mimi.dz تحكي... (الاخير ميلحقش ودبرو روسكم) ...

[mimi.dz]

بعد الصلاة والسلام على الحبيب المصطفى
نبداو حلقة اليـــوم ومع حكاية جديــدة

____________

حكاية الاخ الكناري السعيــد

______________

عاش طفل اسمو مصطفى مابين عائلته
كانو عايشين في نعيم والحمدلله
وكان هاذ الطفل يحب الطيور لدرجة كبيرة
اللي يلقاه يربيه وميهموش النوع ديالو
وفي يوم من الايام لقا كناري
تعلق بيه لدرجة كبيرة بزاف بزاف
يوكلو ويشربو ومعتني بيه
كي يغيب يتوحشو وكي يسافر يديه معاه
دايرو كي ولدو الصغير
وفي يوم من الايام مات هذاك الكناري
زعف عليه وبكى دموع تحمي البشرية من الجفاف لمدة طويلة
كي شافوه في هاذ الحالة نصحوه بمنتدى اللمة الجزائرية
قالولو ثم تلقى اللي ينسيك
جا هنا وسجل باسم الكناري السعيد
لانو الكناري ديالو كان ديما فرحان

______________

لحكاية الثانية حكاية الاخ KARIM073
مي نقولو متزعفش
______________


كان هاذ العضو عايش في عائلته عادي في بلادي
والمشكل الوحيــد انو مشحاح فوق ما تتصورو
مرة عرف طفلة وحبها وحباتو
آآي فكرو يتزوجو مي الله غالب
مكتبش ربي يطول زواجهم اكثر من شهرين
بسبب واحد انو مشحاح
زاد جرب سعدو واتزوج بوحدة مشحاحة مي الله غالب متفاهموش
مقدرش يعيش معاها
وزاد جرب اتزوج 71 مرة اخرى
وللاسف معندوش الزهر
بطل الزواج وعقد العزم انو يتخلص من التمشحيح
جا للمة وعجباتو سجل فيها باسم
KARIM باه يساعدو الاسم في التخلص من الصفة ديالو
ضاف توالها الرقم 073 وهو رقم عدد النساء اللي منجحش معاهم:angel_not:

______________

نلقاكم في حلقة جديدة
سلام

​

 

[kamely]

hhhh
raw3a surtout ta3 karim
rabi yahafdek madjda
yakhi ma ghlatche fel ism ???l
​

 

[mimi.dz]

hhhh
raw3a surtout ta3 karim
rabi yahafdek madjda
yakhi ma ghlatche fel ism ???l
​

لالا مغلطتش فيه ههههه
الله يخليك خويا ميرسي ليـــك
​

 

[hind*alg-]

السلام عليكم ورحمة الله تعالى وبركاته​

_____________​

قبل ما نبدى حكاياتي لهاذ النهار
نشكركم بزاف بزاف ​

_____​

وحكايتي الأولى حكاية الاخت hind*alg-
حكاية شوي مخلطة حاولو تفهمو رواحكم هههههههههه​

________________​

ما بين ربوع الجزائر الغالية عاشت طفلة تعشق في الهند وناسها
تحب تلبس كيفهم وتحوّس تروح تزور الهند
مي الله غالب الوالد ميقدرش يديها للهند
قالتلهم يا تديوني للهند يا متزيدوش تحكيو معايا
قالها خوها : نقصان هرج
مرت الايام وهاذ الطفلة ما تحكي مع حتى واحد
طول النهار وهي في الانترنت
لقات منتدى اللمة وسجلت فيه باسم جزائرية
ومن كثر شوقها للهند هربت لوالديها وراحت للهند مع خالها
ادات الجنسية الهندية وعاشت ثم
مرت السنين وتوحشت بلادها وندمت كي بدلت الجزائر بالهند
ولات هزت حوايجها ورجعت لبلادها
وبدلت اسمها في اللمة ورجعاتو hind*alg-
باه تقعد ذكرى في بالها بللي الهند بلا ناس الجزائر ماهيش بلاد​

​

________________​

يووووووووووووووو بعد ووووووووووو بعدووووووووو
ههههههههههههههههه
والله ياميمي
فكرتيني في يمات لجهل تاعي
ههههههههههه
صحة يا مهبولة وحنونة

​

​

​

​

 

[mimi.dz]

يووووووووووووووو بعد ووووووووووو بعدووووووووو
ههههههههههههههههه
والله ياميمي
فكرتيني في يمات لجهل تاعي
ههههههههههه
صحة يا مهبولة وحنونة

ههههههههههههه
لالا يا هندو لهبال خاطيني ههههه
ميرسي ليك حنونة ربي يخليك
​

 

[hind*alg-]

ههههههههههههه
لالا يا هندو لهبال خاطيني ههههه
ميرسي ليك حنونة ربي يخليك​

قصدي من ناحية لمليحة هههههه يعني كي تكوني طيري في سما

 

[killua0555]

احم احم صحيتى ميميتا الى خرجتى قصتى محزنة للعالم :crying::crying::crying:

 

[055naruto]

شوفي هدات تهديد ولاتهديد
كما نجي انا سلطانة شهريار ومنصيبش حكاية عليا سوف تساقين الى الجلاد
هههههههههههههههههههههههههههههه
وين حكاتي لقد طلع الفجر

 

[iktimel]

وانا ماكانش حكاااااااااااااااااااااية على اسمي
هههههههههههه
شكرا موضوع مميز

 

[Rohana]

مشكورة ميمي راني نستنى في حكاتي
روهانا

 

[اناس]

ههههههههههههه والله يا الجدة ميمي وحكاياتها ​

راكي فوووووووووووور كي العادة يالعمر يعطيك الصحة وكملي هكذا وديري خامسة راهم بضربوك بعين (بعيد الشر) هههههههههه​

مرسي حنونتي دمتي متألقة ​

توحشتك بزاف ​

اختك اناس​

 

[berbere d'aures]

hhhhhhhhh
هادا ماشفتش كيفو خلاص
merciiii
​

 

[ديالى]

في حكايتي الثالثة نأهلو نسهلو باول طفلة معانا
الاخت ديالي وحكايتها حكاية

​

_______________​

قالكم كانت هاذ الطفلة هي المدللة نتاع دارهم * المازوزية *
ههههههه
تحب كلش يكون نتاعها
جا النهار اللي شرا فيه باباها قلب اللوز وكلا منو خوها الكبير
ناضت الطفلة تبكي وتعيط :
قلب اللوز ديالي قلب اللوز ديالي
سكتها الاب الفاضل وبعثها للشوبرا ديالها
شعلت الميكرو باه تنسى شوي قلب اللوز
لقات منتدى اللمة وعجبها سجلت فيه
وثاني قبل ما تمد الاوراق نتاع التسجيل دخل خوها وكي شاف المنتدى قالها :
اوه معليش نسجل فيه ؟
ولات تبكي وسجلت باسم ديالي
على قصد :هاذ العضوية ديالي
ههههههه
هاذ حكاية اختنا ديالي​

​

_______________
​

​

​

​

ميمي هايلة في التأليف ماشاء الله عليك
راح نعطوا حقوق التاليف لقصص حياتنا ليك مخصوص
وكل واحد يحب يكتب قصة حياتو نبعثوه ليك .
شكرا ميمي ​

 

[ابتسام جزائريه]

قرات كل قصه كاين هايل الله يبارك عليك

 

[055naruto]

وفي حلقة جديدة وحكاية جديدة​

انشاء الله تكونو باحسن حال​

ليوم عندنا حكاية وحدة لان الوقت مسمحليش نكتب اكثر منها​

__________​

حكاية اختنا 055naruto
ومن درك نقولها متزعفيش راني غير نقصر​

___________​

في مستشفى من مستشفيات الامراض العقلية عاشت انسانة للاسف هبلت من كثر ماهي عايشة في ظروف غير مستقرة
المهم من كل هاذ لحكاية انو العائلة ديالها كانت تعمل جهودها باه ترجعلها عقلها
سنين وهي تتعالج ولكن من دون جدوى
جا النهار اللي قرر فيه خوها انو يخرجها من السبيطار ويديها للدار
لانو فقد الامل من علاجها
نفذ خوها واش في بالو واداها للدار
منين دخلت لدارهم لقات التيلي شاعل وخوها الصغير يتفرج في كوميك يقولولو ناروتو
وصرات معجزة هاذ الطفلة رجعلها عقلها بعد مشاهدة هاذ الحلقة من الكوميك
كي رجعلها عقلها وتعلمت للانترنت لقات منتدى اللمة وسجلت فيه باسم 055naruto
حتى يبقى ذكرى في بالها وضافت عليه اول رقمين من الهاتف ديالها
باه متنساهش ههههههه​

____________​

سلام ونشوفكم مع حلقة جديدة​

هههههههههههههههههههههههه سبحان الله تقول حضرتي معيا
يعطيك100 الصحة ويعطيني 1 عقل ان شاء الله

 

[أمينة16]

هههههههههههههههههههههههههههههههههه

و الله راااااااااااااااائعة الحكايات فوووووووووور بزاااااااااااف

 

[boutarfaya]

يعطيك الصحة ميمي

هههههههه

روعة

​

 

[AnGeL*dZ]

يعطيكي الصحة ختي

 

[sara_k]

راني نستنا في حكايتي ههههههههههههه
sara_k
بالمناسبة
توحشتك يا مهبووولة
راني لقيتك تسالي عليا فقائمة الغايبين
والله توحشت ايام المقهى
​

 

[BARCA232]

الله يعطيك الصحة والله قصص رائعة
​