نقرآ فالبقعة و كون نروح لولآد فـآرس بلآ إذنهم مـآ يبغوش

هـآذي هي نورمـــآال
​

 

[عاشقة مجهول]

كان معولة تتهنى من التخرنين تاع امك غير لا تعولي حتى تتزوجي وتروحي لدار راجلك وتبقى فوق راسك .......وهذه هي الام والوالدين بصفة عامة ...........او قولي الحمد لله اللي عندي ام وتحوس تفهم عليا واش درت ووين رحت راهم ناس مالقاوهاش ومالقاوش واحد ينصحهم ولا يقوللهم ديروا وماتديرواش وماتقوليش راني كبيرة ونعرف صلاحي صح التخرنين او يقلق بصح .......اللي فايتك بليلة فايتك بحيلة ..........هكذا قالوها ناس بكري
وبر الوالدين راه معروف ربي قال عليه


تحياتي :re_gards::re_gards::re_gards:

 

[Ayoub Napoli]

ببساطة يخافوا عليك يامهبولة خطراك كاين بزاف الذيابة​

 

[Toufik.dz]

​

ايمان حنونة
ماتعمريش راسك
انا ثاني مضاري يصرالي نفس الشي
ماراكيش وحدك وكاين اخرين ايضا هكاك

وانا نتقلق بصح امبعد نشوف بلي عندها الصح
استنتجي من هاذ الشي بلي:
* والديك يحبوك اكثر
* والديك يخافو عليك ومايبغوكش تنضري اللي تضرك راح تضرهم
* خاصة ماماك على خاطر هي أقرب ليك وراهي عارفة اكثر منك
* وهي ثاني تحب تكون صديقة لبنتها تحكيلها كلشي وهي نفس الشي
* والله غير تحبك

صحة فكري في عقلك كون جيتي انتي في بلاصتها ماتخميش على بناتك وولادك كيما هكذا

البنت لأمها مهما قلتي العكس تدوري تدوري وترجعي لعقلية ماماك

روحي اطلبي منها السماح وخليها ترضى عليك باش ربي يرضى عليك

​

عندك حق هاذي هي الهدرة يعطيك الصحة
تحياتي
​

 

[Estrella]

هاد التصرفات سببها خوفوهم عليك وحرصهم الشديد عليك لا اكثر ولا اقل
ماديري والو في بالك وحمدي ربي الي عندك والديك يخافو عليك
كاين الي ماراهمش صايببين الي يخاف عليهم ويوريلهم الطريق الصحيح
ربي يخليلك والديك ...
سلام ...​

 

[MiSs Sisi StyLe]

ههههههههههه كامل هكدا صاريلك وش صاريلي انا وحدة المرة كي جيت طالعة لليسي عديت على صحبتي باه نطلعو مع بعضانا ماما منعرف شكون قالها مع دخلت للدار مازال مقلتش السلام عليكم قاتل علاه رحتيلها و شكون قالك و علاه متشاوريش
هوما من خوفهم برك و يقلقو هاديك اللحظة ز مبعد تجيهم ورمال و ينسو​