ما رأيكم بمادة الفلسفة ؟

[** غزال الصحراء **]

بصراحة انا عمري ماكرهت مادة اكثر من الفلسفة حقيقة منطيقهاش لاهي لا استاذتها مع الرغم انو الاستاذة كانت تحبني بصح انا ماعندي حاجة فيها لانها بكل صراحة سامطة بزاااااااااااااااف وزيد جامي ديت فيها نقطة مليحة ديما 5 و6 وفي الباك زعما زدت بنقطة ديت 7 ههههههههههههههههه والمشاركة داخل القسم عندي مستحيلة في مادة الفلسفة دائما حاضرة جسديا غايبة ذهنيا
​

ايا !! معليش خيرها في غيرها يا سمراء الجــنوب :surrender:

 

[** غزال الصحراء **]

صراحة نحب مادة الفلسفة ورحت شعبة الأدب علجال الفلسفة ونحبها ونمووت عليها
نلقى فيها متعة هايلة مادة الفلسفة نستمتع بيها يعني ماشي كيما الاجتماعيات والرياضيات واش يعطيوك ردلهم
هاذي لالا تنجم تعرض فيها افكارك وأرائك و............
​

صح يا إيمان ,, و الله مادة فسيحة و ما غلطش اللي سماها أم العلوم
صحيتي //

 

[** غزال الصحراء **]

مادة الفلسفة عندي افضل مادة بالرغم انا معاملها 6

كنت في القسم اقل نقطة اتحصلت اعليها 13:50 هادي اقل نقطة اما في الباك اعطوني 12:50 بالرغم اني حللت نص وراكم عارفين النص مايعطوش اعليه
وانا اخرجت من بعد ماعقبتها قولت بلي راه رسوبي :tears: غير من مادة الفلسفة مي كان العكس وشاف فيا المصحح الخير :yahoo:
وعندي افضل مادة هيا وانا انموت على التفلسف :scared: من قبل كنت انشوف بلي راه واعرة لكن لما ادرستها كانت عندي افضل شيء
مشكور خويا على الموضوع

​

صحيتي منـــال ,, و الله لاباس كاين ناس يحبوها مي راني نشوف غير لبنات //
الذراري اللي تحكي معاه يقولك يا لطيف ..

راني خارج Hors jeu وحدي :no_1:
مرسي عليك أسعدني ردك

و صحا رمضانك .

 

[sarah29]

مي مزلت مانقراهاش
شكراااا على الطرح المميز

 

[assoma]

نقولك الصح القلب يضر منها
انا كي نكون نقرا فيها الرقاد يجيني في الكلاسا
هههههه
فيها الخرطي بزاف
وكون تجي تتمعن فيها تلقا فيها حوايج حرام
لانو تقرا الميتافيزيقية يعني ماوراء الطبيعة وتدخل في الغيبيات
والله هو عالم الغيب والشهادة
والانسان يدخل في امور معقدة
وانا والله غير اديت عليها في الباك 7
لافوقها ولا تحتها
تخرج فوادك تدي تدي تحت 10
​

 

[** غزال الصحراء **]

نقولك الصح القلب يضر منها
انا كي نكون نقرا فيها الرقاد يجيني في الكلاسا
هههههه
فيها الخرطي بزاف
وكون تجي تتمعن فيها تلقا فيها حوايج حرام
لانو تقرا الميتافيزيقية يعني ماوراء الطبيعة وتدخل في الغيبيات
والله هو عالم الغيب والشهادة
والانسان يدخل في امور معقدة
وانا والله غير اديت عليها في الباك 7
لافوقها ولا تحتها
تخرج فوادك تدي تدي تحت 10
​

لا و الله عادي أنا ديت فيها 13.5 في الباك , صح الفلسفة تتعمق في الغيبيات و تحلل الأمور بدون قيود و لا سوابق فكرية حتى و إلا كانت دينية //

أنا هاذا وش يعجبني فيها كي نقراها هاذاك وين نحس براصي يخدم
صحيتي أسومة
صحا رمضانك .

 

[** غزال الصحراء **]

مي مزلت مانقراهاش
شكراااا على الطرح المميز

العفو سارة , معليش كي تقريها ولي وديري رد :wink:

 

[loca]

ههههههههههه اويا شحال نكرها صح نقرا اداب بصح فحت مقريتش فلسفة جني وبلايا درت لغات خير منها استاد كان يقولنا مادة فلسفة كيما نضحكو عليها نقولو فلفسة كي شغل راك تحوس على قط اسود في غرفة مظلمة ولي يحوس على قط عمى كي غادي تلاقيه ؟؟؟؟؟؟ نكرها بزااف

 

[ايمان 02]

الفلسفة نكرها مووووووووووت بصح كي رحت للجامعة ولقيت وحد المقياس اسمو لسانيات عامة درت في رأيي ورجعت نفضل الفلسفة ونقول فيها الرحمة
​

 

[** غزال الصحراء **]

الفلسفة نكرها مووووووووووت بصح كي رحت للجامعة ولقيت وحد المقياس اسمو لسانيات عامة درت في رأيي ورجعت نفضل الفلسفة ونقول فيها الرحمة
​

ايا بيان إيمي ,, مقياس اللسانيات دايمن تحكيلي عليه الوالدة يقولو باللي ساهل و فيه النقاط //

صحيتي .

 

[** غزال الصحراء **]

ههههههههههه اويا شحال نكرها صح نقرا اداب بصح فحت مقريتش فلسفة جني وبلايا درت لغات خير منها استاد كان يقولنا مادة فلسفة كيما نضحكو عليها نقولو فلفسة كي شغل راك تحوس على قط اسود في غرفة مظلمة ولي يحوس على قط عمى كي غادي تلاقيه ؟؟؟؟؟؟ نكرها بزااف

قط أسود في غرفة مظلمة ماهيش مثال , خطراش حتى القط الأبيض ما يتلقاش في غرفة مظلمة ... و القط لعمى نلاقيه نورمال يخي هو لعمى ماشي أنا :no_1:

راني نتفلسف برك ما ديريش عليا
صحيتي خديــجة .

 

[Yaccine]

أمممممممممممممم
أصمط مادة كانت عندي

​

 

[** غزال الصحراء **]

أمممممممممممممم
أصمط مادة كانت عندي

​

امممممممم :scared:

 

[بيكهام]

عارف خويا لعزيز
كنت نحبها بصح ملى خسرتني في باك انتاعي لول
كرهتها قع
تحياتي ليك
تشاو تشاو​

 

[** غزال الصحراء **]

عارف خويا لعزيز
كنت نحبها بصح ملى خسرتني في باك انتاعي لول
كرهتها قع
تحياتي ليك
تشاو تشاو​

معليش حسام , صح ما يمدوش فيها النقاط بزاف و قداه من واحد هبطتلو المعدل //
مي هي مادة مليحة و تفتح لعقل

صحيت صاحبي.

 

[وافية]

السلام شكرا لموضوعك الراقي الصح انا قريت الفلسفة عامين و هي افضل مادة عندي منى عيني نهار نحكم الستيلو و الورقة و نولي نتفلسف و الالهام يطيع عليا تقول سقراط ههههههه و لكن انا نحبها الله غالب و نحب نقراها و ضرك درت علم النفس في الجامعة باه تولي طنجرة و لقات غطاها

 

[** غزال الصحراء **]

السلام شكرا لموضوعك الراقي الصح انا قريت الفلسفة عامين و هي افضل مادة عندي منى عيني نهار نحكم الستيلو و الورقة و نولي نتفلسف و الالهام يطيع عليا تقول سقراط ههههههه و لكن انا نحبها الله غالب و نحب نقراها و ضرك درت علم النفس في الجامعة باه تولي طنجرة و لقات غطاها

صحا وافية ,, باينة تاع إلهام باينة :yahoo:
مليح على الأقل تحلينا مكتب تاع بسيكو هنا في اللمة //

ايا ربي يوفقك , و مرسي على المرور العطر .

 

[الرومنسي الجاد]

شوف حبيبي الوضاعة تاعها متستاهلش الواحد يحكي عليها . . مام باش نحكي عليها صامتة . . هبااال خويا تقول راك داخل على منيش عارف بلاك غول للداخل ولا . .
تصدق أنو كرهتها بمجرد أني سمعت الإسم تاعها . . كنت نقرا الاولى ثانوي . . و حكاولي جماعة عليها . . كرهتها واحد الكره . . و درت زعما تقني رياضيات باش منقراهاش . . و وجهوني تقني و الكارثة أنو فهذاك العام دخلوها جديدة فالفرع هذا . .
قلت نسيي نقراها . . حكمني واحد الديقوتاج . . مام فالامتحانات نعقبهم غير في 5 دقايق . . ماشي غير أنا . . الكلاصة كاملة لأنو أحنا كامل ولاد و مكانش بنات معانا . . مام فالباك السنة فوتها في ساعة كاملة قريب لهبلت . .
الخلاصة ماشي أـفار . . قال فلان قال فلان. .

​

 

[ملكة الكبرياء]

لم ادرس الفلسفة من قبل ولذالك لا اعرفها

 

[linine]

السلام عليكم ورحمة الله وبركـــــــــاته

الفلسفة أخي أم العلوم وتحمل في طياتحت حكم في الحيـــاة لكن للأسف مهمشة في هذا الزمن . . . .

فالفلسة نوع من الابداع تبحث عن الحقيقة وتهتم بشتى المجالات

سلام