mimi.dz تحكي... (الاخير ميلحقش ودبرو روسكم) ...

[mimi.dz]

صباح / مســاء الخيــر عليكم

بعد الصلاة والسلام على الحبيب المصطفى أبدا حكايتي

______________

موضوعي هذا هو فكرة جالت ببالي حاولت نطبقها عليكـــم ههههه

المهم رايحة نحكيلكم حكاية الاعضاء مع الاسماء ديالهم في منتدى اللمة الجزائرية

بصح من درك لازم متزعفوش هههه

اول حكاية خيرتها حكاية خونا هشام ** غزال الصحراء **
وb1 sur الحكايات بالدارجة نتاعنا
هيا اقراو بلعقل هههههههه

_________________

في وحد النهار كان في دار من ديار الشعب الجزائري طفل اسمو هشام
يتفرج في لاتيلي ليل ونهار تقدرو تقولو 24/24 ساعة
ووالدته الكريمةهبلها ساعة وهي تعيّط عليه باه يجاوبها من كثر الخشوع
وكي كرهت العائلة من هاذ الادمان نتاعه قرروا بموافقه الوالد العزيز
باه يشريولو ميكرو في اعتقادهم انو رايح ينسيه التيلي
مرت الايام والأسابيع وزال الخشوع نتاع التفراج
ورجع خشوع نتاع انترنت
وكي العادة دارت العائلة الكريمة قرار باه تنسيه في الانترنت
شرالو الوالد كتاب عن الصحراء الكبرى
قراه عجبو بزاف
قرر يزيد يبحث على حكاية الصحراء في الانترنت
لقا موضوع عن الغزلان في منتدى اللمة الجزائرية
قراه وقعد يتخيل في روحو غزال يجري في الصحراء
وللأسف قاطعو المدير fathi قالو كلش بالدراهم
هشام : كيفاه هذا ؟
المدير : خيّر يا تسجل وتثبت وجودك يا اما خلص حق القرايا
هشام : نسجل مكاش مشكل
المدير عطالو الاوراق عمرهم هشام وسجل باسم غزال الصحراء
ومن هاذيك عاد هشام هو غزال اللمة

____________________

حكايتي الثانية مع خوانا عبدو - سي فلان مول الكوستيم -
gــاع تعرفوه مي حكايته مشكيتش هههههه

____________________

مابين بيوت قالمة الشابة بيت يحوي عائلة عبدو
كان عبدو تلميذ عبقري توجور الأول على مستوى الثانوية نتاعه
يقرى 24/24 ساعة * الله يبارك *
نجح الباك وفرح الوالدة الكريمة
كي وصل العام الجديد هز حوايجو وجا خارج رايح للجامعة
حاولاتو اخته قالتلو البس كوستيم تجي شباب
قالها : روحي اخطيني يرحم باباك وخرج
مرت الايام والشهور والسنين واتخرج عبدو وقرر يتزوج
اتحتمت عليه يلبس كوستيم
راح مع صاحبه دخلو للمحل حوسو على كوستيم شابة ملقاوش وحدة عجبت عبدو
دار قالمة كامل والله غالب ملقاش - الذوق ديالو وحدو ههه -
راح للعاصمة وزاد حوس بصح ملقاش
ركب في البيس ورجع لقالمة ومن القلقة دخل للانترنت يحوس على مودال شباب
وفجأة لقى منتدى اللمة الجزائرية عجبو وجا يسجل فيه
عمر الاوراق وقبل ما يدفعهم جات اخته قالتلو : عبدو راو جاك فلان مول الكوستيم
قالها :شكون هو ؟
قالتلو :صاحبك جابلك كوستيم فور
راح بدل الاسم اللي سجل بيه في اللمة وقلبو سي فلان مول الكوستيم ومن ساعتها هذا هو اسمه

_______________

في حكايتي الثالثة نأهلو نسهلو باول طفلة معانا
الاخت ديالي وحكايتها حكاية

_______________

قالكم كانت هاذ الطفلة هي المدللة نتاع دارهم * المازوزية *
ههههههه
تحب كلش يكون نتاعها
جا النهار اللي شرا فيه باباها قلب اللوز وكلا منو خوها الكبير
ناضت الطفلة تبكي وتعيط :
قلب اللوز ديالي قلب اللوز ديالي
سكتها الاب الفاضل وبعثها للشوبرا ديالها
شعلت الميكرو باه تنسى شوي قلب اللوز
لقات منتدى اللمة وعجبها سجلت فيه
وثاني قبل ما تمد الاوراق نتاع التسجيل دخل خوها وكي شاف المنتدى قالها :
اوه معليش نسجل فيه ؟
ولات تبكي وسجلت باسم ديالي
على قصد :هاذ العضوية ديالي
ههههههه
هاذ حكاية اختنا ديالي

_______________

في حكايتي الرابعة والأخيرة لهاذ النهار نقولو مرحبا لخونا ميسي بومب

_______________

كان في حي من احياء عنابة طفل اسمه اسامة توجور يحقروه صحابو برا لسبب واحد
هو يحب البارصا وهوما يحبو الريال
جا العيد وخرج يلعب لقاهم قالولو هيا تروح معانا نشريو لمحارق
راح بصح مشراش لمحارق هو شرا صورة messi
زعفو منو باسكو يكرهو ميسي
ناض هو يعيط :
messi..messi..messi

قلقهم طرطقو عليه لمحارق اللي شراوهم كامل
دخل ليماه يبكي وراح للميكرو لقا منتدى اللمة الجزائرية
سجل فيه باسم
messi
ومن بعد سمع لمحارق برا رجعو
messi bomb

________

كثرت عليكم
نخليكم على خير

سلام

اللي حب يكمل باقي القصص

https://www.4algeria.com/vb/showthread.php?t=194806&page=4

https://www.4algeria.com/vb/showthread.php?p=1978650&posted=1#post1978650

​

 

[صفوة الوفاء]

السلآم عليكم
ههههههههه أضحك الله سنك
أبدعتي ..... خيتي ...
مشكــورة نستنآوآآآ البآقي .... بفآرغ الصبــر ايمآلآ مآطوليش علينآ
تحيآآتي​

 

[chiva.]

ههههههههههههههههههه يا ميمي فكرة هايلة هدي

 

[poli]

هههههههههه.......والله قريب رقدت ههههههه المرة الجاية نجيب الماكلة معاي
​

 

[انتصار*]

هههههههههه عجبوني كامل و الثاني معجبنيش ​

 

[الهيثم بوهناء]

 

[mimi.dz]

السلآم عليكم
ههههههههه أضحك الله سنك
أبدعتي ..... خيتي ...
مشكــورة نستنآوآآآ البآقي .... بفآرغ الصبــر ايمآلآ مآطوليش علينآ
تحيآآتي​

الله يخليك اختي
ميرسي ليك

ههههههههههههههههههه يا ميمي فكرة هايلة هدي

هههههه شكرا خويا الله يخليك

هههههههههه.......والله قريب رقدت ههههههه المرة الجاية نجيب الماكلة معاي
​

ههههههههههه علاه تجيبي المرة الجاية انا نجيبلك ههههههههه
ميرسي منى

هههههههههه عجبوني كامل و الثانية نتاع سي فلان فور :angel_not: ​

شكرا اختي انتصار
نورتينا بطلتك


​

 

[alaa_oran]

هههههههههههههههههههههههه
والله يعطيك الصحة اختي ميمي راكي فوووووووور
هاد الفكرة عجبتني بزااااااااااف
راني نستنى في الباقي
الاء

 

[mimi.dz]

هههههههههههههههههههههههه
والله يعطيك الصحة اختي ميمي راكي فوووووووور
هاد الفكرة عجبتني بزااااااااااف
راني نستنى في الباقي
الاء

ههههههههه ربي يدوم هاذ الضحكة
شكرا اختي الاء ربي يخليك
ميرسي بزاف

وفيك بارك الرحمن اخي

​

 

[fufa22]

قالك واحد زوج 3 4 5 6 7 8 9 ........

 

[القطة الزهرية]

ههههههههههه فوووووووور

 

[mimi.dz]

شكرا لكل شخص رد ع الموضوع او حتى قراه
ميرسي خاوتي
​

 

[ملكًة الاحسآس]

هه يعطيك الصحة ميمي والله فووووور
​

 

[سلافة]

استمعت بزاف وانا نقرا فيه


مشكورة حنونة ننتظر جديد ابداعك

 

[mimi.dz]

ملكة الاحساس + سلافة

ميرسي بزاف
​

 

[foufa34]

ههههههههههههه فور ميمي يعطيك الصحة

 

[mimi.dz]

الله يسلمك اختي ميرسي
​

 

[khadidja2]

فكرة هايلة و عجبتني شكراا لك

 

[بنت لبلاد]

برافو حنونتي حاجة شابة بزاف

 

[nina bonoise]

ياسر ياسر يا ميمي
مي بصح جاني النوم هههههههههه