مـوضـوع تـاعي خـفيـف ضــريـف كيـما يقـولو تاع سـانك سـانك

[وردة الامل]

سـلام عـليـكم
كي راكـم دايـريـن؟ واش حـوالـكم فـهدا النـهار الـزيـن وزقزقـة المـقانـين ليـوم نهـار شبـاب أجـواء ربيعـية ومشمـشة في أرجـاء الوطـن


جـبتلكم موضوع سـخون عـاد كي خـرج من الكـوشة خـلوه يبرد شوية وطيحو فيه بـاش مـايديرلكمش
لاديـا..

في الآونة الأخيـرة استنتجـت كـاين نـاس وبالخصـوص أعضـاء ولاو مدمنين نــت وبالأخص منـتدى دوبل في دوبل في دوبل في بوان اللمة الجزائرية بوان كوم

وكـاين لي ماراهش ياكل وماينوضش من كرسيه لكان نديـرو حبة بيض تـحته والله تفقص وتعطينا كتكوت صـغير ونسموه على بركة الله كتـكوت اسـاسي

وكـاين لي ينوض على 7 تاع صبـاح ماينوضش حتى 3 تاع الصباح هـدا حالة دونجي نديرو تحـته جمل .الجـمل يـكبر ويشبن بالتحضـان تاعو

والله كـاين لي كي ينـوض صـباح مايغسل وجهـو مايشرب قهوة لا والو ينوض حـالف على المـنتدى وهـدا خـاص يجي عـندي نتيـري عليـه بسيـتيرنا تـاع مـا بـارد باش يفطـن ويولي لعـقله وهـاهو الدليل
مدمن النت

ونسيـتكم وراه كـاين لي دارو ايسـتوار داموغ هـنا ولاو جـانيتو ومـانيـنا تاع المـنتدى

فيـلم هـندي داروه هنا الله يغفرلهم

هـدو مانسمحش فيهم درك نديهم لمنتدى تجهيزات العرائس ونشوفلهم القضية
باش نزوجوهم ونردوهم عـرسـان
عريـس وعـروسة آلالا يـجيبو فركـوسة آلالا

ياجمـعة فـهمو رواحكم وستـفو وقـتكم ولي مابـغاش يجي عـندي نستـفو مع البيض
نسقسيكم ماعليش
البيض تنكتب هكدا ولا هكدا البيـظ

أيـا نروح على بالي مـوضوع ينشف الفـم ويسـمطو ويـطيح الشـعر ويدير التشـقعربريرة
أيـا عـطو الريح لرجليكم

هـدا الـمـوضـوع بـرعـاية

​

 

[el faycal]

هههههههههههههههههههه عند الحق​

 

[el faycal]

نسييت انا راني هنا من 4 تاع الصباح ومارانيش قادر نوض قبل 7 تاع العشية .

 

[el faycal]

نتعشا ونولي على 8 حتى 3 تااع الصباح .

 

[chiva.]

ههههههههههههههههه خرجة مهبولة مرسي

 

[ouafi.dz.34]

ههههههههههههههههههه والله يا عندك لحق . انا ما تضل تعيط اروااااااااااااااااااااااحي بصح مانجيش ربي يهدينا

 

[Adel Adel1]

ههههههههههههههههه

يا عفريتة هادا موضوع يضحك و يرد الروح

بالطبع تحذف منه بعد الكلمات لي علابالك بيها

و ينقل لقسم وش راك تهدر لأنو القسم هادا تااع واش راك تهدر مخصص غير لمشاكل الأعضاء
الإسم يبين
أيا سلام​

 

[zagane]

السلام عليكم

ياو كاين لي ولدو في اللمة إذا ما على با لكش

 

[poli]

hhhhhhhh...chofi mani ana rahom nahawli net 3la el mard hada ta3 lama
rani karitha fiha mais el alah ghaleb dok n3agab sa3a m3akom khirmn makanch hhhhhhhhhhh

 

[انتصار*]

وكاين منهم مساكن بعد غلطة وحدة ولا زوج جابوهم برة وشفعش فيهم كل هذ التضحيات ......نسموهم ضحايا اللمة ويجي نهار اديرو جمعية يطلبو فيها تعوضات على على كل عضو من جسمهم انعطب ليهم هنا ...كاين لي راحلو الباك وكاين لي عينيه تشقلبو وكاين لي زاد في الميزان ب40 كيلو وكاين لي بقالو غير رطلين وكاين لي بكى ولي شعرها نبت فيه الدود وكاين لي ربحو غير دعاوي الشر من والديهم وكاين لي يخدمو غير على التريستي بلا لعراك على دالت من في القعاد قدام الميكرو مع الخلافات لي صرات بين اخوانهم وبلاك كاين لي راهم متابعين قضائيا ..الخ .شكرا ضحكتينا واحنا شبعين ضحك من القنوات المصرية .نطلب من الادارة حظر كل مواضيع الضحك حتى نسترد انفاسنا ههههههههههههههههههههه​

 

[Jagwar]

ههههه موضوع نحطوه فى Top 10 تاع ديسمبر
عندك الحق أنا تانى اليامات تاعى لوالا هنا فى اللمة كنت نفتح انا المنتدى و أنا لى نغلقه ، يعنى المفتاح كان عندى .
المهم الناس كامل هنا راهى عندها كتاكيت صغار كيما راكى تقولى .


















​

 

[السلطانة]

وكاين لي يبس في اللمة

 

[iméne09]

ههههههههههههههههه والله موضوع وعليه الكلام هكدا المواضيع ولا مكان لاه احنا رانا قريب نموتو في اللمة على جال القعدة بزاف هنا نحاولنا النت ولينا كتر من سامطين نقعدو بزيادة حتى ولدنا فلالس يعطيك صحيحتك خيتو ديما فوووووووووووووور ​

 

[hasna.m]

كلامك صواب
وفيه الكذب تانى
لانك قلتى سانك سانك
وشديتينا بزاف
ونزيدو الوقت باش نخلولك تعليق ونزوقوه
مالا ماشى سانك سانك
​

 

[وردة الامل]

انا منقدرش نستغنا على نت مدمنة نت مزيا دايرتو في غرفتي ​

 

[**@sami@**]

انا واحد منهم مدمن النت
​

 

[وردة الامل]

شكراااااااااااااااااااااا على الردود

 

[selma-noufa]

merci

 

[ولد قالمة 24]

أنا قريب ينوضولي الشيب في حواجي تالمون ساكن في اللمة

 

[معاك يا الخضراء]

هههههههههههه
واش ا ختي اكي تحاوزي فينا ؟؟
هههه عندك الحق pourtant راني جديدة هنا مي والله نحبكم
و والفت بيه بزااااااااااااف عدت نهار كامل و انا مقابلتو