mimi.dz تحكي... (الاخير ميلحقش ودبرو روسكم) ...

[mimi.dz]

خديجة .. بنت لبلاد ..bonoise

جزيل الشكر
​

 

[** غزال الصحراء **]

صباح / مســاء الخيــر عليكم

بعد الصلاة والسلام على الحبيب المصطفى أبدا حكايتي

______________

موضوعي هذا هو فكرة جالت ببالي حاولت نطبقها عليكـــم ههههه

المهم رايحة نحكيلكم حكاية الاعضاء مع الاسماء ديالهم في منتدى اللمة الجزائرية

بصح من درك لازم متزعفوش هههه

اول حكاية خيرتها حكاية خونا هشام ** غزال الصحراء **
وb1 sur الحكايات بالدارجة نتاعنا
هيا اقراو بلعقل هههههههه

_________________

في وحد النهار كان في دار من ديار الشعب الجزائري طفل اسمو هشام
يتفرج في لاتيلي ليل ونهار تقدرو تقولو 24/24 ساعة
ووالدته الكريمةهبلها ساعة وهي تعيّط عليه باه يجاوبها من كثر الخشوع
وكي كرهت العائلة من هاذ الادمان نتاعه قرروا بموافقه الوالد العزيز
باه يشريولو ميكرو في اعتقادهم انو رايح ينسيه التيلي
مرت الايام والأسابيع وزال الخشوع نتاع التفراج
ورجع خشوع نتاع انترنت
وكي العادة دارت العائلة الكريمة قرار باه تنسيه في الانترنت
شرالو الوالد كتاب عن الصحراء الكبرى
قراه عجبو بزاف
قرر يزيد يبحث على حكاية الصحراء في الانترنت
لقا موضوع عن الغزلان في منتدى اللمة الجزائرية
قراه وقعد يتخيل في روحو غزال يجري في الصحراء
وللأسف قاطعو المدير fathi قالو كلش بالدراهم
هشام : كيفاه هذا ؟
المدير : خيّر يا تسجل وتثبت وجودك يا اما خلص حق القرايا
هشام : نسجل مكاش مشكل
المدير عطالو الاوراق عمرهم هشام وسجل باسم غزال الصحراء
ومن هاذيك عاد هشام هو غزال اللمة


​

هي في الحقيقة ما حقهمش يحرموني من لاتيلي ياو حقي و نسال فيه صافا هاكا ؟

و كي شراولي الميكرو ياو بغاو يكحلوها عماوها

و زيد بزيادة الغزلان و الصحراء هاذي حياتي و همي

و فتحي قبل ما يقولي سجل كنت ناوي نسكن هنا :thumbdown:

و نتي يا ميمي حكايتك راهي جاية كشفتينا و خليتينا بلا ورق

أيا يا جماعة كل واحد يشد دوصيه و يحكم الصف

موضوووع فور خلاص .
​

 

[mimi.dz]

هي في الحقيقة ما حقهمش يحرموني من لاتيلي ياو حقي و نسال فيه صافا هاكا ؟

و كي شراولي الميكرو ياو بغاو يكحلوها عماوها

و زيد بزيادة الغزلان و الصحراء هاذي حياتي و همي

و فتحي قبل ما يقولي سجل كنت ناوي نسكن هنا :thumbdown:

و نتي يا ميمي حكايتك راهي جاية كشفتينا و خليتينا بلا ورق

أيا يا جماعة كل واحد يشد دوصيه و يحكم الصف

موضوووع فور خلاص .
​

ههههههههه كان انا في بلاصتهم نحيلك التيلي ومنجيبلكش الميكرو
هههههههههههه

ميرسي هشام
​

 

[programmeur]

ههههههههههه هبال تاع الصح
فووووووووووووووووووووووووووووووووووووور تاع الصح
يعطيك الصحة اختي
بصح ماحكيتيش قصتك وعلاه سميتي روحك ميمي pوان ديزاد ؟؟؟؟؟

 

[** غزال الصحراء **]

ههههههههه كان انا في بلاصتهم نحيلك التيلي ومنجيبلكش الميكرو
هههههههههههه

ميرسي هشام
​

يا لطيف مزية ماكيش في بلاصتهم ...:sneaky2:
​

 

[mimi.dz]

ههههههههههه هبال تاع الصح
فووووووووووووووووووووووووووووووووووووور تاع الصح
يعطيك الصحة اختي
بصح ماحكيتيش قصتك وعلاه سميتي روحك ميمي pوان ديزاد ؟؟؟؟؟

هههههههه
حكايتي نحكيها بعد حكايتك انشاء الله
مكنتش ناوية نكتب عليك صراحة
مي كي شفت اسمك جاتني حكاية في بالي
غدوا انشاء الله نحطها هنا
هههههههههه
شكرا خويا

يا لطيف مزية ماكيش في بلاصتهم ...:sneaky2:
​

ههههههههه سترك ربي
​

 

[nada242008]

كملي برك يا ميمي الحكايات
انت فور وحكاياتك فور

 

[programmeur]

هههههههه
حكايتي نحكيها بعد حكايتك انشاء الله
مكنتش ناوية نكتب عليك صراحة
مي كي شفت اسمك جاتني حكاية في بالي
غدوا انشاء الله نحطها هنا
هههههههههه
شكرا خويا

​

العفو اختي
رانا ننتظرو في الحكاية بفااااااااااااارغ الصبر

 

[mimi.dz]

كملي برك يا ميمي الحكايات
انت فور وحكاياتك فور

الله يخليك حنونة
ميرسي بزاف

العفو اختي
رانا ننتظرو في الحكاية بفااااااااااااارغ الصبر

الله يخليك خويا وانشاء الله تعجبك
​

 

[seyfeddine]

الحمد الله اسمي simple وإلا غنيتي عليا(فصدي تكتبي علا موضوع)ههههههه
-- إن شاء الله ترتاحي يا ميمي. تطولي بصح تبراي--

 

[mimi.dz]

الحمد الله اسمي simple وإلا غنيتي عليا(فصدي تكتبي علا موضوع)ههههههه
-- إن شاء الله ترتاحي يا ميمي. تطولي بصح تبراي--

ههههههههههه درك ندبرولك حكاية غير متخافش ههههه
ربي يشفيني هههههه
ميرسي
​

 

[mimi.dz]

السلام عليكم ورحمة الله تعالى وبركاتـــه
انشاء الله تكونو كامل بالف خيــر

______

وكي العادة مع حكاية جديدة وعضو جديد
بديت بخونا الشهبندر
حكايته جات زهر ههههههه

___________

كان في زمن من الازمان عائلة فيها طفل أغرب من الغريب
كلشيلو مختلف عن غيره يعني شخصية فريدة من نوعها
يحب كلش عجيب
قلقوه في الدار جا للانترنت ولقا منتدى اللمة
عجبو حب يسجل فيه
عمر الاوراق وبقالو الاسم
فكر فكر ملقاش
نظر توالو لقا صورة للشهب
ونظر وراه لقا اختو الصغيرة تتفرج في اغنية : انا البندورة الحمرا
جاه الالهام وادا من كل كلمة شوي حروف
وسما روحو الشهبندر

_______________

وفي الحكاية الثانية نقولو لخوانا seyfeddine مرحبا بيك
هههههههههه

_______________

قالك في مدينة من المدن الجزائرية عاشت عائلة كان الاب الكريم سلافي
متدين فوق ما تتصورو
ويحب دينو لاقصى درجة
زاد عندو طفل قالتلو الوالدة واش نسموه؟
قالها سميه برك المهم اسم فيه كلمة الدين
فكرت فكرت وفجأة دخل عمو هاز une tarte ومعاها سكين قالهم مبروك عليكم
ومن بعد مد السكين للوالد وقالو اقسم البركة نتاع ابنك
والوالد حكم السكين وجا في بالو قالها سميه
سيف الدين
كبر سيف الدين وجا للمة وسجل بالاسم اللي خيرولو الوالد العزيز

______________

ومع لحكاية الثالثة اختنا العزيزة
روح كلها جروح وحكايتها حكاية
ههههههههه

______________

كانت هاذ الطفلة تعرف تدير كلش يعني في دارهم شاطرة
وقلبها حنين
بصح الله غالب منين تدخل للكوزينة تجرح
روحها + تكسر لماعن + تحرق لماكلة + وبزاف حوايج خلات دارهم تكره
كل يوم ماكلة صامطة ههههه
قالولها متزيديش تدخلي للكوزينة
راحت لشومبرتها و
جات للمة عجبتها وسجلت باسم روح كلها جروح
كناية عن
روح = انسانة طيبة القلب
كلها جروح = جرحت روحها بزاف في الكوزينة

وكان هاذ الاسم بغرض واحد انها تقعد متفكرة هاذيك الكوزينة اللي منعوها تدخل ليها

___________

لحكاية الرابعة لنهار اليوم
حكاية programmeur

_____________

كانت في احد الاحياء الجزئرية عائلة ميسورة الحال ابنها لكبير فاتح سيبار
وكان يعرف يصلح الاجهزة الالكترونية
وكان ابنها الصغير (programmeur)
يحب يتعلم هاذ الخدمة مي الله غالب كانو يحقروه وميديوش بشورته مع انو كلامه ديما صح
وخاصة في ليبروgــرام يقولهم ديرو هذا يقولولو وانت واش تعرف ويديرو واحد اخر
طال الزمان وكره الطفل الصغير هاذ التجاهل اللي كل يوم يزيد
جا هنا للمة وسجل باسم ومن بعد كي شارك بزاف في قسم البرامج ولقاهم يستشيروه في هاذ المواضيع ولقا روحو هو الفاهم فيهم ( ابو العريف ههه) رجع اسمو
programmeur

___________

لبارح قالولي حطي حكايتك مع الاسم mimi.dz
رايحة نحكيلكم حكايتي مي نحكيها بصفة الغائب وكأنها ماشي عليا هههههههه

____________

كانت في بيت من بيوت سطيف العالي عائلة عاشت فيها طفلة اسمها ماجدة
وكان عندها قطة صغيرة يسموها ميمي
كانت تموت عليها تحبها لحد الجنون
في واحد النهار وهي قاعدة في الميكرو لقات اللمة وسجلت فيها باسم احلى جزائرية
( زعمة برك ههههههه)
دارت الايام وماتت هاذيك القطة امالا من كثر الحزن نتاعها رجعت اسمها ميمي
وباه متنحيش اسم الجزائر العزيزة من اسمها
رجعاتوmimi.dz

__________

في أمان الله
​

 

[وئام الجزائر]

هههههههههه
ربي يخليك ميمي
يعطيك الصحة
​

 

[mimi.dz]

الله يسلمك اختي وئام
ميرسي ليك
​

 

[angel]

هههههههههههههههه والله نتي فور


ايا واش هي قصت angel في رايك؟؟؟؟؟؟؟


شكرا على موضوعك


​

 

[mimi.dz]

هههههههههههههههه والله نتي فور


ايا واش هي قصت angel في رايك؟؟؟؟؟؟؟


شكرا على موضوعك


​

الله يخليك اختي

وانشاء الله نديرلك حكاية

ميرسي ليك
​

 

[حفيد هواري بومدين]

منين جاك الابداع هاداك يا ميم

:angel_not:


​

هههههههههه عجبوني كامل و الثانية نتاع سي فلان فور ​

​

 

[mimi.dz]

منين جاك الابداع هاداك يا ميم

:angel_not:

​

هههههههههه
طاح عليا كيما نيوتن طاحت عليه تفاحة
ههههههههههه:angel_not:
​

 

[im£ne]

هههههههههه
و الله راكي فوووووووور.....راني نستنى في التالي......

 

[mimi.dz]

هههههههههه
و الله راكي فوووووووور.....راني نستنى في التالي......

الله يخليك اختي
ميرسي ليك
​