هادي قصة صراتلي والله صح ماتخيلتهاش حتى في الدراما التركية

[PH.AGNEAU]

أولا السلام عليكم ورحمة الله تعالى وبركاته
نشالله تكونو غايا كامل
شوفو أنا صراحة ماكانش عندي الكوراج على بال نحكي هاد القصة meme
ماكانش عندي الصبر علابال نخليها في صدري alors قلت أنا لازم نحكيها في منتدى ما ونشوف asq c juste واش درت ولا لالا؟؟؟؟؟
لحد الان ماعلاباليش كيفانش نبداها الله غالب عشت كوشمار بزاف علي الله غالب
كنت مرة ندور في البلاد وحدي كنت مديgوتي مع لي كانو عندي شوية تاع مشاكل ألور خرجت ندور وكنت نمشي وأنا نخمم واش ندير ؟سي توجور نمشي وأنا حاط راسي خاطيني التبرgيg أيا دخلت حانوت تاع صاحبي مي هنا بدات ليستوار مع الدخلة صرى بيني وبين وحد الشيرة كانت تم احتكاك بدون قصد اوكي قلتلها اسمحيلي وبقيت نستنى صاحبي يكمل مع يماها علابال نحكي معاه
أيا بقيت نشوف في الشيرة شابة الله يبارك أيا بقات دير لي جاست تاع أرواح مستحقاتك داكور
انا طفيت الضوء لعبتها قاع ماعلاباليش خرجو راحو بقيت نحكي مع صاحبي مانpا 15 دقيقة ولات الشيرة ايا ولعبتها تشري وبقات تبرgag داكور أيا بادرتها بالهدرة ساvا b1 gaya
لاباس الحمد لله أيا دومونديت النيميرو جبته بقيت نحكي معاها بغيت نعرف عقلية الشيرة ماقدرتش
في الهدرة ديpلومي داكور تلاقيتها المرة الاولى الشيرة مينار ماتعرف والو خير هاك تحشيهالها
meme المرة الزاوجة أيا بقيت نمدلها دي كونساي لالا les mamours مايوصلوش بعيد وانا نحوس علا شيرة عاقلة ماشي ......... مي هنا حست أنو غادي نخليها بدات تفرغ واش في قلبها
في الديبي كانت تقولي أنو هي عايشة حالة ولي بارو تاوعها في لالمان و و و و ولكن كل شيء كان فو خرجت الشيرة يتيمة محقورة في دارهم او هي تحس أنها محقورة وحقوقها مهضومة وهنا قلتلها أني لو ساومتك في الشرف تاعك كنت رايحة تمديه ؟؟؟؟قاتلي ايه ؟؟؟؟؟ دوختني ؟؟؟؟؟ مي وعلاهش ؟؟؟؟؟؟ قاتلي لاني حبيتك.....هنا ضحكت قلتلها داكور فهمتك راكي تتمسخري قاتلي لالا؟؟والله صح
أأأأأأأأأأأأأأووووووووو؟؟؟؟؟؟؟؟؟؟؟؟؟؟
من بعد قلتلها أنا كيما هاك منقدرش نكمل معاك ؟؟؟؟؟أيا بدات تبكي وقاتلي بالحرف الواحد كنت علابالي بلي غادي تروح وتخليني ديجا صراتلي مع واحد مي معليهش هادا مكتوبي ,,,,,؟؟؟؟؟
هنا حركت المشاعر تاعي أيا قلتلها سي بون نكملو قاتلي لالا علابالي راك غادي تكمل معايا بداعي الشفقة غير ماتشقاش وبقات تبكي ؟؟؟؟؟؟؟؟
هنا لقيت روحي في ورطة واش ندير ؟؟؟؟؟؟؟
عاودت واسيتها غير بشوية وفهمتها في أنو نيتي صافية معاها وأنا صراحة قلبي ارتاحلها لانها في عينيها البراءة هادا واش شفتو
كنت أ جور نحكي معاها كانت تبغي نتلاقو مي أنا كنت نروvز الرونديvو بويسك كانت تصرى حوايج ماكنتش نبغيهملها اوكي بقيت نفهم في عقلية الشيرة لقيتها ماشي نورمال الشيرة مينور تشوف غير عند رجليها متأثرة بعيشتها وحدها ناقصة حنان تشوف في أنا كلش في دنيتها وهدا من خلال كلامها ودورت هاد الكلام في راسي ولقيتو صح
تعلقت بيها بزاف قلتلها نتعرف بخوتك علابال نحكو رفضت سيريتها قاتلي لالا
وبدات تحكيلي وتبكي وتقولي (أنا بغيتك ولقيت فيك خويا وصاحبي وحبيبي وكل شيء مي دوماج منقدرش نخدعك ونخدع روحي قاتلي انا في مرض مزمن ؟؟؟؟؟)
ما صدقتش حتى من بعد شفت لي موتيف هنا ما تمالكتش نفسي وبكيت صراحة وهنا قاتلي تعرف شوف وحدة وكي تلقاها فوتلي نحكي معاها لاني جامي خممت نلقى جان كيفك وكوبات ومحبتش ترفد علي
معليهش بقيت نحكي معاها وكانت تصر على خروجنا وكنت نرفض ومن بعد نصحتها بالابتعاد عن هدا الدومان وقلتلها توجور خوك معاك وتستحقي اي حاجة راني معاك
هنا راحت تبكي وقاتلي سي بون كان علابالي يجي نهار نخسرك لانو مكتوبي كيما هاك وكوبات ومازادت طلعت لابيس تاعها
svp قولولي واش ندير راني متعلق بالشيرة مي مافهمتش واش ندير مانقدرش نعيش معاها وهي مالاد ومقدرتش نخليها تسوفري ونزيدها سوفرونس بسبابي ؟؟؟؟؟؟؟svp

 

[somiasahraoia]

والله قصة غريبة جدا

 

[sleepingbeauty]

لهاد الدرجة رخسو البنات عادو يجريو و الرجالة هاربين منهم
هههههههههههههه روحي يا الدنيا​

 

[ديني حياتي]

o o ooooooooooooooooooooooooga3 haka "lhob wach ydir"

 

[PH.AGNEAU]

والله قصة غريبة جدا

meme هي راهي في اللاج تاعك

 

[PH.AGNEAU]

لهاد الدرجة رخسو البنات عادو يجريو و الرجالة هاربين منهم


هههههههههههههه روحي يا الدنيا​

يا أختي اتق الله في نفسك شوفي واش راهي عايشة والله بزاف عليكم كيما هاك ربي يهدينا يا رب

 

[PH.AGNEAU]

o o ooooooooooooooooooooooooga3 haka "lhob wach ydir"

الله غالب هادي الدنيا

 

[السوفي حمة]

بصراحة القصة غريبة شوية لكن في هذا الزمان كل شيء ممكن
يا أخي مادام أنك تقول نيتك صافية معاها وأنك مشفق عليها وهي مريضة
خليك معاها وحاول أنك توجها لطريق الصواب، وتبعدها على الطريق إلي راهي تمشي فيه،
​

 

[PH.AGNEAU]

بصراحة القصة غريبة شوية لكن في هذا الزمان كل شيء ممكن

يا أخي مادام أنك تقول نيتك صافية معاها وأنك مشفق عليها وهي مريضة
خليك معاها وحاول أنك توجها لطريق الصواب، وتبعدها على الطريق إلي راهي تمشي فيه، ​

ان شاء الله سي غريبة حتى انا تخيلت أني عايش كوشمار مقدرتش نحمل واش راني فيه
المهم ربي يعيشك أخي الكريم وشكرا على النصيحة دمت أخي تعيش

 

[mimi.dz]

يا أختي اتق الله في نفسك شوفي واش راهي عايشة والله بزاف عليكم كيما هاك ربي يهدينا يا رب

كان رايح يكون ردي كيما رد الاخت اللي سبقتني مع بعض الاضافة مي كي لقيت ردك نحبك تجاوبني هذا مكان :

هل انت مستعد باه تعيش معاها وتتخذها كزوجة ؟

وهل رايح يدور الزمان وتقدر تثق فيها كزوجة صالحة ؟

وهل صح تحبها ؟ ام بداعي الشفقة ؟

وهل كي كذبت عليك مرة ماهيش رايحة تزيد تكذب ؟


يا خويا راني مقدرة ظرفك وظرفها مي فهم روحك لانو هاذ الشعور مجرد شفقة ومع الوقت رايح تندم
فكر قبل ما تتخذ قرارك وحاول تستشير شخص كبير
شوف هنا في اللمة كاين عمو احمد يعاونك

وربي يكون معاكم
واسمحلي ياسر ماشي قصدي حاجة مي حبيت نفهمك بللي في هاذ المواقف جامي تحكم قلبك فكر بعقلك
​

 

[PH.AGNEAU]

كان رايح يكون ردي كيما رد الاخت اللي سبقتني مع بعض الاضافة مي كي لقيت ردك نحبك تجاوبني هذا مكان :​

هل انت مستعد باه تعيش معاها وتتخذها كزوجة ؟​

وهل رايح يدور الزمان وتقدر تثق فيها كزوجة صالحة ؟​

وهل صح تحبها ؟ ام بداعي الشفقة ؟​

وهل كي كذبت عليك مرة ماهيش رايحة تزيد تكذب ؟​

يا خويا راني مقدرة ظرفك وظرفها مي فهم روحك لانو هاذ الشعور مجرد شفقة ومع الوقت رايح تندم
فكر قبل ما تتخذ قرارك وحاول تستشير شخص كبير
شوف هنا في اللمة كاين عمو احمد يعاونك​

وربي يكون معاكم
واسمحلي ياسر ماشي قصدي حاجة مي حبيت نفهمك بللي في هاذ المواقف جامي تحكم قلبك فكر بعقلك​

سي vري أختي حتى أنا كنت نقوللها قبل ماتقولي أنها مالاد كنت نقوللها بالحرف الواحد tu es une femme publique pour ts وسي كيما قلتي لا بلي بار لي سألتهم كانو دي جان قالولي هادي مافيهاش الثقة وشفت راجل كبير قالي يا ولدي ولي مريضة ماعندهاش حق في أنها تعيش حياتها هنا لجأت للمة لي تجمع كل أصناف المجتمع
وأختي صراحة حتى أنا ما قدرتش نفهم اسكو نبغيها ولا مجرد شفقة وسي توجور نقول بلي لي تكذب عليك مرة تكذب ألف مرة ولحد الان مازال ماشي مصدق أنها مريضة مي انا قلت انها مينار مازالها ماتعرف الدنيا و معلاباليش وين الصح ؟؟؟؟

 

[nada242008]

انا نشوف بلي ظروف هذي الطفلة هي اللي خلاتها تدير حوايج غالطين
وبالنسبة للمرض المزمن الناس كل عادت عايشة بيه
وفقدان الوالدين يؤدي في كثير من الاحيان الى الانحراف
ما عليك يا خويا غير تنصحها وراك تقول كي تنصحها تقلك بلي راك حاب تجبد روحك وهي كانت متوقعة
مالا ربي يهديها ويشفيها لانها ضحية اجتماعية بصح يجيها النهار اللي تندم على واش دير لانها بصراحة غير واعية بما تقوم به

 

[PH.AGNEAU]

انا نشوف بلي ظروف هذي الطفلة هي اللي خلاتها تدير حوايج غالطين
وبالنسبة للمرض المزمن الناس كل عادت عايشة بيه
وفقدان الوالدين يؤدي في كثير من الاحيان الى الانحراف
ما عليك يا خويا غير تنصحها وراك تقول كي تنصحها تقلك بلي راك حاب تجبد روحك وهي كانت متوقعة
مالا ربي يهديها ويشفيها لانها ضحية اجتماعية بصح يجيها النهار اللي تندم على واش دير لانها بصراحة غير واعية بما تقوم به

واه كنت نفهمها كل مرة أنو هادو مكاتيب ربي مي كنت نشوف أنها victime ولازملها واحد يكون جنبها مي هي تحسسني أني نحكي معاها بداعي الشفقة وهنا حاولت أني نوصلهالها بأي طريقة لكنها معلاباليش كيفانش تخمم

 

[maria18]

ياخو صراحة ربي يحفظك و يخليك لماليك طلعت رجلة بزاف معاها

راني كي ختك و ننصحك نصيحة لوجه الله كيما يقولو

غير اخطيك ياخو منها، راني فاهمة باللي غاضتك mai des fois لازم لواحد يخلي قلبو à part و يخمم بعقلو

انت وش راك قادر تديرلها ( تتزوج بيها أكيد لا ) راهي صغيرة تكبر و تفيق

انساها ياخو راك تجيب لماشاكل لروحك

ادعي ربي يهديها و يعقلها و نشالله يهدي ماليها يشوفو لبنتهم

خلاوها للمحاين تساكريفي فهاد الدنيا

يا خو اخطيك اخطيك اخطيك ، قسي قلبك

الدنيا واعرة و مالازمش الواحد يكون حنين

سيي انساها و دعيلها

أيا نشالله تلقى la solution اللي تساعدك

و ديرنا موضوع آخر خبرنا واش صرالك معها

موفق نشالله ربي يعطيك عقد نيتك

 

[PH.AGNEAU]

غادي نرجع أوكي

 

[soumaya01]

راني راجعة
ما قريتش الموضوع مليح
​

 

[sleepingbeauty]

يا أختي اتق الله في نفسك شوفي واش راهي عايشة والله بزاف عليكم كيما هاك ربي يهدينا يا رب

انا لي نتقي الله في نفسي
الحمد لله على الاقل عمري ما جريت ورا واحد و لا رميت روحي عليه
و بالنسبة للرد انا آسفة رديت قبل ما تكمل الحكاية تاعك ما كنتش علابالي بلي راهي مريضة
على كل المرض و سوء المعاملة ليس مبررا لهذه التصرفات
و ربي يهدينا كامل آمين يا رب
​

 

[برنســ اللمة ـيسة]

تاخذ برايي خويا اوقف معاها في محنة كيما هادي مادام راك تحبها و تبغيها

 

[عتاب]

ابنى الغالى "
ان لجوؤك الى اللمة في طلب النصح شيء في حد ذاته يدل على معدن اصيل وعرق طيب ...
بالنسبة للبنت هاته لا اتحدث عن المرض لانه ابتلاء من عند الخالق اولا وثانيا ان كان مرضها هذا غير ممكن للعلاج فلا الشرع ولا العادات تلزمك بالزواج بها ......
قبل ان تتحدث عن البنت ذكرت ان لك انت مشاكلك الخاصة وهذا هو السر في تعاطفك معها لانك ترى فيها نفسك وكيف تتعامل معها .......
هاته البنت قاصر اتعلم ما معناه ؟؟ السجن باى خطا معها وحتى لو كان ابتلاء منها وادعاء هذا شيء لابد ان تفهمه اى انك تدفع ثمن خطا غيرك ...هنا وجب الحذر فهى صغيرة في العقل وكل شيء ممكن لتخلص نفسها هذا جانب
الجانب الثانى انها كثيرة التخلاط مع الذكور وهنا وجب ان تتعامل معها معاملة الاخ الكبير الناصح المهدى الى الصراط المستقيم ...............
فما تحسه ايها الاخ ليس حبا نابعا من قلبك طبعا فهو نوع من رؤيتك لذاتك ..................
نصيحتى ان تتعامل معها بحذر وفطنة وقلب طيب وحنون فكن شعرة معاوية لا ترخى ولا تشد...
وممكن ايضا ان تجد بنت طيبة اخرى خلوقة بنت عائلة ان تعرفها عليها وتحكى للبنت مشاكل هاته القاصر باذنه تعالى تكون نعم الاخت لها ..
لان البنت تفهمها البنت فقط..........فهاته القاصر حسب ما ارى محتاجة الى حنان عائلى محترم نضيف لا الى شوارع وجدت فيها غايتها والدليل تعلقها بك ليس حبا او ولها لكنها احساس بالامان المفقود ............
فاصرارها على التلاقى ورفضك اكد لها معدنك الذى افتقدته من زمان فالشباب ذئاب مفترسة لا اعمم طبعا ...............
ربما هناك حل بسيط وسهل اتعلم ماهو؟؟؟؟؟ "
ادخلها للمة وعرفها على صديقات لك من بعيد ان اردت ان لا تتعرف على اسمك طبعا ..............
عرفها على اخوات يعلمنها الكثير ............وانا واحدة منهن ساكون لها نعم الاخت ونعم السند ..............

 

[هــــيلدا]

السلام عليكم
شوف خيو انا رايحة ننصحك .........ودور في كلامي مليح تلقا بللي النص تاع اللمة راه معايا
اولا الشيرة هادي راها كذبت عليك نهار اللول وقالتلك والديها في لالمان ومنعرف هدا غير باش تجيبك.......انا منستبعدش انو تكون كذبت عليك مام في مرضها قادرة تكون مهيش مريضة اصلا هذا الا اذا انت واثق من المرض نتاعها بارسكو كاين هاد النوع من الشيرات للي يخلقو القصص المهم يكونو محور اهتمام
سورتو راهي محقورة من طرف دارهم واوضاعهم مايش مليحة c pr ca راها غير تكذب هكذا باش تكسب عطفك عليها....
وبالنسبة ليك بانتلي مراك تشتيها ماوالو غير راهي شفقة منك برك انا ولوكان جات تحكيلي هكذا راهي شفتني فمابالك انت راها معاك وحاطاتك كلش...قلب الانسان ديما حنين وعلاهاذيك انت تبالك بللي راك تشتيها مي دور مع روحك مليح تلقاها غير شفقة

وضرك نقولك انت حبيت تحوس تخليها ولا لالا
انا نقولك غير اخطاك منها اللي كذب مرة راح يكذب مرتين وراح تبقا ديما تكذب عليك غير باش تستعطفك
الطفلة هادي مزالت صغيرة وبزاف للي كان عنهم مرض مزمن عاشو وزوجو وجابو ولاد وماتو بعد الناس
مشكلها مهوش في مرضها مشكلها في شخصيتها
مالا نقولك متلوحش روحك في طريق تندم عليها ومدام بادرت هي اللولة ومحبتش ترفد عليك غير اجبد روحك
واذا قادر تعاونها بنصائح ولا تواسيها راني معاك بارسكو الموقف للي درتو تاع راجل تاع الصح ربي يخليك مي باش تحكي مع خاوتها وهدوك الحكايات غير اخطاك يجي اليوم وتندم
ويبقا كل شيء بالمكتوب............لي عودة لرؤية ما يسفر عنه النقاش
دمت بود