بصراحة هذي الظاهرة كثرت بزاف خاصة في الليسي و الإكماليات ....
أنا نقرا رابعة متوسط وهذي الظاهرة عادت كي والو كل يوم نشوف قدامي زوز مع بعضاهم ، بل حتى توصلت واحد الطفلة تقرا 3 متوسط مدت صورتها لطفل تمشي معاه وهو يقرا معايا وأراني صورتها وقالي راهي عطتهالي أنا قعدت حايرة ، قالي نخليها معايا ... دركا قوليلي هي مدايرة فيه ثقة وهو قادر في أي لحظة يدور عليها ويروح يوري صورتها للغاشي وقادر حتى ليماها وباباها و يعود يهددها بيها ... واش داها حتى تعطيه صورتها أنا والله بقيت حايرة فيها وهي معبالها بوالو بصح راح يجي الوقت كي تكبر وتعرف قيمة شرفها وكرامتها وأصلا الطفلة يلي هكا صوتها مطايشة عند الدراري واحد ماراح يديها ولا يقربلها لأنها بتصرفها هذا قللت من شأنها وجعلت نفسها ......
الدراري راهم يعقبوا في الوقت برك وفي لخر هوما ماخاسرين والو البنت هي يلي خاسرة ... وراكم تشوفوا كاين بنات مازالو بالنية غافلين ... بصح هاذي راهي برك فترة مراهقة يعني نزوة عابرة وماهوش حب في هذي الفترة راهو حب محدود و رح يروح أكيد ... والطفل ماراحش يدي وحدة مشا معاها وخرجت معاه قدام الناس ... هو كي يجي يخطب يدي وحدة ممشاش معاها خلاص وحدة محترمة بشرفها وكرامتها ... ولخرى يلي تمسخر بيها طفرت فيها وعلبيها لازم على البنات يفيقوا ويحبسوا من العلاقات العابرة هاذي لأنها في رأيي وبكل صراحة مضيعة للوقت وفيها غير العيب وكلام الناس ...
من جهتي أرى أن الشباب مخطئين لكن البنات مخطئين أكثر ... وعلى كل حال ربي يهديهم ...
مشكوورة أختي على الموضوع ...
